衛氏巫師法寶店

衛氏巫師法寶店Weasley's Wizard Wheezes係英國作家J·K·羅琳嘅奇幻文學作品系列《哈利波特》裡面嘅一間虛構嘅惡作劇兼笑話舖，由弗雷同喬治·衛斯理喺佢哋仲係霍格華茲學生嗰陣受到啟發而創辦，佢哋妙想天開又成日鍾意整蠱其他人嘅念頭令佢哋開發咗唔少嘅惡作劇產品，例如係幫啲同學用嚟詐病去逃課嘅糖...等等。後嚟佢哋舖頭仲會賣啲麻瓜魔術用品，同埋關於防禦術魔法嘅嘢。

歷程

喺《火盃的考驗》裡面，弗雷同喬治最初喺洞穴屋嘅屋企自己房裡面做研發嘅工作。作為衛斯理孖仔經營嘅校園公司仔—衛氏巫師法寶店，佢哋兩個最初向霍格華茲嘅同學仔提供貓頭鷹郵遞服務owl-post service嘅方式嚟展開賣佢哋自家產品嘅郵購業務。一年之後，衛斯理孖仔開始喺霍格華茲賣佢哋嘅產品，直到佢哋喺斜角巷嘅舖頭開業。

起步

當弗雷同喬治仲喺霍格華茲讀書嗰陣時，佢哋就已經受到啟發，開發咗唔少嘅惡作劇產品。佢哋最初嘅研發工作都係喺洞穴屋嘅屋企自己房裡面做嘅。衛斯理孖仔最初透過貓頭鷹郵遞服務嚟接收郵件訂單，仲通過呢個方式嚟賣佢哋嘅產品，咁樣就開始咗佢哋嘅郵購業務。佢哋阿媽茉莉·衛斯理有一日喺執屋嗰陣時發現到呢啲訂單，佢唔支持佢哋兩個嘅諗法，因為佢哋創造出嚟嘅大部分產品都有危險性。茉莉希望佢哋兩個可以好似佢哋老豆咁樣喺魔法部搵到份工。不過就算阿媽燒咗佢哋啲訂單，衛斯理孖仔都仲係想開一間惡作劇兼笑話舖。

衛斯理孖仔為咗開店而去籌集資金，佢哋做咗好多嘢喺賺錢，包括開盤嚟同啲同學仔去賭吓魁地奇比賽嘅賽果、三巫鬥法大賽入面每場比賽嘅賽果、同埋喺每場比賽期間賣吓啲零食呀咁樣。喺魁地奇世界盃期間，佢哋將自己嘅全部嘅積蓄瞓晒身嚟去同魯多·貝漫落賭注，結果佢哋贏咗，但是貝漫俾佢哋嘅係矮精靈嘅金幣，幾個鐘頭之後啲金幣就消失晒。對於佢哋啲儲蓄渣都無得剩嘅弗雷同喬治嚟講，佢哋嘅夢想已經變得危危乎。

弗雷同喬治喺霍格華茲讀書嘅最後一年裡面，佢哋開始喺啲學生身上測試佢哋嘅產品。為咗反抗桃樂絲·恩不里居殘暴嘅管治方式，弗雷同喬治喺學校裡面先後用咗佢哋嘅衛氏野火魔爆彈Weasleys' Wildfire Whiz-bangs同埋活動沼澤Portable Swamp之後就正式離開咗霍格華茲。弗雷同喬治就喺離開學校之前宣佈，佢哋將會對任何願意用佢哋嘅產品嚟趕走恩不里居嘅嗰啲霍格華茲學生俾折頭。

轉捩點

哈利·波特喺三巫鬥法大賽完咗之後贏到1000個加隆嘅獎金，不過佢並唔想要，不過佢因為覺得「我哋好快就會需要比平時更多嘅歡笑」，於是佢就將全部獎金俾晒弗雷同喬治去開舖嚟做啟動資金。

