維基百科

香港編年史

網站

《香港編年史》（粵拼：heung1 gong2 pin1 nin4 si2，HKChronicles）係一個伺服器架設喺海外嘅香港繁體中文資訊網站[3]，佢喺2019年7月16號反修例示威期間建立[4]，雖然個名叫「香港編年史」，但內容並唔係香港嘅編年史，而係主要記錄反修例示威爆發以嚟同示威相關人物、重大事件以及商戶政見等資料，總編輯同管理人為陳妍茵[5]。呢個網站公開咗大量警員、法官、官員同建制派市民嘅敏感個人私隱資訊[3]，包括手機號碼、具體地/住址以及身份證號碼等[6]。

香港編年史
HKChronicles
香港編年史 202101.png
網址hkchronicles.com（香港境內已被執政機關封鎖）
blockedbyhk.com[1]（香港境內已被執政機關封鎖）
goodhope.school[2]（香港境內已被執政機關封鎖）
hkleaks.info[失咗效嘅鏈][1]（站名變成「香港解密」，香港境內已被執政機關封鎖）
商用？非牟利
網站類型資訊網站
註冊唔設登入同注冊
可用語言繁體中文
現時狀態活躍中，但部分網域喺香港境內被封鎖

2021年1月，香港警方以違反國安法為由，下令互聯網供應商喺香港境內限制瀏覽呢一個網站[7]，成為香港有史以嚟第一次對互聯網實施限制嘅舉措。相反，另一個叫做香港解密相反立場嘅網站，記錄咗大批香港民主派人士、示威者同記者資料，至今依然可以正常運作，畀BBC質疑香港當局嘅做法有「雙重標準」[8]。

《香港編年史》宣稱收集咗嚟自「老豆搵仔」嘅幾個Telegram「起底」頻道嘅資料，當中包括警員、官員、親建制人士、法官嘅個人資料[3][5]。佢亦轉載咗其他反修例相關資訊，例如「『黃藍』商店名單」、警方涉濫權事件、警察車輛相關資訊[3][5]。

封鎖事件

編輯

2021年1月7號夜晚，《香港編年史》總編輯陳妍茵發出聲明[9]，指6號起接獲大量香港使用者報告話無法連接去呢個站，質疑多間互聯網服務供應商（ISP）屈服於政府要求封鎖網站。警方表示佢哋依照一貫做法唔對個別案件作評論，但係又引用港區國安法回應，指警方可以要求服務供應商對「構成危害國家安全罪行」嘅網站或者信息進行禁制[7]。根據《明報》報道，呢個係警方首次引用國安法第43條封鎖網站[10]。對此，香港寬頻表示無封鎖使用者連接至呢一個網站，惟聲明中稱用戶報告有參與封鎖嘅互聯網服務供應商包括數碼通、中國移動香港、香港寬頻網絡以及電訊盈科[9]。2021年1月14號，香港寬頻網絡回覆傳媒查詢時首次承認按港區國安法要求封鎖《香港編年史》[11][12]。保安局局長李家超喺1月20號喺立法會被問到點解警方至今仲未有解釋時，只係表示「警方已經向你哋交代」。民主派資訊科技界選委黃浩華表示今次事件屬警方首次引用《國安法》「封網」，又認為李家超作為保安局局長有責任清楚解釋國安處「封網」嘅具體界線，否則只會引起香港社會驚恐[13]。

反封鎖

編輯

2021年1月14號，《香港編年史》總編輯陳妍茵喺Telegram頻道上發表公告[1]，話成功買到新設備用網域blockedbyhk.com畀香港使用者繼續自由瀏覽，蘋果日報記者通過香港4間電訊商測試，當時成功登入[14]。

與此同時，公告亦話佢查明香港ISP以域名投毒方式封鎖該站（亦叫做中國大陸防火長城用嚟封鎖網絡嘅手段）。除咗備用網域瀏覽或者傳統嘅虛擬私人網路方式翻牆之外，公告建議使用者亦可以將私人域名系統更改為Google或者Cloudflare，或者下載AdGuard、AdBlock等廣告封鎖軟件嚟突破封鎖[1]。

睇埋

編輯

參考

編輯
  1. ↑ 1.0 1.1 1.2 1.3 陳妍茵 (2021-01-14)。〈更新公告〉 (香港中文)。香港編年史。原著喺2021-05-01歸檔。喺2021-01-14搵到。
  2. ↑ 陳妍茵 (2021-01-18)。〈網址〉 (香港中文)。香港編年史。原著喺2021-05-01歸檔。喺2021-04-29搵到。
  3. ↑ 3.0 3.1 3.2 3.3 〈【國安封網】「香港編年史」列警個人資料　私隱公署首證曾要求移除　警未交代如何「危害國安」〉。《立場新聞》。2021-01-14。原著喺2021-04-30歸檔。喺2021-01-21搵到。
  4. ↑ 陳妍茵 (2019-07-16)。〈站主的話〉 (香港中文)。香港編年史。原著喺2021-03-02歸檔。喺2021-01-20搵到。
  5. ↑ 5.0 5.1 5.2 〈警首用國安法封起底網站 IT界：做法「如大陸」 香港編年史質疑網絡商參與〉。明報。2021-01-09。原著喺2021-05-01歸檔。喺2021-01-21搵到。
  6. ↑ 陳妍茵 (2021-01-07)。〈人物資料〉 (香港中文)。香港編年史。原著喺2021-02-26歸檔。喺2021-01-08搵到。
  7. ↑ 7.0 7.1 〈扼殺港人獲取信息自由！「香港編年史」網站證實遭封鎖〉 (臺灣中文)。自由時報。2021-01-08。原著喺2021-01-25歸檔。喺2021-01-08搵到。
  8. ↑ 〈香港當局首次引用《國安法》封鎖網站引發全面審查擔憂〉。BBC News。2021-01-15。原著喺2021-03-21歸檔。喺2021-03-04搵到。
  9. ↑ 9.0 9.1 陳妍茵 (2021-01-08)。〈關於香港使用者無法連接至本站之聲明〉 (香港中文)。香港編年史。原著喺2021-01-21歸檔。喺2021-01-08搵到。
  10. ↑ 〈載警員個人資料「香港編年史」網站無法連線 消息：警方國安處首引用《港區國安法》封網〉 (香港中文)。明報。2021-01-08。原著喺2021-01-08歸檔。喺2021-01-08搵到。
  11. ↑ 〈【國安封網】香港寬頻：已按《國安法》要求　停止連線至「香港編年史」網站〉 (香港中文)。立場新聞。2021-01-14。原著喺2021-02-13歸檔。喺2021-01-14搵到。
  12. ↑ 〈香港寬頻按國安法要求　昨午起停止連線至網站「香港編年史」〉 (香港中文)。香港01。2021-01-14。喺2021-01-14搵到。
  13. ↑ 〈香港封網︱警拒解釋引國安法封「香港編年史」 李家超：警方已交代！ ｜ 蘋果日報〉。《Apple Daily 蘋果日報》 (香港中文)。原著喺2021-01-28歸檔。喺2021-01-20搵到。
  14. ↑ 〈「香港編年史」開新網址避封鎖 記者實測4網絡商可連接〉 (香港中文)。蘋果日報。2021-01-14。原著喺2021-01-21歸檔。喺2021-01-14搵到。

出面網頁

編輯
  呢篇香港編年史係關於香港嘅楔位文章，重未完成嘅。麻煩你幫手補充佢嘅內容。
由「https://zh-yue.wikipedia.org/w/index.php?title=香港編年史&oldid=1917054」收