維基百科

2023年納戈爾諾-卡拉巴赫難民潮

(由2023年納卡難民潮跳轉過嚟)

2023年納戈爾諾-卡拉巴赫難民潮係一班納卡地區居民主要逃離去亞美尼亞嘅難民潮，主要係喺2023年9月尾到10月頭期間發生。自從阿塞拜疆喺9月19號發動第三次納卡戰爭以嚟，喺當地度住嘅居民，其中絕大部分都係亞美尼亞裔，大批咁離開，成爲流離失所嘅難民[1][2]。大部分國際專家都認為，阿塞拜疆有關嘅行為涉及戰爭罪或者危害人類罪[5]。雖然阿塞拜疆當局強調喺納卡地區嘅亞美尼亞居民會受到保障，並且計劃將佢哋融入社會[6]，但係因爲阿塞拜疆歷嚟都實行獨裁統治，有一直鎮壓亞美尼亞人[6]，所以大部分人都質疑呢個保障嘅可信性[7][8]。

2023年納戈爾諾-卡拉巴赫難民潮
亞美尼亞裔的難民坐巴士逃離納卡地區，在2023年9月21號影低
日期2023年9月24日 –
（1年1個月）
地點納戈爾諾-卡拉巴赫
起因第三次納卡戰爭
結果大約10.5萬人成爲難民（截至2023年10月2號）[1][2][3][4]

背景

編輯
内文：納戈爾諾-卡拉巴赫衝突、阿爾察赫封鎖同第三次納卡戰爭

納卡地區係南高加索一片受爭議嘅領土，雖然喺國際社會上都被認為係阿塞拜疆嘅領土，但係大部分地區實質上由亞美尼亞人自行宣布建立嘅阿爾察赫所管治。因爲咁，所以當地經常都會爆發種族衝突同因爲領土糾紛而挑起嘅納卡衝突[9]。

喺蘇聯統治嘅時期，喺納戈爾諾-卡拉巴赫自治州（英文：Nagorno-Karabakh Autonomous Oblast）生活嘅亞美尼亞人已經經常受到嚴重嘅歧視。因爲當時自治州係隸屬阿塞拜疆蘇維埃社會主義共和國，所以當局喺納卡地區會壓迫亞美尼亞人嘅文化同身份認同，同時積極鼓勵佢哋撤離當地，改為由阿塞拜疆人喺嗰度住。雖然係咁，亞美尼亞人始終都係佔咗當地人口嘅大多數。到咗1988年嘅開放政策時期，納卡地區做咗一次公投，嚟決定係咪由亞美尼亞蘇維埃社會主義共和國管制納卡地區。可惜，呢次公投導致阿塞拜疆屠殺當地嘅亞美尼亞人，隨後嘅種族紛爭引致第一次納卡戰爭爆發[10][11]。戰爭期間，大約50萬阿塞拜疆人同18.6萬亞美尼亞人由納卡同周邊地區逃難，而阿塞拜疆本土就有30-50萬亞美尼亞人逃難[12]。

2020年，第二次納卡戰爭爆發，造成上千人傷亡，阿塞拜疆亦明顯贏咗，因爲喺戰後收復咗納卡三分之一嘅領土。自從嗰次戰爭以嚟，納卡地區多次出現違反停火協議嘅行動，再加上兩國邊境危機一直都持續，戰後仍然出現零星嘅傷亡[13]。

2022年12月，阿塞拜疆當局對連接亞美尼亞同阿爾察赫嘅拉欽走廊（英文：Lachin Corridor）進行咗封鎖，造成納卡地區物資供應嚴重短缺。2023年2月，國際法院下令阿塞拜疆確保納卡地區嘅通行自由，並且裁定封鎖行動，對納卡地區居民嘅「生命健康」構成咗「真正且迫喺眉睫嘅風險」[14][15][16]。至到2023年9月初，封鎖令納卡地區嘅人員同物資幾乎都用盡，無論係藥品、食物、抑或係汽油都出現嚴重短缺，而當地居民嘅配給係每戶每日一條麵包[17]。除此之外，阿塞拜疆當局還破壞咗當地嘅關鍵基礎設施，包括油站、供電站、同埋互聯網等等[18][19][20]。

