謝妙儀
謝妙儀（英文：Anna Tse Miu-yee，1996年11月20號—）係香港民主派女政治人，註冊社會工作者，山民主義召集人，柴灣起動成員，曾經做過東區區議會興民選區議員、青年發展及社區營造工作小組主席。
| 謝妙儀 Anna Tse Miu-yee 議員 | |
|---|---|
 東區區議會議員 | |
| 任期 2020年1月1號－2021年7月11號 | |
| 前任 | 劉慶揚 |
| 繼任 | 懸空 |
| 選區 | 興民 |
| 東區區議會青年發展及社區營造工作小組主席 | |
| 任期 2020年7月6號－2021年7月11號 | |
| 副主席 | 李鳳琼 |
| 前任 | 首任 |
| 繼任 | 懸空 |
| 山民主義召集人 | |
現任 | |
| 就任日期 2016年11月27號 | |
| 前任 | 首任 |
| 個人資料 | |
| 性別 | 女 |
| 出世 | 1996年11月20號.svg){kind=small} 英屬香港 |
| 國籍 | .svg){kind=small} 英國國民（海外） 中國（香港） |
| 政黨 | 山民主義 柴灣起動 |
| 母校 | 天主教明德學校 嘉諾撒書院 香港城市大學專上學院 |
| 職業 | 政治人 社會工作者 |
| 網站 | 謝妙儀嘅facebook頁 |
政治生涯
編輯組織山民主義
編輯2016年11月，謝妙儀喺香港獨立媒體度得知領展以兩億港元將興民商場賣畀中資佛山順聯集團旗下嘅傑豐香港有限公司，商舖逐一離場，包括當時嘅牙醫診所、中醫藥舖、麵包舖、餐廳、老人院、洗衫舖、髮型屋、香燭舖、補習社，同埋連鎖經營嘅百佳、萬寧、7-11都要撤走。謝妙儀同其他興民邨居民不滿興民商場遭變賣後原有配套就咁消失，街坊日常生活將好唔方便，而嗰陣興民選區嘅親中派區議員民建聯劉慶揚又咩都唔做，於是自發成立山民主義，向更多居民宣傳商場消息[1][2]。山民主義成立後，通過擺街站、整問卷同派飯盒畀老人家等方式服務街坊，又喺漁灣選區區議員徐子見嘅幫助下，成功喺東區區議會度向政府部門提出過商場變賣帶來嘅問題，亦曾寫信去立法會申訴部[3]，甚至到七一遊行宣傳。
出席立法會公聽會
編輯2019年4月1號，謝妙儀喺立法會房屋事務委員會公聽會度發言，向公眾講返興民邨嘅狀況[4]。
2019年區議會選舉
編輯2019年，由於不滿興民選區時任親中派區議員民建聯劉慶揚表現無能，而山民主義作為地區組織亦欠缺權力同政府部門交涉，基於想為興民邨服務嘅諗法，謝妙儀決定參加2019年香港區議會選舉，喺興民選區同劉慶揚對決[5]。
包括謝妙儀在內，位於柴灣、小西灣及杏花邨（簡稱「柴小杏」）嘅民主派候選人組織選舉聯盟柴灣起動，一齊參選2019年區議會選舉，互相拉抬選情[6]，結果，柴灣起動12名候選人全部贏晒，謝妙儀以3,297票擊敗3,113票嘅劉慶揚（四年前張駿邦嘅得票係1391票，謝妙儀呢次嘅得票比四年前嘅張駿邦重要多1906票），成為興民選區成立以嚟首位民主派區議員[7][8]，同時成為東區區議會有史以來最年輕嘅女性議員，時年23歲。
處理非法聚賭時遇襲
編輯2020年3月30號夜晚，謝妙儀接到市民投訴，指有人喺興民邨民澤樓對開花槽非法聚賭，謝妙儀同助手到場後，發現有六個男人非法聚賭，於是上前𥄫下同攞手機影相，其中兩個成身酒除嘅非法聚賭男人不滿，恐嚇同襲擊謝妙儀同佢助手，甚至聲稱要謀殺同強姦謝妙儀，謝妙儀因受到恐嚇而痛哭不適，佢助手亦因受到襲擊而手部受傷，兩人被送往東區醫院治理。警方到場調查後只以涉嫌普通襲擊罪名將其中一個施襲者拘捕，而且仲釋放另一個施襲者唔追究，更無對其他非法聚賭男人有任何執法行動[9][10]。事後謝妙儀對警方同房屋署等政府部門處事手法感到極為不滿，認為係因為相關部門多年來對興民邨各種違法行為視而不見，先會導致非法聚賭等問題根深蒂固[11]。
聲援被送中十二港人
編輯2020年12月28號，12位港人喺被送中後第128日，喺深圳鹽田人民法院受審，謝妙儀喺柴灣迴旋處天橋擺街站，要求中共當局立即釋放12位港人，並呼籲市民繼續關注事件[12]。
追究房屋署監管不力
編輯自謝妙儀上任區議員以嚟，房屋署一直無視謝妙儀就興民邨同興華（一）邨關於老鼠橫行、聚賭、屋邨非吸煙範圍內吸煙、中門每日大開、凌晨屋邨內高談闊論、滲水問題被拖延、高空擲物等各種問題嘅投訴，儘管謝妙儀不斷去信房屋署要求正視相關問題，但房屋署仍然不為所動，終於搞到謝妙儀忍無可忍，親自走去房屋署總部責問相關部門，之後仲走去申訴專員公署投訴房屋署監管不力[13]。
議會問政
編輯區議會問政
編輯謝妙儀喺東區區議會2020-2021年度共加入16個委員會[14]。
- 設施管理及文康事務委員會委員
