維基百科

張韶涵

(由潘朵拉 (專輯)跳轉過嚟)
  呢篇文講歌手張韶涵。想搵張韶涵嘅第八張錄音室專輯嘅話，請睇張韶涵 (專輯)。

張韶涵（粵拼：zoeng1 siu4 haam4；英文：Angela Chang；1982年1月19號—）係臺灣女歌手同演員，佢分別兩度入圍金曲獎最佳國語女歌手同金鐘獎最佳女主角，又同蔡依林、王心凌、楊丞琳叫「四大教主」。

張韶涵
女藝人
原名張韶涵
羅馬拼音Chang Shao-Han
英文名Angela Chang
花名安琪拉、電眼教主、勵志天后[1][2]、百變天后[3][4]
國籍中華民國 中華民國
民族漢族
出世 (1982-01-19) 1982年1月19號（42歲）
中華民國 中華民國桃園縣中壢市
職業歌手、演員、女鞋設計師[5]
語言國語、臺語、粵語、英文
教育程度加拿大溫斯頓邱吉爾中學（英文：Sir Winston Churchill Secondary School (Vancouver)）
音樂類華語流行曲
演奏樂器人聲
出道地臺灣 臺灣
出道日期2002年， 22年之前 (2002)
出道作品《MVP情人》
活躍年代2001年開始
唱片公司福茂唱片（2002年－2011年）
美妙音樂（2012年－2015年）
海蝶音樂（2016年－2019年）
心喜文化（2019年－）
經紀公司青田音樂（2002年－2011年）
天涵音樂（2012年－）
網路電影資料庫（IMDb）資訊

生平同事業

編輯

童年生活：1982年－1994年

編輯

1982年1月19號，張韶涵喺桃園縣中壢市（桃園市中壢區）出世，並喺個度過大部分童年時光。佢喺屋企大女，有一個妹同細佬。佢家境唔算有錢，家計主要靠老母經營一間黑鬍子牛排館辛苦維持，佢同個妹都自細放咗學就去鋪頭幫手。佢回憶：「母親很辛苦，在我出生六個多月便開始經營牛排館，聽母親說，我小時候是被她背在背上，一邊煎牛排，在牛排的油煙中長大的。」喺老母同城家嘅努力下，原本已慢慢行出窮困簡陋嘅生活，國小四年級移民過星加坡，後再返到中壢，但係12歲嗰陣，老母畀人陷害，積蓄一下子冇嗮，張韶涵成家變賣房產，喺阿爺資助下，用剩返嘅少少財力離開傷心地，移民加拿大溫哥華[6]，希望可以從頭來過。

出道之前：1994年－2001年

編輯

1994年，12歲嘅張韶涵嚟到加拿大後，因為老豆患心臟病做唔到嘢，加上屋企仲有一個細佢九歲嘅細佬要照顧，於是開始半工讀，喺過餐館、泡沫紅茶店同服裝店等地打工，或同好友一齊喺路邊舉起「CAR WASH」嘅牌兜客洗車賺錢。

1997年，15歲嘅張韶涵開始報名參加各式各樣嘅歌唱比賽，並開始堅持不斷自我訓練，包括練唱，姿態，同練跑訓練肺活量，呢個訓練持續咗三年。佢首場比賽揀咗張雨生嘅《沒有煙抽的日子》失利後，決定之後繼續挑戰同樣嘅歌，直到成功為止，因此喺跟住落嚟嘅所有比賽，佢就齋唱一隻歌。

1999年，17歲嘅張韶涵喺經歷廿幾場失敗後，佢攞到「加拿大中廣流行之星」華人組嘅冠軍，嗰刻，佢就下定決心將歌手當做人生目標。嗰時，佢比賽嘅錄影帶被音樂製作人林隆璇睇到，佢發現韶涵聲音入面嘅未來性，並提議佢返台灣發展。對張韶涵嚟講呢個唔係簡單嘅決定，返到家鄉台灣，就等於同過去六年辛苦移民加拿大嘅人生告別，但最終張韶涵決定同老母返台灣搵機會。

返到台灣後，張韶涵喺林隆璇嘅介紹下周圍同唱片公司求機會，但過程唔係好順利，佢不斷被唱片公司拒絕。佢回憶，呢段期間佢同老母成日做嘅嘢，就係喺西門町街頭遊蕩，等電話響。2000年，已經喺台灣搵機會一年幾嘅張韶涵，喺同福茂唱片嘅張耕宇總經理傾完後，佢終於簽約，做咗福茂唱片嘅簽約藝人[7]。但佢唔係好快有工作機會，佢都等咗成兩年。

出道走紅：2002年－2003年

編輯

2002年7月，原本打算做歌手嘅張韶涵，先從戲劇方面入手，電視劇《MVP情人》嘅導演齋睇咗張韶涵嘅試鏡VCR三秒鐘，就確定由佢咗第一女主角，因此張韶涵正式以演員身分進入演藝圈。

2003年5月，張韶涵出演電視劇《海豚灣戀人》，再做第一女主角，飾演一名出身貧窮但努力奮鬥，最終做咗歌手嘅女仔。佢喺劇到唱《Journey》同《遺失的美好》，令觀眾初次體驗到張韶涵令人驚艷嘅歌聲。於是，《遺失的美好》做咗佢嘅成名曲，亦做埋佢進軍歌壇嘅一大契機，而《海豚灣戀人》嘅收視佳績都令佢企穩一線電視偶像劇女主角嘅地位[8]。

事業巔峰：2004年－2009年

編輯
 
專輯《第5季》簽唱會

2004年1月6號，張韶涵出首張個人音樂專輯《Over The Rainbow》，正式以歌手身分出道[9]。代表作有《遺失的美好》、《寓言》等。2月，喺Hito流行音樂獎頒獎典禮中獲頒年度票選最受歡迎女新人獎。12月1號，張韶涵出第二張個人音樂專輯《歐若拉》，預購即破五十萬，總銷售量破百萬。代表作有《歐若拉》、《手心的太陽》、《快樂崇拜》等[10][11]。2005年5月，張韶涵以《歐若拉》入圍第16屆金曲獎最佳國語女歌手獎[12]。8月，張韶涵受邀參加韓國SBS電視台《Kim Yoon A's Music wave》演出，就咁做咗第一位上SBS音樂節目舞台嘅華人歌手[13]。

2006年1月，張韶涵出第三張個人音樂專輯《潘朵拉》，以奇幻童趣做元素，展現有別於以前嘅音樂風格，並首次嘗試舞蹈[14]。代表作有《隱形的翅膀》、《口袋的天空》等。其中，《隱形的翅膀》做咗張韶涵嘅代表作，係而家最有代表性嘅華語歌之一，並被先後翻拍同名電影、同名電視劇、翻唱英文版、做咗中國高考作文題目等，遠遠超越一般流行歌嘅影響力。而專輯收錄嘅另一隻歌《口袋的天空》都入選日本教材，被收錄喺日本日中通信社出版嘅書《通過唱歌記住中國話》入面。2月，張韶涵出演電視劇《愛殺17》，做女主角，並首次挑戰一人分飾兩角（三個人格）。呢個劇題材恐怖懸疑，喺嗰時台灣影視圈嘅先驅。同時以新專輯入面嘅《隱形的翅膀》同《口袋的天空》做主題曲。同年，張韶涵以呢部劇入圍第41屆金鐘獎戲劇節目最佳女主角獎[15]。4月，張韶涵嘅歌《香水百合》被日本公共廣播電視台NHK評選做該年度《NHK中國語會話》節目主題曲，從四月開始成年透過電視台節目喺日本播。6月，張韶涵以《潘朵拉》入圍第18屆金曲獎最佳國語女歌手獎[16]，都同時入圍馬來西亞當地華語樂壇權威性大獎2006「娛協獎」「國際組」20強。8月11號，張韶涵生涯首場巡迴演唱會《百變新勢力世界巡迴演唱會》喺上海開始。

2007年1月，張韶涵出第四張個人音樂專輯《夢裡花》，專輯風格帶有古典嘅味道，因專輯嘗試幾種造型，佢就咁拎到「亞洲百變天后」嘅封號，同時都係記者會上發佈3月尾將首次上台北小巨蛋搞世界巡迴演唱會[17]。2月頭，驚傳張韶涵同阿媽被黑道同親人威脅成四個月，起因係張韶涵阿爺留低中壢幾百坪土地嘅繼承權，福茂唱片出面證實咗呢件事，張韶涵阿媽去咗警局備案。2月17號，受邀中國大陸央視春晚，唱《隱形的翅膀》。3月31號，巡迴演唱最終場喺台北小巨蛋搞，雖然同韓國小天王Rain演唱會撞期，但人氣冇減。8月3號，發行唯一演唱會DVD《百變張韶涵2007世界巡迴演唱會-臺北場》[18][19]。9月，張韶涵出演電視劇《公主小妹》，做女主角。並以呢個作品入圍第43屆金鐘獎戲劇節目最佳女主角獎[20]。12月14號，張韶涵出第五張個人音樂專輯《Ang 5.0》，請咗幾位出名音樂創作人一齊打造呢張專輯，有周杰倫、方文山、蔡健雅、韋禮安。