2023年6月邊境交火事件爆發後，阿塞拜疆喺走廊設立邊境檢查站，阻止任何車通過，嚟加強已有嘅封鎖[21]。國際刑事法院首屆檢察官 Luis Ocampo（英文：Luis Moreno Ocampo） 同其他國際觀察人士都擔心，阿塞拜疆嘅封鎖行動會引發種族滅絕。Ocampo 特意指出，阿塞拜疆刻意選擇阻截食品藥物等等嘅重要物資，似乎是有計劃咁影響納卡地區居民嘅生活，實際上做緊毀滅同打擊[22]。2023年8月，一位納卡地區嘅居民餓死咗，證明封鎖嘅影響已經開始表露[23]。亞美尼亞總統瓦哈根·哈恰圖良批評阿塞拜疆無視納卡嘅亞美尼亞人陷入飢餓，反而嘗試用嚟做種族滅絕。美國政治學家 Ronald Suny（英文：Ronald Grigor Suny） 亦同樣表示：「巴庫決心令亞美尼亞人冇辦法生活，要佢哋挨餓，迫佢哋要離開」[24]。

2023年9月19號，阿塞拜疆違反停火協議，發動咗第三次納卡戰爭，爲求徹底消滅阿爾察赫嘅軍隊[25]。呢次衝突持續咗大約24小時，雙方都已經有幾百人去世，另外亦有5位俄羅斯維和人員陣亡。之後，阿爾察赫政府接受咗阿塞拜疆提出嘅投降條件。雙方開始咗談判，而阿塞拜疆亦重新開放咗納卡通去亞美尼亞嘅路，為希望離開嘅納卡居民提供途徑。由9月24號開始，陸續有大量嘅亞美尼亞人由阿爾察赫撤離。

難民潮

編輯
 
2023年9月24-30號，納卡人口嘅變動；深藍色係離開嘅居民人數，而淺藍色係決定留低嘅人數

阿塞拜疆入侵納卡之前，外界都擔憂，一直以嚟煽動反亞美尼亞情緒（英文：Anti-Armenian sentiment in Azerbaijan）嘅阿塞拜疆政府，有可能對當地嘅亞美尼亞人實施種族滅絕。阿塞拜疆總統代表發出咗嚴厲警告，話如果納卡地區唔肯投降，「種族滅絕就有可能發生」[26][27]。針對呢種威脅種族滅絕嘅言行，“人道主義援助救濟信托基金”（Humanitarian Aid Relief Trust）嘅創辦人卡羅琳·考克斯（英文：Caroline Cox）敦促英國政府采取措施，避免悲劇發生[28]。

阿爾察赫軍隊冧檔之後，萊姆金預防種族滅絕研究所（俄文：нститут Лемкина）發出警告，提請各方注意亞美尼亞人面臨嚴重嘅種族滅絕風險，並且強調阿塞拜疆軍隊入面嘅反亞美尼亞情緒反常地高。除此之外，當地嘅平民收到有威脅同辱罵性嘅信息，而喺阿塞拜疆嘅社交媒體之中，聲稱有納卡嘅亞美尼亞人受到屠殺嘅報道不斷瘋傳[29]。種族滅絕觀察（英文：Genocide Watch）亦發出咗警告，將件事列為「種族滅絕十個階段（英文：ten stages of genocide）」其中嘅第9階段，即係「消滅」（Extermination）[30]。

與此同時，阿塞拜疆政府不斷強調，納卡地區嘅亞美尼亞人喺阿塞拜疆掌權之後仍然會非常安全，並且會計劃將佢哋重新融入社會[6]。當然，外界大多都極度質疑呢個保證嘅可信程度[7][8]。

