康宏環球
康宏環球控股有限公司（英文：Convoy Global Holdings Limited，簡稱「康宏環球」，前稱康宏金融集團、康宏理財控股同康宏金融控股，港交所：1019）係香港金融集團，主要為企業機構同個人客戶提供一站式金融服務，1993年成立，2010年7月13號以「康宏理財」嘅名喺香港聯合交易所主板招股上市，2014年改名「康宏金融」[1]，2016年再改做現刻個名[2]。集團董事局主席陳志宏先生，總裁吳榮輝先生。
| Convoy Global Holdings Limited | |
| 類型 | 上市公司 |
|---|---|
| 股票代號 | 港交所：1019 |
| 開檔 | 1993年 |
| 董事局主席 | 陳志宏 |
| 總裁 | 吳榮輝 |
| 行政總裁 | 冼健岷 (康宏理財服務有限公司) |
| 總部地址 | 灣仔莊士敦道68號互信大廈、 |
| 電話號碼 | (852) 3601 3601 |
| 舖頭數目 | 中國大陸、香港、澳門 |
| 產業 | 金融同保險 |
| 服務 |
|
| 年營業額 | 1,205.145百萬港元 （2016年，▲99.3%） |
| 稅前盈餘 | -65.008百萬港元 （2016年，▼87.0%） |
| 稅後盈餘 | -95.5百萬港元 （2016年） |
| 總資產 | 6,193.6百萬港元 （2017年6月30號） |
| 資產淨值 | 4,782.1百萬港元 （2017年6月30號） |
| 員工人數 | 香港1,489名理財顧問 中國2,006名理財顧問 澳門14名理財顧問 （2017年6月30號） |
| 網址 | 康宏環球嘅官方網站 |
集團喺1998年轉型，喺大中華地區，集團喺北京同深圳設立附屬公司同合營企業，提供人壽同一般保險經紀業務、風險管理諮詢服務、再保險經紀服務、同埋機構層面上嘅保險同投資策劃諮詢服務等，集團喺2018年重組業務，聚焦三大核心零售板塊：理財顧問、金融產品同金融科技。
主要附屬公司
編輯直接擁有
編輯- 康宏北京控股有限公司
- 康宏金融控股有限公司（前稱康宏環球控股有限公司）
- 盛海投資有限公司
- Convoy (BVI) Limited
- Convoy Capital Holdings Limited
- Convoy China Limited
- CFSH (Macau) Limited
間接擁有
編輯- 康宏中國集團有限公司
- 康宏中國理財服務控股有限公司
- 康宏中國保險代理有限公司
- 康宏理財服務有限公司
- 康宏理財策劃有限公司
- 康宏保險經紀（澳門）有限公司
- 康宏深圳控股有限公司
- 康宏財富投資管理（北京）有限公司
- 深圳康宏信息諮詢有限公司
- 康宏保險經紀有限公司（前稱深圳康宏保險經紀有限公司）
- 江西康宏泛誠保險代理有限公司
- 康宏碧升保險代理有限公司
- 康宏資產管理有限公司
- 康宏資本香港有限公司
- 康證有限公司（前稱康宏證券有限公司）
- 康宏國際地產投資顧問有限公司
- 康宏財務有限公司
- 益旺（香港）有限公司
- 康宏資本有限公司
- 香港金融信貸有限公司
- 創天亞洲科技有限公司
- 康宏支付有限公司
- 信盈國際投資有限公司
- 康宏保險銷售服務（深圳）有限公司
- 深圳前海康宏匯資產管理有限公司
- 康宏匯（深圳）股權投資基金管理有限公司
- 深圳市康宏匯健股權投資企業（有限合夥）
- CCIA Holdings Limited
- Convoy Wealth Management Limited
- Convoy Fund Management Limited（前稱DRL Capital Investment Management Limited）
- Kerberos (Nominee) Limited
