呢篇文講嘅唔係農心

林克霖花名龍心1976年12月18號—),係一位中國大陸出生網絡紅人

事件 編輯

言行 編輯

2012年3月25號,林克霖到中環蘭桂坊一帶得知梁振英當選行政長官後就話:「香港人會好大鑊」[1]。同年4月28號Lady Gaga到達香港,林克霖指著佢架車話香港粉絲都係傻[2]。5月13號母親節當日,林克霖手持玫瑰花,向《城市論壇》女性嘉賓包括李慧琼劉健儀等人要求影相,而主持人謝志鋒見到林克霖都情不自禁話:「上次被你嚇怕」[3]

涉自稱黑社會遭帶走 編輯

2012年4月1號,林克霖到維多利亞公園進行《城市論壇》節目期間話自己係「美國三藩市福清幫第二把交椅龍心438」,遭主持人謝志峰阻止發言。節目結束後,差人就有關三合會言論拘捕林克霖[4]。由於節目係現場直播,同林克霖語出驚人而瞬即網絡爆紅,並成為高登討論區2012年3月「每月之星」[5]。之後,林克霖去做《3D古龍群俠傳 Online》重定兵器譜新手代言人,同擔演十大惡人歐陽丁一角[6]

非禮女藝人而入獄 編輯

2012年6月,林克霖上電台做節目期間涉嫌胸襲非禮仙樂都,吳堯堯[7][8][9],而坐監21日。法官用報告評估過林克霖心理後,認為佢唔適合入住精神病院,但建議佢去精神科門診治療。[10][11]

咬傷西九文化區保安 編輯

2018年9月,林克霖同女友去西九文化區欣賞樂隊表演期間衝到台上,保安員上前制止。雙方發生衝突時,林克霖咬傷一名保安一隻手背。事後警方控告林克霖一項襲擊致造成身體傷害罪。佢個女友亦涉嫌阻礙警員拘捕龍心,遭控一項抗拒警務人員罪。

到東涌踩場 編輯

想知多啲:光復東涌
 
「光復行動」開始時,網絡紅人「龍心」突然出現,高呼「你尋日做乜X我老頂周浩鼎」,批評對方搞事

2018年11月,林克霖現身香港東涌論壇。[12]同月11號,林克霖到「光復東涌」行動現場,批評有關社運,期間高呼粗口句語:「你尋日做乜X我老頂周浩鼎」。[13]

「國歌18區覺醒」 編輯

2019年8月18號,龍心喺「反送中」金鐘示威現場現身,[14],批評反逃犯條例修訂運動

同年內,佢亦喺各區多次播放中華人民共和國國歌、《包青天》主題曲等,更不斷自稱做「香港區域領袖」、「香港唯一希望」、「共產黨未來主席」或「共產黨第二把交椅」,令到圍觀嘅人熱血沸騰。佢更自稱呢啲做行為藝術嘅頂峰,無需「時代革命」,只需「時代領袖」,就能夠帶領中國邁向國際,戰勝美國網戰(圍堵中國政策)。

懷疑有精神病 編輯

香港精神病專科醫生范德穎話,社會壓力令林克霖可能患有人格分裂。不過,林克霖一系列人格都認識到對方人格而同一般解離症個案有分別。[4]

睇埋 編輯

參考 編輯

  1. CY勝選日 高呼港大鑊 (繁體中文). 頭條日報. 2012-04-02. p. A06.
  2. (繁體中文). 東方日報 (香港). 2012-04-29. p. C02.
  3. 園霆鋒 手執玫瑰玩自拍 (繁體中文). 星島日報. 2012-05-14. p. A15.
  4. 4.0 4.1 稱黑社會被捕 維園霆鋒闖城市論壇 (繁體中文). 頭條日報. 2012-04-02. p. P01.
  5. 票站登2012年3月之星 (繁體中文). 香港高登. p. 1. 喺2012-06-22搵到.
  6. 機會:最爆代言人龍心X住玩 (繁體中文). 香港蘋果日報. 2012-06-22. p. E05.
  7. 維園霆鋒詐傻 非禮暴乳骨妹 蘋果日報動新聞youtube新聞片
  8. 香港被非礼D奶女星"仙乐都"一夜爆红 上海廣播電視台youtube新聞片
  9. 拍籮摸胸箍頸 仙樂都斥龍心非禮報警 互聯網檔案館歸檔,歸檔日期2018年6月17號,. 蘋果日報,2012年6月7號
  10. 還押小欖等報告 龍心非禮罪成 東周網,2012年10月
  11. 龍心判監21日 求唔剪長髮 東網 ,2012年10月26號
  12. 10NOV2018林克霖{龍心)反轉東涌論壇 SocREC社會記錄協會@CHINGyoutube記錄片
  13. 「光復東涌」打擊不明來歷旅行團龍心踩場:做乜X我老頂周浩鼎 熱血時報 2018年11月11號
  14. 「龍心」現身金鐘示威現場

出面網站 編輯