亞美尼亞政府支援

編輯

9月28號，46架原本喺亞美尼亞首都埃里溫運營嘅大巴士，去咗納卡地區，並由斯捷潘納克特接送1560人去戈里斯，支援撤離難民嘅行動[31]。亞美尼亞亦向阿爾察赫地區，派出23架載住專家同紅十字會人員嘅救護車[32]，架救護車護送咗23位有重症嘅人士去亞美尼亞[33]。戈里斯嘅劇院，臨時變成咗紅十字會安置難民嘅地方[34]，後嚟其他亞美尼亞嘅城市亦開咗唔同嘅庇護中心嚟容納不斷湧嚟嘅難民[35]。

種族滅絕警告

編輯

政治分析人士同納卡居民都認為，阿塞拜疆進攻納卡地區嘅主要目標係爲咗進行種族清洗[36][37]。國際刑事法院首屆檢察官 Luis Ocampo（英文：Luis Moreno Ocampo） 指出納卡地區嘅情況正喺度醞釀緊重蹈覆徹亞美尼亞大屠殺，認為阿塞拜疆嘅封鎖行動違反咗《防止及懲治滅絕種族罪公約》第2b條，而入侵嘅行爲違反咗第2a同第2c條。佢哋警告，國際社會嘅綏靖好可能會助長阿塞拜疆，令佢哋相信實施種族滅絕唔會造成嚴重後果。雖然阿塞拜疆總統曾經否認計劃實行種族清洗呢嘅講法，不過 Ocampo 否認佢嘅可信性，因為阿里耶夫經常都叫亞美尼亞做「西阿塞拜疆」，並曾經宣佈過「今日嘅亞美尼亞係我哋嘅領土」[15]。美國政府負責人道主義援助嘅最高級官員，亦曾經做過種族滅絕議題學者嘅 Samantha Power（英文：Samantha Power），雖然拒絕用「種族滅絕」嘅字眼，但係都表示，已經由因爲驚喺阿塞拜疆政府嘅統治下生活，而已經逃離咗嘅人，收集咗證詞[38]。國際法專家、明尼蘇達大學訪問學者、國際種族滅絕學者協會（英文：International Association of Genocide Scholars）主席 Melanie O'Brien 認為，阿塞拜疆使到大批人流離失所嘅行為，涉及戰爭罪或者危害人類罪[5]。有關嘅講法建基於當局刻意製造嘅壓迫性環境，首先係封鎖，然後係入侵，嚴重威脅阿爾察赫地區亞美尼亞人嘅獨特身份，令佢哋可能面臨種族滅絕嘅破壞[5]。

亞美尼亞總理尼科爾·帕希尼揚[39]、塞浦路斯外交部（英文：Ministry of Foreign Affairs (Cyprus)）[40]、以色列《國土報》[41] 等等，紛紛都指控阿塞拜疆進行種族清洗。

阿塞拜疆政府否認戰爭罪嘅指控，同時呼籲納卡嘅亞美尼亞人留低[6][42]。不過與此同時，阿塞拜疆政府喺一份斯捷潘納克特嘅地圖當中，將其中一條街改咗用一位亞美尼亞大屠殺煽動者嘅名嚟改新名[43][44]。聯合國難民署駐亞美尼亞代表團未收到出逃難民受到虐待嘅事件或者案例；喺答媒體嘅問題嘅時候，代表團表示唔能夠講究竟相關嘅行為係咪屬於種族清洗、當時局面係咪屬於難民狀況等等嘅評論[45]。USAID 代表團表示已經咗解到「平民遭受暴力而令人唔安嘅報告」，同時已經爲咗因爲驚喺阿塞拜疆政府統治之下，會受到暴力同匱乏，而逃離緊嘅人，收集咗證詞[45][38]。美國國務院拒絕評論亞美尼亞人聲稱嘅種族清洗，只係強調會認真對待有關嘅指控[46]。歐洲理事會主席夏爾·米歇爾（英文：Charles Michel）亦同樣拒絕將納卡地區嘅難民潮，定性為種族清洗[47]。