2008年3月，張韶涵因忙碌嘅工作行程令佢身體負荷唔到，被醫院查到有二尖瓣脫垂後，決定暫停工作，去加拿大醫。6月7號，張韶涵受邀參與2008北京奧運會昆明火炬傳遞，做咗昆明站第62號奧運火炬手（台灣唯一嘅火炬手）[21]。

生涯低谷：2009年－2011年

編輯

2009年9月頭，喺張韶涵就嚟出第六張個人音樂專輯《第5季》之前，佢阿媽同周刊爆料張韶涵棄養等嚴厲指控，逐漸成為街頭巷尾議論嘅話題，相關新聞越演越烈，好多新聞台唔分時段轉播呢個傳聞，甚至喺電視節目討論，漸漸掩蓋仲受到社會關注嘅八八風災等新聞。10號，張韶涵出面否認棄養，表示之前賺嘅錢都直接匯入阿媽帳戶，出國養病期間阿媽並冇去照顧佢，返國後發現阿媽已搬走，積蓄都被帶走[22]。24號，張韶涵親自出面開記招，出示結果係陰性嘅尿檢報告，證實並冇吸毒，強忍淚水錶示之前嘅指控都唔係事實[23]。25號，推出嘅新專輯挑戰咗以前冇試過嘅中低音域，並維持以往嘅百變造型，但因家庭傳聞取消發片記者會同大量通告。多年後佢回顧呢件事，話嗰陣屋企門外都係狗仔隊，有成一個月出唔到門，只靠親友接濟過日子。

2010年5月1號，做2010年世界博覽會代言人，唱世博會吉祥物動畫片《海寶來了》主題曲同世博主題秀「城市之窗」同名主題曲《城市之窗》。5月15號，開始佢生涯第二場巡迴演唱會，叫做《潘朵拉星球世界巡迴演唱會》，喺北京、上海、廣州同香港等多地開唱。9月8號，出演唱會寫真書，叫做《潘朵拉星球演唱會寫真紀實》。9月22號，獲邀參加「2010年中央電視台中秋晚會」，唱《看得最遠的地方》。10月31號，出席上海世界博覽會閉幕式，唱《為明天》。

2011年1月19號生日嗰日，張韶涵父母、舅父同外婆帶住記者去國軍桃園總醫院外探喺龍潭服役緊嘅張弟，希望藉此聯絡張韶涵，細佬擔心父母搵麻煩所以請朋友陪，點知雙方發生口角同肢體衝突鬧上警局[24]。事後，張韶涵朋友爆料話韶涵自細喺家暴陰影下大，父母要求阿女買屋並每月畀新台幣100萬元等，張舅同遠房親戚就call in到電視節目指控，但言談內容說詞反覆，令社會大眾懷疑佢可信度，輿論漸漸變做同情張韶涵。而張母控告張韶涵教唆傷人，檢方都宣布唔起訴[25][26]。1月21號，發行去西班牙拍嘅個人寫真書《美麗的游離》，共有限量黑白版同一般版。2月18號，發佈《傷日快樂》單曲，搭配偶像劇《幸福最晴天》片尾曲。11月，張韶涵宣布終止同福茂唱片長達十年嘅合約，但福茂唱片認定合約未到期，同青田音樂聯合向張韶涵求償新台幣3465萬。張韶涵反駁話，佢同青田公司約定5年內錄製10張專輯，但平均約1年7月先出得1張，明顯違反唱片巿場慣例，同埋青田公司未經佢同意，擅自將演藝工作委託光合作用公司，再由光合作用公司轉畀福茂公司，佢有權解約。

重新出發：2012年－2017年

編輯

2012年2月，張韶涵成立個人經紀公司天涵音樂，佢個妹做負責人。5月，喺電影《影子愛人》演出美惠子一角。7月，張韶涵加盟美妙音樂，單曲《That girl》喺YouTube上曝光，短短五日點閱率就破百萬次。呢次係佢首次做音樂總監，嘗試未試過嘅電音舞曲，並參與幕後工作。10月12號，個人第七張音樂專輯《有形的翅膀》正式發行[27][28]。

2013年1月19號生日嗰日，成立個人女鞋品牌Temptation Styles，親自做設計師，圓咗除歌手以外嘅第二個夢想。藝人恬妞、吳青峰、安心亞、關穎、名媛楊欣等人幫佢站台。其中，恬妞係張韶涵出道前喺加拿大溫哥華參加歌唱比賽時嘅評審，兩人已有深刻友誼。7月，參加中國江蘇衛視歌唱節目《全能星戰》。12月，張韶涵喺自己啱啱成立嘅Facebook專頁上，宣布將展開A8計畫，A係張韶涵嘅英文名Angela，8係佢第8張專輯。

2014年3月7號，推出第八張個人音樂專輯《張韶涵》。新專輯結合機械人同女神嘅概念，傳達無論科技點變，「愛」先係唯一解答嘅訊息。4月14號，張韶涵喺北京出席驚悚電影《碟仙詭譚2》開鏡記者會（該片喺同年6月殺青，喺2017年上映）。5月，張韶涵同前東家福茂唱片同青田音樂嘅合約糾紛一審判決出爐，台北地院認為張韶涵有權主動解約，只要還2011年青田畀佢嘅4萬蚊酬勞，全案有得上訴[29]。5月27號，張韶涵同認識十幾年嘅好姊妹Twins成員鍾欣潼（阿嬌）合唱《完整愛』》並拍MV同同名微電影，收錄喺鍾欣潼2014年同名EP《完整愛》，上咗QQ音樂巔峰榜流行指數No.2、iTunes國語流行單曲榜No.3。

2015年1月，歌曲《淋雨一直走》被揀由衛福部搞嘅票選「十大勵志療癒歌曲」。8月25號，喺上海黃浦江「翡翠公主號」遊輪上，搞咗《純粹》世界巡迴演唱會媒體發佈會，開啟第三輪個人巡演，巡演嘅城市有：成都、上海、廣州、香港、長沙、星加坡、武漢、台北、南京、北京同澳門城11個地點。10月31號，開始生涯第三次世界巡迴演唱會《純粹世界巡迴演唱會》，首站喺成都開始，第一階段共9場。11月22號，喺東方衛視播出嘅《隱藏的歌手》，張韶涵做第六期嘅原唱歌手。

2016年1月20號，喺湖南衛視播出嘅《尋找愛的冒險》首次嘗試古裝扮相，特別出演夏以柔一角，並唱片尾曲《把你信仰》。6月18號，喺湖南衛視播出嘅《我想和你唱》第一季，張韶涵喺節目唱嘅《歐若拉》引起全民回憶。嗰日播完後，關鍵字「張韶涵」登頂微博實時熱搜榜，隔日隨即登頂微博名人榜，為時幾日。2016年9月28號喺星加坡拍《NÜYOU女友雜誌》。7月6號，加盟海蝶音樂，公佈第九張個人音樂專輯《全面淪陷》中嘅首波主打《再見之前》，並做呢張MV導演，做咗佢MV導演處女作，《再見之前》MV短短兩日YouTube突破百萬點擊率。7月9號，好耐冇返到家鄉台灣公開演出嘅張韶涵，喺花蓮戀夏嘉年華亮相，喺壓軸演出。7月21號，張韶涵出第九張個人音樂專輯《全面淪陷》，由海蝶音樂發行，並喺專輯首次做專輯製作人，7月23號喺台北小巨蛋搞《純粹世界巡迴演唱會》台北場，並隔日喺西門町搞新專輯《全面淪陷》簽唱會。12月31號，純粹喺青島場搞，係生涯首場跨年個人演唱會。

