龍

  呢篇文講中國龍。想搵第二個意思嘅話，請睇龍 (搞清楚)。

龍lung4係中國神話傳說裏面一種神異動物，有蛇身、鱷頭、蜥腳、鷹爪、蛇尾、鹿角、魚鱗、口角有鬚、額頭下有珠嘅形象。龍亦都係十二生肖之一。

龍

有啲翻譯書，會同西洋龍（Dragon）撈亂。甚至倒轉頭將龍譒為英文Dragon，都唔正確，不過已經積非成是。龍又借去講恐龍。

基礎

龍嘅形象，到咗廿一世紀初都仲廣泛流傳。2022 年嘅不列顛百科全書係噉樣描述 dragondrek1 gan4 呢隻字嘅：

「

原版英文："Dragon, in the mythologies, legends, and folktales of various cultures, a large lizard- or serpent-like creature, .... In medieval Europe, dragons were usually depicted with wings and a barbed tail and as breathing fire." 粵文翻譯：龍，喺好多唔同文化嘅神話、傳說同埋民間故仔入面，一種大隻、好似蜥蜴或者大海蛇噉嘅生物，... 喺中世紀歐洲，龍通常畀人描繪成有翼、條尾有尖刺同埋識得噴火。

」

對比惡龍

呢幅圖畫描繪著名奇幻檯上 RPG《D&D》裏面嘅龍嘅形象；西洋龍同東方龍淨係睇樣已經有明顯差異。

睇埋：惡龍

東方嘅龍同西方嘅惡龍有以下呢啲差異：

	西洋龍	東方龍
體形	望落似大隻強壯而且有翼識飛嘅蜥蜴，啲翼通常似蝙蝠嘅翼。	好似蛇噉長形，唔完全似爬蟲類（例如會有類似鬍鬚噉嘅毛髮），識飛但通常冇翼。
角同刺	身體尖銳－有尖銳嘅牙，條尾又粗壯又好多時有尖刺，頭頂仲會有對角。	有好似鹿噉嘅角。
力量	有強大嘅魔法力量，識噴火，或者會噴第啲危險嘢（噴冰雪或者噴閃電等都有）。	零舍好水，例子可以睇吓海龍王。
居住地	會住喺一啲危險嘅地方（例如火山），好多時仲會守住笪地方收埋嘅寶藏。	住喺海底嘅宮殿（睇埋龍宮嘅概念）。
智能	會有咁上下智能，可能醒過人類好多，或者至少有好似捕食者噉嘅狡詐。	非常聰明，有時仲會教導人類。

除此之外，同東方龍明顯有異嘅係，惡龍通常都會係邪惡嘅：佢哋會由人類度偷同搶金銀珠寶，仲會喺自己竇度囤積呢啲嘢；佢哋又成日都會捉走公主，英雄要打低惡龍拯救公主... 呀噉。

睇埋

• 惡龍

拎

• Our Dragons Are Different. TV Tropes，呢個網頁當中有講到西方龍同東方龍嘅對比，仲有講埋現代奇幻作品裏面對龍嘅分類。除此之外，TV Tropes 仲有好多個講龍相關橋段嘅網頁：
  • Our Dragons Are Different / Anime & Manga，呢個網頁講日本動漫入面嘅龍形象。