云母

云母（粵拼：wan4 mou5；中古漢語拼音：yon）係中古漢語聲母，屬喉音，係次濁聲母。佢喺後世三十六字母中，同切韻嘅以母合併成喻母，但佢同以母嘅區別係，云母嘅韻母都係三等韻，所以云母又叫喻三（jyu6 saam1）。

擬音

通常擬音會將云母擬成零聲母，由於喻三歸匣，喺擬早期中古漢語時，有啲學家將佢擬成匣母/ɦi/。

喺上古音研究，有個定論叫喻三歸匣，亦即云母係分化自匣母嘅，由於佢處於三等韻嘅介音，令介音獲得顯性地位，而深喉濁擦嘅匣母變成隱性地位，令佢嘅聲母丟失，變成零聲母。

云母喺標準粵語多數變成零聲母，剩係有「熊、雄」呢兩隻字讀h，「乎」讀f，呢個反映咗佢嘅上古痕跡。喺聲調上，云母派陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅零聲母來自於喻（云、以）、影、匣（齊撮合三呼）、疑（齊撮合三呼）、溪、日六母。

吳語同粵語一樣，維持喺零聲母。

普通話同粵語一樣，維持喺零聲母。少數字，如「彙」讀h，「熊、雄」讀x，「榮、嶸」讀r。

無論吳音漢音，都讀あ行。