2017年3月10號，生涯第二部主演電影《碟仙詭譚2》喺中國上映。7月2號，參加喺中國北京工人體育場搞嘅「ofo輕睞演唱會」，參與歌手有孫燕姿，王心凌，飛兒樂團，戴佩妮，徐懷鈺等歌手。8月，張韶涵同前東家福茂唱片同青田音樂嘅合約糾紛二審判決出爐，都係認為張韶涵有權主動解約，並駁回青田音樂嘅上訴，但需要再還福茂唱片新台幣63萬嘅造型費，全案有得上訴[30]。9月3號、10號參加江蘇衛視《蒙面唱將猜猜猜》第二季節目，唱《眼淚》、《屋頂》、《是否愛過我》、《復刻回憶》。9月9號，參加時尚芭莎慈善夜。9月23號，相隔一年嘅《純粹世界巡迴演唱會》第二階段「純粹REMIX」喺北京首都體育館開始，第二階段共9場，最尾嘅深圳站喺2018年1月20號。11月5號·，參加江蘇衛視《不凡的改變》第二期節目，改編去唱騰格爾嘅《天堂》。

再次翻紅：2018年－依家

編輯
 
2018年嘅張韶涵

2018年1月，加盟湖南衛視《歌手2018》，為首發歌手，喺總決賽第一輪出局。喺比賽入面，佢同時做主持人，張韶涵喺第二期節目以《阿刁》[31]（原唱：趙雷）驚豔四座，唔單止攞到現場觀眾票選第二名，單曲發行後仲喺QQ音樂平台達到2.1億次嘅點播量（截至2018年3月）。YouTube點閱率都突破1400萬次（截至2019年10月），做咗YouTube臺灣2018年熱門影片第五名[32]，堪稱《歌手2018》最成功嘅翻唱歌曲之一，並列為中國QQ音樂金曲榜第一名成幾個禮拜，亦陸續喺中國嘅《酷狗》等各大音樂平台登頂。經過幾輪淘汰後，喺總決賽第一輪止步，但最終攞到節目前七強嘅成績。節目令佢人氣再次高漲，不斷收到各方邀約，令佢迎嚟事業嘅第二春，並喺同年錄製中國大陸主流綜藝節目《快樂大本營》（20180224期）。4月，雜誌《STARS生活美學誌NO.10》，國際版喺北京發行。4月10號，拍《新娘BRIDES》雜誌。4月21號，喺浙江衛視《異口同聲》。5月25號，喺酷狗直播真唱巡迴演唱會演唱。5月27號，張韶涵沉寂多年個家庭糾紛再次浮上檯面，老豆同舅父主動出面接受媒體採訪，再次向張韶涵攞錢，仲話要毀佢事業，但呢件事對張韶涵冇造成明顯負面影響[33][34][35][36]。

6月9號，喺芒果TV《我是大偵探》第十二期收官之戰（上），做神秘嘉賓。6月15號，喺浙江衛視《奔跑吧》節目做第十期嘅嘉賓，喺節目角色係奔大畢業生同鄭太嫲嫲，喺節目入面同主持群唱《寓言》、《快樂崇拜》、《隱形的翅膀》。6月16號，播出芒果TV《我是大偵探》第十三期收官之戰（下），喺該節目角色係服務員。7月14號，張韶涵第四次巡迴演唱會《旅程世界巡迴演唱會》喺上海梅賽德斯−奔馳文化中心開始第一場，發佈會上公布巡演地點橫跨亞洲、大洋洲、北美洲等27個場次，緊接住喺7月28號，喺西安西安曲江國際會展中心B4館搞咗第二場演唱會。10月28號開賣《旅程世界巡迴演唱會》台北場，成萬張門票喺兩分鐘內秒殺[37]。10月31號宣佈加場，喺12月14號、15號台北小巨蛋連開兩日演唱會[38]。12月31號張韶涵同時喺北京衛視、東方衛視同旅遊衛視3台參加跨年節目（部分畫面係預錄）。

2019年3月29號，參加湖南衛視《聲臨其境》第二季節目，同竇驍演繹《媽媽咪呀！》、《里約大冒險2》同《美女與野獸》片段。9月6號，發佈將收錄喺個人第十張專輯《？》嘅首波單曲《引路的風箏》，10月13號，生涯第五次個人巡迴演唱會《寓言世界巡迴演唱會》喺成都開始。10月22號，參加騰訊節目《知遇之城》。12月22號，開始連續三個星期日參加東方衛視《我們的歌》，同蔣一僑、周華健、肖戰等歌手合作，唱《看得最遠的地方》、《花心》、《Faded》＋《Titanium》、《吶喊》。12月22號，參加江蘇衛視《蒙面唱將猜猜猜》第四季節目年度盛典，唱《Dear Friend》、《引路的風箏》。12月31號，張韶涵同時喺北京衛視同江蘇衛視兩台參加跨年節目（部分畫面係預錄）。

2020年2月，以常駐音樂合夥人身分加入浙江衛視《天賜的聲音》。

同年出席中國中央電視台國慶晚會表演，事件引發兩岸爭議[39]。2021年1月，以常駐音樂合夥人身分加入浙江衛視《天賜的聲音》第二季。2021年2月11號，參加2021年中國中央電視台春節聯歡晚會，唱咗《明天會更好》。

音樂作品

編輯
内文：張韶涵音樂作品一覽

錄音室專輯

編輯
# 發行日期 專輯名 曲目 唱片公司 備註
1 2004年1月6號 《Over The Rainbow》[40]
曲目
  1. Over The Rainbow（《公主小妹》插曲）
  2. 寓言（原曲係英格蘭聖誕歌《God Rest Ye,Merry Gentlemen》）
  3. 都只因為你
  4. 我的最愛
  5. 天邊
  6. 聽見月光
  7. 吶喊
  8. 雨後
  9. 明明愛你
  10. 真愛冒險
  11. 遺失的美好（《海豚灣戀人》片尾曲）
  12. Journey（《海豚灣戀人》插曲）
 福茂唱片 專輯出咗唔到兩日就有兩萬張嘅成績[41]
2 2004年12月1號 《歐若拉》[42]
曲目
  1. Mama Mama
  2. 歐若拉
  3. 手心的太陽
  4. 浮雲（翻唱自日本歌手柴咲コウ第三張單曲CD《眠レナイ夜ハ眠ラナイ夢ヲ（日文：眠レナイ夜ハ眠ラナイ夢ヲ）》中的《浮雲》）
  5. 直線
  6. 起點
  7. 復活節
  8. 可以愛很久（翻唱自임현정的재회）
  9. 猜不透
  10. 靜不下來
  11. 快樂崇拜（同潘瑋柏合唱，翻唱自韓國歌手烏龜嘅《Come on》）
  12. 娃娃（《大長今》全球中文版主題曲 只收錄喺《歐若拉限量預購版》）
 福茂唱片
3 2006年1月6號 《潘朵拉》[44]
曲目
  1. 隱形的翅膀（《愛殺17》片尾曲）
  2. 潘朵拉
  3. 香水百合
  4. 真的（《加油！金順》八大版本片尾曲）
  5. 最近
  6. 驚天動地
  7. 保護色
  8. 口袋的天空（《愛殺17》片頭曲）
  9. 愛情旅程（《加油！金順》中視版本片尾曲）
  10. 喜歡你沒道理（《加油！金順》中視版本片頭曲）
  11. 永晝
 福茂唱片
4 2007年1月12號 《夢裡花》[46]
曲目
  1. 夢裡花
  2. 不痛（韓劇《你來自哪顆星》全球中文指定曲）
  3. C大調（Le Tea法式奇異果茶廣告歌）
  4. 樣子
  5. 幻想愛
  6. 給你給我
  7. 交換
  8. 其實很愛你（《屋頂上的綠寶石》片頭曲）
  9. 淚光
  10. 愛上愛的味道
  11. 尋寶（LOTTE無糖口香糖廣告曲）
 福茂唱片 《夢裡花》係張韶涵喺排舞蹈嗰陣，反覆夢到同樣嘅旋律，製作人陳俊廷跟住描述譜寫成呢首歌
5 2007年12月14號 《Ang 5.0》[47]
曲目
  1. 我戀愛了（《公主小妹》插曲）
  2. 不想懂得（《公主小妹》片尾曲）
  3. 親愛的 那不是愛情（韓劇《宮》片尾曲）
  4. 床邊故事
  5. 頭號甜心（大陸伊利巧樂茲雪糕廣告歌）
  6. 重來
  7. 能不能勇敢說愛（《公主小妹》插曲）
  8. 失憶
  9. 樂園（《公主小妹》插曲）
  10. 誰愛誰
  11. 不想懂得（鋼琴弦樂演奏版）
  12. 樂園（華爾茲弦樂演奏版）
 福茂唱片 請咗幾位知名音樂創作人一齊打造呢張專輯，有周杰倫、方文山、蔡健雅、韋禮安[48]
6 2009年9月25號 《第5季》[49]
曲目
  1. 第五季
  2. 白白的（韓劇《貝多芬病毒》片尾曲）
  3. 看得最遠的地方（韓劇《愛的謊言》片尾曲、電影【非常完美】插曲）
  4. 幸運之吻
  5. 搖擺頭（【雪碧汽水】廣告主打）
  6. 偶爾
  7. 我要你的
  8. 尋找愛蜜莉
  9. 再快樂一點
  10. I Started a Joke（翻唱Bee Gees經典歌曲）
 福茂唱片 呢次專輯展現出張韶涵特殊少見嘅中低音域唱腔[50]
7 2012年10月12號 《有形的翅膀》[51]
曲目
  1. That Girl（2012 BOBSON 廣告曲、原曲為《I'm That Girl》）
  2. 淋雨一直走
  3. 最近好嗎（緯來戲劇台《後宮甄嬛傳》片尾曲）
  4. 有形的翅膀
  5. 我沒改變
  6. 講不聽
  7. Honesty（原唱為美國歌手Billy Joel）
  8. If I'm the One for You
  9. 王子病（原曲為《9 Digits》）
  10. 兄弟姊妹
  11. 是我
 美妙音樂
  • 首次做音樂總監。
  • 專輯名象徵主一路支持嘅歌迷、朋友，同陪伴佢度過低潮，跨過懸崖嘅音樂力量，正如同有形嘅翅膀畀佢勇氣[52]
8 2014年3月7號 《張韶涵》[53]
曲目
  1. OK蹦
  2. 為愛而活
  3. 我的眼淚
  4. 陽光空氣
  5. 愛沒有錯
  6. 愛旅行的人
  7. 愛磁場
  8. 討好
  9. 刺情
  10. 活在此刻
  11. Never Forget You
 美妙音樂 大手筆收錄國外原創歌曲，輔以頂尖作詞人姚若龍、吳青峰、吳易緯等，展現中西融合嘅聽覺效果[54]
9 2016年7月21號 《全面淪陷》[55]
曲目
  1. 不害怕
  2. 第一頁
  3. 再見之前
  4. 終於
  5. 不後悔
  6. 忘了
  7. Go
  8. 全面淪陷
  9. 把你信仰（湖南衛視《尋找愛的冒險》片尾曲）
  10. 還記得嗎（弦樂版）
  11. 還記得嗎（青春搖滾版）
  12. 還記得嗎（歌迷合唱版）
 海蝶音樂
  • 首次做專輯製作人、MV導演。
  • 新銳畫家廖增翰同故事作者施彥如為專輯10首歌曲量『聲』打造華語樂壇首創【油畫藝術】同【流行音樂】跨界合作專屬畫作搭配10篇故事[56]
10 2019年12月18號（數碼）
2020年3月27號（實體）		 《？》
曲目
  1. 引路的風箏
  2. 還
  3. 因"我"而起
  4. 給還沒出現的你
  5. 別
  6. 作勢裝腔
  7. 無度
  8. 常
  9. 我
  10. 河
心喜文化 做幾首單曲製作人。
珍藏版嘅封面同內頁設計入面運用熱感技術。
《因"我"而起》MV融入國際舞蹈大師楊麗萍嘅作品《平潭映象》，攞到LAFA 洛杉磯電影獎（Los Angeles Film Awards）最佳MV獎（Best Music Video）[57]。

