林鄭月娥
林鄭月娥，大紫荊勳賢，GBS，JP（粵拼：lam4 zeng6 jyut6 ngo4，英文：Carrie Lam Cheng Yuet-ngor，1957年5月13號—）人稱林鄭，係前第四任香港特別行政區行政長官，做過發展局局長、政務司司長。
| 林鄭月娥 ，大紫荊勳賢，GBS，JP | |
|---|---|
.jpg) | |
 香港行政長官 | |
| 任期 2017年7月1號－2022年6月30號 | |
| 前任 | 梁振英 |
| 繼任 | 李家超 |
| 多數票 | 777票 |
| 香港政務司司長 | |
| 任期 2012年7月1號－2017年1月16號 | |
| 前任 | 林瑞麟 |
| 繼任 | 張建宗 |
| 香港發展局局長 | |
| 任期 2007年7月1號－2012年6月30號 | |
| 繼任 | 麥齊光 |
| 香港維護國家安全委員會主席 | |
| 任期 2020年7月1號－2022年6月30號 | |
| 繼任 | 李家超 |
| 個人資料 | |
| 出世 | 鄭月娥 1957年5月13號  英屬香港 |
| 籍貫 | 浙江舟山市 |
| 配偶 | 林兆波 |
| 仔女 | 林節思 林約希 |
| 薪金 | 每年大約521萬（自2020年4月）[1] |
| 簽名 |  |
林鄭月娥喺2017年3月26號舉行嘅第5屆香港行政長官選舉以777票當選，成為香港第一位女性行政長官，亦係香港開埠以嚟第一位女性最高領導人，2017年7月1號上任。喺林鄭月娥任內，香港經歷其歷史上最為慘烈嘅抗爭同最為嚴重嘅道德、憲政同政治危機——反送中運動。喺反送中運動期間，佢一味只顧討好中共，執意唔回應香港人嘅五大訴求，執行中共強行通過嘅港版國安法，令一國兩制名存實亡[2]。因此香港學界同公眾時常將林鄭月娥稱作係香港歷史上最差劣嘅特首[3]。
生平
編輯早年
編輯1957年5月13號，鄭月娥響灣仔駱克道一間劏房出世，老豆係上海人鄭阿毛，冇點讀過書。屋企有五兄弟姐妹，佢排第四，有兩個家姐、大佬鄭宏光同細佬鄭孝光。細個家境並唔好，成七八個人迫響同一間劏房住，佢只能夠企響碌架床下面，之後響上層做功課。不過隨住後嚟大佬家姐都出嚟搵錢，家境就開始好咗。
小一至中七讀嘉諾撒聖方濟各書院，自細成績優異，差唔多次次都考全級第一（有一年考咗第四），響中學時期重曾經做總領袖生。
點知佢響中學會考嗰陣失手，考得3A5B1D（物理科肥佬）。自從呢次失手之後，佢決定報返自己擅長嘅文科，最後響1979年成功升讀香港大學社會科學系。響讀緊港大期間，佢亦曾經以交流團副團長嘅身份到北京清華大學交流，得到當時清華大學黨委書記袁永熙接待。
據知佢響考港大嗰陣本身想讀社工，但因為想更加宏觀地去探討形成社會問題嘅原因，最終揀咗社會科學系。佢響1980年畢業。
政途
編輯林鄭月娥喺1980年8月加入香港政府政務職系，做咗布政司署房屋科政務主任。響1981至82年得到當時港英政府嘅賞識，去咗英國劍橋大學就讀發展研究文憑，期間識咗林兆波。
喺2006年9月晉升為首長級甲一級政務官。佢喺2007年7月1號獲委任為發展局局長，成為主要官員，並喺2012年7月1號獲委任為政務司司長。
林鄭先後喺20個唔同公務崗位服務市民超過36年，包括社會福利署署長、房屋及規劃地政局常任秘書長（規劃及地政）、香港駐倫敦經濟貿易辦事處處長、民政事務局常任秘書長、發展局局長和政務司司長。
林鄭喺2017年3月26號舉行嘅第5屆香港行政長官選舉以777票當選，並喺2017年3月31號獲中共任命為第五任行政長官，成為香港第一位女性行政長官，亦係香港開埠以來第一位女性最高領導人，2017年7月1號上任。
.jpg)
由2019年起，林鄭月娥喺處理反送中運動、港版國安法、武漢肺炎香港疫情等方面嘅差劣表現備受多方抨擊。2020年8月7號因為配合中共大肆侵犯人權畀美國制裁。
2022年4月4號，林鄭月娥宣佈因為家庭原因同家庭成員嘅意見，放棄爭取連任，唔參選第6屆香港行政長官選舉，行政長官任期到2022年6月30號完結，佢成為香港主權移交之後第二位唔尋求連任嘅特首。
評價
編輯林鄭響做發展局局長個時，評價同民望都好高，任內仲係香港政府（煲呔曾管治班子入面）中民望最高嘅。但係出任政務司司長之後，評價開始唔好；直到反送中運動之後，佢嘅評價亦由2017年嘅一半好一半唔好，變成彈多過讚，變成負皮王。
正面
