詹姆·波特

(由詹姆波特跳轉過嚟)

詹姆·波特英文James Potter,1960年3月27號-1981年10月31號)係英國作家J·K·羅琳奇幻小說哈利波特》系列入面嘅人物。佢係莉莉·波特嘅老公同哈利·波特阿爸,亦係天狼星·布萊克嘅老死。佢同莉莉兩公婆喺《哈利波特》系列第一集開始之前就已經死咗,所以只會以回憶、魔法映像等等嘅形式出現喺故事入面。

詹姆·波特
(James Potter)
首次出場哈利波特:神秘的魔法石
尾次出場哈利波特:死神的聖物2
作者J·K·羅琳
扮演阿德里安·洛林斯英文Adrian Rawlins電影
詳細信息
第個名鹿角(Prongs)
性別男性
家庭
配偶莉莉·波特
仔女哈利·波特
親戚
  • 伊凡夫婦(外父外母)†
  • 瑪姬·德思禮(姻姐)
國籍英國

背景 編輯

1960年3月27號[1],詹姆·波特喺一個比較有錢嘅純種巫師家族中文哈利波特世界觀與設定#純血出世,佢嘅阿爸阿媽弗利蒙同尤菲米婭·波特喺當時嘅年紀就算用巫師嘅標準嚟衡量都已經好大。由於係老來得子,而詹姆又係佢哋唯一嘅仔,所以波特夫婦就好錫佢。

外貌特徵 編輯

羅琳將詹姆同哈利形容為有相似嘅特質:有一對淡啡色嘅眼睛(羅琳形容詹姆嘅眼睛顏色比哈利仲淡啲),除咗個鼻(比哈利長啲),佢塊面同哈利一樣咁瘦削,個人高高哋。其他部分都同哈利好似,例如係金啡色嘅頭髮同戴眼鏡[1]。佢同哈利一樣有豎喺後面又好凌亂嘅黑髮,令佢要向後梳;佢喺五年級之前成日特登將啲頭髮搞到睇起嚟好似俾大風吹過,就好似佢啱啱喺飛天掃把上面落嚟咁[1]。佢雙手同哈利一樣咁,同埋佢嘅身高同佢喺學校果陣差唔多。

性格特徵 編輯

詹姆嘅性格勇敢正義又聰明,為人敢作敢為又有啲傲慢自負,人緣好好但鍾意做惡作劇(尤其在石內卜身上)。

霍格華茲時期嘅才能 編輯

詹姆喺1971年入讀霍格華茲,佢嘅學院係葛萊分多。佢同天狼星·布萊克雷木思·路平彼得·佩迪魯做咗好朋友,佢哋四個自此就成日以劫盜者the Marauders嘅身份嚟一齊行動[2]

調皮嘅詹姆好聰明,就算唔係點去勤力學習都無問題。佢成為自己學院魁地奇球隊嘅追蹤手,並意識到自己嘅天賦。佢喺學校嘅大多數時間入面,佢都係個令人討厭嘅男仔,好鍾意攞自己嘅出色表現嚟曬命,而佢過分嘅自信又顯得有啲囂張。按照莉莉嘅講法,詹姆鍾意將自己嘅頭髮整亂,等佢亂糟糟咁好似係自己啱啱喺飛天掃帚上面落嚟咁樣。詹姆都好鍾意對其他同學施毒咒,特別係俾史萊哲林學院嘅同年級學生賽佛勒斯·石內卜[1]。佢同石內卜做咗死對頭,佢哋兩個人由見第一面就開始互相討厭[3]

據講,詹姆係葛萊分多學院魁地奇中文魁地奇球隊嘅天才球員,喺《哈利波特:神秘的魔法石電影版》裡面,哈利同他啲朋友發現咗詹姆嘅名以魁地奇球隊搜捕手嘅崗位列喺一塊牌匾上面;不過喺一次採訪入面,果個小說系列嘅作者羅琳話,佢原本打算俾詹姆做追蹤手[4]