現場專輯

編輯
# 發行日期 名 發行公司
1 2007年8月3號 《百變張韶涵2007世界巡迴演唱會-臺北場》[58] 福茂唱片

單曲

編輯
類型 發行日期 歌名 合唱歌手 備註
預購單曲 2004年12月1號 娃娃[59] 收錄喺歐若拉限量預購版，電視劇《大長今》全球中文版主題曲
公益單曲 2005年1月 愛 群星 送愛到南亞賑災晚會主題曲，原曲《We Are the World》
數碼單曲 2007年4月4號 藍眼睛[60] 蘇打綠 只喺KKBOX數碼發行
廣告單曲 2007年8月3號 控制不了 收錄喺百變張韶涵2007世界巡迴演唱會-臺北場
單曲 2007年8月4號 絕不[61] 愛殺17插曲、加油好男兒主題曲
公益單曲 2008年6月3號 微笑的起點[62] 范瑋琪、郭靜 只數碼發行，四川大地震賑災歌曲
公益單曲 2010年 讓每天都是聖誕節 群星
廣告單曲 2010年3月 海寶來了 上海世博會主題曲、海寶來了主題曲
廣告單曲 2010年5月 城市之窗 上海世博會主題曲，收錄喺KKBOX、ezPeer+
廣告單曲 2010年8月 瞬間移動
公益單曲 2016年9月1號 看見愛[63] 群星 為中央人民廣播電台MusicRadio音樂之聲與中國兒童少年基金會共同主辦的「2016MusicRadio我要上學」獻唱主題曲
數碼單曲 2017年11月 傳世之愛 電視劇《獨步天下》片尾曲
數碼單曲 2018年1月 剩下了自己[64] 電視劇《戀愛先生》人物主題曲
數碼單曲 2018年1月 沒離開過[65] 電影《南極之戀》全球推廣曲
數碼單曲 2018年9月 如河 電影《悲傷逆流成河》主題曲
數碼單曲 2019年1月 三萬年之前 電影《熊出沒·原始時代》主題曲
數碼單曲 2019年1月 天分 電視劇《我的奇妙男友2之戀戀不忘》主題曲
數碼單曲 2019年9月 奇妙相遇 電影《雪人奇緣》主題曲
公益單曲 2020年1月 紅紅的太陽 《童唱新時代》少年兒童歌曲創作推廣活動單曲

合輯

編輯
發行日期 專輯名 演唱歌曲
2005年6月5號 《一比一》范瑋琪錄音室專輯 《如果的事》
2007年6月29號 《我不想忘記你》郭靜錄音室專輯 《仨人》
2010年12月8號 《她說》林俊傑錄音室專輯 《保護色》
2014年5月27號 《完整愛》鍾欣潼EP 《完整愛》

電視／電影原聲帶

編輯
發行日期 專輯名 演唱歌曲
2003年 《海豚灣戀人》電視原聲帶 《Journey》、《遺失的美好》
2009年9月11號 《非常完美》電影原聲帶 《非常完美》、《看得最遠的地方》
2011年2月13號 《幸福最晴天》電視原聲帶 《傷日快樂》
2011年 《烏托邦辦公室》電視原聲帶 《誰的烏托邦》

巡迴演唱會

編輯

到而家已經喺體育館搞過57次演唱會，喺體育場搞過7次演唱會，夾埋成做過64場演唱會。2020年已官宣4場體育場演唱會同1場體育館演唱會。

五次巡演到而家總場次數喺同時期出道臺灣女歌手入面排第二（僅次於蔡依林）。

舉辦時間 演唱會名 總場次
2006年8月11號—2008年6月1號 百變世界巡迴演唱會 5
2010年5月15號—2010年9月3號 潘朵拉星球世界巡迴演唱會 6
2015年10月31號—2018年1月20號 純粹世界巡迴演唱會 18
2018年7月14號—2019年3月23號 旅程世界巡迴演唱會 28
2019年10月13號—2020年 寓言世界巡迴演唱會 7+

影視作品

編輯

電視劇

編輯
年份 首播日期 播出頻道 劇名 角色 性質 備註
2002年 7月21號 華視、三立都會台 《MVP情人》 田羽希 女主角 出道作品
2003年 5月18號 華視、三立都會台 《海豚灣戀人》 易天邊 女主角 唱主題曲《遺失的美好》、《Journey》
2004年 9月5號 華視、三立都會台 《天國的嫁衣》 張韶涵 客串 客串第19集
2005年 7月3號 華視 《海豚愛上貓》 英子 客串
2006年 2月19號 中視、八大綜合台 《愛殺17》 徐宜真／徐宜靜／A-cat 女主角
2006年 8月7號 湖南衛視 《烽火孤兒》 邵韓 客串 客串第2、3集
2007年 9月16號 中視、八大綜合台 《公主小妹》 麥秋穗（皇甫珊）／穗蓉夫人 女主角 入圍第43屆金鐘獎戲劇節目女主角獎
2016年 1月20號 湖南衛視 《尋找愛的冒險》 夏以柔 特別主演 首次以古裝扮相演出

電影

編輯
年份 導演 中文片名 飾演 性質 合作演員
2005年 阿甘 《短信一月追[66]》 雪薇 主演 古巨基
2011年 陳駿霖 《10+10 (256巷14號5樓之1)》 妻子 單元主角 張孝全
2012年 潘源良 《影子愛人》 美惠子 重要演員 權相宇、張柏芝、丁春誠、井柏然
2017年 雷宇揚 《碟仙詭譚2》 喬巧 女主角 方力申、惠英紅、雷宇揚