事業發展

弗雷同喬治喺1996年4月用咗哈利俾佢哋嘅啟動資金，喺《哈利波特：混血王子的背叛》嘅夏天正式喺斜角巷93號舖頭開張，圓咗佢哋開惡作劇兼笑話舖嘅夢想。佢哋舖頭賣各種開玩笑同惡作劇嘅玩意、新穎而有用嘅發明同埋過癮嘅糖果。佢哋喺舖頭門口前面有一個被形容做對比沉悶商店街嘅背景下面嘅煙火表演，仲好快咁得到大成功。佢哋後嚟仲請咗一個叫做維麗蒂Verity嘅女仔嚟做佢哋嘅助手。

衛斯理孖仔對於佢哋自己嘅業務好嚴格，佢哋兩個曾經對一個想偷嘢嘅細路仔發出警告，仲要求佢哋兩個嘅細佬榮恩全數俾晒貨品嘅價錢；不過佢哋俾哈利喺佢哋舖頭隨便攞任何佢自己想要嘅商品而唔使俾錢，因為哈利係佢哋嘅投資者；就算弗雷同喬治唔鍾意跩哥·馬份都會同樣俾佢幫襯，仲俾佢買祕魯瞬間黑暗粉。不過馬份喺後來將呢樣嘢用嚟對付鄧不利多的軍隊，呢件事搞到榮恩好嬲佢哋兩個。

雅各·飛鼠喺1996年禁晒所有衛氏巫師法寶店嘅商品，不過無乜人將飛鼠嘅禁令真係當成一回事，所以效果並唔明顯。事關衛氏巫師法寶店嘅商品成為咗霍格華茲嘅違禁品，所以弗雷同喬治將佢哋嘅商品扮成香水同咳藥水咁樣喺學校管理員飛鼠嘅眼皮底下走私入去霍格華茲。弗雷同喬治仲諗住買埋活米村嘅桑柯嘅惡作劇商店嚟擴展佢哋嘅業務。不過佢哋後嚟因為覺得開分店嚟無乜必要所以就將呢個擱置咗。

第二次巫師世界大戰

食死人喺1997年嘅夏天控制咗魔法部，佢哋喺1998年春天因為發現衛斯理一家幫哈利·波特走佬，佢哋全家都被迫匿埋。弗雷同喬治就算被迫摺埋喺斜角巷嘅舖頭，佢哋移師喺牡丹姨婆嘅屋企透過貓頭鷹郵遞服務嘅方式繼續去賣佢哋嘅產品。弗雷同喬治都參與咗霍格華茲大戰，但係弗雷喺大戰裡面嘅一場爆炸入面陣亡。

戰後

弗雷過咗身之後，喬治就算並無完全喺無咗兄弟嘅悲傷裡面恢復過嚟都好，佢都繼續經營間舖頭，佢後來同做咗正氣師嘅細佬榮恩一齊經營，喺佢哋兩個嘅努力之下，衛氏巫師法寶店終於又重新變成咗一棵好大嘅搖錢樹。直到2014年7月，喬治同榮恩仲喺度經營緊間舖頭。

