Portal:香港/開頭
  |
 |
 |
 | |
香港係個國際大都會，喺珠江出口。有出名嘅維多利亞港夜景，人口數字超過七百萬。地方加埋千零平方公里，寸金尺土；係世界上住得最密，生活指數最高嘅地方之一。香港自從新石器時代以嚟都已經有人住，不過佢而家之所以出名，就要追溯到1841年香港開埠。當時，大英帝國將香港變做轉口港，原本以工業發展，成為工業城；到之後，開始轉型做區域轉口港加金融中心，同埋購物同旅遊嘅不夜城。
香港係個對比好強烈嘅地方：佔17%地嘅市區對週圍嘅郊區、有錢對冇錢人、西方文化對東方文化、言論自由對政治鉗制、傳統文化對新科技等等，都嚟香港出現。
香港嘅商業中心起咗好多摩天大廈，但係亦有郊野公園同沙灘就喺隔籬，其中新界同離島就仲有傳統嘅鄉村同郊野。香港亦都出名交通平靚快。
香港而家係中華人民共和國嘅特別行政區，有自己嘅政府、司法、郵票、護照、海關、入境、貨幣，亦有派隊去參加國際組織同運動。
香港行雙文制，用中英文做生意同教育。多數人嘅母語係廣東話，有少部份人識講普通話、上海話、台山話、客家話同埋第啲歐亞話。喺香港文化之中，最出名嘅係飲食、流行歌同港產片。喺宗教信仰方面，譬如基督教、天主教、道教、佛教同伊斯蘭教等等亦都好興。