顯徑站
顯徑站（粵拼：hin2 ging3 zaam6；英文：Hin Keng Station）係港鐵屯馬綫一個車站，2020年2月14號隨住屯馬綫一期開通而啟用。車站耗資12億港元興建，由五洋建設負責承建，2015年4月30號舉行平頂儀式，於2018年11月30號完工交付。不過由於沙中綫偷工減料醜聞，通車日期多次延遲，車站到2020年2月14號先至啟用[3][4]，車站或會有助分流大圍站目前擠迫情況。
 顯徑站2號月台（2022年4月） | |
| 站名 | |
| 中文名 | 顯徑站 |
| 英文名 | Hin Keng Station |
| 站代碼 | HIK |
| 基本資訊 | |
| 車站位置 |  香港沙田區顯田車公廟路、徑口顯徑邨側[1][2] |
| 座標 | 22°21′50″N 114°10′15″E / 22.36389°N 114.17083°E |
| 車站色 | 青翠色 |
| 途經路線 | 屯馬綫 |
| 站服務時間 | 0550-0112 尾班車時間 |
| 車站結構 | |
| 月台數 | 2[1][2] |
| 出口數 | 1 |
| 地圖 | |
 | |
車站結構
編輯樓高2層，樓面面積為9,200平方米，係沙中綫項目當中唯一新架空車站。車站大堂位於地面，月台設喺大堂之上，而同車站相連嘅獅子山鐵路隧道沙田一端嘅通風設施就設喺車站南端。車站設有兩個月台，採用側式月台方式排列。為配合相連遊樂場嘅景觀，車站設計採用大自然概念，包括首次以循環再造嘅木屑同塑膠廢料製成嘅「再用塑料木材」建造木色外牆遮陽板，垂直同車站頂綠化。除咗可以達到自然採光之餘，亦可以減低車站室溫。
特別之處，顯徑站月台雖然採用自然通風，但係裝設月台幕門，同深圳地鐵1號線、5號線、6號線、11號線同韓國首都圈電鐵嘅架空車站相似。而港鐵其餘採用自然通風車站月台都只係安裝月台閘門或者不設月台幕/閘門。
車站樓層
編輯| U2 月台 | ||
|
往屯門 | |
|
往烏溪沙 | |
| G 地面 |
大堂 | 出口、洗手間、智能客務中心、車站商店 |
| 港鐵大圍車廠、車廠越位軌道 | ||
大堂
編輯位於地面，原設計有客務中心，但係投入服務之後改為智能客服中心，唔再有職員駐守，其中一面設有特大天氣顯示屏。乘客需要以視像對話機向位於金鐘嘅港鐵職員詢問。同時因應反修例運動，站內加設特別保護措施，其中八達通拍卡機以防火厚膠板覆蓋，智能客務中心嘅牆身改以採用聚碳酸酯。
月台
編輯設有兩個月台，採用側式月台方式排列，並裝設月台幕門，係採用自然通風嘅露天車站月台以及整個新界東之中唯一裝設月台幕門嘅架空車站。
商店
編輯車站出入口兩旁劃作商店，合共有10間，已經開業嘅包括HKTVmall、鴻福堂、OK便利店、山崎麵包、唐記包點、恒生銀行自動櫃員機同日本原創單剪專門店QB HOUSE。
出入口
編輯只有一個，位於車公廟路。出入口設喺地面大堂，並設有上下客區方便乘客，以及運送機械同貨物到商舖，同維修物料去大圍車廠越位軌道。但係車輛進出需要得到車站職員同意，先至會開啟車閘。
鄰接車站
編輯| 屯馬綫 | ||
| 屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 | ||
批評
編輯顯徑站只有一個出入口，位於車公廟路西面，而住宅區位於車公廟路以東，所以乘客進出車站需要橫過車公廟路。居民同區議員早喺2013年顯徑站起之前已一直爭取興建行人天橋連接車站同埋對面設施。[5]到2015年7月7號，沙田區議會亦通過興建連接顯徑商場接駁顯徑站行人天橋嘅動議。[6]不過到車站落成後港鐵無計劃起行人天橋。
接駁交通
編輯- 九巴：
- 過海隧道巴士：
- 龍運巴士：
- A42 - 黃泥頭 ↔ 機場（地面運輸中心）
- NA41 - 水泉澳 ←→ 港珠澳大橋香港口岸
利用狀況
編輯顯徑站位於沙田新市鎮南端，進出站內大多係顯徑邨、嘉田苑、嘉徑苑、顯耀邨、顯田村、徑口村住客，亦有附近學校嘅學生使用車站搭屯馬綫。
上一站‧下一站
編輯| 上一站 | 港鐵 | 下一站 | ||
|---|---|---|---|---|
往屯門
|
屯馬綫 | 往烏溪沙
|
列車班次
編輯| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
| |
|||||||||
| |
|||||||||
參考
編輯- ↑ 1.0 1.1 沙中綫進度報告 互聯網檔案館嘅歸檔，歸檔日期2009年6月12號，.，香港鐵路有限公司及沙田區議會，2009年5月
- ↑ 2.0 2.1 沙田區區議會沙中綫區議會諮詢文件 互聯網檔案館嘅歸檔，歸檔日期2016年4月11號，.，港鐵公司，2009年6月1號
- ↑ 〈屯馬線一期2．14通車 票價及優惠一覽〉。明報。2020年1月17號。（繁體中文）
- ↑ 〈屯馬綫一期準備就緒 於二月十四日投入服務〉 (PDF)。港鐵公司。2020年2月12號。
- ↑ 〈立法會二十題：興建行人天橋連接顯徑商場和沙中線顯徑站的建議〉。第政府新聞公報號。2013-01-09。
- ↑ 〈林松茵女士動議要求興建接駁沙中線顯徑站的行人天橋〉 (PDF)。沙田區議會。喺2021-12-28搵到。
出面網頁
編輯