嘉禾大廈大火
嘉禾大廈大火（Cornwall Court Fire）係香港2008年8月10號一宗大火，地點喺九龍旺角，彌敦道西側嘅嘉禾大廈。消防處喺中午12點16分將火警升做五級。大火4死55傷，死者包括兩名殉職嘅消防員[1]。呢宗大火係香港21世紀第一單五級大火，對上一次係1996年嘉利大廈大火。
起火
編輯
大火源於旺角彌敦道687號，嘉禾大廈閣樓一間夜總會。喺香港時間2008年8月10號，上晝9點20分突然起火，大量濃煙，沿著大廈裏便樓梯，湧上高層單位，即係產生煙囪效應。加上大廈通道狹窄，內部聚熱難耐，難以救援。
搶救
編輯警察同消防員喺3分鐘後，即係上晝9點23分到火場。因為接報有十幾名戶住客受困，消防員隨即救援，開出兩條喉同派出一隊煙帽隊入大廈搜索。上晝9點35分，警察將彌敦道往太子方向，近亞皆老街全綫封閉。到9點43分，因為多人被困大廈，消防員將火警升為三級[2]；有住客喺窗邊揮舞毛巾求援，消防員升雲梯，將吸入燶煙不適者救出，由救護員送院治理。
上晝10點23分，消防處將火警升為四級[3]，並將多名傷者分別送去廣華醫院、明愛醫院、瑪嘉烈醫院同埋伊利沙伯醫院；消防員繼續用雲梯救人，警察呼籲快富街同上海街嘅住戶疏散，重要求途人離開附近街道，唔好阻住救援。另一方面，火警中有兩名消防員蕭永方同陳兆龍喺大廈12樓被發現昏迷，由同袍將兩人抬去天台急救。
正午12點，署理九龍副消防總長劉志豪話救出咗60人，其中18人要送院，嗰時重有人致電求救。消防處喺12點派出200名消防員，同埋40架消防車撲救。由於現場溫度好高，撲救困難，消防處喺中午12點16分，將火警升為五級[4]。
下晝1點，消防員動用咗三條消防喉，同五隊煙帽隊繼續撲救[5]。消防出動多架救護車，分別將47名傷者送咗去三間醫院治理[5]，之前昏迷嘅兩名消防員，送院證實死亡[6]。一點半，保安局局長李少光同消防處處長盧振雄親身到火場視察。截至1點45分，消防員經已救出咗60幾名住客；同時，唔少居民重用毛巾或衫，掩住口鼻，等吸少啲濃煙，亦有住戶繼續打電話，或者伸手出窗、搖毛巾等救。
大火下晝3時13分救熄[7]，消防員繼續射水降溫，以免死灰復燃。消防處用咗五條消防喉同 10 隊煙帽隊撲救[7]，出動二百幾名消防員救火。
火後
編輯當晚，警方畀住戶返去單位拎返重要嘢走。之後再封返大廈，住戶暫時唔可以返去[8]。另一方面，幾十名消防員同殉職消防員親屬，喺大廈門口路祭；之後，消防員代表，帶香燭祭品，入災場拜祭殉職同袍[9]。
消防處當日下令全港消防局下半旗致哀，而三名受傷消防員已全部出院。另外，消防處職工總會會繼續跟進消防員死後事宜，為兩個死者設立慰問金戶口，同埋發短訊畀員工，希望佢哋收拾心情。消防處，初步知道兩個殉職消防員事發時，用晒身上所有安全裝備，真正死因，有待部門成立專責小組，調查防煙門同其因素[10]。
死傷人數
編輯大火有兩名消防員殉職，另有兩女死，其一身份未明。而受傷有55人。[1]
- 殉職
- 死者
調查
編輯消防處處長盧振雄，喺大火當日下晝3時話發表初步調查，認為火警無可疑。消防員搶救時，發現夜總會防煙門畀人鎖咗。火警主要發生喺閣樓舞廳，同1字樓卡拉OK，而嗰度並無防煙門，煙同熱力由缺口漫延至上層。現正研究消防裝置，係咪畀人改過以至失效。消防處會由首長級人員，成立專責小組，調查起火同消防員殉職嘅原因。[12]〈旺角火警：災場再發現一具燒焦屍體〉。on.cc。2008-08-10。喺2008-08-11搵到。</ref>。與此同時，政府人員帶同調查工具進入火災現場，相信係調查同鑑證呢次起火原因[9]。
措施
編輯- 交通
- 巴士
- 凡係以尖沙嘴天星碼頭同佐敦匯翔道為總站，都暫停服務[14]
- 所有經彌敦道北行嘅過海巴士綫，即係九龍方向，以紅磡海底隧道九龍出口巴士站做臨時總站[14]
- 凡係由九龍東去九龍西，都縮短到九龍城迴旋處
- 凡係由九龍東去九龍南，都改行窩打老道、彌敦道南行、加士居道同埋漆咸道北[14]
- 地鐵
- 各部門措施
