蕃茄薯仔湯
蕃茄薯仔湯（粵拼：faan1 ke2 syu4 zai2 tong1）顧名思義係主要用蕃茄同薯仔煲嘅一種湯，通常會落豬肉同或多或少嘅鹽，有陣時會落紅蘿蔔（用嚟加強甜味）。正常嘅蕃茄薯仔湯煲好咗望落會係橙或者黃噉色，味道上帶微甜同微酸。蕃茄薯仔湯嘅做法相當簡單，可以喺一至兩個鐘頭之內煲好，而且飲唔嗮仲可以擺入雪櫃，雪完第日攞嚟煲返熱飲[1]。
蕃茄薯仔湯係粵港澳嘅一種常見家常湯（個名用咗「薯仔」呢隻粵語獨有嘅詞）：有好多人都話覺得呢種湯做法簡單，材料易搵，而且蕃茄又俾人指話有延遲衰老嘅效果；喺香港、澳門以至廣東多地，啲人成日都會喺屋企煲蕃茄薯仔湯飲，尤其攞嚟喺夏天嘅夜晚飲，可以話係粵菜家常湯嘅代表之一[2][3]。
特徵 編輯
材料 編輯
整法 編輯
啲材料準備好嗮，就要跟以下噉嘅步驟：
- 凍水落薑、紹酒同排骨（或者豬肉），汆水去除豬肉嘅血水；
- 蕃茄切做一嚿嚿，薯仔同紅蘿蔔刨走啲皮切做一嚿嚿；
- 燒熱隻鑊爆薑片同蒜頭；
- 落蕃茄、薯仔、排骨同熱水，慢火煲大約 45 分鐘至 1 個鐘頭就搞掂。