Wikipedia:城市論壇 (政策)/歸檔/2017年12月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2018年1月9號 (二) 14:27 (UTC)做嘅。

建議更新即刻刪除嘅標準

睇埋：WP:VPT § Twinkle_.E5.B9.BE.E6.99.82.E5.85.88.E5.8F.AF.E4.BB.A5.E6.9B.B4.E6.96.B0.EF.BC.9F

我發現TwinkleN年冇更新，但更新之後CSD都要一齊改去配合。可以參考中文維基百科--Hello903hello (傾偈) 2017年7月15號 (六) 09:10 (UTC)

有關正文政策

正文政策響某啲wiki，例如英文維基百科同埋中文維基百科都有分FA(Featured Articles)同GA(Good Articles)。當中FA嘅要求高過GA好多。我希望粵文維基百科可以分開，一個高啲標準，另一個低啲，鼓勵維基友改善而家大量質素唔高嘅文。達到GA之後，先「挑戰」FA，因爲成功寫到篇正文應該好有滿足感。--Hello903hello (傾偈) 2017年9月5號 (二) 07:00 (UTC)

Good Articles (GA) 喺呢度係叫做『好文』。有關好文嘅細節似乎未有好詳細嘅討論，到時可以再傾吓。 Shinjiman ⇔ ♨ 2017年9月5號 (二) 14:12 (UTC)

其實「好文」政策已經傾咗好多年，但都未有實施。另外，講開正文，其實正文檢討系統係咪重work緊？昏君 上朝 2017年9月5號 (二) 14:50 (UTC)

家陣嘅問題係，好似正文咁講，用家嘅意見有好重嘅份量，好多人亦唔係有好多意見（comments），搞到提名咗，冇人理。「好文」係好，不過，大家都係冇乜意見嘅話，都係搵嚟搞。--WikiCantona (傾偈) 2017年9月5號 (二) 22:38 (UTC)

係，我覺得粵文維基百科嘅規模未大到需要喺「正文」(FA)之下再加多一層「好文」(GA)。英文維基百科除咗正文之外，其實仲有「正表」同埋「正圖」，呢啲都無「好」級嘅對等項目。翹仔 (傾偈) 2017年9月24號 (日) 15:13 (UTC)

粵譯維基數據關鍵字

請問大家會點譯以下幾個維基數據關鍵字？

• Item
  • 項?
• Property
  • 性質、特性？
• Qualifier
  • 修飾子? 修飾部份？修改資格？資格？
• Constraint
  • 限制?

前文後理：睇下維基數據最新嘅限制系統 --翹仔 (傾偈) 2017年9月22號 (五) 09:33 (UTC)

我嘅意見用斜體字。--WikiCantona (傾偈) 2017年9月24號 (日) 23:06 (UTC)

@WikiCantona： 「性質」幾正，「資格」好似唔係幾啱。定係按返字面解反正好啱？ 例如： Item: 香港 > Property (性質): 人口: 718萬 > Qualifier (「資格」？): 時間點： 2013年 --翹仔 (傾偈) 2017年10月5號 (四) 12:14 (UTC)

編輯摘要唔用粵語應唔應該封？

最緊有某位用戶因為被指控「編輯摘要用普通話寫」而被某位管理員封徂31個鐘。但係據我所知，爾位管理員自己都經常用英文寫編輯摘要，而且用英文多過用粵語。宜家想請各位發表下睇法：編輯摘要（唔係文章本身）唔用粵語寫應唔應該封？如果應該嘅話應該封幾耐？唔應該嘅話又點解唔應該？多謝先。【粵語文學大使殘陽孤侠】 2017年10月6號 (五) 12:55 (UTC)

我想知實例。我個人覺得，淨係「編輯摘要用普通話」唔係封人嘅足夠理由，正如 Cedric 講，好多編輯都鍾意喺摘要道用英文簡寫，無乜理由完全唔畀用普通話摘要。翹仔 (傾偈) 2017年10月18號 (三) 10:25 (UTC)

實例喺道（請睇10月1號嗰次）。【粵語文學大使殘陽孤侠】 2017年10月18號 (三) 17:59 (UTC)

User:特克斯特將幾多中維嘅文抄過嚟，係咁意將啲文改兩隻字，加個牌話唔係粵文就算，勸過佢，大部份人都知。之後又用北方話編輯摘要，我警告咗佢，佢再用，加埋佢啲態度，封佢有乜唔妥？！--WikiCantona (傾偈) 2017年10月19號 (四) 02:25 (UTC)

封人只係治標，建議加過濾器先至會治本嘅方法。 Shinjiman ⇔ ♨ 2017年10月19號 (四) 04:09 (UTC)

WikiCantona 七月提點特克斯特嗰時有講「你再做就當你搞破壞，封你」，語氣可以斟酌，但意思好清晰。之後，特克斯特大返佢轉頭話「好啊，封我！」，呢下特克斯特又真係唔抵幫。到10月1號 WikiCantona 封特克斯特嗰時，WikiCantona 喺封人原因道亦有講「之前警告過」。特克斯特係常客，所以我同意我哋對佢要有返咁上下要求。翹仔 (傾偈) 2017年10月19號 (四) 11:18 (UTC)

原來如此，恁嘅話我都決定唔幫佢。不過我重係驚開徂個唔係咁好嘅先例。【粵語文學大使殘陽孤侠】 2017年10月19號 (四) 15:40 (UTC)