產品

已知嘅惡作劇產品

衛氏巫師法寶店會賣各種各樣嘅魔法惡作劇產品，其中包括啲簡單嘅魔法產品，同埋有高級魔法能力嘅嘢。

惡作劇產品	備註
反重力帽Anti Gravity Hats	呢款產品嘅標語係：「俾紳士頂帽去飛走佢毀咗嘅一日！Ruin a gentleman's day by making his hat fly away!」，所以呢款產品大概應該被用嚟做惡作劇。呢樣嘢喺巫師世界裡面已經存在咗幾代，而呢樣嘢不可以用喺麻瓜身上。
航空流動器Aviatomobile	衛氏巫師法寶店嘅飛天汽車玩具。可能係模仿佢哋老豆架飛天汽車嚟整嘅。
嘶嗌粉末Belch Powder	衛氏巫師法寶店嘅惡作劇物品。
拳擊望遠鏡Boxing telescope	當呢樣嘢舉到去眼睛前面嗰陣，呢樣嘢會有一隻拳頭仔會伸出嚟打去使用者塊面度（妙麗係1996年嘅其中一個受害者），搞到使用者會有一個幾乎無得整走嘅黑眼圈。截至2010年，桑科嘅惡作劇商店都有賣呢款產品。
掃把套裝Broom Broom kit	呢個係衛氏巫師法寶店賣緊嘅掃把改裝套裝。佢承諾「令你嘅掃把閃閃發光」，仲包括一個用喺手柄末端嘅尖帽，一對滑到手柄上嘅鰭、一個附加喺刷毛頂部嘅尾鰭，同埋用喺背面底部嘅火箭助推器。
袪瘀膏Bruise removal paste	呢種袪瘀膏係一種好杰嘅黃色治療魔藥藥水，保證喺一個鐘內消除晒任何瘀傷。呢樣嘢係由弗雷同喬治喺1996年發明同埋用過嘅，佢哋發現，由於佢哋必須要親自去測試舖頭嘅大部分產品，所以擁有一款似樣嘅袪瘀膏係有必要嘅。當妙麗唔小心用咗孖仔嘅拳擊望遠鏡搞到對眼瘀晒嗰陣，衛斯理太太試吓醫好佢但係唔成功，所以弗雷就俾咗啲呢樣嘢佢試吓。
泡泡仔Bubble Boy	泡泡仔係一部形狀好似真人咁嘅機器，可以向空氣度產生氣泡。弗雷同喬治擁有一件，可以喺衛氏巫師法寶店嘅側窗展示入面見到。目前都唔清楚呢個係舖頭裝飾品定係賣得嘅。
變色龍梳Comb-a-Chameleon	變色龍梳係衛氏巫師法寶店有得賣嘅梳，佢可以好神奇咁改變咗使用者嘅髮型。變色龍梳係由純羅馬尼亞醋酸纖維素Romanian celanese acetate 整嘅，而且可以俾任何性別或任何年齡層嘅人去用。
令人毛骨悚然嘅爬蟲Creepy Crawlies	呢個好可能係一種神奇嘅惡作劇裝置，旨在用嚟嚇受害者。由於「令人毛骨悚然嘅爬蟲」通常指嘅係昆蟲、蜘蛛、多足動物（好似係蜈蚣同埋千足蟲）仲有其他無脊椎動物，所以佢哋好有可能係一種昆蟲。呢樣嘢喺衛氏巫師法寶店有得賣。
惡魔盒子Demon Box	呢款產品又叫做頂呱呱嘅惡魔奇蹟盒The Fantabulous Demon Wonderbox，係衛氏巫師法寶店賣緊嘅商品之一，嗰度好明顯包含咗一個或者多個惡魔產品。包裝上面嘅標籤警告買家唔好喺午夜之後餵食任何喺個盒裡面走出嚟嘅嘢，以免佢哋繁殖仲開始殘害人類。午夜之後唔好餵食惡魔嘅警告可能係參考咗電影《小魔怪》，戲裡面對魔怪都有類似嘅警告。巧合嘅係，《哈利波特》同《小魔怪》都係屬於樂高維度系列產品。
屎彈Dungbomb	呢個係一種會散發出糟極度難聞氣味嘅魔法臭氣彈，嗰種氣味係腐爛嘅氣味。呢樣嘢係由阿博瑞克·格魯尼恩Alberic Grunnion喺1800年代發明。喺處理屎彈嗰陣，呢樣嘢會整污糟放彈嗰個人嘅手。2010年，呢樣嘢喺衛氏巫師法寶店同埋桑科的惡作劇商店都有得賣。
