Wikipedia:城市論壇 (政策)/歸檔/2016年6月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2016年7月8號 (五) 02:18 (UTC)做嘅。

提刪機制好鬼亂

我提刪あｂづさめｔ Ｙいぎｔ，喺篇文掛Template:afd後，佢引導我開版Wikipedia:刪文/あｂづさめｔ Ｙいぎｔ，呢隻係英文維基式做法。但如果我去Wikipedia:刪文討論/記錄去「新請求」，佢引導我開版Wikipedia:刪文討論/記錄/2016/01/16，呢隻係中文維基式做法。最後我憑印象記得大家習慣用後者，最後將提刪放落後者。唔該大家研究一下點樣理順粵文版提刪機制。粵文版提刪唔算多，唔需要搞到中文版或英文版咁複雜。--Jason6698 (傾偈) 2016年1月17號 (日) 01:53 (UTC)

既然大家習慣用後者噉就用後者。@Shinjiman睇下怎樣將堆Afd模改好啲。--William915（傾偈） 2016年1月30號 (六) 02:59 (UTC)

俗語有話「無咁大個頭唔好戴咁大頂帽」，粵文維基根本唔使搞到按日子開獨立提刪頁咁鬼煩，簡簡單單開一版收集提刪請求，完成嘅就按月（數量少甚至可以按年）歸檔，比較易打理。--Tollnak (傾偈) 2016年3月17號 (四) 04:57 (UTC)

我都覺得提刪機制有簡化空間，不過之前有人夾硬將中文嗰套照抄過嚟，都有一段長時間，要再改革都唔簡單。--Kowlooner (傾偈) 2016年3月20號 (日) 12:14 (UTC)

抗議對一部份廣告文寬鬆處理

有人貼廣告，多數情況都會即刪，但有管理員當版權問題處理（譬如上海璨星精工，明顯用國文寫嘅純廣告內容，但都唔去即刪），更拖好耐先至刪（上次有篇行版權程序嘅廣告文，2月1日提刪，尋日先至真係刪，足足拖咗個半月時間）。如果呢度管理一路都咁混亂，好難吸引到人嚟幫手寫嘢。--Tollnak (傾偈) 2016年3月17號 (四) 04:49 (UTC)

有關於版權問題，響WP:CP所提報嘅會最少一個星期，之後先至會刪。要留意嘅係呢個唔係AFD，亦唔係一個提刪嘅程序。只係提出文章嘅版權問題，可能有管理員唔知有呢個程序而提早刪咗。版權問題所針對嘅係完全由另一個地方抄出嚟嘅內容，並無廣告同非廣告文之分。 Shinjiman ⇔ ♨ 2016年3月17號 (四) 06:02 (UTC)

你重未明我講乜。打個比喻：A君自己花心機寫篇廣告文，管理員搵唔到網上有一樣嘅文，就用賣廣告嘅理由即刪；B君就好懶將自己公司個網頁嘅宣傳文字完全複製過嚟開篇文，管理員因為搵到網上有一樣嘅文，就話佢有版權問題，留佢一排先至刪。花心機賣廣告會即刪，懶人賣廣告可以留一排，真係唔覺得唔合理咩？再打多個比喻：假設B君見到自己篇廣告文畀人話有版權問題，決定將自己公司個網頁改用CC 3.0版權，咁就解決咗個版權問題，但篇文本身就係純國文嘅宣傳文，最後真係可以畀佢留低咩？如果唔得，當初又何必執著係咪侵犯版權？--Tollnak (傾偈) 2016年3月17號 (四) 13:26 (UTC)

「廣告文」一般唔會即刻刪，會畀人掛個廣告牌{{廣告}}，例子：譚仔雲南米線。編嘢係用北方中文（唔係粵文）+ 廣告 + 用簡體字，就真係會即刻刪啦。--WikiCantona (傾偈) 2016年3月17號 (四) 16:06 (UTC)

由頭到尾，我所講嘅「廣告文」正正就係「北方中文（唔係粵文）+ 廣告 + 用簡體字」，而絕對唔係話緊寫到似賣緊告白嘅粵文百科文。對付「北方中文（唔係粵文）+ 廣告 + 用簡體字」嘅文，如果只係當版權問題，等同姑息。--Tollnak (傾偈) 2016年3月18號 (五) 05:06 (UTC)

睇上海璨星精工個case，如果我係管理員，我會揀即刻刪，理據引用Wikipedia:即刻刪除嘅標準嘅「成版都侵犯版權，例如成篇文都係由第個網站抄返嚟嘅」同「全篇都係廣告」。--Kowlooner (傾偈) 2016年3月20號 (日) 12:14 (UTC)

