維基百科

喺臺灣嘅香港人

喺台灣嘅香港人，又叫做在臺港人或者港籍台灣人，係指住喺台灣嘅香港人，當中包括咗：去台灣讀書、做嘢、同台灣人結婚、同埋打算直情移民去台灣嘅香港人。

在臺香港人
HongKongers in Taiwan
總人口
87,719（2010年12月31日）[1]
分佈地區
臺北市、新北市、新竹市、高雄市
語言
中華民國國語、英語、香港粵語
宗教信仰
佛教、道教、中國民間信仰、基督教
相關種族
英籍港人、美籍港人、在港加拿大人

呢啲喺台灣嘅香港人，大部份都只係短期咁居留、有啲已經攞到暫住居留嘅資格、亦有其他已經攞到國籍身份，成為咗中華民國國民，係台灣新住民嘅來源之一。

歷史

編輯

政治背景

編輯

喺19世紀初期，大英帝國同大清曾經簽咗一堆唔平等條約，其中一條容許咗英國管治英屬香港。自從中華民國成立，民國政府一直都同英國要求收返香港。1943年1月11號，國民政府同英國簽訂《中英平等新約》嘅時候，兩邊同意到打完仗之後先再傾。到1949年，中華人民共和國正式控制全個中國大陸，中華民國退守台灣。1950年，英國正式改做承認中華人民共和國。

1984年，英國同中華人民共和國簽咗《中英聯合聲明》。同一日，中華民國外交部發表聲明，重申香港係中華民國嘅國土[2]。

人流

編輯

自從香港開埠以嚟，中國大陸同香港係自由來往。到1950年代頭，香港邊界開始設立邊境管制嚟控制大逃港嘅人流。雖然中華民國喺1949年之後去咗台灣，但係中華民國國籍法依然容許任何華僑成為國民，包括喺香港嘅華人。

自從1951年開始，中華民國政府因為重視華僑學生，所以年年都使幾千萬蚊嘅教育經費，嚟資助由香港、澳門、新加坡、同馬來西亞等等嘅地方嚟嘅華僑學生去台灣讀書。其中嚟自香港嘅學生，到依家總共有大約五萬人。喺1997年之前，所有去台灣讀書嘅香港華僑，都有優惠資格去攞中華民國國民身份證，即係會有投票權[3]。

自從1989年大陸發生八九民運後，香港移民去台灣嘅人數升到去每年成3000人。

2012年，移居去台灣嘅香港人有超過600人，係自從2001年以嚟最高嘅，比之前嗰幾年嘅200人平均，升咗至少兩倍。根據香港移民，喺台灣搵返自由同民主嘅核心價值，亦都係移民嘅重要因素之一[4][5][6][7][8]。

截至2016年12月，台灣已經收咗71,263位香港同澳門嘅前居民。攞台灣居住身份要有 $600萬新台幣嘅投資，亦有一啲香港人經過同台灣人結婚嚟攞居留權，另有一啲人以學生嘅身份嚟台灣[9]。

香港話題

編輯

2013年，香港電台嘅電視新聞紀錄片《鏗鏘集》同商業電台嘅廣播劇《十八樓C座》不約而同推出以「移民台灣」為專題嘅節目。前者透過多個故事道出香港人移民台灣嘅原由，有人覺得偏重地產同金融，令香港核心價值同文化流失，後生一代發展有限，有人話移民台灣系畀自己個機會；後者話而家熱衷移民台灣係香港人特有嘅罷工杯葛行動。香港民間嘅各種解釋就包括：不滿社會現狀、對香港政府嬲、台灣有民主有普選、為咗啲仔女嘅教育、比樓價狂漲嘅香港更適宜居住、生活壓力冇咁大、台灣移民手續最簡便、要求嘅投資移民金額較少等。一位28歲香港新移民喺台南買咗三房兩廳嘅屋，呢個價格喺香港連小套房都買唔起，「呢邊好啱生活，如果喺香港要有噉嘅騎樓，應該系冇可能嘅事，以我噉嘅收入嘅嘢。」[10][11][12]

香港立法會議員梁家傑質詢時都話：「好多人話要移民台灣，香港嘅問題，又唔係冇錢冇噉，而係缺少一個副民主認受性、副願景嘅政府。」

台灣嘅行政院大陸委員會與內政部入去同移民署官員都上香港節目，解說「投資五百萬」移民嘅條件。

喺「中國因素」介入下，一落對唯中國是瞻嘅港府失望唔四、不滿香港生活質量與福利受雙非排擠影響嘅香港後生仔，喺 Facebook 上成立「Evacuation to Taiwan」（撤退到台灣）專頁，積極了解台灣房市同人文嘢，號召香港後生人識台灣、移民台灣。 [13][14]

移民經驗

編輯

已經移民台灣嘅港人就認為台灣嘅生活步調節奏較悠閒輕鬆，唔係個個人都要「停唔到嘅商務生活」唔想住喺又急又迫嘅環境。習慣自由風氣嘅港人，都唔係好慣九七後社會氣氛同埋更加嘈雜擠逼嘅空間。田園風光同埋居住環境質量都係移民台灣嘅誘因之一，有港人話：「台灣贏在風景同人情味」尤其住鄉下嘅日子好盞，「路上遇到嘅人常講台語，真係聽唔明，但面上都有笑容，一睇就好舒服」「喺台灣大家都可以騎摩托車，覺得好自由， 我哋喺香港每日都喺度趕住搭捷運。」台灣同香港距離近、語言相通、大學教育選擇多、消費物價可接受都係港人到台灣定居嘅理由，台灣亦因而出現唔少由香港主廚操刀嘅地道港式口味餐廳。[15][16]