詹姆喺霍格華茲讀書果陣同天狼星同彼得發現咗雷木思實際上係個狼人中文狼人 (哈利波特)果陣,佢哋三個透過非法學習而成為咗化獸師Animagi,用嚟喺雷木思變身期間好安全咁陪伴同控制住佢。正正就喺果段時間入面,佢哋發現咗霍格華茲幾乎所有嘅秘密通道,於是就設計咗劫盜地圖Marauder's Map。詹姆似乎喺果個時代嘅霍格華茲都好受學生敬佩,而啲教授亦都好尊重佢嘅才華,而唔係佢嘅行為。不過詹姆喺校內嘅受歡迎程度並唔普遍,因為佢同石內卜之間產生咗互相仇恨嘅心理,搞到石內卜喺成個系列入面不斷咁同哈利講,指詹姆係一個「非常自大」嘅人[5];而天狼星有一次承認自己同詹姆有時可能係「傲慢嘅傻仔」,但係「詹姆係從中成長咗(據講莉莉喺佢哋七歲果陣就注意到)」。

小說入面嘅人物有時會對詹姆嘅性格俾負評,羅琳對呢啲評論話「詹姆身上有好多優點」[6]

喺七年級果陣,詹姆做咗男學生長,而莉莉做咗女學生長[7],佢仲開始同莉莉·伊凡拍拖。

同石內卜嘅恩怨 編輯

詹姆同石內卜兩個由喺霍格華茲特快車嘅第一面就開始互相討厭[3],而因為莉莉嘅關係而變得討厭更加深。根據鄧不利多喺《哈利波特:神秘的魔法石》入面嘅講法,詹姆同石內卜之間存在住競爭,呢樣同哈利同跩哥嘅並無咩唔同。

當天狼星試圖將石內卜引誘去路平喺變身做狼人果陣時所在嘅尖叫屋中文哈利波特中的地點#尖叫屋果陣,詹姆阻止石內卜入去渾拚柳下面嘅隧道,從而救咗石內卜條命;即使呢樣就好似石內卜所指出咁—令詹姆唔洗俾霍格華茲踼出校,但佢仍然係救咗石內卜[1]。另外,路平同哈利講話石內卜「從未失去詛咒詹姆嘅機會」[7]

喺《哈利波特:鳳凰會的密令》入面,哈利喺儲思盆中文哈利波特中的魔法物品#儲思盆裡面睇到石內卜嘅記憶,果個係15歲嘅詹姆同天狼星蝦石內卜嘅情景,哈利後來同意石內卜話佢阿爸傲慢嘅評價。根據對羅琳嘅採訪,佢話:「詹姆一直懷疑石內卜對莉莉有更深厚嘅感情,呢個都係詹姆對石內卜有咁嘅行為嘅一個因素[8]。」

霍格華茲後嘅生活 編輯

喺霍格華茲畢業之後嘅生活,詹姆同莉莉結咗婚,仲有咗個仔哈利·波特。詹姆仲叫佢嘅好兄弟天狼星·布萊克做哈利嘅契爺。由於佢家族嘅黃金足夠養活佢成家人,足夠詹姆唔需要做一份固定嘅工作,仲支持因為狼人身份而令佢失業嘅路平[9]

在一次採訪入面,羅琳透露佛地魔曾邀請過詹姆同莉莉加入食死人嘅行列但俾佢哋拒絕,令佢成為「甚至喺佢哋十幾歲之前就對佢哋進行咗一次打擊[10]」。後來詹姆同莉莉仲有佢哋班朋友一齊組成咗鳳凰會,佢仲成為咗鳳凰會嘅「全職戰士」。佢哋都投身喺第一次巫師戰爭,波特夫婦甚至仲三次抵抗過佛地魔

