香港表演場地

香港表演場地嚟講，香港城中表演，大型場地，大多數由香港政府包辨，當中大多歸康樂及文化事務署管。不過亦有私人場地，當中以九龍灣國際展貿中心至出名。中小型亦不計其數。過去有更多戲院，專做大戲，如今已經式微，只淨低新光戲院。

大會堂低座，長年以來做表演場地

香港體育館，大演唱會好多依度搞

神功戲喺球場、吉地，搭個戲棚就成表演場地

政府場地，好似香港大會堂、香港文化中心、香港體育館、伊利沙伯體育館同埋油麻地戲院咁，就歸為全港大型場地。而次大型嘅，好似沙田大會堂、荃灣大會堂、屯門大會堂、葵青劇院、元朗劇院、高山劇場咁，就算做社區演藝場地。而同類再細啲有西灣河文娛中心、上環文娛中心、牛池灣文娛中心、大埔文娛中心同埋北區大會堂。場地設備齊全。

有啲大型表演，有夠多人睇，會喺政府大球場，又或者搵笪大爛地。西九龍文化區，有再新啲，好似戲曲中心咁。

香港浸會大學有大學會堂，做咗好多年表演場地。

各地社區會堂、學校等，都可睇成表演場地，只係設備無咁齊全。有啲公園都有露天劇場，都可以用來表演。

地方傳統做神功戲，以求合境平安，會喺就近搵笪吉地做，唔少亦會喺波地。