臨時演員
(由閒角跳轉過嚟)
「臨記」跳轉到呢度。想搵香港組合，請睇「臨記 (香港組合)」。臨時演員（英文：Extra），又叫臨記，茄哩啡[註 1]，係演員嘅一種，僱傭合約係臨時性質，甚至係口頭合約、臨時工，都算係演藝表演工作。佢哋係喺娛樂圈冇人照、冇背景、冇人識，又想入行嘅新鮮人。
有認為臨時演員如果有天份、有潛質，又肯把握機會，都可以有朝一日成為合約演員、甚至大明星，好似吳君如、周潤發咁。
臨時演員演嘅角色包括路人甲、山賊、死屍、宮女咁，唔使開口講對白嘅。又或者扮跟班、企堂同主角、配角做對手戲，背一句半句簡單對白。臨時演員出鏡通常都唔會影到近鏡、大頭嘅。
茄哩啡做主角嘅戲
編輯1987年港產片《胭脂扣》，男主角十二少最後嘅職業就係臨時演員。
1978年有套叫茄哩啡嘅港產片，內容以臨時演員何能克（伊雷飾演）爲主[2]。
2019年有套叫茄哩啡事務所嘅日本片，內容係以加入Special Actors嘅失業演員大野和人（大澤數人飾演）爲主[3][4]。