國際社會回應

編輯

針對納卡地區嘅人道主義危機，好多國家都應承會向難民提供援助，其中包括咗伊朗[48]、英國和歐盟[49][50]。USAID 署長 Samantha Power（英文：Samantha Power） 同美國國務院嘅歐洲同歐亞事務代理助理國務卿 Yuri Kim（英文：Yuri Kim (ambassador)） ，去咗亞美尼亞探訪受災嘅難民，並且應承咗會提供1.15億美元嘅人道援助資金。Power 表示，跟據現場醫生嘅觀察，好多難民都出現咗嚴重嘅營養不良[51]。9月28號，USAID 向當地派出咗災難援助嘅響應小組，協調美國嘅人道主義援助工作[52]。塞浦路斯表示已經向難民提供人道援助，並同時考慮緊，喺必要嘅情況下接收部分難民[40]。

2023年10月1號，聯合國向納卡地區派出代表團，嚟處理人道主義嘅需求。亞美尼亞請求國際法院重申佢哋喺2023年2月嘅裁決，要求阿塞拜疆政府確保拉欽走廊（英文：Lachin Corridor）嘅通行自由，避免采取任何直接或者間接，趕出當地剩返低嘅亞美尼亞人嘅行為[53]。

睇埋

編輯

參考資料

編輯
  1. ↑ 1.0 1.1 "As Ethnic Armenian Exodus Tops 100,000, UN Readies For Nagorno-Karabakh Visit". Radio Free Europe/Radio Liberty (英文). 2023-09-30. 原先內容歸檔喺2023-09-30. 喺2023-09-30搵到.
  2. ↑ 2.0 2.1 "More than 80% of Nagorno-Karabakh's population flees as future uncertain for those who remain". 《The Canadian Press》 (英文). Yahoo! Finance（英文：Yahoo! Finance）. 2023-09-29. 原先內容歸檔喺2023-09-30. 喺2023-09-29搵到.
  3. ↑ "More than 70% of Nagorno-Karabakh's population flees as separatist government says it will dissolve". Washington Post. 2023-09-29. 原先內容歸檔喺2023-09-30. 喺2023-09-29搵到.
  4. ↑ Demourian, Avet (2023-10-02). "Armenian exodus from Nagorno-Karabakh ebbs as Azerbaijan moves to reaffirm control". New York: Associated Press. 喺2023-10-02搵到.
  5. ↑ 5.0 5.1 5.2 Deutsch, Anthony; van den Berg, Stephanie (2023-09-29). "Nagorno-Karabakh exodus amounts to a war crime, legal experts say". Reuters. 原先內容歸檔喺2023-09-30. 喺2023-09-29搵到.
  6. ↑ 6.0 6.1 6.2 6.3 "Azerbaijan says it does not want exodus from Nagorno-Karabakh, urges Armenians to stay". Reuters. 2023-09-28. 原先內容歸檔喺2023-09-28. 喺2023-09-29搵到.
  7. ↑ 7.0 7.1 Seferian, Nareg (2023-09-27). "Azerbaijan's use of force in Nagorno-Karabakh risks undermining key international norms, signaling to dictators that might makes right". The Conversation (英文). 原先內容歸檔喺2023-09-28. 喺2023-09-29搵到.
  8. ↑ 8.0 8.1 "Nagorno-Karabakh: More than 40,000 refugees flee to Armenia". BBC News. 2023-09-26. 原先內容歸檔喺2023-09-27. 喺2023-09-29搵到.
  9. ↑ Trevelyan, Mark (2023-09-20). "Explainer: Nagorno-Karabakh: tensions between Armenia and Azerbaijan explained". Reuters. 原先內容歸檔喺2023-09-23. 喺2023-09-22搵到.
  10. ↑ Starovoytova, Galina (November 1997). "Sovereignty after Empire: Self-Determinationa Movements in the Former Soviet Union" (PDF). 《United States Institute of Peace》. p. 24. 原先內容歸檔 (PDF)喺2015-09-05. 喺2015-09-05搵到.
  11. ↑ Parts of a Circle I: The Road to War (Documentary) (English). Media Initiatives Center, Internews Azerbaijan, and the Humanitarian Research Public Union. May 2020.{{cite AV media}}: CS1 maint: unrecognized language (link)
  12. ↑ "Gefährliche Töne im "Frozen War"". Wiener Zeitung. 2013-01-02. 原著喺2013-01-11歸檔.
  13. ↑ "Armenia and Azerbaijan: A blockade that never ended and a peace deal hanging by a thread". Global Voices. 2023-07-19. 原先內容歸檔喺2023-07-27. 喺2023-07-24搵到.
