新畿內亞（畿讀基，粵拼：san1 gei1 noi6 aa3；英文：New Guinea），又叫紐畿內亞nau5 gei1 noi6 aa3，響澳洲北面，係繼格陵蘭島後世界上第二大島。因為島上原住民膚色深而以非洲嘅畿內亞命名。東經141度以東係巴布亞新畿內亞，以西就係印度尼西亞領土（西巴布亞）。最高峰係查亞峰，原本上面嘅冰川近年已經融化。
多山地同熱帶雨林，生態近似澳洲，有天堂鳥、鶴鴕、針鼴同樹袋鼠。
原住民眾多部落，主要分兩大類：高地近似澳洲嘅，低地沿海大多係南島語系民族。