電影配音

編輯
年份 中文片名 飾演 性質 備註
2004年 史力加2 費歐娜 女主角
2007年 史力加3 費歐娜 女主角
2010年 史力加萬歲萬萬歲 費歐娜 女主角

微電影

編輯
年份 導演 中文片名 飾演 合作演員
2003年 Love Story 張韶涵 許紹洋
2004年 誓願玫瑰 小雨 顏行書、林可唯
2011年 徐佩侃 把樂帶回家 攝影師 楊冪、古天樂、張國立、周迅
2012年 病·情 失明女孩 井柏然
2014年 陳映之 完整愛 Angela 鍾欣潼、周湯豪、羅力威

音樂錄影帶

編輯
年份 歌名 收錄專輯 歌手 備註
2002年 Without Your Love 《First Album》 5566 《MVP情人》太子篇大結局

其他作品

編輯

書籍著作

編輯
年份 書名 版本
2004年 奇蹟之安琪拉：（張韶涵之偶像夢工廠）
2010年 潘朵拉星球演唱會寫真紀實 精裝限量版、平裝版
2011年 美麗的游離 限量黑白版、一般版

節目主持

編輯
年份 頻道 節目名 備註
三立都會台 《中國那麼大》 新疆篇外景主持
八大綜合台 《娛樂百分百》 代班主持
三立電視台 《完全娛樂》 代班主持
2018年 湖南衛視 《歌手2018》 主持

《歌手2018》

編輯

2018年1月，加盟湖南衛視《歌手2018》、為首發歌手，喺4月13號未能晉級總決賽第二輪。

歌手2018 張韶涵競演排名
期數 輪數 播出日期 演唱歌曲 原唱 排名 得票率 得票數 出場序 備註
1 第一輪排位賽 1月12號 《夢裏花》 張韶涵 5 12.31% 184 3 —
2 第一輪淘汰賽 1月19號 《阿刁》 趙雷 2 17.20% 255 4 第一輪兩場總成績第2名
個人最高排名、得票率同得票數
預投票第1名
3 第一輪踢館賽 1月26號 《全世界失眠》 陳奕迅 6 9.53% 140 5 —
4 第二輪排位賽 2月2號 《Bésame Despacito》組曲 3 14.89% 210 5 —
《Bésame Mucho》 Emilio Tuero
《Despacito》 Luis Fonsi、Daddy Yankee
5 第二輪淘汰賽 2月9號 《來過我生命的你》 音頻怪物 6 6.49% 97 5 第二輪前兩場總成績第4名
個人最低得票率同得票數
6 第二輪踢館賽 2月16號 《搖籃曲》 卑南族南王民謠 3 16.86% 246 8 第二輪後兩場總成績第5名
《情人流浪記》 MATZKA樂團
《流浪記》 巴奈
7 第三輪第一場 2月23號 《追夢人》 鳳飛飛 6 10.16% 147 3 —
8 第三輪排位賽 3月9號 《在人間》 王建房 7 7.33% 110 3 個人最低排名
9 第三輪踢館淘汰賽 3月16號 《追夢赤子心》 GALA樂隊 3 14.75% 220 4 第三輪兩場總成績第6名
預投票第1名
10 第四輪排位賽 3月23號 《再見青春》 汪峰 5 12.37% 170 8 —
11 第四輪淘汰賽 3月30號 《漫步雲端》組曲 3 16.23% 243 2 第四輪兩場總成績第4名
晉級總決賽
《不害怕》 張韶涵
《歐若拉》
《不痛》
《遺失的美好》
《隱形的翅膀》
《手心的太陽》
12 突圍賽 4月6號 首發歌手進入總決賽
13 總決賽第一輪 4月13號 《花房姑娘》 崔健 — 4 幫唱嘉賓：毛不易
未晉級第二輪
《We Are the Champions》 Queen
14 2018金典之夜 4月20號 《寓言》 張韶涵 — 2 以組合形式同霍尊演出
《Liberian Girl》 Michael Jackson

