𨳍
𨳍（粵拼：cat6）[註 1]係粵語粗口五字之一[1]，正寫同原意皆未查明，眾説紛紜。坊間普遍認為佢代表男人下陰嘅全部或者部分，不過佢多數嘅口語用法同性無關。
其他方言
編輯喺部分南番順方言同埋絕大部份西部粵語，𨳍多為圓脣音，而唔同於「七」音；喺區分舌尖、舌面音嘅方言入便讀舌尖音，唔同於「出」音：
流行意思
編輯黃霑本《不文集》寫道：「七是大而軟的，故稱大而無當，不靈不活者曰笨七。[註 2][2]」家陣好多人視呢句嘢為「𨳍」嘅標準釋義，經常引用佢。
政治諷刺現各種政治宣傳上出名例子有三條「7」戲稱林鄭月娥，有人鬧林鄭佢「柒婆」。carousell有售滙豐靚號銀紙，稱號碼疑似鬧林鄭係「GD」（走狗、死）同埋「76（柒碌、on9）」[3][4]
本字考究
編輯個別理論
編輯𡴶／𫵱：彭志銘指其意思為膥袋；個字收錄於馬奕猷戥Theodore F. Wempe嘅《The Student's Cantonese-English Dictionary》[5]、馮田獵嘅《粵語同音字典》同李卓敏嘅《李氏中文字典》[6]。
勢：詹憲慈喺《廣州語本字》話可以指男陰嘅呢個字，經過音轉就得出而家用緊嘅版本。
蔡：黃氏嘅《粵語古趣談三編》推敲，「蔡」可以解「龜」，「龜」又可以表示「陰莖」，因而「蔡」都有「陽具」呢個解法，經音轉得出家陣嘅音。
七／柒：曾焯文認為，據《周易》，數目「七」（同「九」）都係陽物象徵，加上音轉，就形成而家興嗰個音咯[7]。至於「柒」，係「七」嘅大寫。
赤／出／cheat：「赤佬」喺吳語當中經常用嚟鬧人，而「赤」嘅呢種用法唔知點樣傳咗入去粵語道[8]，發音轉變唔大……張濟和推斷「赤」係當中嘅本字[9]，李碧華相信其正寫乃「出」[10]，朱大可認為佢係（英文）「cheat」嘅擬音字[11]。
綜合而言
編輯「𨳍」嘅本字可能指膥袋同㞗之一或者兩樣加埋，又話唔定根本同陰部無關；以上理論，通通錯澌或者多過一套啱，都有可能；有唔同意思嘅兩個甚至更多本字，隨着時間流逝，逐漸俾人撈亂當係一樣都唔出奇。不過無論點樣，自命有教養嘅人，都會對呢類字棹忌，唔畀佢哋登大雅之堂，偏偏所謂市井之徒會慣咗成日求其公開咁講，而且多數用作粗口[12]。於是，長年冇有識之士為呢啲學問著書立説，普羅大眾又懶得深究噉人云亦云，此消彼長之下，到而家可以表達出嚟嘅意思已經變得含糊不清，更係難以考究[13]。
俗字考究
編輯背景介紹
編輯每當想排解有音冇字嘅煩惱，唔理文人定係市井，無論嚴謹查證、穿鑿附會定係求其創作，都會有所依據[14]。
逐個分析
編輯𨳍：此乃近代新造嘅形聲字。呢個字以「門」表形（坊間假設其本字解男子陰。），以「七」表聲（呢個字簡單兼近音。）……其創作原理同其餘四個所謂廣東話粗口字之流行寫法嘅一致。[15]
杘：此乃個別人士憑空杜撰出來穿鑿附會嘅「僞正字」[16]。形——其餘四個所謂廣東話粗口字之大致公認正寫均同佢一樣有「尸」呢個部件。但查證後證明佢唔係「尸」部首，只係「木」部、「尸」聲嘅形聲字。[17]音——孔仲南著嘅《廣東俗語考》寫「杘—音七。[18]」，聲稱發音似乎接近。但有考證指出審音有誤[19]。義——坊間及學界多數假設其本字解男子陰，然而佢哋喺古籍之中耖唔到佐證，唯有作出五花八門嘅揣測……字書寫「杘」解「絡絲車的搖把。」而「墨杘」解「猶豫不前或狡猾無賴。」[20]，冇性嘅意思兼唔算粗俗；彭家發話「杘」解男子陰，不過唔提及何以見得。
「𨳍」字用法
編輯- 名詞，陰莖嘅意思，量詞係「碌」。例子：
- 碌𨳍六七吋，隊到好𡳞遠。（碌嘢長達六七吋，延伸到好遠嘅地方。）