  14. ↑ "World Court orders Azerbaijan to ensure free movement to Nagorno-Karabakh". Reuters (英文). 2023-02-22. 原先內容歸檔喺2023-06-28. 喺2023-09-30搵到.
  15. ↑ 15.0 15.1 Moreno Ocampo, Luis (2023-09-22). "Call what is happening in Nagorno-Karabakh by its proper name". The Washington Post.
  16. ↑ "Application of the International Convention on the Elimination of All Forms of Racial Discrimination (Armenia v. Azerbaijan)" (PDF). International Court of Justice. 原先內容歸檔 (PDF)喺2023-09-21. 喺2023-09-30搵到.
  17. ↑ "An Armenian enclave inside Azerbaijan is on the point of starvation". The Economist. 原先內容歸檔喺2023-09-29. 喺2023-09-30搵到.
  18. ↑ "Ensuring free and safe access through the Lachin Corridor". Council of Europe – Parliamentary Assembly. 2023-06-20. p. Committee on Migration, Refugees and Displaced Persons. PDF. 原先內容歸檔喺2023-07-19. 喺2023-09-19搵到. [the Parliamentary Assembly of the Council of Europe]...is extremely worried by events...which culminated on 12 December 2022 with the interruption of the free and safe passage through the Lachin corridor and the subsequent deliberate cutting of electricity and gas supplies to the region... [The Assembly]...urges Azerbaijan to restore electricity and gas supplies without delay or impediment.
  19. ↑ Marques, Pedro; Kaljurand, Marina; Santos, Isabel; Hajšel, Robert; Incir, Evin; Loiseau, Nathalie; Auštrevičius, Petras; Bilbao Barandica, Izaskun; Charanzová, Dita; Chastel, Olivier; Cseh, Katalin; Gheorghe, Vlad; Grošelj, Klemen; Guetta, Bernard; Hahn, Svenja; Karlsbro, Karin; Melchior, Karen; Nart, Javier; Paet, Urmas; Ries, Frédérique; Šimečka, Michal; Ștefănuță, Nicolae; Strugariu, Ramona; Vautmans, Hilde; von Cramon‑Taubadel, Viola; Weimers, Charlie; Fragkos, Emmanouil; Kruk, Elżbieta; Dzhambazki, Angel; Zalewska, Anna; Brudziński, Joachim Stanisław; Kanko, Assita; Jurzyca, Eugen; Bielan, Adam; Fidanza, Carlo; Ruissen, Bert‑Jan; Kouloglou, Stelios; Castaldo, Fabio Massimo. "JOINT MOTION FOR A RESOLUTION on the humanitarian consequences of the blockade in Nagorno-Karabakh | RC-B9-0075/2023 | European Parliament". www.europarl.europa.eu. 原先內容歸檔喺2023-01-21. 喺2023-06-22搵到. whereas this humanitarian crisis was further aggravated by Azerbaijan's disruption of the natural gas supply to Nagorno-Karabakh, which left houses, hospitals and schools without heating...[the European Parliament]...urges Azerbaijan to refrain from undermining the functioning of transport, energy and communication connections between Armenia and Nagorno-Karabakh in future.
