反逃犯條例修訂運動術語一覽

沒有國慶只有國殤遊行嗰陣,金鐘站出口中咗「火魔法」

反逃犯條例修訂運動術語一覽收錄2019年香港反逃犯條例修訂運動入面常見嘅術語。

術語一覽

同示威者有關

  • 發夢:出嚟參與示威活動(尤其可能涉及到違法行為),話自己發夢即係無認過自己有出過嚟
  • 行街:參與攞唔到不反對通知書遊行,好似平時行街買嘢噉
  • 寶寶:對前線示威者嘅稱呼
  • 家長車接放學:義載前線抗爭者返屋企就係「接放學」,義載嘅車就係「家長車」,司機就係「家長
  • 文具:指前線示威者嘅裝備
  • 哨兵:喺示威現場週圍留意住環境嘅人
  • FA:「First Aid」嘅簡稱,指在場嘅義務急救
  • FC:「Fact Check」嘅簡稱,指核實消息係咪真
  • 獅鳥 / :形象係隻有翼獅子嘅「神獸」,諧音「私了」,代表示威者私下解決(襲擊)搞搞震嘅人
  • 冷氣軍師:指無落現場只係喺背後睇現場直播,就喺討論區或者Telegram群組畀意見嘅人
  • 火魔法:用汽油彈去攻擊
  • 落單:粵語意思本身係解「點餐」,但反修例運動入面嘅「落單」就借用北方話意思,解做「得返一個人」
  • 裝修:指破壞唔同政見店舖嘅行為,皆因破壞完後店舖要安排重新裝修
  • 懲罰:指幫襯支持反修例運動店舖(黃店)嘅行為,皆因搞到伙記做到無停手
  • 人血饅頭:藉住反修例運動去攞着數、搵個人利益
  • 煲底之約:指一眾抗爭者約定喺抗爭成功之後,去到金鐘立法會綜合大樓地下示威區(俗稱「煲底」)除低豬嘴同口罩相認同一齊慶祝
  • 開花:唔同地區同一時間有群眾聚集,當中部份激進示威者(勇武派)會有堵路破壞行為。
  • 落雨:當激進示威者有行動嗰陣,同伴大嗌「落雨」,周圍嘅示威者就會開遮住佢哋,唔畀其他人見到同埋記者影到。

同警方有關

  • popo:對警察嘅稱呼,嚟自警察嘅英文「police」開頭嘅兩個英文字母
  • :對警察嘅另一稱呼,衍生術語有「狗車」(警車)、「狗屋 / 狗竇」(差館)
  • RB:「Road Block」嘅簡稱,指警方(或者示威者)設嘅路障
  • TG:通常指催淚彈(Teargas),警方驅散示威者常用工具(另一個意思係Telegram,示威者常用溝通工具)
  • TG放題:話警方係噉放催淚彈,令示威者食催淚氣「食到飽」
  • 毅進仔:對前線警員嘅稱呼,笑佢哋得毅進文憑嘅學歷
  • 毅進制:每次遊行集會警方點算嘅人數都少過主辦單位數字好多,而警員又被叫「毅進仔」,所以警方點算人數嘅計法就叫「毅進制」
  • 藍旗:警方喺示威現場向示威者舉嘅旗,話場示威係違法,要即刻走人,否則警方可能使用武力
  • 黑旗:警方喺示威現場向示威者舉嘅旗,話即將會發射催淚煙
  • 橙旗:警方喺示威現場向示威者舉嘅旗,話即將會開槍(可以係橡膠彈布袋彈海綿彈,甚至實彈)
  • 警嫂:對人群管理特別用途車(俗稱水炮車)嘅不文稱呼

參考