獎

編輯
年份 重要嘅獎 作品 結果
2005年 第16屆金曲獎最佳國語女歌手獎 《歐若拉》 提名
2007年 第18屆金曲獎最佳國語女歌手獎 《潘朵拉》 提名
2006年 第41屆金鐘獎戲劇節目最佳女主角獎 《愛殺17》 提名
2008年 第43屆金鐘獎戲劇節目最佳女主角獎 《公主小妹》 提名
年份 獎項
出道前
  • UBC情歌比賽-冠軍
  • 中廣流行之星海外歌唱大賽-冠軍
2004年
  • 台灣2004Hito流行音樂獎獎年度票選-最受歡迎女新人獎　　
  • 台灣三立完全娛樂第一屆勁爆金曲獎-最佳新人
  • 中國香港無綫電視2004年度勁歌第一回-最受歡迎國語金曲獎
  • 中國第六屆CCTV-MTV音樂盛典-台灣最具潛力歌手張韶涵
  • 香港新城國語力2004年度新城國語-新勢力女歌手獎
  • 台灣第三屆「MTV封神榜音樂獎」封神榜- TOP20人氣歌手
  • 亞洲第四屆全球華語歌曲排行榜-最受歡迎新人
  • 中國上海2004年度天地英雄榜校園票選頒獎典禮-新聲報導獎（年度新人）
  • 中國香港2004TVB8金曲榜頒獎典禮-最佳女新人金獎
  • 中國香港2004TVB8金曲榜頒獎典禮- 10大金曲獎之一《寓言》
  • 中國香港2004新城勁爆頒獎禮-海外新人王獎
  • 中國第十一屆全球華語音樂榜中榜-台港最受歡迎新進歌手獎
  • 中國第12屆中歌榜頒獎禮-最受歡迎台港地區歌曲獎《吶喊》
  • 2004年度音樂先鋒榜頒獎典禮-最受歡迎女新人（台灣）
  • 第五屆百事音樂風雲榜-台港年度最新人
  • 第五屆百事音樂風雲榜-台港十大金曲獎《寓言》
  • 第五屆百事音樂風雲榜-台港十大金曲獎《歐若拉》
  • 第4屆雪碧我的選擇中國原創音樂流行榜-台灣最優秀新人獎
  • 第4屆雪碧我的選擇中國原創音樂流行榜-台港十大金曲獎《mama mama》
  • 2004MusicRadio中國TOP排行榜-台港年度金曲《天邊》
  • 2004MusicRadio中國TOP排行榜-音樂之聲推薦唱片《歐若拉》
  • 2004MusicRadio中國TOP排行榜-台港最受歡迎新人
  • 第五屆華語音樂傳媒大獎-新勢力大獎-張韶涵
2005年
  • 2005年度雪碧榜-台港金曲《手心的太陽》張韶涵
  • 2005年度雪碧榜-台灣最佳演繹歌手獎
  • 2005年度雪碧榜-最優秀合唱歌曲獎《如果的事》張韶涵、范瑋琪
  • 第五屆華語音樂傳媒大獎—新勢力大獎-張韶涵
  • 第五屆中國新唱片-新人獎　
  • 第十屆七彩金曲排行榜-最佳金曲《歐若拉》
  • 第十屆七彩金曲排行榜-年度最佳專輯《歐若拉》
  • 第十屆七彩金曲排行榜-年度最佳女歌手
  • 2005 MusicRadio中國TOP排行榜-台港年度金曲《如果的事》
  • 2005 MusicRadio中國TOP排行榜-台港年度金曲張韶涵《歐若拉》
  • 2005 MusicRadio中國TOP排行榜-點播冠軍歌曲：張韶涵《歐若拉》
  • 2005 MusicRadio中國TOP排行榜-台港最受歡迎女歌手
2006年
  • 2006 HITO流行音樂獎頒獎典禮-十大華語歌曲《歐若拉》
  • 2006年度雪碧中國原創音樂流行榜季選-台港金曲獎：張韶涵《真的》
  • 2006年度雪碧中國原創音樂流行榜季選-最具人氣歌手獎：張韶涵
  • 2006年度雪碧中國原創音樂流行榜季選-優秀表現獎：張韶涵
  • 2006 CCTV-MTV音樂盛典-台灣最受歡迎女歌手
  • 2006星光大典-台港最受歡迎女歌手獎
  • 第四十一屆台灣金鐘獎 入圍戲劇節目最佳女主角獎 張韶涵《愛殺17》
  • 2006年度雪碧音樂榜-台港金曲獎：張韶涵《真的》
  • 2006年度雪碧音樂榜-最優秀視像音樂獎：張韶涵《潘朵拉》
  • 2006年度雪碧音樂榜-最受歡迎女歌手：台灣地區張韶涵
  • 2006年第十三屆華語榜中榜頒獎-最受歡迎女歌手獎（台港部分） ：張韶涵
  • 2006年第十三屆華語榜中榜頒獎-年度最佳歌曲獎（台港部分） ：張韶涵《隱形的翅膀》
  • 2006MusicRadio中國TOP排行榜最受歡迎女歌手（台港）：張韶涵《潘朵拉》
  • 2006MusicRadio中國TOP排行榜點播冠軍曲（台港）：張韶涵《隱形的翅膀》
2007年
  • 2007KKBox頒獎典禮-年度十大專輯《潘朵拉》
  • 2007KKBox頒獎典禮-年度二十大單曲：《隱形的翅膀》張韶涵《潘朵拉》
  • 2007KKBox頒獎典禮-年度數位發行：張韶涵《尋寶》
  • 2007新加坡金曲獎-最佳演繹女歌手獎：張韶涵《夢裡花》
  • 2007新加坡金曲獎-年度全方位藝人獎：張韶涵
  • 2007新加坡金曲獎-年度舞台魅力獎：張韶涵
  • 2007新加坡金曲獎-最炫專輯造型獎：張韶涵《夢裡花》
  • 2007中國香港TVB8-最愛女歌手獎　
  • 2007中國香港TVB8-不痛-年度10大金曲　
  • 2007年MusicRadio中國TOP排行榜台港年度最佳女歌手-張韶涵
  • 2007年第五屆特步東南勁爆音樂榜台港年度最佳女歌手-張韶涵
  • 2007年雪碧我的選擇中國原創音樂流行榜-台港最受歡迎女歌手
  • 2007年雪碧我的選擇中國原創音樂流行榜-傳媒推薦大獎
  • 2007中歌榜-台港最受歡迎女歌手　
  • 2007中歌榜台港金曲獎：張韶涵《夢裡花》
  • 2007年TVB金曲榜頒獎典禮-金曲獎張韶涵《不痛》
  • 2007年TVB金曲榜頒獎典禮最受歡迎女歌手：張韶涵
2008年
  • 2008年風尚大典年度音樂偶像風尚人物：張韶涵
  • 第四十三屆台灣金鐘獎 入圍戲劇節目女主角獎 張韶涵《公主小妹》
  • 2008年Didadee大馬金曲獎年度最佳女歌手-張第六屆中國金唱片
  • 2008年第六屆中國金唱片引進版類女演員獎：張韶涵　
  • 2008年百度娛樂沸點女藝人第8名張韶涵百度搜索：225,824,088次
  • 2008年HITO流行音樂獎年度十大華語歌曲：張韶涵《不想懂得》
2009年
  • 2009年雪碧中國原創音樂流行榜最受歡迎台港女歌手-張韶涵
  • 2009年雪碧中國原創音樂流行榜傳媒推薦大獎-張韶涵
  • 2009年雪碧中國原創音樂流行榜台港年度金曲-張韶涵《不想懂得》
  • 2009年中國樂享中華·美麗發現——新浪網絡盛典新中國60年專場獲最佳台港音樂人-張韶涵
  • 2009年中國百度年度中文金曲榜上榜周數最多歌曲：張韶涵《白白的》
  • 2009年中國QQ音樂年度十大金曲：張韶涵《看的最遠的地方》
  • 2009年中國QQ音樂年度十大專輯：張韶涵《第五季》
  • 2009年Hit FM 年度百大單曲：張韶涵《看的最遠的地方》《白白的》
  • 2009年第五屆KKBOX數位音樂風雲榜十大專輯榜：第八名 張韶涵《第5季》
2010年
  • 2010年中國百度娛樂點最熱門十大金曲第四名：《非常完美》
  • 2010年中國百度娛樂點年度最受歡迎國語第五名：《第5季》
  • 2010年中國百度娛樂點年度最受歡迎唱歌曲：《非常完美》
  • 2010年美國男性雜誌《COMPLEX Magazine》票選台灣十大性感女星之一
  • 2010年雪碧中國原創流行榜台灣最受歡迎女歌手——張韶涵
  • 2010年雪碧中國原創音樂流行榜全國DJ投票卓越表線大獎——張韶涵
  • 2010年雪碧中國原創音樂流行榜港台金曲——白白的
  • 2010年星周刊年度盤點十大港台最受歡迎女藝人——張韶涵
  • 2010年星周刊年度盤點十大最受歡迎國語專輯——《第5季》
  • 2010年福布斯中國名人榜完全榜單——張韶涵40名、收入26名、網絡搜索30名、報紙92名、雜誌電視91名
2012年
  • 第20屆中國歌曲排行榜年度最受歡迎女歌手：（港台及海外地區）張韶涵
  • 第20屆中國歌曲排行榜年度最佳專輯：（港台及海外地區）張韶涵《有形的翅膀》
  • 第20屆中國歌曲排行榜年度最佳編曲：DJ mobster《淋雨一直走》
  • 第20屆中國歌曲排行榜年度金曲：《淋雨一直走》
  • 2012年音樂先鋒榜港台十大先鋒金曲：《最近好嗎》
  • 2012年音樂先鋒榜最受歡迎先鋒歌手五強-張韶涵
  • 2012年音樂先鋒榜港台最受歡迎先鋒歌手-張韶涵
  • 2012年音樂先鋒榜23家電台聯頒最佳專輯-張韶涵《有形的翅膀》
  • 2012年度QQ音樂年終大盤點：年度歌手榜最熱女歌手、年度專輯榜華語十大流行專輯《有形的翅膀》
  • 2012年度蒙牛綠色心情中國TOP排行榜MusicRadio-十年飛躍大獎
  • 2012年度蒙牛綠色心情中國TOP排行榜MusicRadio-年度傑出藝人
  • 2012年度蒙牛綠色心情中國TOP排行榜MusicRadio-年度金曲：淋雨一直走
  • 2012年度中國百度娛樂沸點-百度音樂10年飛躍成就歌手
2013年
  • 第九屆勁歌王金曲金榜-台灣最佳女歌手
  • 第十三屆音樂風雲榜-港台最受歡迎女歌手
  • 第17屆全球華語榜中榜-最佳音樂演繹歌手
  • 第17屆全球華語榜中榜-最佳女歌手
  • 第3屆全球流行音樂金榜-年度進榜最久專輯《有形的翅膀》
  • hito流行音樂獎-舞台演繹
  • hito流行音樂獎-好聲音
2014年
  • 第十四屆全球華語歌曲排行榜-年度最佳專輯《Angela Zhang》
  • 第十四屆全球華語歌曲排行榜-年度最佳專輯製作人
  • 第十四屆全球華語歌曲排行榜-最受歡迎歌手5強
  • 第十四屆全球華語歌曲排行榜-最佳全能藝人
2017年
  • 第五屆音悅v榜-中國百度年度熱搜[67]
  • 第五屆音悅v榜-港台最佳女歌手[68]
  • 第7屆全球流行音樂金榜-年度最受歡迎女歌手
  • 第7屆全球流行音樂金榜-年度20大金曲《不害怕》
  • hito流行音樂獎-Hit Fm最具舞台風格大獎
  • MusicRadio中國TOP排行榜-港台最佳女歌手
  • 優德之夜•熱歌榜中榜-最熱門專輯
  • 優德之夜•熱歌榜中榜-最佳歌手
  • 優德之夜•熱歌榜中榜-最熱門女歌手
2018年
2019年
  • 2018年度QQ音樂巔峰榜-十大港台歌手
  • 2018年度QQ音樂巔峰榜-十大綜藝單曲《阿刁》（Live）
2020