  20. ↑ "Ensuring free and safe access through the Lachin Corridor". Council of Europe – Parliamentary Assembly. 2023-06-20. p. Committee on Migration, Refugees and Displaced Persons. PDF. 原先內容歸檔喺2023-07-19. 喺2023-09-19搵到. [the Parliamentary Assembly of the Council of Europe]...is extremely worried by events...which culminated on 12 December 2022 with the interruption of the free and safe passage through the Lachin corridor and the subsequent deliberate cutting of electricity and gas supplies to the region... [The Assembly]...urges Azerbaijan to restore electricity and gas supplies without delay or impediment.
  21. ↑ "Nagorno-Karabakh again faces shortages as Azerbaijan closes Lachin Corridor". OC Media (美國英文). 2023-06-20. 原先內容歸檔喺2023-07-19. 喺2023-07-14搵到.
  22. ↑ Moreno Ocampo, Luis. "REPORT ARMENIA – Luis Moreno Ocampo". luismorenoocampo.com. 原先內容歸檔喺2023-09-27. 喺2023-09-29搵到.
  23. ↑ "Azerbaijan's blockade of Nagorno-Karabakh claims first starvation victim". Greek City Times. 原先內容歸檔喺2023-08-19. 喺2023-09-29搵到.
  24. ↑ Magee, Caolán (2023-09-06). "'We are starving to death:' Residents of Nagorno-Karabakh fear for future under blockade". CNN (英文). 原先內容歸檔喺2023-09-28. 喺2023-09-29搵到.
  25. ↑ Sauer, Pjotr (2023-09-19). "Why is there dispute over control of Nagorno-Karabakh?". The Guardian. 原先內容歸檔喺2023-09-27. 喺2023-09-28搵到.
  26. ↑ Kumar, Anugrah (2023-09-20). "Ethnic Armenians in Nagorno-Karabakh agree to disarm after Azerbaijan offensive". The Christian Post. 原先內容歸檔喺2023-09-29. 喺2023-09-29搵到.
  27. ↑ "Genocide warning in Nagorno-Karabakh". 《The Guardian》. 2023-09-18. 原先內容歸檔喺2023-09-29. 喺2023-09-29搵到.
  28. ↑ Cox, Caroline (2023-09-18). "Genocide warning in Nagorno-Karabakh". The Guardian. 原先內容歸檔喺2023-09-28. 喺2023-09-29搵到.
  29. ↑ "SOS Alert – Artsakh". Lemkin Institute (英文). 原先內容歸檔喺2023-09-29. 喺2023-09-29搵到.
  30. ↑ "Genocide Alert:Artsakh surrenders to Azerbaijan". Genocide Watch (英文). 2023-09-21. 原先內容歸檔喺2023-09-23. 喺2023-09-29搵到.
  31. ↑ "Yerevan buses transport 1560 people from Stepanakert to Goris, leave for Stepanakert again". News.am. 2023-09-29. 原先內容歸檔喺2023-09-30. 喺2023-09-29搵到.
  32. ↑ "Convoy of ambulances heads from Armenia to Karabakh capital Stepanakert". NEWS.am. 2023-09-30. 原先內容歸檔喺2023-09-28. 喺2023-10-01搵到.
  33. ↑ Հովսեփյան, Տիգրան (2023-09-24). "Արցախցիների մի խումբ արդեն Կոռնիձորում է" [A group of Artsakh citizens is already in Kornidzor]. Radio Free Europe/Radio Liberty. 原先內容歸檔喺2023-09-24. 喺2023-09-24搵到.
  34. ↑ "Nagorno-Karabakh: Thousands flee as Armenia says ethnic cleansing under way". BBC. 2023-09-25. 原先內容歸檔喺2023-09-25. 喺2023-09-26搵到.
  35. ↑ "Nagorno-Karabakh: Armenians rush to help 'brothers and sisters'". BBC. 2023-09-27. 原先內容歸檔喺2023-09-27. 喺2023-09-28搵到.
  36. ↑ "Azerbaijan launches attack in Nagorno-Karabakh, announces 'evacuation' of Armenian population". POLITICO. 2023-09-19. 原先內容歸檔喺2023-09-19. 喺2023-09-19搵到.