電擊震撼Electric Shock Shake	呢款係弗雷同喬治喺斜角巷嘅衛氏巫師法寶店賣嘅其中一種惡作劇商品，呢款好可能係爆炸企業系列嘅一款產品。包裝盒上面嘅標語係「大眾鍾意嘅混合！！」呢個係一隻被施咗魔法嘅手套，當配戴者接觸到人嗰陣就會產生電擊。包裝盒上面都表明咗呢個產品唔適合懷孕嘅女巫安全去用。 2010年，呢樣嘢喺桑科嘅惡作劇商店都有得賣。
一直緊追著人唔放嘅迴力鏢Ever-Bashing Boomerangs	呢款係弗雷同喬治喺斜角巷嘅衛氏巫師法寶店賣嘅其中一種惡作劇商品，呢款產品被拋出之後會反覆擊中目標，呢樣嘢會好似佢個名咁樣一直緊追著目標嘅人唔放。
可伸縮耳朵Extendable Ears	呢樣嘢係弗雷同喬治發明嘅魔法物品， 一款包括咗衛氏巫師法寶店嘅魔法產品，好擅長咁用嚟偷聽對話。呢樣嘢係一條肉色而長長哋嘅繩，用家可以將佢插入耳裡面，然後將另一邊擺到門後面，然後啲人就可以清晰咁聽到傾計內容或者係其他聲，就好似距離只有一呎咁清晰，除非嗰道門被施展咗抗擾咒Imperturbable Charm。呢款耳係哈利·波特喺1995年8月去到古里某街12號之前嘅某個時候發明。佢哋兩個嘅阿媽—茉莉·衛斯理喺知道咗呢樣嘢嘅存在之後覺得好嬲，仲盡佢所能咁將呢樣嘢掉diaau6入垃圾桶。不過，呢樣嘢好多喺呢次嘅大清洗入面倖存咗落嚟仲仍然喺度用緊。呢樣嘢喺《哈利波特：鳳凰會的密令》裡面形容呢樣嘢嘅遠端有類似人類嘅耳仔。歪腿曾經干擾過其中一隻，仲將佢哋喺繩嗰度撞落嚟。霍格華茲禁止學生喺課堂上面用可伸縮耳朵，犯規嘅學生將會受到教授訓話。 現實中嘅哈利波特的魔法世界作為一種新穎嘅電子玩具嚟賣可伸縮耳朵，呢款玩具可以放大12英尺外嘅聲音。
尖牙傳單Fanged Flyer	呢款係獠牙飛盤Fanged Frisbees嘅系列產品。佢哋喺弗雷同喬治喺斜角巷嘅衛氏巫師法寶店有得賣，附送一對免費嘅處理者手套。
獠牙飛碟Fanged Frisbees	獠牙飛碟好似麻瓜嘅飛碟咁樣，但呢款有牙齒同「咆哮」。鄧不利多校長喺《哈利波特：火盃的考驗》嘅開學演講入面第一次提及到佢係作為飛鼠先生最新嘅違禁品之一。佢哋喺《哈利波特：混血王子的背叛》裡面第一次出現，榮恩喺葛萊分多交誼廳俾佢轉咗一圈，佢就擅自變咗飛行方向，仲喺掛毯上面咬咗一啖。 佢哋喺霍格華茲係被禁止嘅。
開心泡泡盒Happy Bubble Box	呢款產品係衛氏巫師法寶店嘅產品，好明顯喺香港製造。產品包裝​​有英文同中文。唔知有乜嘢用途，可能係惡作劇裝置。
無頭帽Headless	呢款產品係弗雷同喬治為佢哋嘅衛氏巫師法寶店創造嘅魔法惡作劇而創造嘅產品。呢個係一頂佈滿粉紅色羽毛嘅帽仔，佢可以令配戴者嘅頭部隱形（連埋頂帽本身）。雖然呢啲帽有嚇人嘅作用，但係效果唔維持得好耐。佢嘅運作原理係將隱形咒施展落去物件本身以外嘅地方。呢個好明顯係一種唔尋常嘅進階魔法，妙麗覺得佢既聰明又有趣。
幸運點浸盒Lucky Dip Box	呢款產品喺衛氏巫師法寶店有得賣，佢嘅名表明佢係一個淨係喺打開嗰陣時先至會揭曉包含咗一個或多個隨機物件嘅包裹。嗰個產品嘅廣告上面寫住：「衛斯理與衛斯理Weasley & Weasley」，上面嘅「衛斯理」係帶有光線、翼同埋光環呢啲天使圖案，而下面嘅「衛斯理」就有好似火焰、乾草叉同埋分叉尾嘅惡魔圖案嚟做特色。呢個顯示咗驚喜項目係好嘢定係壞嘢嘅可能性都係均等嘅。
