譚得志

譚得志（英文：Tam Tak-chi，藝名快必，1973年 2月2號—），係香港泛民主派政治人物、電台節目主持。佢喺香港大學中文系畢業，後來喺香港中文大學崇基學院修讀神學。近年投身社會運動，對抗基督教嘅保守、親建制勢力。2013年加入人民力量，有份參與雨傘運動、2015年香港區議會選舉、2016年香港立法會選舉。現任人民力量副主席。

選舉改

選前一直聲稱要出選元朗天水圍嘅天耀選區（M28），狙擊民建聯梁志祥（人稱祥哥、猛人祥）。^[2]最後宣佈出選港島東區小西灣區（C10），狙擊工聯會王國興（人稱MC興、興哥），矢言要阻止王國興攞到立法會超級區議會議席嘅「入場券」^[3]。結果敗選。

2016年4月10號，人民力量舉行支持者大會，初步計劃由「快必」譚得志出選九龍東^[4]^[5]。譚雖獲得戴耀廷嘅雷動計劃支持，但卒之喺九龍東選區落選，得票31,815，得票率9.67%。

2019年，譚得志參選第6屆香港區議會選舉嘅觀塘廣德選區，結果輸畀民建聯柯創盛。