  37. ↑ "Live updates | Stepanakert under fire as Azerbaijan launches assault on Nagorno-Karabakh". OC Media. 2023-09-19. 原著喺2023-09-19歸檔. 喺2023-09-19搵到. Political analyst and peace activist Bahruz Samadov said the goal was the ethnic cleansing of the region's Armenian population...
  38. ↑ 38.0 38.1 "Biden envoy troubled by reports of 'violence against civilians' in Nagorno-Karabakh". POLITICO (英文). 2023-09-26. 原先內容歸檔喺2023-10-01. 喺2023-10-01搵到.
  39. ↑ "Nagorno-Karabakh: Thousands flee as Armenia says ethnic cleansing under way". BBC. 原先內容歸檔喺2023-09-25. 喺2023-09-28搵到.
  40. ↑ 40.0 40.1 Ghazanchyan, Siranush (2023-09-30). "Cyprus condemns Azerbaijan's policy of ethnic cleansing". Public Radio of Armenia（英文：Public Radio of Armenia）. 原先內容歸檔喺2023-09-30. 喺2023-09-29搵到.
  41. ↑ "Israel's Fingerprints Are All Over the Ethnic Cleansing in Nagorno-Karabakh". www.haaretz.com. 2023-09-27. 原著喺2023-10-05歸檔. 喺2023-09-28搵到.
  42. ↑ "Nagorno-Karabakh: Azerbaijan rejects accusations of ethnic cleansing". DW News. 2023-09-27. 原先內容歸檔喺2023-09-30. 喺2023-09-30搵到.
  43. ↑ Vincent, Faustine (2023-10-04). "Azerbaijan reissues Nagorno-Karabakh map with street named after Turkish leader of 1915 Armenian genocide". Le Monde. 喺2023-10-05搵到.
  44. ↑ Zaman, Amberin (2023-10-03). "Azerbaijan eyes Iran, Armenia borderlands after 'voluntary' exodus from Nagorno-Karabakh - Al-Monitor: Independent, trusted coverage of the Middle East". Al-monitor. 喺5 October 2023搵到.
  45. ↑ 45.0 45.1 "Press briefing by the United Nations Information Service". United Nations Office at Geneva. 2023-09-29. 原先內容歸檔喺2023-10-02. 喺2023-10-01搵到.
  46. ↑ "US Renews Call For Karabakh Monitor Mission After Armenians Leave". 《Barron's》. 喺2023-10-03搵到.
  47. ↑ "Russia has 『betrayed』 Armenians in Nagorno-Karabakh - Charles Michel". Euronews (英文). 2023-10-03. 喺2023-10-03搵到.
  48. ↑ "Preparations underway in Iran to send humanitarian aid to Armenia". news.am (英文). 2023-09-28. 原先內容歸檔喺2023-09-28. 喺2023-09-28搵到.
  49. ↑ "UK to provide £1 million to support forcibly displaced persons from NK". 原先內容歸檔喺2023-10-01. 喺2023-10-01搵到.
  50. ↑ "EU provides €5 million in humanitarian aid to the people of Nagorno Karabakh". Public Radio of Armenia (美國英文). 原先內容歸檔喺2023-09-28. 喺2023-09-28搵到.
  51. ↑ Brown, Christian; Edwards, Benjamin (2023-09-26). "'Severe malnutrition' is growing concern as thousands flee Nagorno-Karabakh, senior US official warns". CNN (英文). 原先內容歸檔喺2023-09-27. 喺2023-09-28搵到.
  52. ↑ Psaledakis, Daphne (2023-09-28). "US to announce disaster response team for South Caucasus amid Karabakh crisis". Reuters (英文). 原先內容歸檔喺2023-09-29. 喺2023-09-29搵到.
  53. ↑ "UN to send mission to Nagorno-Karabakh for first time in nearly 30 years". www.aljazeera.com (英文). 原先內容歸檔喺2023-09-29. 喺2023-09-29搵到.
由「https://zh-yue.wikipedia.org/w/index.php?title=2023年納戈爾諾-卡拉巴赫難民潮&oldid=2115913」收