年

《因我而起》MV攞LAFA 洛杉磯電影獎（Los Angeles Film Awards）最佳MV獎（Best Music Video）


廣告／代言

編輯
年份 廣告代言
2003年
  • 代言金庸線上Online之葵花寶典系列（同顏行書共同代言）[69]
2004年
  • 代言統一多果汁全系列[70]
  • 代言Biotherm碧兒泉化妝品[71]
  • 代言吞食天地之軍團學員[72]
  • 代言三立動漫卡通「尋找滿月」
2005年
  • 1月做東方廣播電台南亞災情「愛心大使」（韶涵嘅首件義賣品就係范瑋琪送佢自己設計圖案嘅T卹）
  • 史瑞克二之費歐娜女主角中文版配音
  • 代言中國綠泇休閒服
  • 代言愛戀金誓七夕情人節系列
  • 代言OLAY「Nature science」同埋防曬系列（延續至2006）（世界出名護膚品牌）
  • 代言第九城市「快樂西遊」（延續至2006）
  • 代言中國Lenovo聯想數字娛樂中心（延續至2006）
  • 代言電影「星際寶貝」
  • 代言韓劇《夏日香氣》（同顏行書）
2006年
  • 代言臺北捷運「關懷大使」（同Hit FM聯播網合作）
  • 續約愛戀金飾西洋情人節系列
  • 代言中國伊利『巧樂茲』冰淇淋
  • 代言ANIMAX頻道最新強擋動畫「魔法少女隊」
  • 代言中國Lenovo聯想數字娛樂中心&聯想天驕電腦
  • 代言中國可口可樂
  • 代言中國蘇菲彈力貼身衛生棉
  • 代言中國聯通新勢力（同JJ）
  • 代言Lotte樂天+X水果系列香口膠
  • 代言台灣國際影視博覽會影視大使
2007年
2008年
  • 代言中國伊利巧樂茲雪糕
  • 代言PanasonicFX30數碼相機
  • 代言雪碧汽水（同周杰倫）
  • 代言中國美特斯·邦威服飾（同潘瑋柏、周杰倫）
  • 代言樂事洋芋片
  • 代言嬌生睛漾每日拋隱形眼鏡（輕熟女系列）
  • 代言中國蘇菲氧氣特薄衛生巾
  • 代言Bobson牛仔褲
  • 代言~H2O+護膚品系列
  • 代言色彩地帶（妍華控股有限公司旗下公司）彩妝&護膚產品（拍攝平面廣告）（後來喺2009年受到財政問題及負債過高困擾而終止）
2009年
  • 代言樂事洋芋片
  • 代言雪碧汽水
  • 代言Bobson牛仔褲
  • 代言中國美特斯·邦威服飾（同潘瑋柏、周杰倫）
  • 代言中國伊利巧樂茲雪糕
  • 代言蘇菲衛生棉
  • 代言色彩地帶（妍華控股有限公司旗下公司）化妝品（後來喺2009年受到財政問題及負債過高困擾而終止）
  • 代言「嬌生Acuvue睛漾」隱形眼鏡
2010年
  • 代言中國樂事洋芋片（同王力宏）
  • 代言中國伊利巧樂滋雪糕（同羅志祥）
  • 代言中國蘇菲超長夜用420衛生棉
  • 代言Bobson牛仔褲
  • 代言2010中國上海世博會主題活動「城市之窗」
  • 代言「嬌生Acuvue睛漾」隱形眼鏡
2011年
  • 代言樂事洋芋片（同王力宏）
  • 代言Bobson牛仔褲
  • 代言中國內地伊利巧樂茲雪糕（同羅志祥）
  • 代言中國蘇菲超長夜用420衛生棉
  • 代言中國樂事蝦味薯片
  • 11月做臺灣SPCA防止虐待動物協會「愛心大使」（同SPCA聯手製作一系列限量版 T-shirt 同狗狗嘅衫）
  • 代言樂事洋芋片（百事可樂2012新春賀年廣告）（同古天樂、羅志祥）
2012年
  • 代言Bobson牛仔褲
  • 代言張韶涵自己設計的高跟鞋品牌Temptation [75]
  • 代言第5屆FG美妝評鑑大賞形象大使（FashionGuide）
2013年
  • 代言Bobson牛仔褲
  • 代言中國巧茜妮保養品
2017年
  • 拍攝貓途鷹TripAdvisor廣告
  • 拍攝金典有機奶公益廣告
2018年
  • 做金典公益大使
  • 給TA一本書計劃公益大使
  • 代言淘寶全球購，擔任買手招募官
  • 做嬌韻詩黃金雙品首席體驗官
  • 林清軒山茶花潤膚油
  • Heartbeats

拍嘅雜誌

編輯
年份 拍嘅雜誌
2016年
  • NÜYOU女友雜誌
  • Angela 張韶涵：因為真心，所以能夠勇敢｜Vogue Taiwan
2018年
  • STARS生活美學誌NO.10
  • 【ICON F時尚畫報】The light never been fade
  • 鳳凰網時尚
  • MARS星紀時尚
  • 新娘BRIDES
  • 小資風尚
  • 星紀風尚VOL.20
  • ELLESHOP: 張韶涵 「遺落人間，天使清澈如初」
2019年
  • 精品購物指南
  • 領客LINK
  • StreetX
  • 精美JSTYLE
2020年

政治立場

編輯

張韶涵喺兩岸政治上被視為親中派藝人，自2010年就非常集中喺中國嘅市場，又曾經多次被邀請上中國中央電視台嘅春晚演出[76]。雖然好多親中派台灣藝人都受到一啲台灣網民嘅非議，但有部份網民就認為當初喺台灣對唔住佢，喺佢同媽媽嘅爭議風波之間好多台灣傳媒都對佢一沉百踩，所以對佢嘅批評比起對其他親中派藝人（例：蕭敬騰）溫和[77]。

