山民主義
山民主義（英文：Sanmanism）係香港一個民主派地區組織，2016年成立，旨在反對領展將興民商場變賣[1]。山民主義成立後，喺2019年香港區議會選舉攞到一個議席。
山民主義 Sanmanism | |
| 召集人 | 謝妙儀 |
| 創立 | 2016年11月27號 |
| 象徵顏色 | |
| 政黨口號 | 孤島般的興民邨，自己條邨自己救 |
| 立法會議席 | 0 / 70
|
| 區議會議席 | 1 / 479
|
| 政治派系 | 民主派 |
| 意識形態 | 中間偏左 |
| 政治立場 | 社會自由主義 進步主義 參與式民主 |
| 網站 | 山民主義嘅facebook頁 |
名
編輯歷史
編輯2016年11月，領展以兩億港元將興民商場賣畀中資佛山順聯集團旗下嘅傑豐香港有限公司，商舖逐一離場，包括當時嘅牙醫診所、中醫藥舖、麵包舖、餐廳、老人院、洗衫舖、髮型屋、香燭舖、補習社，同埋連鎖經營嘅百佳、萬寧、7-11都要撤走。一啲興民邨居民不滿興民商場遭變賣後原有配套就咁消失，街坊日常生活將好唔方便，而嗰陣興民選區親中派區議員民建聯劉慶揚又咩都唔做，於是自發成立山民主義，向更多居民宣傳商場消息[3][4]。山民主義成立後，通過擺街站、整問卷同派飯盒畀老人家等方式服務街坊，又喺漁灣選區區議員徐子見嘅幫助下，成功喺東區區議會度向政府部門提出過商場變賣帶來嘅問題，亦曾寫信去立法會申訴部[5]，甚至到七一遊行宣傳。2019年4月1號，山民主義社區主任謝妙儀喺立法會房屋事務委員會公聽會度發言，向公眾講返興民邨嘅狀況[6]。
2019年區議會選舉
編輯内文：2019年香港區議會選舉
2019年，由於不滿興民選區時任親中派區議員民建聯劉慶揚表現無能，而山民主義作為地區組織亦冇乜權力同政府部門交涉，基於想為興民邨服務嘅諗法，山民主義召集人謝妙儀決定參加2019年香港區議會選舉，喺興民選區同劉慶揚對決[7]。最終謝妙儀以3,297票擊敗得3,113票嘅劉慶揚，成為興民選區自1994年設立以來首位民主派區議員，同時成為東區區議會有史以來最年輕嘅女性議員，時年23歲。
民主派區議員辭職潮
編輯内文：香港民主派區議員辭職潮
區議員
編輯- 2020-23年
| 區議會 | 選區號碼 | 選區 | 議員 | 備註 |
|---|---|---|---|---|
| 東區 | ||||
| C31 | 興民 | 謝妙儀 | 2021年辭職 |
參考
編輯- ↑ 〈【興民起義】領展偷賣商場 21歲女生組團自救 遭人恐嚇險被爆樽〉。《香港01》。2017-05-09。
- ↑ 〈【興民起義】商場被變賣 事前零消息 關注組：要長者抬米上山？〉。《香港01》。2017-05-11。
- ↑ 周頌謙 (2017年5月9號)。〈【興民起義】領展偷賣商場 21歲女生組團自救 遭人恐嚇險被爆樽〉。香港01。喺2017年5月10號搵到。
- ↑ 〈【興民起義】商場被變賣 事前零消息 關注組：要長者抬米上山？〉。香港01。2017年5月9號。
- ↑ 謝妙儀。〈立法會CB(1)771/18-19(10)號文件〉 (PDF)。香港立法會。原先內容歸檔 (PDF)喺2019-11-02。喺2019-03-21搵到。
- ↑ 〈房屋事務委員會 (會議議程) 2019年4月1日〉。香港立法會。原先內容歸檔喺2019-11-02。喺2019-04-01搵到。
- ↑ 〈【區選前哨】興民商場遭變賣 山民主義22歲女擬參戰：真係覺得燒到埋嚟〉。香港獨立媒體。2019年4月18日。原先內容歸檔喺2020年4月6日。喺2020年2月26日搵到。
- ↑ 謝妙儀 Tse Miu Yee。〈初心依然〉。喺2021-07-10搵到。