維基百科

User:WikiCantona/點寫粵字

< User:WikiCantona

廣東話日俾人話「有音無字」，要寫廣東話，家下用嘅正統方法，就係用唐字，其嘅好處即係多籮籮（多不勝數）啦，不過始終有啲「騎呢」嘅字係寫唔到出嚟，有啲成日用成日講嘅字，根本都唔知點樣寫，所以第一樣嘢叫假借字啦，亦即係用同音字去表達一個完全唔同嘅意思；更加大嘅問題就係廣東話之中有好多外來嘅 concept 用咗音譯法，好似郵票以前叫做士擔，而家新嘅 concept 就好少用呢個方法。而亦有其他嘅方法去寫，向後望，睇返以前文獻搵啱啲古唐字嘅正字、本字；向外望，粵語羅馬字、粵語諺文、越式粤拼、日文假名粵語；向前望，企喺巨人嘅膊頭度，用百年前嘅古方案，反切，整咗隻反切字。

粵語特色 編輯

睇埋：粵字

粵維嘅文可以有以下呢啲用法，因為呢啲用法有粵語特色得嚟又合乎百科嘅客觀原則：

用法 例句 呢句例句會喺邊度見到？
啱啱好 「地球嘅溫度啱啱好，容許生命存在。」 講生命或者地球等課題嘅文
成日 「蜜蜂成日都會用佢哋嘅針攻擊敵人。」 講蜜蜂或者昆蟲等課題嘅文
XX 吓 「白雪公主行行吓，望到小矮人間屋。」 講白雪公主以至其他童話故事嘅文
諗頭 「科幻作品好多時都會講及當代科學上有影響力嘅諗頭。」 講科幻方面嘅嘢嘅文
穩陣 「買賣外匯一般畀人覺得係一種好穩陣嘅投資方法。」 講投資相關課題嘅文

但無論邊隻語言嘅維基都好，百科文一定要客觀，唔可以表達寫嗰個人嘅主觀感受，所以例如「科學家發現到啲噉嘅嘢，我哋覺得好有意思」噉嘅句子，一般認為係唔可以接受嘅，理由唔係因為佢用咗粵語特色用法，而係因為佢表達緊主觀感受。

相關概念 編輯

噉，喺呢度講吓啲相關嘅語言學概念。

以下啲拼音用緊嘅係粵拼。

假借 編輯

内文：假借

粵語之中，有音，不過，個唐字唔知點寫，一係個字從冇存在過，一係冇人記得。所以借個同音字去用寫出嚟

  • 例如借用「而家」、「依家」、「宜加」去講 yi3 ga1 嘅音，嚟表示「現今」、「呢一刻」、「呢一陣」嘅意思。喺中文上面冇「而家」、「依家」或「宜加」呢啲詞；單讀「而」、「依」、「家」或「加」呢啲字亦都冇呢個意思。
  • 「果件事」、「哥隻嘢」；「果」或「哥」指特定嘅一件。「果」或「哥」都冇呢個意思。（一般粵文寫做「嗰」）

但係，寫粵文冇正正式式嘅官方機構去規範邊個字點寫。假借嘅用字版本可以好多，亦冇話邊個啱，明就算。

借音加「口」 編輯

有一做法，唔知點叫，用個同音嘅字，加口字傍，「口語字」喎...

  • 嗰
  • 嘅
  • 啲
  • 嚟
  • 唔
  • 呢

而呢啲字，都算畀好多人接受。

借詞 編輯

睇埋：借詞

O1 sou2（嚟自英文 also,－仲有，噉解），有陣時啲廣東話口語會夾雜嘅所謂嘅「英文字」，但呢啲英文字查實可以當做「未有唐字寫嘅口語借詞」。

話說喺廿世紀嗰陣，粵港澳地區出現咗隻新嘅唐字－𨋢lip1，指一種會帶住人垂直升降嘅機械。呢隻字原先嚟自英文 lift，以廣東話做母語嘅人聽到呢隻英文字，就跟住讀，出咗 lip1 呢隻口語字，後嚟仲造新嘅唐字𨋢嚟寫呢隻口語字。噉即係話，呢段開頭嘅 o1 sou2，亦可能會喺幾十年後出現新唐字嚟寫，或者索性寫做柯嫂o1 sou2（睇返假借），最後成為「有唐字可以寫嘅借詞，嚟自英文」。唔好忘記，語言係出現喺文字之前嘅，倉頡造字之前，一切嘅口語字都冇唐字可以寫。

呢篇粵維文有更詳細噉講借詞相關嘅嘢。

標讀音 編輯

睇埋：粵拼

寫廣東話嗰陣時si2，可能會有需要標返個音，理由有好多：

  • 好似廣東話等嘅南方漢語，有大量文白異讀嘅問題－
    例如正呢隻唐字噉，可以讀做 zing3 或者 zeng3 都得；
    標返個音有時可以避免歧義－正zing3確、正zeng3嘢；
  • 亦有可能本字太辟，冇人識得讀－
    例如以廣東話做母語嘅人望到㧬呢隻唐字，可能唔識讀，但隻字查實日常成日講－隻字係㧬ung2，
    「佢㧬ung2嚿石頭上山坡。」；
  • 有啲口語字詞「本字係乜」有得拗，
    「我 ai1 佢幫我手。」當中個 ai1 係懇求嘅意思，有啲人話本字係哀，但有爭拗，所以寫起上嚟可以寫做哀ai1，噉就清清楚楚；
    「我哀ai1佢幫我手。」

因為噉，寫粵文嗰陣可以考慮吓用 {{ruby-yue|}} 幫某啲唐字標返個音

  • 例：「攰gui6死人啦laa3。」

Info：入驗室，gam6 緊急掣

用手指壓落粒掣，「gam6 掣」點寫？有人話係「㩒」、有人話「撳」、又有人話係「搇」[1]？有得拗，有排拗，呢道唔講咁多先。個艾D牙（idea；粵拼：aai6 di1 aa4）就係用本字！即係，去表示粵音原本嗰個字啦。難度在於邊個字先係呢？拗來拗去...

字表 編輯

字／辭 音 本字

(可能)

粵切字 屬性
椗呤鄧㨢 / 丁零襶褦
雜崩能 / 雜崩冷
半langkang / 半唥鯁
hea he3
咁 gam3 借音字
嘅 ge3 忌 約定俗成
呢 nei1 爾 約定俗成
錫啖 sek3 daam6 惜 假借字
論盡 leon6 zeon6 遴迍/龍鍾 假借字
英字粵音
字／辭 音 原字 粵切字 Remarks
煙腸 intern
嘥士 size
冧巴 number 約定俗成
科文 foreman 約定俗成
巴士 bus 約定俗成
的士 taxi 約定俗成
士巴那 spanner 約定俗成
快勞 file
十扑 support
𨋢 lift 造字
撈搞 logo


睇埋 編輯

參一 編輯

參二 編輯

攷 編輯

  1. ↑ 「https://www.master-insight.com/粵語解密：搇-撳-㩒/ 粵語解密：搇/撳/㩒]
由「https://zh-yue.wikipedia.org/w/index.php?title=User:WikiCantona/點寫粵字&oldid=2071768」收