朢

朢，月相至圓之時，亦寫望，亦即月滿、亦即月圓，當然亦有寫滿月、圓月、望月、盈月。地球夾喺月、日之間，成一直綫之時，日月赤經相反，相差西洋一百八十度。通常落喺黃曆每月十四日到十六日，大月就十六日為多，小月十五日為多，節慶為咗方便，多數揀十五日。依個時間，地球完全睇到日光正射月面，故此會寧舍圓。

朢

之不過，地球會自轉，唔係道道地方都會睇到至圓一刻，皆因有一半地方，背住月光。由於日月相反位置，此刻，只有夜間先至見到月光。

月食亦只會喺朢之時出現，但唔會次次都有。日月雖則赤經相反，但赤緯未必相反。赤緯要近乎相反，月先至落喺地球個影入面，至有月食。

夜間，朢嘅月光照得充足，較平時光猛，生物亦會受影響。當日，日月兩邊引力拉址，潮汐兩次漲退都寧舍勁，是為大潮。水漲，海水推進陸地至深，水退，海水退得至落，更多海底露出水面，咁對潮間帶生物有影響。唔只海水，地球表面陸地，都有較微變化，只係無海水咁易察覺。都受唔少生物都會適應月光而行動，利用佢覓食同繁殖。生物行為變異，亦為人生出種種傳說。

西洋傳說以月圓會多啲情緒問題，甚至多精神病。月圓對人嘅影響仍然未有定論，唔似野生生物咁明顯。唐人對月圓等份外敏感，月圓喻為家人團圓之象，完整之象，圓滿之象。詩歌成日會有，李白「明月幾時有」，蘇軾「月有陰情圓缺」。月圓感覺，亦推而廣之，如圓夢，破鏡重圓。

月相變化，引起人對月崇拜，朢時就更之。唐人正月十五慶元宵，八月十五慶中秋，都係拜月嘅習俗。

文

周人重視月相，以佢來紀日。月圓嗰日就用朢字來記，後來亦寫做望。說文咁寫，「朢、月滿、與日相朢、以朝君也。从月从臣从𡈼。𡈼，朝廷也。」以及「望、出亡在外、望其還也。从亡、朢省聲。」雖然說文分開來解，認為朢先解月滿，本身兩個係同一個字，而朢再古老一啲，兩個右上都寫月。個月字後加。原本臣為直目，打直隻眼，而壬為連腳趾企高，加埋就係望高望遠嘅姿勢。

更早甲骨文已有寫朢，殷人有祭月。

天文

地球睇來，日月五星，都喺東方升起，西方落下。由於日月處於相反位置，就會有日落就月出，月落就日出。

以月齡而言，約喺十三日八到十五日八之間，平均就十四日八。故此約為整數，就黃曆十四日到十六日，平均喺十五日。

由於日嘅黃道平面，同月嘅白道平面，有西洋五度一四之別，故此月食並唔會次次朢都有。只有黃白相交嘅月節，先至會出現。地球大既半年會有一次，然而唔係次次月食時刻，道道地方都見到月。咁一處地方見到月食嘅機緣，就無半年一次咁多。日食前後嘅朢，約半個月左右，都易有月食，皆因日食出現喺塑，條件更加嚴苛。