2013年同屋企人移民台南嘅古小姐表示自小已有親人移民台灣，常到台灣旅遊、禮物，完全冇生暴有。2009年高鐵爭議、2010年政改爭議、2011年曾蔭權豪宅風波、2012年反國教運動等均令佢同屋企人對香港前程覺得灰心而下定決心移民。尤其2012年梁振英「爆冷」成為香港特首嘅成用畀佢覺得好事。佢話「感覺到政府嘅心情好似系越嚟越明顯有啲嘢要做，而佢哋嘅方向唔係咁好，都唔係為民設想，有啲政策！你會覺得有啲恐怖。…中國共產黨嘅政策！一直都係想愚民、想你聽話，唔好有反抗，文革到而家可能都係噉，只不過手法有唔同。」古小姐話：佢祖母系香港出世嘅，未接受過教育，但佢會喺民生方面覺得點解我而家買嘢買唔到或者貴咗咁多？咁多大陸人？我祖母唔係好鍾意，因為覺得好邋遢。佢可能都有無認同嘅危機，只係估唔到適當嘅詞彙講出嚟，佢只會講你快啲行啦，香港已經唔係以前嘅香港啦。

唔少過去從不投票嘅香港人到台灣追夢後，唔單止抵制服兵役，都親自投票選舉總統，直接共政治，尋找「當家作主」真民主。喺台北創業嘅黃先生認為，如果佢下一代，喺民主台灣成長，會有比較寬廣嘅思想空間。 「我嚟台灣系希望互相得益嘅，就係話我揾到個地方系值得我去花我生命喺呢個地方，系一個互相貢獻嘅地方。」台灣嘅優勢系租金較香港平，經濟結構以中小企業為主，唔完全由大財團壟斷，而且有較佳嘅科研基礎，都有好多喺外國受教育回流嘅人，但缺點啫系唔夠國際化。

知名人士

編輯

睇埋

編輯

參考

編輯
  1. ↑ 〈臺灣地區居留外僑統計〉。《統計資料》。內政部入出國及移民署。2011年12月31號。原著喺2014年3月7號歸檔。喺2010-07-12搵到。
  2. ↑ 中華民國行政院大陸委員會。〈中華民國政府對「九七」香港情勢的立場與政策說帖〉。《中華民國行政院大陸委員會》。原先內容歸檔喺2023-02-07。喺2023-02-07搵到。
  3. ↑ 5萬港人曾在台升學 互聯網檔案館嘅歸檔，歸檔日期2013年12月14號，., 蘋果日報 (香港), 2004年03月08日
  4. ↑ 港澳居民來臺人數統計表 互聯網檔案館嘅歸檔，歸檔日期2015年6月21號，., 內政部入出國及移民署, 2013/10/31
  5. ↑ 香港人移民台灣 人數急升, 美國之音, 2013年11月27日
  6. ↑ 崇尚自由!港人瘋移民　「台灣」成首選 互聯網檔案館嘅歸檔，歸檔日期2013年12月3號，., 壹電視, 2013-10-09
  7. ↑ 不滿核心價值受損 地產霸權當道 求民主 覓安居 港人移民台灣升兩倍 互聯網檔案館嘅歸檔，歸檔日期2013年12月13號，., 蘋果日報 (香港), 2013年10月07日
  8. ↑ 【港客遷台錄】尋找流失的民主　港人移台瘋投票, TVBS, 2013/11/21
  9. ↑ 〈政治不安定 大批港人移民台湾〉。美國之音。2018-01-31。
  10. ↑ 港媒熱播「移民台灣」 訴在地苦悶 互聯網檔案館嘅歸檔，歸檔日期2013年12月13號，. |url=, 聯合報, 2013.11.25
  11. ↑ 【港客遷台錄】港人瘋台！　台官員上港節目「鼓吹移民」, TVBS, 2013/11/20
  12. ↑ 愛上悠閒南台灣！　香港移居潮年輕化, TVBS, 2013/11/11
  13. ↑ 港青對港失望 臉書揪團撤退來台 互聯網檔案館嘅歸檔，歸檔日期2013年12月8號，. , 自由時報, 2013-11-4
  14. ↑ fb專頁教港人「撤退到台灣」 互聯網檔案館嘅歸檔，歸檔日期2013年12月7號，., 蘋果日報 (香港), 2013-11-4
  15. ↑ 「台灣，贏在風景和人情味」 互聯網檔案館嘅歸檔，歸檔日期2013年12月3號，., 聯合報, 2013.11.25
  16. ↑ 港人在台故事／燒臘師傅 港人靠他解饞 互聯網檔案館嘅歸檔，歸檔日期2013年12月3號，., 聯合報, 2013.11.25

出面網頁

編輯
由「https://zh-yue.wikipedia.org/w/index.php?title=喺臺灣嘅香港人&oldid=2126071」收