複疊係種修辭手法，即係指重複用字。複疊無話特定字數，一個字又得，兩個字又得，幾個字又得，成句都得。即係疊字、疊詞、疊句之類，統稱為類疊。複疊除咗類疊，仲有複辭、反複。
複疊用咗會加強語氣，強調要處，改變節奏，調節音律。
- 疊字：呢度「形形色色」乜都有。
- 疊字：個男仔手腳「白白淨」，塊面「紅卜卜」。
- 疊詞：依件事要「研究研究」一下。
- 疊句：隻醬好好味，「加多啲啦，加多啲啦」。
詩詞歌本來配曲而成。複疊成日都用，不可勝數。
- 詩《詩經·國風·周南·關雎》，起首「關關雎鳩，在河之洲。」「關關」為雀鳥之鳴，如今就講雀嗰種呱呱聲。依種重疊成二字，都係複疊。
少年不識愁滋味、愛上層樓。愛上層樓、為賦新詞強說愁。
而今識盡愁滋味、欲說還休。欲說還休、卻道天涼好個秋。
- 李清照嘅《聲聲慢·秋情》嗰句「尋尋覓覓，冷冷清清，悽悽慘慘戚戚。」亦係複疊典範。
- 原本客途秋恨起首「凉風有信、秋月無邊、虧我思嬌情緒、好比度日如年。」
- 杜喚唱《地水南音》，改成「凉風有信、秋月無邊、虧我⋯⋯虧我思⋯⋯思嬌情緒、好似度⋯⋯度日如年。」依類就為音律而成嘅複疊。