- 社會福利及安老事務委員會委員
- 交通及運輸事務委員會委員
- 食物環境及衞生事務委員會委員
- 規劃工程及房屋事務委員會委員
- 財務及審核委員會委員
- 檢視警方執法及行動特別委員會委員
- 青年發展及社區營造工作小組主席
- 地區工程及設施督導工作小組成員
- 節日慶祝及重大日子紀念活動專責小組成員
- 社區參與及宣傳工作專責小組成員
- 公共交通及道路安全工作小組成員
- 環保綠化及街道管理工作小組成員
- 海濱發展及房屋管理工作小組成員
- 撥款審核工作小組成員
- 康體藝術文化發展工作小組成員
政府突取消監警會會議
編輯
2020年3月10號，東區區議會原定舉行「檢視警方執法及行動特別委員會」第三次會議，討論多項同反送中運動相關議案，包括要求警方交代8月5號夜晚北角衝突中嘅警力問題、喺11月喺柴灣發射多次催淚彈嘅原因、喺太古城同西灣河嘅執法行動等事件。不過民政處喺會議當日朝早突然向委員會成員發出電郵，稱會議嘅職權範圍「可能涉及全港性執法事宜」同「收到高層命令」而宣布取消會議。警務處也拒絕派員出席。區議會26名民主派議員批評警權凌駕區議會職能，政府高層打壓區議會[15][16]。
民主派區議員辭職潮
編輯睇埋
編輯參考
編輯- ↑ 周頌謙 (2017年5月9號)。〈【興民起義】領展偷賣商場 21歲女生組團自救 遭人恐嚇險被爆樽〉。香港01。喺2017年5月10號搵到。
- ↑ 〈【興民起義】商場被變賣 事前零消息 關注組：要長者抬米上山？〉。香港01。2017年5月9號。喺2017年5月11號搵到。
- ↑ 謝妙儀。〈立法會CB(1)771/18-19(10)號文件〉 (PDF)。香港立法會。原先內容歸檔 (PDF)喺2019-11-02。喺2019-03-21搵到。
- ↑ 〈房屋事務委員會 (會議議程) 2019年4月1日〉。香港立法會。原先內容歸檔喺2019-11-02。喺2019-04-01搵到。
- ↑ 〈【區選前哨】興民商場遭變賣 山民主義22歲女擬參戰：真係覺得燒到埋嚟〉。香港獨立媒體。2019年4月18號。喺2020年2月26號搵到。
- ↑ 〈「柴灣起動」12人一同報名 參選柴灣小西灣全部選區 - 獨媒報導〉。《香港獨立媒體網》。2019-10-12。原先內容歸檔喺2019-12-03。
- ↑ 〈【區選結果．不斷更新】非建制奪17區控制權〉。am730。2019-11-25。原先內容歸檔喺2020-02-03。喺2020-02-26搵到。
- ↑ 〈【光復區會●港島結果】民主派3區近全勝！灣仔議席過半 張國鈞墮馬〉。蘋果日報 (香港)。2019-11-25。原先內容歸檔喺2019-12-09。喺2020-03-01搵到。
- ↑ 〈【全城禁聚】區議員謝妙儀及助手拍攝聚賭遇襲受傷 2惡男涉毆打1被捕〉。《蘋果日報》。2020-03-31。原先內容歸檔喺2020-08-11。喺2020-11-24搵到。
- ↑ 〈區議員謝妙儀拍非法聚賭遇襲送院 1男涉襲擊被捕〉。《大紀元時報》。2020-03-31。
- ↑ 謝妙儀 Tse Miu Yee。〈Facebook又玩禁聲？自動delete post？〉。原先內容歸檔喺2020-04-06。喺2020-04-02搵到。
- ↑ 謝妙儀 Tse Miu Yee (2020-12-28)。〈【請繼續關注12港人】〉。
- ↑ 謝妙儀 Tse Miu Yee。〈十分抱歉我已出盡九牛二虎之力訴說及寄電郵〉。喺2021-03-14搵到。
- ↑ 〈東區區議會議員資料謝妙儀女士〉。原先內容歸檔喺2020-11-27。喺2020-11-20搵到。
- ↑ 〈【抗暴之戰】東區DO稱「收高層命令」 突取消召開地區監警會〉。《蘋果日報》。2020-03-10。原著喺2021-03-13歸檔。喺2020-03-14搵到。
- ↑ 〈民政處突取消東區監警會 民主派批警權凌駕區議會〉。香港獨立媒體。2020-03-10。原先內容歸檔喺2020-03-11。喺2020-03-14搵到。
- ↑ 謝妙儀 Tse Miu Yee。〈初心依然〉。喺2021-07-10搵到。
出面網頁
編輯- 東區區議會議員資料謝妙儀女士Wayback Machine嘅版面存檔備份
- 謝妙儀嘅facebook頁
| 前任： 劉慶揚 |
東區區議會 興民選區區議員 2020年1月1號－2021年7月11號 |
繼任： 懸空 |
| 新頭銜 | 東區區議會 青年發展及社區營造工作小組主席 2020年7月6號－2021年7月11號 | |
| 黨職 | ||
|---|---|---|
| 新頭銜 | 山民主義召集人 2016年11月27號－ |
現任 |