我成日喺好多唔同語言維基上面改嘢（主要係改File Link、數字、連結之類）都唔會用翻嗰個維基本身嘅語言嚟到寫摘要（有時要改正某啲錯誤唔一定要識寫嗰種語言先改到），我覺得喺編輯摘要方面應該唔係咩大問題。（如果話個用戶成日搬啲唔係廣東話嘅內容過嚟，咁封禁既理由我覺得就應該寫明係因為個用戶成日咁樣做先封佢，而唔係話因為編輯摘要而去封）C933103 (傾偈) 2017年11月22號 (三) 08:06 (UTC)

唐字標題係咪應該唔好用Template:italic title？

Italic（斜體）一路都係拉丁字母嘅習慣，唐字從來無斜體。見到那些年，我們一起追的女孩個斜體標題，當堂打咗個突。我唔反對全字母名嘅作品用Template:italic title整標題斜體，但唐字都「東施效顰」嘅話，我唔係幾接受到。--Kowlooner (傾偈) 2017年10月29號 (日) 12:58 (UTC)

我就對呢樣嘢幾開放，你諗吓𡃓：卡西尼-惠更斯號、愛·回家、無聲火2.0‎、太平輪：亂世浮生、克盧恩 / 朗格爾-聖埃利亞斯 / 冰河灣 / 塔臣施尼-阿爾塞克、J. R. 史密夫都得，斜體唔係乜問題，遲啲就、乜＠乜乜、乜乜駅、蛇仔號 ~、大於號 ＞、感歎號 ！，都會ok...--WikiCantona (傾偈) 2017年10月30號 (一) 03:36 (UTC)

多少少嘢要講，書名、戲名...用斜體係英文嘅習慣，中文的確有人咁用。之不過，將全部嘅書名、戲名...都變晒做斜體，我有保留，如果@Kowlooner：改返做直體，我會支持，因為之前愛·回家、無聲火2.0‎、太平輪：亂世浮生多係套嘢嘅原本寫法（宣傳），「那些年，我們一起追的女孩」本身個名係冇用呢個做法。--WikiCantona (傾偈) 2017年11月7號 (二) 22:32 (UTC)

我覺得作品名標題用唔用得斜體格式完全係粵維嘅內部政策。就算假設電影海報個作品名用咗斜體，都唔代表呢度嘅標題都要跟用斜體。--Kowlooner (傾偈) 2017年11月12號 (日) 12:30 (UTC)

我個人反對用斜體。因為我由細到大用開嘅都係書名號而唔係斜體，因為我手寫多過打字，而正體同斜體喺手寫文稿裏面根本分唔清。用引號我同樣反對，因為書名號同引號嘅作用應該分清：書名號用來括住書名、電影名、電視劇名等等（例如《太平輪：亂世浮生》、《愛·回家》⋯⋯）；引號用來括住對白同引文等等（例如「你阿媽大減價益你阿爸！」）。【粵語文學大使殘陽孤侠】 2017年11月19號 (日) 18:49 (UTC)

有人似乎當咗呢度係相片儲存庫

記得之前傾過，維基同享都開咗好多年，自由版權嘅相無理由再放上嚟。但留意到上載日誌，User:Pang Ka Kit近排又上載一堆自由版權嘅相上嚟，兼且係無響任何一篇文用過。呢度唔係相片儲存庫，應該只係得非自由版權（維基同享唔收）而又需要響呢度嘅文「合理使用」，先至有需要放上嚟。如果大家唔反對，我遲啲會將Special:未用檔案入面所有圖（而家有79幅）一次過報上Wikipedia:刪文討論度提刪。--Kowlooner (傾偈) 2017年11月12號 (日) 12:27 (UTC)

我發現Special:未用檔案入面好多都有版權問題，所以用「即刻刪除」程序提刪咗一批先。響主要語言版本，呢啲檢查檔案版權問題嘅工作都會有機械人做，但呢度就惟有搵人做「人肉機械人」。--Kowlooner (傾偈) 2017年11月19號 (日) 13:53 (UTC)

建議修改Wikipedia:即刻刪除嘅標準

Wikipedia:即刻刪除嘅標準入面，「無根據」一項畀IP友濫用同曲解，將明顯無問題嘅文掛即刪模（案例1、案例2），最過份嘅係，幾日以嚟都完全無人提出異議。

我睇返en:Wikipedia:Criteria for speedy deletion，「無根據」並唔係即刪嘅理由。就算真係有人亂寫嘢，「搞搞震」呢個理由已經夠治罪。如果大家兩個禮拜內無異議，我就郁手刪走「無根據」呢個標準。--Kowlooner (傾偈) 2017年12月24號 (日) 12:38 (UTC)

絕對同意。我最鄙視呢啲IP黨亂咁提刪啦。--PQ77wd (傾偈) 2017年12月24號 (日) 13:28 (UTC)

唔使講得咁絕，有時IP黨提嘅嘢唔一定係衰嘢。事實上「Wikipedia:即刻刪除嘅標準」入面提到嘅文章即刻刪除標準，有幾點又真係太過嚴：內容唔係廣東話嘅係都係掛{{notCantonese}}先，除非係第二度搬字過紙冇改過；無根據嘅就先掛{{Unreferenced}}；另外據英維對notability嘅指引，「出名」可以係一個原因，但唔代表淨係睇呢樣嘢。SC96 (傾偈) 2017年12月25號 (一) 13:36 (UTC)