喺一個關於佛地魔同佢哋個仔嘅預言出現咗之後,波特夫婦喺知道佢哋個仔哈利成為咗佛地魔嘅目標果時就無得唔帶住哈利匿埋,仲搵咗佢哋嘅好朋友佩迪魯做佢哋嘅秘密守護者。被形容為忠誠好朋友嘅詹姆,佢「認為唔信任佢嘅朋友係最大嘅恥辱」[11],就係因為咁,詹姆同莉莉就俾佢哋嘅好朋友佩迪魯背叛咗,佩迪魯將波特一家嘅行蹤出賣俾佛地魔,結果佛地魔就喺1981年嘅萬聖節果晚(即1981年10月31號),令佢哋喺高錐客洞中文哈利波特中的地點#高錐客洞嘅屋企喺毫無徵兆咁俾佛地魔襲擊,詹姆喺阻止佛地魔果陣時叫佢老婆帶埋哈利逃走,而佢喺無魔杖嘅情況下被殺。

死後出現 編輯

詹姆喺《哈利波特:神秘的魔法石》裡面出現過喺意若思鏡裡面,果個係哈利最希望見到嘅景象。

詹姆喺《哈利波特:火盃的考驗》入面短暫咁出現過,當時哈利支魔杖同佛地魔連接果陣,符咒倒轉Priori Incantatem嘅效果展示咗佛地魔最近施放嘅咒語—以佛地魔嘅魔杖為例,詹姆係最近俾佢攞走咗嘅性命;

喺《哈利波特:死神的聖物》嘅結尾,哈利透過重生石中文死神聖物#重生石嚟召喚詹姆、莉莉、天狼星同路平,令佢哋再一次出現,而果次亦係佢最後一次露面。

前傳 編輯

詹姆同天狼星係《哈利·波特前傳中文哈利·波特前傳》入面嘅主角,果個係一個800字嘅故事,故事發生喺哈利出世嘅三年之前[12]。故事講述呢兩個好朋友一齊坐住天狼星嘅電單車,因為超速而俾兩個麻瓜警察追趕。當三個騎住掃把嘅食死人飛向佢哋果陣,麻瓜警察試圖去捉佢哋。詹姆同天狼星用警車做障礙物,令食死人撞埋去。最後,佢哋兩個揸住電單車飛走咗,逃離咗麻瓜警察嘅拘捕。

編輯

  1. 1.0 1.1 1.2 1.3 1.4 哈利波特:鳳凰會的密令》 第28章。
  2. 哈利波特:阿茲卡班的逃犯》 第18章。
  3. 3.0 3.1 "JK Rowling's World Book Day Chat, 4 March 2004". 原著喺2007-08-16歸檔. 喺2022-02-14搵到. {{cite web}}: Unknown parameter |dead-url= ignored (|url-status= suggested) (help)
  4. ""About the Books: transcript of J.K. Rowling's live interview on Scholastic.com", Scholastic.com, 16 October 2000". 原著喺2018-10-25歸檔. 喺15 September 2007搵到. {{cite web}}: Unknown parameter |dead-url= ignored (|url-status= suggested) (help)
  5. 哈利波特:阿茲卡班的逃犯》 第14章。
  6. "James Potter". J.K. Rowling and the Final Chapter. MSNBC. 原著喺4 August 2008歸檔. 喺7 June 2008搵到.
  7. 7.0 7.1 引用錯誤 無效嘅<ref>標籤;無文字提供畀叫做postswm嘅參照
  8. 引用錯誤 無效嘅<ref>標籤;無文字提供畀叫做chat0730嘅參照
  9. "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". The Leaky Cauldron. 19 October 2007. 原著喺2007-10-20歸檔. 喺7 February 2008搵到. {{cite web}}: Unknown parameter |dead-url= ignored (|url-status= suggested) (help)
  10. Anelli, Melissa; Noe, John; Upton, Sue (17 December 2007). "PotterCast Interviews J.K. Rowling, part one". PotterCast No. 130. Accio-Quote. 原著喺2015-07-23歸檔. 喺7 February 2008搵到. {{cite web}}: Unknown parameter |dead-url= ignored (|url-status= suggested) (help)
  11. 哈利波特:死神的聖物》 第5章。
  12. "JK's story card: a prequel to Potter". Waterstone's. 12 June 2008. 原著喺14 January 2011歸檔.