開主選單
將軍澳綫
Tseung Kwan O Line
將軍澳綫調景嶺站

將軍澳綫調景嶺站

Tseung Kwan O Line.svg
8
簡稱 TKL
類別 重型鐵路系統
長度 12.3公里
地區 東區觀塘西貢
通車日期 2002年8月18號
電化模式 1500伏特直流電
軌距 1432毫米
雙線區間 全綫
閉塞方式 車內訊號閉塞式(ATP
營運最高速度 每小時80公里
用車 都城嘉慕電動列車(M-Train)
Rotem電動列車(K-Stock)

將軍澳綫港鐵營運嘅鐵路線,連接香港東區北角站,同新界西貢區將軍澳寶琳站同埋康城站,屬於城市軌道交通系統。呢條線大部分車站都係喺將軍澳新市鎮,所以就叫做「將軍澳綫」。截至2009年,全綫總共有8個站,係香港地鐵第二短嘅線;當中有4個係轉綫站(北角站鰂魚涌站油塘站調景嶺站)。另外,只係得寶琳喺地面,其餘都喺地底。將軍澳綫列車一列8卡,喺路線圖中以紫色代表。延續港島綫嘅傳統,喺2002年新建成嘅車站月台都有退休地鐵建築師區傑棠毛筆題嘅大字站名。

將軍澳綫北角至寶琳段喺2002年8月通車,康城支綫喺2009年7月通車。

路線圖

 
港鐵將軍澳綫路綫圖(按真實地形繪畫)

由上圖可見,港島綫將軍澳綫鰂魚涌站呈直角,所以做唔到跨月台轉乘,所以喺北角轉車都可以。

車務資訊

  • 服務時間:由朝早6點至到第二日凌晨1點
  • 班次:
    • 繁忙時間:每 2.5 分鐘一班(北角<>寶琳 每 2.5/2.5/5 分鐘一班,北角<>康城 每 10 分鐘一班)
    • 非繁忙時間:(北角<>寶琳 每 4-5 分鐘一班,調景嶺<>康城 每 12 分鐘一班)
  • 列車行駛速度:時速最高可達到80公里
  • 載客量:每部列車有8卡車廂,每卡車廂可載客312人

歷史

 
將軍澳綫通車紀念碑,位於寶琳站

呢條線嘅計劃,主要係服務將軍澳新市鎮香港行政會議喺1998年10月20號批准興建將軍澳綫(當時稱為將軍澳支綫),並喺1999年4月24號正式動工興建。工程歷時三年,油塘站率先喺2002年8月4號啟用,將軍澳綫行走油塘至北角,取代觀塘綫過海去香港島,同時觀塘綫嘅終點站由北角改為油塘,畀乘客先熟習新嘅轉車安排。將軍澳其餘嘅油塘至寶琳路段喺同年8月18號通車,觀塘綫亦改以調景嶺站為終點站。

將軍澳綫係兩鐵合併前,地鐵第一條無任何路段起喺橋面上嘅路線,佢嘅車廠就喺地面。寶琳站雖然起喺地面,但路段被隔音屏障完全覆蓋。地鐵聲稱呢個係由於寶琳站附近嘅樓宇密度比較高,為免列車行駛時嘅噪音影響附近嘅民居,所以將車站範圍冚晒。不過,有意見認為咁樣做會防礙路線繼續發展。而由寶琳站至坑口站嘅一段,路軌由路面轉往地底,上蓋建成地鐵車站沿線最長嘅平台花園。

將軍澳綫嘅路段唔係全部都係新起嘅,鰂魚涌站東區海底隧道原屬觀塘綫喺東區海底隧道路段延伸,正式通車使用已超過10年。喺將軍澳綫計劃發展時,為紓緩鰂魚涌站轉綫通道嘅擠塞情況同未來嘅將軍澳綫乘客量需求增加,地鐵公司決定喺現時嘅北角站月台南面起多兩個月台,並將觀塘綫由鰂魚涌站暫時延長至北角站,直至將軍澳綫工程完成後一併列入將軍澳綫。

喺將軍澳綫啟用後,觀塘綫總站由香港島北角站改去將軍澳嘅調景嶺站。原來嘅北角站同鰂魚涌站改屬將軍澳綫,列車喺離開鰂魚涌站同東區海底隧道路段之後,唔再前往藍田站,改行一段新嘅鐵路路段前往新嘅油塘站。現時連接東區海底隧道至藍田站嘅路段用作車務調動時之用。

鰂魚涌站同北角站之路段改動之後亦成為將軍澳線同港島綫嘅轉線站。搭觀塘綫嘅乘客前往香港島需要係油塘站轉將軍澳綫列車,再喺鰂魚涌站或北角站轉港島綫。所以通車初期,由於好多乘客都重未習慣繁瑣嘅轉車過程、以及將軍澳綫嘅列車班次太疏,一度引起混亂。不過,隨住調景嶺站同將軍澳站附近嘅大型屋苑紛紛入伙,將軍澳綫嘅客量大幅攀升,情況得以大大改善。另外,新世界發展旗下嘅城巴為針對油塘站啟用後對北角至銅鑼灣居民需求,特別喺8月推出海報吸引觀塘、藍田區居民改搭619巴士線以取代地鐵前往北角至灣仔區