爾種情況我建議即刪。今次上海璨星篇文有其他管理員掂過，所以我唔再插手，但係以後我見到類似情況嘅文我會即鏟。--William915（傾偈） 2016年3月20號 (日) 13:16 (UTC)

雖然唔係直接有關，但既然講開刪文，就唔另開討論。上面有人講得好好，一篇由其他地方複製過嚟嘅「純北方中文 / 國文」嘅文，根本完全無需要行侵權認證程序，因為無論證明係侵權定唔係侵權，結果都係刪文處理。英文維基有個叫Snowball clause嘅法則（粵文版：Wikipedia:雪波邏輯），意思大致係假如一早知道個結果係點，就無需要純粹為咗行程序而行曬所有程序。粵文維基人手已經少，對住一啲明知無得救嘅文，唔值得糾纏喺提刪討論或者侵權認證度。--XRTIER (傾偈) 2016年5月17號 (二) 14:08 (UTC)

我覺得侵權方面，文字版權狀態搞清應該直接縮短期限至24個鐘。24個鐘後冇畀可以搞清文字版權狀態嘅嘢直接刪。--WKDx417 (傾偈) 2016年5月18號 (三) 04:44 (UTC)

再次提議永遠封殺User:À la 雞同埋佢嘅全部分身

爾種基本上乜嘢規矩都違反過，重要有人唔做去做雞嘅用戶，重留低佢喺到做乜先？封徂佢唔單止粵維會少好多贔屭，各位嘅討論版重會少徂好多鬼唔知佢阿媽係女人嘅問題。【粵語文學大使殘陽孤侠】支持全面中止IP用戶編輯權 2016年3月19號 (六) 05:04 (UTC)

如果À la 雞退咗休，你就唔使封À la 雞啦。À la 雞 (傾偈) 2016年3月19號 (六) 14:55 (UTC)

廢鷄，等你退休？你唔話等你痾到粵維到處都係你啲鷄屎？【粵語文學大使殘陽孤侠】支持全面中止IP用戶編輯權 2016年3月19號 (六) 21:38 (UTC)

À la 雞，世上有幾多個「如果」？你重好意思話「退休」？正所謂「我生待明日，萬事成蹉跎。」，日日見到你成日問人（睇下我嘅傾偈紀錄，日日至少提問過唔少於1條問題。），有冇重煩啲㗎？我唔講，人哋都有意見喇。致Cedric兄：À la 雞嘅所為尤其前排重離譜，冚唪唥唔係提教育就係問人稱呼，重要係唔三唔四嘅弱智問題（好多都係學生時期都知喇）。重有我重發覺佢（À la 雞）啲知識唔係好掂（先唔講以前嘅盧梭同陳楠 (道士)嗰啲警告過佢啲事，近排我喺阿道夫色士、公園前站 (廣州)同中童（後生篇嘢嘅跳轉討論）篇嘢重有佢啲所為。），連幼稚園啲細路都不如。繼續噉搞嘅話，搞到啲人三唔識七就麻𨳊煩喇。致À la 雞：又唔見你問「1+1=?」嘅弱智問題？如估你下次噉再嚟犯眾憎嘅行為，封號係遲早嘅事。--WKDx417 (傾偈) 2016年3月19號 (六) 23:30 (UTC)

針對呢個現象，我有必要喺詢問處落過啲新規先至得，歡迎大家畀意見。--WKDx417 (傾偈) 2016年3月20號 (日) 03:42 (UTC)

À la 雞近排喺中文維基詞din加左d半白話文半粵文嘅野。Richard923888 (傾偈) 2016年4月23號 (六) 01:44 (UTC)

順便gon2我而家11歲半。Richard923888 (傾偈) 2016年4月23號 (六) 01:45 (UTC)

對呢啲現象應該要嚴格處置

最近發現有個IP黨喺度開埋啲舖頭同公司嘅文，而且凈係單純得個模或張相或鏈接就乜都冇喇（例如Special:Contributions/219.79.84.232嘅貢獻，好多時都係噉），喺其它維基嚟講，出現呢個現象就速刪。點解重有人會提出{{cleanup}}嚟縱容呢啲亂象嘅？如估咁混亂，搞到啲人話好無聊或冇人嚟寫嘢就麻煩喇。

我嘅提議係：單純新開嘅文如估凈得一個模或張相或鏈接就乜都冇嘅文，直接按廣告速刪處理。 --WKDx417 (傾偈) 2016年5月12號 (四) 08:36 (UTC)