美國駐香港及澳門總領事館

美國駐香港及澳門總領事館英文Consulate General of the United States in Hong Kong and Macau)係美國香港特別行政區同埋澳門特別行政區外交代表機構,係美利堅合眾國中華人民共和國嘅六座使領館之一,不過領事館並唔係屬於美國駐華大使館之下,而係直接隸屬美國國務院。呢間領事館位於香港中環花園道26號,現任嘅總領事係梅儒瑞Gregory May)。

美利堅合眾國駐香港及澳門總領事館
明細
原名Consulate General of the United States of America in Hong Kong and Macau
類型consulate general[*]
喺邊中環花園道26號
座標22°16′41″N 114°09′31″E / 22.2781928°N 114.1586562°E / 22.2781928; 114.1586562
網站hk.usconsulate.gov

歷史 編輯

美國駐港領事館喺1843年建立,係其中第一個駐港嘅領事機構之一[1],而當初喺冇領事館之前,只係有一位總領事喺屋企處理事務。喺20世紀初期,總領事館位於雪廠街9號,後嚟搬咗去匯豐大廈。1950年代尾,總領事館再搬咗去依家喺花園道26號嘅地址[2]。總領事嘅官邸喺山頂白加道3號,喺政務司司長同埋解放軍駐港部隊嘅司令員嘅隔籬。

1945年12月,美國同英國簽咗租借結算聲明,美國同意向英國俾佢哋戰後所需要嘅資金,而英國就容許美國喺英國領土上面買地嚟起政府或者教育嘅設施[3]。美國嘅駐港領事同英國嘅港督喺1946年開始談判,當時中華民國仍然喺中國大陸掌權[3]。美國提議咗花園道26號嘅地址,有大約47,000平方英尺(4,400平方米)嘅地。幾個月之後,美國政府正式用租界聲明嚟買呢塊地[3]。呢份買賣喺3個月内就批准咗,到1954年,領事館正式開始建築嘅計劃[3] Construction was finished in June 1957, and the land lease was signed in 1960.[4][3]

1997年3月,中國外交部長李肇星同美國政府代表尚慕傑簽咗《中華人民共和國政府與美利堅合眾國政府關於喺香港特別行政區保留美國總領事館嘅協定》,協定中華人民共和國政府同意美國政府喺香港保留總領事館,當時領區只係香港,不過到澳門回歸之後加埋澳門[5]

1999年10月,港府同美國方面曾經簽訂過地契嘅修訂協議,將用地嘅批租期由原本嘅「75年+75年」模式,改做俾美方以4,400萬港元買入地皮嘅永久業權(freehold),延長地契年期到總共999年,喺2949年先至到期。有關嘅協議喺2018年8月由「股壇長毛」David Webb揭發咗[6]

2013年6月,美國國家安全局爆料人員斯諾登聲稱,中央情報局喺駐港領事館有分站,而美國同香港政府雙方都拒絕評論[7]

2021年3月,有2位領事館職員被發現中咗新冠肺炎[8],而佢哋嘅女亦都中咗招,令到佢嘅學校要閂門[9]。有啲大陸嘅親北京報道,包括環球時報,都聲稱呢個家庭用外交豁免權嚟避免隔離,不過美國政府同埋香港政府都否認咗。林鄭月娥表示,個女去咗醫院同父母共聚[10]親北京工聯會民建聯喺領事館搞咗一個抗議,覺得個家庭唔正當咁用咗外交豁免權[10]

2020年,大陸政府要求美國總領事喺同香港政府溝通之前,先同外交部駐港特派員公署申請同批准。2023年,美國總領事需要5日前事先通知北京[11]

職能 編輯

美國駐港領事館規模好龐大,自從1949年國共內戰之後,已經成為咗美國編員之中,其中規模最大嘅海外駐館之一。佢除咗睇哂東南亞區域內大部分美商嘅業務之外,因爲自從內戰以嚟,美國喺大陸嘅外交活動長期斷絕咗,所以仲要用領事館嚟做埋「耳目」嚟觀察中國大陸嘅情勢發展[12]