- Forthwise International Limited
- Investor Choice Holdings Limited
- Convoy Technologies Limited
- Convoy Opportunities Fund
- DRL Capital
- ESI Property Fund
- ESDI Capital
- NSD Capital
資料來源：康宏環球控股有限公司 2016 年報
股東
編輯2013年初，當時嘅康宏理財引入曹貴子創辦嘅康健國際做股東，至2014年中增持至最高百份之25[3]。
2015年，當時嘅康宏金融「一供三」集資約莫5億，得百份之6.13認購；同年7月，康宏金融向富邦集團蔡明興同佢家族控股嘅Eagle Legacy Limited同Oceana Glory Limited配售32.94億股新股，集資淨額16.8億，蔡氏佔擴大後股本百份之29.85[4]，蔡明興同佢家族會成為康宏最大單一股東。
2017年，佳兆業集團大股東兼董事會主席郭英成個仔郭曉羣喺市場密密買入康宏環球股票，至2017年6月底已經持有百份之29.91股權，成為最大單一股東[3]。11月2號康宏環球出徂份公告，話郭曉羣喺10月30號通知公司要求開股東特別大會罷免曹貴子等8名董事[5]。
品牌重塑
編輯康宏喺2018年進行品牌重塑，並喺4月27號公佈全新嘅公司標誌。新標誌由白、紅、藍三隻色組成，分別代表誠信、熱誠同專業，展示康宏嘅核心價值，並以此釐定業界嘅新標準。新標誌以正方形為主，代表公正客觀、可靠穩重嘅公司形象；正中嘅白色三角形向上指，唔止寓意公司持續發展，亦象徵康宏會從客戶角度，提供最佳嘅理財方案。而白、紅、藍三隻色就代表公司嘅核心價值：誠信、熱誠同專業。全新嘅標誌，進一步強調誠信、熱誠同專業嘅康宏核心價值。
康宏亦同品牌重塑推出大型嘅宣傳活動，包括喺6月推出三個全新嘅電視廣告，以溫情嘅手法帶出三個嘅生活故事，突顯熱誠、誠信、專業呢三大價值，亦同行業定下標準。三個廣告分別以夫妻、父子同埋姊妹三種關係，以生活寫照道出及演繹康宏具備嘅行業標準，並同客戶一齊，陪佢哋喺人生路上作出最啱佢哋嘅理財決策。
「海豚行動」
編輯2017年12月7號，廉政公署執行處專責調查上市公司貪污案嘅F組人員展開「海豚行動」，動員近50人，帶埋搜查令去到康宏環球總部搜查[6]，並搜查副董事局主席馮雪心喺西貢嘅屋企[7]，馮雪心其後被帶返北角廉署總部做進一步調查[8]。消息指今次係廉署同證監會首次採取聯合行動，廉署話接獲有財務機構批出不良貸款嘅舉報所以作出搜查，而康宏環球嘅股票喺朝早11點04分主動停牌[9]，停牌前報0.167港元，跌百份之7.2，成交786萬股，涉及約莫136萬港元。廉署喺行動入面拉咗三名上市公司高層人員。
參考
編輯- ↑ 更改公司名稱及更改中文股份簡稱，2014年9月15號公司公告
- ↑ 更改公司名稱及更改中文股份簡稱，2016年8月10號公司公告
- ↑ 3.0 3.1 〈細價股風暴：曹貴子6度減持 康宏董事局巨變〉。東方日報。2017年12月7號。
- ↑ 建議發行新股份及恢復買賣，公司公告
- ↑ 要求召開股東特別大會，公司公告
- ↑ 〈康宏環球副主席馮雪心今晨被廉署帶走調查 今早停牌〉。星島日報。2017年12月7號。
- ↑ 〈ICAC調查上市公司 副主席被帶走〉。蘋果日報 (香港)。2017年12月7號。原著喺2021年3月21號歸檔。喺2017年12月8號搵到。
- ↑ 〈【康宏風暴】廉署清晨突擊帶走康宏環球董事局副主席馮雪心 搜辦公室〉。香港01。2017年12月7號。
- ↑ 〈遭廉署搜查兼帶走副主席 康宏環球停牌〉。東方日報。2017年12月7號。
出面網頁
編輯- 康宏環球嘅官方網站 （英文） （繁體中文） （簡體中文） （日文）