北角站

北角站（粵拼：bak1 gok3 zaam6；英文：North Point Station）係一個港鐵站，係港島綫同埋將軍澳綫一個地底跨月台轉車站，係將軍澳綫嘅西面總站。

北角
North Point

北角站2號月台
站名
中文名	北角站
英文名	North Point Station
站代碼	NOP
基本資訊
座標	22.291040°N 114.200390°E / 22.291040; 114.200390
車站色	橙色
途經路線	港島綫
站服務時間	0556-0122 尾班車時間
接駁交通	巴士、小巴、電車、船
車站結構
站類	地底
月台類	島式月台 （分離式月台）
月台數	4
出口數	8
其它設施	其它無障礙設施
地圖

北角站1號月台

北角站3號月台

北角站4號月台

由港島綫轉將軍澳綫嘅通道

北角站係全港鐵系統中第二深嘅車站，車站有七層，包括兩層地底商場、一層大堂、兩層機房同埋兩層月台。

車站結構

車站樓層

G 地面	-	出口
閣樓	行人通道	車站商店
		行人通道前往各出口
L1 大堂	大堂	客務中心、車站商店
		自動售賣機、自動照相機、自動櫃員機
		「e分鐘著數」機
L2 月台		路軌
		往堅尼地城
	島式月台，港島綫左邊嘅車門將會打開 將軍澳綫右邊嘅車門將會打開
		落客月台
		路軌
L3 月台		路軌
		往柴灣
	島式月台，港島綫右邊嘅車門將會打開 將軍澳綫左邊嘅車門將會打開
		往寶琳／康城
		路軌

車站大堂

車站商店及自助服務

車站商店 7-Eleven OK便利站 美心西餅 東海堂

自助服務 恒生銀行自動櫃員機 中銀香港自動櫃員機 自動售賣機 自動照相機 「e分鐘着數」機 香港郵政郵箱服務

車站月台

現時北角站設有4個月台，並以非開放式嘅島式月台排列。北角站開設初期得2個側式月台畀港島綫用，曾經係全港鐵系統中最深嘅車站，月台離地面38米。鰂魚涌站擴建後，取代北角站成為最深嘅車站（深42米）。

後來，因為鰂魚涌站轉綫通道紓緩工程，地鐵公司（家下叫港鐵公司）喺港島綫月台南面起多兩個月台，並起埋轉乘通道連接，令北角站成為港島綫同將軍澳綫嘅轉車站。北角站原本有2個側式月台，不過喺工程過後變成非開放式嘅島式月台。

雖然喺北角站轉車較鰂魚涌站方便，由於將軍澳綫月台係後期加建，故此相對於其他太子站、油塘站等跨月台轉車站嘅轉乘通道，北角站來往兩綫嘅轉乘通道較長。現時喺轉乘通道內有張貼告示及廣播，勸導乘客唔好喺月台上追車。

此外，北角站嘅兩個機房層都設喺大堂同埋高層月台之間，故此高層月台（即2號月台）同大堂間嘅高度相隔較深，而兩個月台之間嘅距離就淺啲。

車站出口

• A - 渣華道
  • A1 - 粤華酒店、香港凱悅尚萃酒店、北角匯、香港基督教服務處、ibis世紀軒、渣華商業中心、渣華道、渣華道市政大廈、北角碼頭、和富中心、海璇
  • A2 - 春秧街、寶馬花園、馬寶道、書局街、國賓商場
  • A3 - 國賓商場
  • A4 - 華匯中心、香港家庭褔利會、職業安全健康局、樂施會
• B - 英皇道
  • B1 - 華豐國貨、僑冠大廈、英皇道、新都城大廈、新都城百貨公司、樂嘉中心、新光戲院、華懋交易廣場二期
    • 設有升降機及失明人士引導徑往返地面
  • B2 - 樂嘉中心（麥當勞地庫）
  • B3 - 健威花園、香港大學教學中心、基督教國際神召會、港運城、琴行街、樂嘉中心
  • B4 - 富雅花園、百褔花園、王仁曼芭蕾舞學校、明慧國際幼兒園暨幼稚園、丹拿花園、七姊妹道

鄰接車站

	港島綫
堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣

	將軍澳綫
北角 - 鰂魚涌 - 油塘 - 調景嶺 - 將軍澳 < 坑口 - 寶琳 康城

接駁交通

• 電車
• 城巴：
  • 2、2A、8H、8X、10、18、18P、18X、19P、23、27、33X、38、41A、42、42C、63、65、77、77A、81、81A、82、85、85A、85P、99、A11、A12、N8、N8X、N72、NA11、NA12
• 過海隧道巴士：
  • 102、102P、106、106P、110、112、116、307P、601、603A、606、606A、608、613、613A、619、619X、671、678、679、680、680B、680P、682、682A、682B、690、933、952C、962C、969C、976、976A、986、989、N118、N122、N619、N680、N691
• 港島專線小巴：
  • 33 - 康怡花園 ↔ 北角（馬寶道）
  • 56 - 北角（馬寶道） ↔ 半山（羅便臣道）
  • 65 - 北角（堡壘街） ↔ 東區醫院
  • 其他路線：69
• 新界專線小巴：
  • 18、61