除此之外,領事館嘅廳洗一幢獨立建築,同大部分喺香港有領事館嘅國家有唔同。美國駐港領事館到依家,係美國唯一有大使館地位、直屬美國國務院、亦可以獨立咁行使職權嘅領事館(另一個本來係美國駐耶路撒冷總領事館,不過因爲美國喺2019年將駐以色列嘅大使館,搬咗去耶路撒冷,跟住同美國駐以色列大使館合并咗)[13]。呢個領事館除咗為美國公民提供領事服務之外,亦都為香港澳門居民提供美國各類簽證嘅申請服務。

領事館嘅內部安全由美國海軍陸戰隊使館警衛隊(Marine Security Guard)負責[14],根據美國國務院監察辦公室2017年嘅報告,美國駐港澳領事館內派駐有8名陸戰隊員[15]

揭露「棱鏡」計劃斯諾登話,美國駐港領事館入面有美國中央情報局嘅分站[16]

事件 編輯

 
1999年5月12日,美國駐港領事館嘅海軍陸戰隊衛兵下半旗,為五八事件嘅死難者致哀。同一日,北京美國駐華大使館同其佢美國喺大陸嘅領事館都有下半旗。
  • 2005年12月16號,香港舉行世界貿易組織第六次部長級會議期間,有一批反全球化韓國農民,喺領事館門外面示威,有人剃頭、用油漆嚟塗污領事館外牆、拆毀門外嘅招牌等等。
  • 2019年8月18號,一位中國內地嘅男子秦鏡鈞,攞住港澳通行證去咗領事館,嘗試咗用噴漆喺領事館大門度噴「中國必勝」嘅字眼。佢用紅漆噴咗「中國必」之後,就俾差佬截停同拉咗。嗰位男人之後同警方表示,噴涂係出於對美國嘅唔滿,認為美國介入咗香港近期嘅反修例游行。8月20日,秦鏡鈞喺東區裁判法院提堂,法院依照刑事損壞罪,判咗坐4個禮拜監[17][18]
  • 2019年9月8號,喺中區反修例游行期間,25萬人參與喺中環遮打花園舉行嘅「香港人權與民主法案集會」,跟住之後則自發流水式到美國駐港總領事館請願通過該法案。[19]
  • 2020年7月,因應美國決定閂咗美國駐休士頓總領事館去,香港嘅工聯會發起咗聯署,要求美國閂埋駐港領事館。[20]
  • 2020年8月25號下晝4點,一位做設施經理嘅美籍領事館職員,喺領事館門外面俾一位男人襲擊,之後就有一位有三合會背景嘅35歲中國籍男人喺屯門俾警察拉咗[21]
  • 2021年3月15號,兩位喺領事館嘅職員初步確診新冠肺炎,而兩個係夫婦關係。特區政府喺嗰晚發稿,話食物及衞生局發出咗強制檢測嘅公告,要求喺2021年3月2-15號曾經到過領事館嘅人,都要接受強制檢測[22]。後日,美國批評大陸官媒《環球時報》同香港親建制派嘅媒體,話佢哋無理喺報導入面指控兩位美國確診嘅人用外交豁免權嚟拒絕隔離。美國亦重申,會堅決反對中方傳媒喺公共衛生嘅議題上面,爲咗針對美國而製造假新聞[23][24]
  • 2023年6月13號朝早5點幾,一位47歲有雙程證嘅男人喺領事館外面徘徊,並且喺大閘同外牆用白色嘅油噴咗簡體字「雙標」同英文「hegemony」(霸權),職員發現之後報警求助。警方到場之後截獲,同埋以涉嫌刑事毀壞拉咗嗰位男人[25]

