等呼

中古漢語概念
(由四等跳轉過嚟)

等呼粵拼dang2 fu1)係中國傳統音韻學嘅術語。等呼嘅原始定義係韻圖嘅等,喺等韻圖,喺一幅圖中按照四聲分成四格,再喺呢四格內每格打豎分四行,呢四行就代表四個等呼。由上到下分別係一等、二等、三等、四等嘅呼。呢個等叫做韻圖等。

因爲韻圖出現遲過反切,後來啲人研究反切,得出反切等,即係聲韻嘅搭配關係。一個韻母屬於某個等,而聲母就會同特定嘅等相拼。喺中古漢語拼音,三等韻用i、y表示介音或者主元音,二等韻用r表示介音,其餘都係一、四等,其中四等嘅主元音都係e。

下面係聲母同反切等嘅搭配關係。

  • 幫組():一、二、三、四,冇開合之分。
  • 端組():一、四。同知組互補。
  • 知組():二、三。同端組互補。
  • 來母(註:泥娘母嘅變化實際同來母同步):一、二、三、四。
  • 精組:():一、三、四。另外邪母只拼三等。
  • 莊組:():二、三。另外俟母只拼三等。
  • 章組:():三。
  • 喉牙:():一、二、三、四。另外群、云、以只拼三等,匣母唔拼得三等。

韻圖擺法 編輯

喺等韻圖上擺嘅字,可以噉樣歸納:

  1. 一等、二等係洪音,無介音-i-;三等同四等係細音,有介音-i-。
  2. 喺洪音,聲母上同精組、端組結合,呢個係一等,聲母上同莊組、知組結合,呢個係二等。
  3. 細音嘅原則噉樣記:
    1. 因爲重紐,分成咗三、四等,三等係弱介音,四等係強介音。
    2. 喺舌音,舌頭(端組)配四等,舌上(知組)配三等。
    3. 喺齒音,齒頭(精組)配四等,正齒嘅章組配三等,莊組配二等。但實質上,佢噉樣擺係爲咗顯示聲母嘅特點,所以有啲莊組字實質係三等,稱爲假二等真三等,有啲精組字實質係三等,稱爲假四等真三等
    4. 喻母分爲云母同以母,喺圖上云母擺三等,以母擺四等。實質以母亦係假四真三。
    5. 幽韻配四等。

就似上面講嘅,決定等位嘅係聲母、介音、主元音嘅複雜關係。唔清楚點解等韻圖嘅作者會噉樣分四等,而家認爲喺作十六攝分開合嘅圖時,作等韻圖嘅人嘅音韻體系係分四等嘅,可以用一隻字收曬對應嘅所有音[1]

現代用法 編輯

喺現代中古音研究,等韻圖上一等嘅叫一等韻,二等嘅叫二等韻。十六攝中同一攝、同一開合嘅一等韻有多個時,噉就叫一等重韻。同樣有多個二等韻時叫二等重韻。

喺《切韻》屬洪音而喺等韻圖屬四等嘅韻,一般認爲呢啲韻到韻圖時代就由洪音變成咗細音。呢樣稱呼做洪音四等韻,又叫假四等韻。

至於重紐,三等嘅叫重紐三等,四等嘅叫重紐四等。

正齒音嘅各字母同喻母喺《切韻》分別出兩種唔同嘅音素,呢樣稱呼做「正齒三等、正齒四等」「喻母三等、喻母四等」。

到四呼嘅轉變 編輯

之後嘅音韻變化唔再分四等,摸索出開合各二等嘅模式。明代嘅《字彙》附嘅韻圖《韻法直圖》設新嘅呼,使用咗十呼,同樣《字彙》附錄嘅李世澤嘅《韻法橫圖》整理出五呼:開口呼、齊齒呼、合口呼、撮口呼、混呼。然後,清代潘耒中文潘耒嘅《類音》開始分類爲四呼:開口呼、齊齒呼、合口呼、撮口呼,畀而家嘅漢語學使用。

編輯

  1. 遠藤光曉 (2001年). 煌文書P2012温韻学残巻ついて. 中國音韻學論集. 白帝社. p. 151. ISBN 4891744251.

睇埋 編輯