利用狀況

北角站響北角英皇道下，由於車站接近私人樓同埋學校，因此喺一日內唔同時間都有唔少乘客利用呢個站。鰂魚涌站轉綫通道紓緩工程後，北角站成為一個轉車站，所以北角站分流部份往返九龍嘅乘客，用呢個站轉將軍澳綫及港島綫。但係，呢個站只為將軍澳綫乘客往返九龍東或將軍澳以及港島綫往上環至炮台山沿途各站提供轉乘。將軍澳綫乘客如果往返九龍東或將軍澳及港島綫嘅太古站至柴灣站，用鰂魚涌站轉車會比用呢個站更方便，但係好多乘客唔想行鰂魚涌站冗長嘅轉綫通道轉車，所以會用北角站轉車。

由2009年6月9號開始，港島綫逢星期一至五上晝繁忙時段增設北角站至上環站嘅短程特別班次疏導本站大量乘客，短程特別班次喺太古側綫開出。

車站歷史

由將軍澳綫轉港島綫嘅通道

早期系統及港島綫（1967-1985）

内文：港島綫

1967年，地鐵規劃港島綫初稿中，位於北角地區嘅車站叫做「七姊妹站」，位置喺鰂魚涌健康邨之下。1981年，因為鰂魚涌用地規劃作出更改，原有位置改作污水處理廠，車站向西移，並改叫「北角站」，北角站喺1985年5月31號啟用。

鰂魚涌轉綫通道紓緩工程（1998-2001）

内文：將軍澳綫

為紓緩鰂魚涌站轉綫通道嘅擠塞情況以及未來嘅將軍澳綫乘客量需求增加，港鐵公司決定喺北角站港島綫月台南面起多兩個月台，並將觀塘綫由鰂魚涌站暫時延長至北角站，直至將軍澳綫工程完成後一併列入將軍澳綫內。由於地底設施密集，而且原本車站上嘅工地已經起咗樂嘉中心及國賓大廈，所以若果要擴建車站，有關工程需要搵過塊新工地。結果政府決定清拆房協嘅丹拿山邨，並把丹拿山夷平，喺丹拿道地底下面起新月台，用通道連接現有港島綫月台。

2000年1月7號，擴建工地發生三級火，導致工程延誤，月台喺2001年9月27號下晝2點啟用，所有觀塘綫列車即時改以北角站為終點站。

將軍澳綫通車（2002）

内文：將軍澳綫

2002年8月4號，將軍澳綫局部通車，觀塘綫總站由北角站改為油塘站，原本嘅北角站及鰂魚涌站改屬將軍澳綫，當時將軍澳綫只來往油塘站、鰂魚涌站及北角站。

2002年8月18號，將軍澳綫全綫通車，由北角站開出嘅列車可以直達寶琳站，同時觀塘綫總站由油塘站延長至調景嶺站。

將軍澳綫新行車模式（2009）

為配合康城站喺2009年7月26號啟用，將軍澳綫喺7月19號開始實施新行車模式。繁忙時間（平日上下晝、星期六上晝）列車以四班做一組，每隔2分30秒一班，頭三班列車將來往寶琳站，第四班就來往康城站。四班列車聯合服務將軍澳站至呢個站一段路線，實際上係加密咗班次，但係去寶琳站同坑口站嘅列車就減少，等車時間亦會長咗。

而喺非繁忙時間、星期日同埋公眾假期，若果乘客要去康城站，要喺調景嶺站或者將軍澳站轉康城穿梭列車。

上一站‧下一站

上一站		港鐵		下一站
炮台山 往堅尼地城		港島綫		鰂魚涌 往柴灣
總站		將軍澳綫		鰂魚涌 往寶琳
		將軍澳綫 繁忙時間康城站班次		鰂魚涌 往康城

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往柴灣	1.9	2.1	3	2.8	4-5	3.6-6	0619	0109
	往堅尼地城							0606	0047
	往寶琳	2.5/4			4-6			0613	0112
	往康城	6.7			不設服務			繁忙時間服務

出面網頁

• 港鐵公司－北角站街道圖
• 港鐵公司－北角站位置圖
• 港鐵公司－北角站列車服務時間