睇埋 編輯

編輯

  1. 丁新豹 (2014-11-17). . 三聯書店(香港). ISBN 9789620436680.
  2. 史|美國總領事館 香港及澳門. 原先內容歸檔喺2012-05-01. 喺2012-05-02搵到.
  3. 3.0 3.1 3.2 3.3 3.4 "The story of how US consulate got a 999-year lease in central Hong Kong". South China Morning Post (英文). 2018-08-18. 喺2020-07-28搵到.
  4. "'Bad' US consulate to get facelift, says envoy Kurt Tong". South China Morning Post (英文). 2019-02-15. 喺2020-07-28搵到.
  5. 中華人民共和國外交部; 美國國務院. . 喺2022-12-02搵到.[失咗效嘅鏈]
  6. 領館被揭4,400萬買斷地皮. 蘋果日報. 2018-08-07. 原先內容歸檔喺2020-02-06. 喺2018-08-07搵到.
  7. "US consulate, Hong Kong no comment on Snowden". June 10, 2013.
  8. "Hong Kong Covid-19 cluster forces US consulate to close; new lockdown in force". South China Morning Post (英文). 2021-03-15. 喺2021-03-17搵到.
  9. "Hong Kong preschool shuts as toddler among 11 new cases of Covid-19". South China Morning Post (英文). 2021-03-17. 喺2021-03-17搵到.
  10. 10.0 10.1 "US slams Chinese media for saying consulate staff in Hong Kong skipped quarantine". South China Morning Post (英文). 2021-03-16. 喺2021-03-17搵到.
  11. "Beijing restriction on US diplomatic talks with Hong Kong politicians eased". South China Morning Post (英文). 2023-02-14. 喺2023-02-14搵到.
  12. 國官方人士對此亦予駁斥 駐港領館人數較多實另有原因. 華僑日報. 1954-10-22. p. 1.
  13. . 原先內容歸檔喺2011-06-13. 喺2012-10-05搵到.
  14. . 原著喺2021-06-21歸檔.
  15. 2017年美國國務院監察辦公室報告-美國駐港澳領事館,第31頁 (PDF). 原先內容歸檔 (PDF)喺2021-03-26.
  16. Glen Greenwald; Ewen Macaskill (9 June 2013). "Edward Snowden: the whistleblower behind revelations of NSA surveillance". The Guardian. Hong Kong: Guardian Media Group. 原先內容歸檔喺2013-06-12. 喺9 June 2013搵到. We have got a CIA station just up the road – the consulate here in Hong Kong – and I am sure they are going to be busy for the next week.
  17. 地男子在香港美領館噴涂中國必勝 被判監禁4周. . 原先內容歸檔喺2019-08-21. 喺2019-08-21搵到.
  18. 地男子在美駐港領館噴涂國必勝 被判監禁4周. . 原先內容歸檔喺2019-08-21. 喺2019-08-21搵到.
  19. 沙半山 (2019-09-08). 犯條例港人權民主法案集會今舉行 美對港影響有幾深?. 港01. 原先內容歸檔喺2020年9月1號. 喺2021-06-23搵到.
  20. . RFI. 原先內容歸檔喺2020-11-02. 喺2020-07-26搵到.
  21. 警屯門拘一男有毒品傷人案底  . . 2020-08-25. 原先內容警屯門拘一男有毒品傷人案底 歸檔喺2021-01-26. 喺2020-08-26搵到.
  22. 美領館夫婦員工染疫 全館需強檢 冠肺炎.3.15|增30宗確診 美領館夫婦員工染疫 全館需強檢. 港01. 2021-03-16. 原著喺2022-05-24歸檔. 喺2021-06-23搵到.
  23. https://www.rfi.fr/cn/駐港領館2員染疫傳耍特權拒隔離[失咗效嘅鏈] 美國闢謠 | 國際焦點 | 國際
  24. 經濟日報. 港領館2員染疫傳耍特權拒隔離 美國闢謠 | 國際焦點 | 國際. (臺灣中文). 喺2021-03-16搵到.[失咗效嘅鏈]
  25. 持雙程證男涉刑毀被捕  . 明報. 2023-06-13. 原先內容持雙程證男涉刑毀被捕 歸檔喺2023-07-08. 喺2023-06-13搵到.

出面網頁 編輯