靜岡縣

日本 > 靜岡縣

靜岡縣（静岡県、しずおかけん）係日本位於本州中部嘅一個縣，縣廳位於靜岡市。目前靜岡縣嘅知事係川勝平太。

佢係日本人口第十大縣。縣內有兩個政令指定都市濱松市同靜岡市。靜岡縣喺歷史上被分為伊豆、駿河同遠江三個令制國。

概況改

靜岡縣大致位於日本本州嘅中間，面對太平洋。東西頭尾相距 155 公里；南北兩頭相距 118 公里。總面積 7779 平方公里。

靜岡縣東西方呈長方形，沿住遠州灘、駿河灣同相模灣伸廷開去，處於約 500 公里長嘅海岸線，北面重有 3000 米高嘅山岳圍住。北部山區幾條河聚成咗富士川、大井川同天龍川等大河，縱貫縣內。

靜岡縣四季分明。除咗北部山區之外，總括嚟講係海洋性氣候，就算係冬天時喺平原地區都好少會落雪。

靜岡縣位於日本東西交通嘅交滙點，自古以嚟都係日本嘅主要交通要道。今時今日喺交通上嘅重要性有增無減，東海道新幹線、東名高速公路係日本交通嘅大動脈。

靜岡機場同第二東名高速公路起緊，今後靜岡縣嘅交通將會進一步得到發展。