鯉魚門

香港嘅海門
(由Li-yee-mun跳轉過嚟)

座標: 22°17′2.5″N 114°14′18.9″E / 22.284028°N 114.238583°E / 22.284028; 114.238583

鯉魚門粵拼lei5 jyu4 mun4;英譯Lei Yue MunLyemunLye Moon PassageLy-ee-moon PassageLi-yee-mun)係香港海門,係維多利亞港九龍灣東面出口,向東通出去大東門佛堂門南海。鯉魚門隔開香港島東部同九龍半島東部。

柏架山山頂俯瞰鯉魚門一帶

鯉魚門海道本身,佢兩岸嘅地都叫鯉魚門。

編輯

 
明《粵大記》內,地圖上嘅「鯉魚門」

顧名思義,同鯉魚有關。

海道 編輯

鯉魚門係海門,水道較窄,兩面通海,洋面較闊。東面係將軍澳洋面,而西面係九龍灣洋面。英人到港初期,叫中環附近水域爲維多利亞港,之後港向伸到鯉魚門,所以家下係維多利亞港東界,係出入港嘅大門。

香港島 編輯

香港島鯉魚門,行政上屬東區,佢西面係筲箕灣阿公岩,東面係杏花邨柴灣。呢度曾經係香港海防要塞。喺第二次世界大戰嗰陣,香港保衞戰裏面,日軍曾經猛烈攻擊鯉魚門。要塞設施,後尾改做香港海防博物館,而原本嘅鯉魚門軍營,大部分就改做鯉魚門公園及度假村

九龍 編輯

 
三家村一帶嘅村落

九龍鯉魚門,行政上歸觀塘區,喺油塘三家村東南一帶。有時唔單止指海門岸邊,行政上,重會包埋三家村到調景嶺一帶,按時代唔同而變。鯉魚門以漁港出名,遊客來食海鮮,同香港仔咁出名。唔少外國遊客都會嚟試吓香港海鮮小菜。呢度一共有四條村,分別係嶺南新村三家村鯉魚門村馬環村。旅客嚟到鯉魚門,除咗品嚐美味海鮮外,亦可以沿著大路去燈塔同鯉魚門天后廟呢啲歷史建築物遊覽,重可以近距離欣賞維多利亞港景色。

編輯

鯉魚門村,有超過百五年歷史。舊時,村民大部分耕田、打魚同採石。到咗1960年代,鯉魚門開始有酒家,慢慢變成為海鮮酒家集中地。

1992年,鯉魚門海鮮舖,首次舉辦鯉魚門海鮮節,推廣地道美食。時至今日,海鮮節已成為鯉魚門一年一度嘅盛事,喺呢個節日,唔單只有中國戲曲舞獅表演,鯉魚門酒家亦有宣傳活動。

鯉魚門眾多海鮮酒家之中,除咗有加入新派海鮮食肆之外,重有老字號嘅海鮮酒家,人客可以去魚檔買海鮮到酒家煮。

行政分區 編輯

九龍方面,鯉魚門亦當係行政分區,地域有好大轉變。

香港開埠初期到1980年代初,因為將軍澳填海,行政上鯉魚門版圖,比而家大,當中包括今日嘅調景嶺地區。

從九龍三家村海邊所見嘅鯉魚門海域,左面係馬環村,右面嘅小山係香港海防博物館

出名地點 編輯

香港島方面:

九龍方面:

交通 編輯

主要交通幹道(九龍) 編輯

主要交通幹道(新界) 編輯

公共交通 編輯

香港島方面:

九龍方面:

參考 編輯

睇埋 編輯