- 形容詞，形容過咗時、好難睇、笨拙嘅形象，又可以指明形容思想，係好鮮明嘅形容用字。例子：
- 條友好𨳍（嗰個人嘅外表好過時、難睇、笨拙。）
- 條友啲思想好𨳍（嗰個人嘅思想好過時、笨拙。）
- 𨳍頭𨳍腦（笨笨拙拙，傻更更嘅。）
- 𨳍咗！（蠢咗。多數用喺發現自己做咗一件蠢事嘅自嘆。）
- 𨳍頭皮！（陰莖放喺頭皮上。）
- 玩乜𨳍嘢呀？（「玩夠未呀！？」；有就嚟發難嘅意味。）
- 邊𨳍個呀？（「究竟邊個呀？」；同上。）
- 搞乜𨳍呀？（「究竟喺度做乜呀？」；有嫌人阻掟嘅意味。）
- 點𨳍知！（「我點會知道？」；有真係唔知，要人唔好再問嘅意味。）
助詞例
編輯打𨳍佢！ 將佢打到變成好難睇嘅樣！
- 其實都係將嗰個人打到好慘嘅詞語，但係如果呢度換咗個「㞗」字，意義層面上就會有少少唔同。箇中嘅學問係於：「前者有着重於得出嚟嘅結果，要打到佢變晒型咁先至肯收手；而後者呢就着重於個過程，總之狠狠咁打佢一餐，令到佢知痛嗌晒救命咁就可以。」由此可見，唔係每個詞語都可以將助語粗口字求其替換使用（可以參照「㞗」字嘅《「㞗」字作助詞用嘅其它例子》）。
形容詞例
編輯貌似北京狗，𨳍到冇人有。 市井創作俗句之一，即係話：樣貌好似隻北京狗噉，難睇笨拙到冇人比得上。
注：𨳍到冇人有，可以用𨳍到冇朋友 代替（難睇笨拙到識唔到朋友或者由有朋友變成冇朋友）
文法
編輯「𨳍」同「㞗」用法相同，但係根據已故才子黃霑著作《不文集》描述，「𨳍」同「㞗」嘅分別係──「㞗」勃起係硬嘅，而「𨳍」勃起但就係軟嘅。所謂「戇㞗」同埋「笨𨳍」，平時兩個詞語同樣都係形容人愚鈍癡呆嘅，但係實際層次上亦有唔同：前者係指條嘢好易衝動咁胡亂勃起，後者就係連勃起都冇力嘅樣；所謂唔應該硬而硬嘅係「戇㞗」，應該硬但係唔硬嘅就係「笨𨳍」。總括嚟講，「𨳍」係形容呆笨愚鈍嘅粗口專用字。
「𨳍」字係使用率最少嘅廣東粗口字。佢雖然可以作為語氣助詞，一樣係夾雜喺句子裏面，但係好多時讀起上嚟都唔係幾順口。「𨳍」字除咗用嚟做形容詞之外，應用嘅範圍其實唔係多，所以多數俾人用嚟創作一啲市井嘅句子或者俗語。
常見單獨字句應用
編輯𨳍頭／𨳍碌 指外表過時、難睇、笨吓笨吓嘅人，亦可單單指髮型。
𨳍頭皮 同樣係對人用嘅詞語，多數指男性，但係侮辱力唔係太強，亦冇一定嘅意思；多數用嚟作為同比較熟朋友嘅玩笑式稱呼。例如：「喂𨳍頭皮，今晚落老蘭蒲預埋你呀！」（喂衰嘢，今晚去蘭桂坊飲酒消遣預埋你嗰份呀！）
笨𨳍／𨳍咕碌 形容超級笨拙嘅人；「笨𨳍」有時讀／寫歪成笨實避諱。
𨳍棘 原本係指龜頭同陰莖之間交接嘅凹陷地方，但係呢個詞語就多數用嚟形容超等笨拙嘅人。因為「𨳍棘」呢個位置多數俾包皮遮掩，於是亦可以引申形容嗰啲行為鬼崇古惑，出爾反爾嘅人。
𨳍下𨳍下 同「㞗下㞗下」同埋「烚下烚下」同樣係指人呆鈍，但係爆得粗口嘅話，啲人多數會用「𨳍下𨳍下」。
切𨳍 將㞗切咗去。
𨳍是我碌強 市井創作俗句之一，男性用嚟自誇嘅句子，意思係㞗之中我係最強嘅。
𡳞到用時方恨𨳍 市井創作俗句之一，意思係話到咗要用㞗嚟做愛嘅時候，先至悔恨自己平時冇乜鍛練，搞到而家抬唔起頭。
切𨳍煲湯派街坊 市井創作俗句之一，用嚟鬧嗰啲冇咩用嘅人。例句：你都係冇𡳞用㗎啦，不如切𨳍煲湯派街坊好過啦！（睇你做乜都唔掂咁冇鬼用，不如將㞗切出嚟煲湯，然後分畀啲左鄰右里好過啦。）
𨳍𡳞懵懵食甜筒 市井創作俗句之一，形容好似舔著雪糕咁呆呆鈍鈍嘅人。
吮𨳍 同「含𡳞」一樣，指口交。
註
編輯攷
編輯- ↑ 田家溥 (2017-01-01)。〈從港產片中「港式粗口」的使用看港人的文化身份建構〉。《文化研究@嶺南》。56。原著喺2021-06-24歸檔。喺2021-06-22搵到。
