皮蛋瘦肉粥

皮蛋瘦肉粥pei4 daan2 sau3 juk6 zuk1 係一種喺中國廣東成日見到嘅粥，以切成細塊嘅皮蛋同鹹瘦肉做配料。皮蛋瘦肉粥喺香港好受歡迎，所有粥麪專門店同中式酒樓都幾乎一定有呢種粥供應。不過，唔同餐廳嘅煮法都有啲唔同：有啲用攪碎咗嘅豬肉，亦有用切成絲嘅豬肉。採用唔同嘅瘦肉，會為粥帶來唔同嘅口感，但味道就差唔多。喺中國本土，有人會喺食之前加上香油（麻油）同葱花，喺香港就會加葱花或者薄脆。

另外，亦有喺皮蛋瘦肉粥演變而成嘅皮蛋肉片粥，用咗新鮮嘅肉片，而唔係醃過嘅鹹瘦肉做配料。

材料

（建議）

主料：皮蛋2個、豬瘦肉餡（切成絲或攪成肉碎）300克
輔料：稻米50-100克、薑絲、葱、油菜
調料：食鹽、雞精、料酒、胡椒粉、食油、清水

煮法

唔同嘅場合有唔同嘅煮法。喺大牌檔或者粥麪專門店，通常店主都會喺店度煮好一大鍋粥，叫做粥底。煮嗰時只要將主料準備好放入碗度，再倒上滾熱辣嘅熱粥就上得枱。但喺屋企煮嘅話，就建議用成塊豬肉，加鹽腌幾個鐘。米同水煮滾，豬肉連鹽加。煲三個鐘頭以上，等到豬肉變得鬆化，一壓就散。加入皮蛋滾一滾就得。

秘訣

煮粥時加入少少腐竹碎或煮溶嘅腐皮水，可以令粥變得更綿滑。

暱稱

香港

「皮蛋瘦」