參考

編輯
  1. ↑ 〈張韶涵用隱形翅膀飛翔！8金句「天生勵志」撼動人心〉。《TVBS新聞》。2018-12-01。原先內容歸檔喺2021-02-22。喺2020-11-01搵到。
  2. ↑ 〈網友編纂歌手天后大全 45位封號各不同〉。《新浪新聞》。2014-07-08。原先內容歸檔喺2021-02-22。喺2020-11-27搵到。
  3. ↑ 〈亞洲百變天后張韶涵的豐收年〉。《MTV頭條新聞》。2007-12-19。原著喺2020-11-16歸檔。喺2020-11-01搵到。
  4. ↑ 〈百變張韶涵　媚帥登上女同雜誌雙封面〉。《性別人權協會》。2011-06-24。原先內容歸檔喺2020-11-07。喺2020-11-01搵到。
  5. ↑ 〈月銷萬雙！張韶涵砸資千萬自創品牌鞋　神速開2店〉。《三立新聞》。2014-04-02。原著喺2021-02-03歸檔。喺2020-11-01搵到。 {{cite web}}: Unknown parameter |dead-url= ignored (|url-status= suggested) (help)
  6. ↑ 〈藝人Ｘ檔案 張韶涵〉。《自由時報》。原著喺2020-10-08歸檔。喺2020-09-21搵到。
  7. ↑ 〈《張韶涵 涵情脈脈》書籍試讀：追尋夢想的Journey〉。《豆瓣》。2008-01-01。
  8. ↑ 〈達人聽音樂張韶涵出道歷程介紹〉。《KKbox達人聽音樂》。2008-10-22。
  9. ↑ 〈從今起 你將不會忘記的新女聲～張韶涵！〉。《iNEWS銀河娛樂新聞》。2010-11-17。
  10. ↑ 〈全亞洲銷售破100萬張，張韶涵晉升小天后！〉。《iNEWS銀河娛樂新聞》。2010-11-17。
  11. ↑ 〈新歌「mama mama」，差點造成張韶涵母女失和？！〉。《iNEWS銀河娛樂新聞》。2010-11-17。
  12. ↑ 〈第16屆金曲獎重要入圍名單〉。《蘋果日報》。2005-04-16。原著喺2018-06-19歸檔。喺2020-06-06搵到。
  13. ↑   YouTube上面嘅張韶涵 歐若拉 Live 2005 08 31 SBS.Jhe Yu.2010-01-10
  14. ↑ 〈首次挑戰邊唱邊跳，韶涵：真的要向jolin致敬啊！〉。《iNEWS銀河娛樂新聞》。2010-11-17。
  15. ↑ 蔡佩吟、曾珮玟 (2006-11-08)。〈張韶涵搶金鐘影后 沒空登大銀幕〉。《蘋果日報》。原著喺2020-06-06歸檔。喺2020-06-06搵到。
  16. ↑ 〈第十八屆金曲獎入圍名單〉。《文化部影視及流行音樂產業局》。2007。原著喺2015年11月18日歸檔。
  17. ↑ 陳思怡 (2007-01-12)。〈張韶涵小露性感　舉辦發片記者會〉。《TVBS新聞》。原著喺2015年11月19日歸檔。
  18. ↑ 陳思怡 (2007-04-02)。〈百變張韶涵　十套勁裝性感開唱〉。《TVBS新聞》。
  19. ↑ 〈張韶涵完成夢想　顏行書擁抱祝賀日〉。《TVBS新聞》。2007-04-02。
  20. ↑ 陳慧貞 (2008-10-04)。〈《電視金鐘獎》戲劇獎向市場靠攏 女偶像群起爭后冠〉。《大紀元》。
  21. ↑ 〈張韶涵成昆明62棒火炬手 跑步機上練習傳遞〉。《東方娛樂》。2008-06-09。原著喺2016-11-07歸檔。喺2016-11-17搵到。
  22. ↑ 〈張韶涵反控母親 掏空積蓄〉。《自由時報》。2009-09-11。
  23. ↑ 〈張韶涵秀驗尿報告 自清沒吸毒〉。《自由時報》。2009-09-25。
  24. ↑ 〈張韶涵家人互毆 再鬧家醜〉。《自由時報》。2011-01-21。
  25. ↑ 〈張韶涵家醜風波哽咽獻唱 好友否認其棄養父母〉。《大紀元》。2011-01-24。
  26. ↑ 〈張韶涵遭母指控教唆打人 不起訴〉。《自由時報》。2011-11-22。
  27. ↑ 張韶涵強勢回歸樂壇 首波單曲 [ That Girl ]短短五天 搶下百萬次點播 首次擔任音樂總監 挑戰電子舞曲.張韶涵強勢回歸樂壇 歌迷期待值破錶!嘅facebook頁.2012-07-24
  28. ↑ 張韶涵 (Angela Chang) - 有形的翅膀 專輯 互聯網檔案館嘅歸檔，歸檔日期2012-10-18..KKBOX
  29. ↑ 〈張韶涵解約！青田、福茂求償3465萬 法院判只要付4萬〉。《ETtoday星光雲》。2014-05-27。
  30. ↑ 〈張韶涵合約糾紛 二審加碼判賠福茂63萬〉。《自由時報》。2017-08-23。
  31. ↑   YouTube上面嘅張韶涵《阿刁》 - 《歌手2018》第2期 單曲純享版 The Singer 【歌手官方頻道】.芒果TV音樂頻道 MGTV Music Channel - 聲入人心熱播中.2018-01-20
  32. ↑ 〈YOUTUBE2018年熱門影片（臺灣）〉。2018年12月6日。
  33. ↑   YouTube上面嘅張韶涵又爆家醜！62歲父坐輪椅現身控棄養.東森新聞 CH51.2018-05-26
  34. ↑   YouTube上面嘅最新》張韶涵再被控棄養父母 舅舅：要毀掉她事業.東森新聞 CH51.2018-05-27
  35. ↑   YouTube上面嘅20180527中天新聞　控張韶涵棄養父母！　舅舅：有拿妳錢就被車撞.中天新聞CH52.2018-05-26
  36. ↑ 〈（獨家直擊）打臉台勞說！張韶涵媽牛排館被爆月租4100萬〉。《自由時報》。2018-06-05。
  37. ↑ 吳雨婕 (2018-10-28)。〈張韶涵巡演門票2分鐘售罄 主辦單位考慮加場 | 娛樂〉。《NOWnews 今日新聞》 (臺灣中文)。喺2019-11-16搵到。
  38. ↑ 〈張韶涵紅娘當上癮 小巨蛋加場暴雷3驚喜〉。《噓！星聞》。2018-10-31。原著喺2020-07-17歸檔。喺2020-06-06搵到。
  39. ↑ 〈台灣藝人歐陽娜娜、張韶涵獻唱中國大陸國慶晚會引發兩岸爭議〉。《BBC News 中文》 (繁體中文)。喺2020-11-19搵到。
  40. ↑ 張韶涵 (Angela Chang) - Over The Rainbow 專輯 .KKBOX
  41. ↑ 從今起 你將不會忘記的新女聲～張韶涵！.iNEWS銀河娛樂新聞.2010-11-17
  42. ↑ 張韶涵 (Angela Chang) - 歐若拉-Aurora 專輯 .KKBOX
  43. ↑ 新歌「mama mama」，差點造成張韶涵母女失和？！.iNEWS銀河娛樂新聞.2010-11-17
  44. ↑ 張韶涵 (Angela Chang) - 潘朵拉 專輯 .KKBOX
  45. ↑ 首次挑戰邊唱邊跳，韶涵：真的要向jolin致敬啊！.iNEWS銀河娛樂新聞.2010-11-17
  46. ↑ 張韶涵 (Angela Chang) - 夢裡花 專輯 .KKBOX
  47. ↑ 張韶涵 (Angela Chang) - Ang5_0 專輯.KKBOX
  48. ↑ 王心凌駕輕航機 飛上天轉八圈，新專輯改版心情輕飄飄！.iNEWS銀河娛樂新聞.2010-11-17
  49. ↑ 張韶涵 (Angela Chang) - 第5季 專輯 .KKBOX
  50. ↑ 張韶涵新專輯封面曝光 低胸馬甲性感上陣(組圖).北京新浪網.2009-09-15
  51. ↑ 張韶涵 (Angela Chang) - 有形的翅膀 專輯.KKBOX
  52. ↑ 張韶涵『有形的翅膀』專輯介紹 .銀河網路電台
  53. ↑ 張韶涵 (Angela Chang) - 張韶涵Angela Zhang 專輯 .KKBOX
  54. ↑ 梁夢竹.張韶涵「女神」造型唯美 新輯砸2千萬.大紀元.2014-02-26
  55. ↑ 張韶涵2016全新專輯【全面淪陷】7/7全通路預售！7/21正式發行！首波主打「再見之前」.張韶涵 Angela Chang嘅facebook頁.2016-06-27
  56. ↑ 全面淪陷 專輯介紹.五大唱片
  57. ↑ LAFA 洛杉磯電影獎（Los Angeles Film Awards）
  58. ↑ 張韶涵 (Angela Chang) - 百變張韶涵 2007世界巡迴演唱會-臺北場 專輯 .KKBOX
  59. ↑   YouTube上面嘅張韶涵-娃娃 《大長今中文主題曲》.Spellinghost.2013-05-11
  60. ↑ 張韶涵+蘇打綠 - 不可能的Mix 專輯 .KKBOX
  61. ↑ 張韶涵 (Angela Chang) - 絕不 專輯 .KKBOX
  62. ↑ 范瑋琪+張韶涵+郭靜 (Fanfan Fan+Angela Cheung+Claire Kuo)) - 微笑的起點 專輯 .KKBOX
  63. ↑ [1]. Youtube
  64. ↑   YouTube上面嘅 剩下了自己 - 張韶涵【Official Music Video】獻聲電視劇《戀愛先生》.那甫娛樂.2018-01-21
  65. ↑   YouTube上面嘅張韶涵 Angela "沒離開過 I Surrender" 電影《南極之戀》全球推廣曲 Official MV. 闊思音樂CROS MUSIC.2018-01-30
  66. ↑ 《短信一月追》喺開眼電影網嘅資料（臺灣正體）
  67. ↑   YouTube上面嘅張韶涵 Angela Zhang《不害怕+隱形的翅膀》LIVE 第五屆音悅V榜年度盛典 20170408.John Yo.2017-04-09
  68. ↑   YouTube上面嘅2017.04.08 張韶涵 港台最佳女歌手 第五屆音悅V榜年度盛典 20170408.John Yo.2017-04-09
  69. ↑ 葵花寶典 江湖再現 顏行書、張韶涵化身金庸群俠傳Online代言人舞劍撫琴藝驚人.金庸群俠傳Online.2002-09-12
  70. ↑   YouTube上面嘅張韶涵2004代言統一多果汁廣告 - 鮮橙多.pttangela.2009-02-16
  71. ↑ 曾明進.張韶涵送許孟哲保養品 要男友一起美白 互聯網檔案館嘅歸檔，歸檔日期2020年6月6號，..蘋果日報.2004-05-23
  72. ↑   YouTube上面嘅張韶涵代言吞食天地 - 軍團學園廣告.pttangela.2009-02-15
  73. ↑   YouTube上面嘅張韶涵 Panasonic FX 30廣告.殺手豪.2009-07-10
  74. ↑   YouTube上面嘅張韶涵panasonic相機廣告.dolphinangel629.2009-03-24
  75. ↑ 〈張韶涵高跟鞋品牌Temptation〉。原著喺2020年8月7號歸檔。喺2022年1月4號搵到。
  76. ↑ 〈台灣藝人歐陽娜娜、張韶涵獻唱中國大陸國慶晚會引發兩岸爭議〉。《BBC News 中文》 (繁體中文)。喺2022-01-30搵到。
  77. ↑ 〈同樣登春晚！蕭敬騰被罵翻、張韶涵無事 眾人揭心疼內幕〉。tw.sports.yahoo.com (中文)。喺2022-01-30搵到。

出面網頁

編輯
 
維基同享有多媒體嘅嘢：
張韶涵
由「https://zh-yue.wikipedia.org/w/index.php?title=張韶涵&oldid=2201897」收