編輯- 佢嘅中學同學孫慧筠話：「我識嘅Carrie外冷內熱，交際唔叻，直腸直肚，不過佢都係肯做野嘅人，無論你有乜野要搵佢幫手，只要唔違反佢嘅原則，她都會盡力幫你；而且她都係玩得嘅人，並唔係啲淨係識得咪書嘅人。」
- 習近平響2017年曾經讚林鄭，話佢「依法施政、積極作為、注重發展經濟、改善民生[4]。」
負面
編輯事業年表
編輯- 1980年：布政司署房屋科政務主任
- 1981-82年：行政立法兩局非官守議員辦事處政務主任
- 1982-83年：醫務衛生署政務主任（計劃）
- 1983-85年：政務總署西貢政務主任（包括四個月署理西貢政務專員）
- 1985-87年：布政司署保安科助理保安司（包括六個月署理首席助理保安司）
- 1987年6月-11月：特別職務：布政司署民意滙集處高級政務主任（包括兩個月署理民意滙集處助理專員）
- 1987-88年：特別職務：證券業檢討委員會助理秘書
- 1989年1月-5月：布政司署地政工務科首度助理規劃環境地政司
- 1989-91年：布政司署首度助理衛生福利司（衛生）
- 1991-93年：衛生署助理署長（行政及政策）
- 1994年1月-1996年5月：布政司署財務科首席助理庫務司
- 1997年8月-2000年8月：政府總部庫務局副局長
- 2000年8月-2003年11月：社會福利署署長
- 2003年11月-2004年5月：房屋及規劃地政局常任秘書長（規劃及地政）
- 2004年9月-2006年3月：工商及科技局香港駐倫敦經濟貿易辦事處處長
- 2006年3月-2007年6月：民政事務局常任秘書長
- 2007年7月：發展局局長
- 2012年7月：政務司司長
- 2017年7月：行政長官
個人榮譽
編輯勳銜
編輯榮譽博士
編輯屋企
編輯攷
編輯- ↑ 〈疫境加人工捱轟 林鄭死撐去年已落實拒回應會否減薪〉。《香港蘋果日報》。2020-04-07。原先內容歸檔喺2020-04-07。喺2020-07-11搵到。
- ↑ 〈陸委會情勢研析︰香港「中國化」 一國兩制名存實亡〉。自由時報。2021-07-07。
- ↑ 〈六成人給林鄭0分、支持率首跌至個位數 香港民研鍾庭耀：直情係火山爆發〉。眾新聞。2020-02-25。原著喺2022-06-30歸檔。喺2022-06-30搵到。
- ↑ 〈劉兆佳：習近平對林鄭月娥評價正面〉。www.takungpao.com.hk。喺2021-06-26搵到。
- ↑ 〈二〇一〇年授勳名單〉 (新聞稿) (繁體中文)。香港政府新聞公報。2010年7月1號。原先內容歸檔喺2011年8月7號。喺2020年5月4號搵到。
- ↑ 〈二〇一六年授勳名單 附件：二〇一六年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2016年7月1號。頁 1。原先內容歸檔 (PDF)喺2020年8月14號。喺2020年5月4號搵到。
- ↑ 〈嶺南大學將頒授榮譽博士學位予四位傑出人士〉 (新聞稿) (繁體中文)。嶺南大學 (香港)。2013年10月2號。原先內容歸檔喺2020年8月12號。喺2020年5月1號搵到。
- ↑ 〈嶺南大學第44屆學位頒授典禮暨校長就職典禮〉 (新聞稿) (繁體中文)。嶺南大學 (香港)。2013年11月21號。原先內容歸檔喺2021年9月21號。喺2020年5月1號搵到。
- ↑ "Mrs Carrie Lam Cheng Yuet-ngor GBS, JP DOCTOR OF SOCIAL SCIENCES honoris causa Citation" (PDF). 嶺南大學 (香港). 原先內容歸檔 (PDF)喺2020年5月1號. 喺2020年5月1號搵到. （英文） （繁體中文）／"Mrs Carrie Lam Cheng Yuet-ngor GBS, JP DOCTOR OF SOCIAL SCIENCES honoris causa Citation" (PDF). 嶺南大學 (香港). 原先內容歸檔 (PDF)喺2020年5月1號. 喺2020年5月1號搵到. （英文） （繁體中文）
- ↑ 〈【特首跑馬仔】林鄭結婚證書曝光 父親「鄭阿毛」當年擁南豐新邨單位 (16:16) - 20170112 - 港聞〉。《明報新聞》 (繁體中文)。原先內容歸檔喺2021-04-07。喺2020-05-15搵到。