- ↑ 黃霑. (1996)。《不文集》。王司馬 (第59版)。香港：博益出版集團有限公司。ISBN 962-17-4618-3。OCLC 122729839。
- ↑ 滙豐 HSBC 靚號 GD476777 伍佰蚊 新鈔 獨一！無二！ 粗口 7婆 Good Dog Go Die 476 777 carousell
- ↑ 林鄭到那打素探受傷警員 大埔街坊怒斥「林鄭柒婆點解要置香港人於死地！」 眾新聞 2019-07-15
- ↑ 本土新聞 (2016-02-09)。〈曾焯文《粵辭正典》之警察打柒你〉。《本土新聞》 (香港中文)。原著喺2021-06-29歸檔。喺2021-06-08搵到。
- ↑ 彭志銘 (2007)。《小狗懶擦鞋 : 香港粗口文化研究》。香港：次文化有限公司。ISBN 978-962-992-161-3。OCLC 179440215。
- ↑ 曾焯文。〈柒柒柒之陽具象徵〉。《立場新聞》 (香港中文)。原著喺2021-06-08歸檔。喺2021-06-08搵到。
- ↑ 彭家發 (2019-06-24)。〈粗口字不一定是爛口〉。《灼見名家》 (繁體中文)。喺2022-09-09搵到。
- ↑ 强济和 (2008-06-30)。〈"赤佬"由来（挖土记）〉。歸檔時間2008-06-30。喺2022-09-09搵到。
{{cite web}}: CS1 maint: bot: original URL status unknown (link) - ↑ 〈「赤佬」和「小赤佬」 - 李碧華 | 蘋果日報•聞庫〉。《聞庫》。2015-11-11。喺2022-09-09搵到。
- ↑ 朱大可 (2013-06-17)。〈上海俚语的殖民地起源〉。《财新博客-新世纪的常识传播者》。财新网。歸檔時間2013-06-17。喺2022-09-09搵到。
{{cite web}}: CS1 maint: bot: original URL status unknown (link) - ↑ 彭家發 (2008-10-24)。〈通俗語是社會的探射燈〉。《卓越新聞電子報》 (臺灣中文)。卓越新聞獎基金會。喺2022-09-09搵到。
- ↑ 潘渝霈 (2018-12-03)。〈100年前台灣人都罵什麼髒話？絕對不只「Ｘ你娘」，一口氣譙完，日本人都嚇傻-風傳媒〉 (臺灣中文)。喺2022-09-09搵到。
- ↑ 〈《點解講粗口？》補遺 | 陳凱文 | 獨立媒體〉。web.archive.org。2022-02-22。歸檔時間2022-02-22。喺2022-09-11搵到。
{{cite web}}: CS1 maint: bot: original URL status unknown (link) - ↑ 〈當這個璀燦城市粗口到此〉。《公民行動影音紀錄資料庫》。2020-05-21。喺2022-09-11搵到。
- ↑ 〈造字:常用香港外字表 [刻石錄]〉。founder.acgvlyric.org。喺2022-09-13搵到。
- ↑ 〈造字:常用香港外字表 [刻石錄]〉。founder.acgvlyric.org。喺2022-09-13搵到。
- ↑ 孔仲南 (1933)。〈廣東俗語考〉 (第1版)。廣州：南方扶輪社。
- ↑ 〈正字不正確：彭志銘《正字審查》〉 (臺灣中文)。2017-02-07。喺2022-09-13搵到。
- ↑ 〈漢字「杘」：基本資料〉。chardb.iis.sinica.edu.tw。原著喺2021-08-26歸檔。喺2022-09-12搵到。