領展
領展（Link Real Estate Investment Trust，港交所：00823），原名領匯（The Link REIT），係香港第一個房地產信託基金，亦係亞洲市值最大嘅。佢喺2005年由香港房屋委員會旗下大部份商場同停車場私有化而搞出嚟，不過政府就無持有任何權益。2015年8月，領展改用而家個名，準備正式進軍中國大陸市場。
事件
編輯「支持領匯上市」風波
編輯2004年發行IPO時，被盧姓婆婆入稟法院，質疑房委會出售資產，司法至終審法院，領匯以「風險」問題押後上市。盧婆婆同埋泛民人士鄭經翰、梁國雄、陳偉業、陶君行，社工張文慧等人，遭親中共派攻擊，中聯辦文匯報同大公報，重有東方日報集團。有建制派煽動市民，批評對方「阻人發達」、「亂港政棍」。
2005年1月1號，詹培忠同黃色工會工聯會發起「反政客遊行」，遊行人士惡口咒罵鄭大班等人。當時香港立法會政黨民建聯、自由黨同埋民主黨等都支持領匯上市。當領匯上市後，領展惡行盡現，瘋狂加租、迫遷遭到算賬。2007年，鄭經翰重申：「2004年12月，我講過，領匯唔應該上市」。
2016年6月，梁振英以「梁特首」身份接受《南華早報》訪問，佢話領展「只求逐利」應有「社會責任」。不過，領展高層不甘示弱，同月29號開簡報會，回應梁生抽水批評，指「歡迎政府回購」！[1]