傳媒
編輯類同事件
編輯參
編輯- ↑ 1.0 1.1 〈旺角火警現場再發現一具屍體 死亡人數增至4人〉。香港電台。2008-08-10。原著喺2013-10-29歸檔。喺2008-08-10搵到。
- ↑ 〈旺角三級火警〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈旺角四級火警〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈旺角五級火警〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 5.0 5.1 5.2 〈旺角五級火警（二）〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈旺角五級火警（四）〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 7.0 7.1 〈旺角五級火警（五）〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈旺角火警：嘉禾大廈5級火警造成4死55傷〉。on.cc。2008-08-10。原著喺2008-08-16歸檔。喺2008-08-11搵到。
- ↑ 9.0 9.1 〈旺角火警：數十名消防人員為殉職同袍路祭〉。on.cc。2008-08-10。原著喺2008-08-17歸檔。喺2008-08-11搵到。
- ↑ 〈旺角火警：全港消防局下半旗致哀〉。on.cc。2008-08-11。喺2008-08-11搵到。
- ↑ 11.0 11.1 〈旺角嘉禾大廈五級火造成3死57傷〉。香港電台。2008-08-10。原著喺2014-05-12歸檔。喺2008-08-10搵到。
- ↑ 12.0 12.1 12.2 〈旺角災難五級火 氧氣分市民 兩消防殉職〉。明報。2008-08-11。喺2008-08-11搵到。
- ↑ 2008年8月11日，ON.CC即時新聞，旺角火警：39歲姓文女子吸入濃煙致死
- ↑ 14.0 14.1 14.2 14.3 〈旺角火警：佐敦匯翔道天星碼頭巴士線停駛〉。on.cc。2008-08-10。原著喺2020-03-16歸檔。喺2008-08-10搵到。
- ↑ 15.0 15.1 〈跨部門援助站（三）〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈警方就旺角五級火警設立市民查詢熱線〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈警方市民查詢熱線停止運作〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈警方呼籲市民就旺角五級火警提供消息〉 (新聞稿)。香港特別行政區政府政府新聞處。2008-08-10。喺2008-08-10搵到。
- ↑ 〈旺角火警：運輸署交通協調中心轉3級運作〉。on.cc。2008-08-10。原著喺2020-03-16歸檔。喺2008-08-10搵到。
- ↑ 《嘉禾大厦五級大火 NowTV 中午新聞報導》。YouTube。喺2008-08-10搵到。
- ↑ 〈NOW放流料〉。2008-08-10。喺2008-08-10搵到。
{{cite web}}: CS1 maint: url-status (link)
睇埋
編輯出面網頁
編輯
- 旺角五級火警
- 旺角五級火警(二)
- 旺角五級火警(三)
- 旺角五級火警(四)
- 旺角五級火警(五)
- 旺角五級火警(六)
- 旺角五級火警(七)
- 旺角五級火警綜合報告(附圖)
- 旺角五級火(Youtube)
- 旺角嘉禾大廈五級大火(Youtube)
| 之前： 嘉利大廈大火（1996年） |
香港五級大火 | 之後： 最新一宗五級火警 |