刀劍

刀劍係一類武器，刀同劍合稱，長過刀仔，長過匕首，曲又得，直又得，單刃又得，雙刃又得。呢度就西洋而言，相對於英文sword，刀劍不分，呢度就用刀劍稱呼。然刀劍定義，亦因時因地而變。唐人就分刀劍，刀單刃，劍雙刃，長又得，短又得。日本好早就無咗劍，所謂劍道實情刀來。

唐人長刀

瑞士長劍

就用法來講，可以分成劈斬同刺。刺通常直刃端尖。劈斬就曲一啲，以利刃切割，單刃雙刃都有。然而好多亦兩者兼備，劈又得，刺又得。

第二次世界大戰，銃代替咗刀劍，現今刀劍只作為競技、表演、儀式之用。

西洋

西洋刀劍出自青銅時代，由匕首變出來，現有樣本早到前1600年。鐵器時代時刀劍仍短，無鍔。直到羅馬帝國後期，就見到歐洲中世雛形。

歐洲後尾因應刺同劈分出兩形，刺有刺劍同細劍，劈斬就有軍刀。