 
2002年8月4號及以後原觀塘綫乘客如要經東區海底隧道前往港島區須於油塘站轉將軍澳綫往北角列車。
將軍澳綫第二期

將軍澳綫嘅將軍澳車廠,位於將軍澳南地區,嗰度有大型物業區域發展,叫做日出康城,並喺嗰度加建康城站,已於2009年7月26號啟用。工程喺2006年展開,全程路軌長3.5公里,車站面積35,000平方米,建造成本8.3億元。

將軍澳綫會喺繁忙時間行兩條路綫:北角寶琳,同埋北角至康城,列車將由7月20日起以「3+1」形式,即係每3班往寶琳站嘅列車就有一班往康城嘅列車提供服務。

非繁忙時間將設有來往調景嶺站同埋康城站嘅穿梭列車,而唔會有列車直接來往北角站同康城站。乘客要喺調景嶺站或者將軍澳站轉穿梭列車前往康城。

新嘅行車模式喺7月20號開始實施,初時去康城嘅列車喺將軍澳站清客,到咗26號正式延長去康城。

用車

現時全線以8卡列車行。現時將軍澳線嘅列車全線採用韓製Rotem列車(K-Stock)。

2002年,地鐵公司發現Rotem列車唔能夠即時適應兩套新舊列車系統,為確保將軍澳綫能夠如期通車,最終令13列韓製列車改行觀塘綫,並重組英製列車嘅車卡排列,將大部分喺1989年從英國都城嘉慕(第2C代車卡)同埋喺1995年買入嘅GEC Alsthom製車卡(第3代車卡)調去將軍澳綫行。

經過多年嘅系統改善,韓製Rotem列車喺2010年4月初正式返將軍澳綫繼續服役。但由於只得13抽列車,唔夠應付繁忙時間嘅需求,因此港鐵不時會由觀塘綫抽調3抽英製列車行將軍澳綫。

下行(往北角 英國製列車車廂編組 (往康城/寶琳上行
AXXX(單數號碼) - CXXX(單數號碼) - DXXX - BXXX - CXXX - DXXX - CXXX(雙數號碼) - AXXX(雙數號碼)
  • 英國製列車車廂編組註解:
    • AXXX - 有駕駛室負責操控嘅動力車廂
    • BXXX - 操控嘅動力車廂動力推動卡
    • CXXX - 附集電弓嘅電力車廂
    • DXXX - 拖卡
下行(往北角 Rotem電動列車車廂編組 (往康城寶琳上行
A3XX(單數號碼) - C3XX(單數號碼) - B3XX - B8XX - C8XX - B3XX - C3XX(雙數號碼) - A3XX(雙數號碼)
  • Rotem電動列車註解:
    • A3XX - 有駕駛室嘅拖卡
    • B3XX/B8XX - 動力車廂
    • C3XX/C8XX - 有集電弓嘅動力車廂

未來發展

天后至上環延綫
內文: 北港島綫

根據《鐵路發展策略2000》嘅北港島綫計劃,將軍澳綫將會由現時嘅北角站伸延至現有嘅天后站,並接駁港島綫天后至上環一段;而港島綫柴灣炮台山一段改為同東涌綫連接。然而,由於交通需求未足以起北港島綫,計劃嘅完成時間已被押後至2016年以後。


編輯 將軍澳綫(未來發展)
添馬 - 會展 - 維園 - 北角 - 鰂魚涌 - 油塘 - 調景嶺 - 將軍澳 < 坑口 - 寶琳
康城

不過,根據另一個北港島綫嘅方案(「交匯」),將軍澳綫可以喺添馬站東涌綫交匯,可以唔影響而家港島綫嘅運作。

車站一覽‧接駁路線

車站套色同埋名 喺邊區 車站接駁 啟用日期
將軍澳綫
接駁而家嘅港島綫上環站天后站)(建議中)[NIL]
  北角 東區 港島綫 2001年9月27號[QBR]
  鰂魚涌 1989年8月6號[EHC]
  油塘 觀塘區 觀塘綫 2002年8月4號
  調景嶺 西貢區 2002年8月18號
  將軍澳
  坑口
  寶琳
  康城 2009年7月26號
附註
QBR 由於將軍澳綫而家行緊呢段屬於鰂魚涌站轉綫通道紓緩工程嘅新建路段,所以以觀塘綫嘅暫為延伸日期作準。

EHC 由於將軍澳綫而家行緊呢段屬於觀塘綫嘅原有路段,所以以觀塘綫嘅啟用日期作準。

NIL 喺《鐵路發展策略2000》嘅北港島綫計劃中指出,將軍澳綫將會接駁而家嘅港島綫(上環站天后站)。由於交通需求未足以興建北港島綫,而家呢個階段無意發展北港島綫嘅將軍澳綫延綫計劃。所以未能有關落實計劃嘅發展日期。