神奇嘅鬍鬚仔—奇蹟咁生長嘅鬍渣Magical Moustache Miracle Stubble Grow	呢樣嘢係衛氏巫師法寶店嘅麻瓜魔法魔術系列入面嘅一系列假鬍鬚產品當中嘅一部分，包裝上面承諾佩戴呢啲產品可以「令一個人嘅外表睇起嚟大咗幾歲」。裡面有幾種鬍鬚風格可以揀，包括：枯燥乏味嘅鬍鬚Dreary Whiskers、快速匿埋嘅鬍鬚Fast Stash（金髮：六碼五吋長）、法國佬鬍鬚仔Frenchman's Moustache、去啦羊咩鬚Go Go Goatee（金髮：六碼五吋長）、毛鬙鬙夫人Hairy Dame（黑髮：七英吋長）、英俊嘅鬍鬚仔Handsome Moustache、瞬間年齡Instant Age（灰髮：六碼三吋長）、中年鬍鬚Middle Age Beard、斯威夫特鬍渣Swift Stubble（黑髮：六碼七吋長），同埋奇怪嘅鬍鬚Wierd Beard（灰髮：六碼三吋長）。所有鬍鬚同鬍鬚仔都有真髮同人造髮可以去揀。
巨型盒子Mega Box	呢款係弗雷同喬治製作嘅其中一款產品，仲喺斜角巷嘅衛氏巫師法寶店賣。
神秘嘅午夜月亮瘋狂Mysterious Midnight Moon Madness	呢款係衛氏巫師法寶店嘅產品，呢樣嘢可能係某種形式嘅糖或者係惡作劇產品。
咬鼻茶杯Nose-Biting Teacup	呢款係睇起上嚟好普通嘅茶杯，但係佢被施咗魔法，佢會咬住任何試吓想用佢嚟斟水飲嘅人個鼻。咬鼻茶杯係21世紀大量違反《國際巫師保密法》大規模行為嘅災難入面成為咗可以鑄造嘅眾多魔法物品之一，由國際巫師保密法工作小組嘅義工成員歸還。榮恩同哈利喺1994年去到活米村旅行嗰陣時喺桑科嘅惡作劇商店每人買咗一個返去。衛氏巫師法寶店後嚟都有佢哋獨有版本嘅呢款產品。
水獺有汽橙汁Otters Fizzy Orange Juice	呢款係衛氏巫師法寶店嘅產品，目前仲未清楚呢款產品嘅用途，因為從佢嘅容器睇嚟似乎唔係嘢飲。現實中嘅哈利波特魔法世界都有賣呢款同名嘅飲品。
出去食晏假鬍鬚Out to Lunch Fake Moustache	呢款係弗雷同喬治喺斜角巷嘅衛氏巫師法寶店賣嘅一種魔法偽裝，呢個係一種乳液，佢會搞到頭髮由搽咗乳液嘅地方暫時生出嚟。
潘妮嘅紫色貓咪Penelope's Purple Pussy Cats	呢款係衛氏巫師法寶店嘅一款產品，呢款產品係以潘妮·清水Penelope Clearwater嘅名嚟命名，潘妮係曾經喺霍格華茲度同衛斯理孖仔嘅二佬—派西約會嘅女仔。知道咗呢件事嘅衛斯理孖仔，呢個參考唔太可能係恭維嘅一個。
活動沼澤Portable Swamp	呢款係弗雷同喬治創造嘅一款魔法惡作劇物品，作為佢哋嘅衛氏巫師法寶店旗下產品嘅一部分。弗雷同喬治喺1996年喺去桃樂絲·恩不里居辦公室嘅路上面設置咗其中一個。當佢哋喺霍格華茲走甩咗仲喺斜角巷開咗衛氏巫師法寶店嗰陣，佢哋並無留低點樣清除沼澤嘅說明，迫到阿各·飛鼠要幫學生去跨過嗰個沼澤；就算哈利·波特確信學校入面好多有能力嘅教授可以輕易咁將佢整走，但佢哋更加想睇到恩不里居掙扎。菲力·孚立維後嚟喺恩不里居被解除咗霍格華茲校長嘅職務後就將嗰個沼澤移除咗，淨係留低一細塊喺度。就算孚立維後嚟聲稱留低嗰個沼澤係因為呢個係「一個好好嘅魔法」，但係榮恩就相信呢個實際上係為咗紀念佢嘅孖生阿哥而留低嘅。
優質衛氏商品Quality Weasley Good's	優質衛氏商品係弗雷同喬治喺斜角巷嘅衛氏巫師法寶店賣嘅其中一種商品，大概係惡作劇嘅裝置。
羽毛筆Quills	羽毛筆係一種由羽毛整嘅寫字工具，佢嘅筆頭被切成尖形。呢款係巫師世界嘅標準寫字工具，唔同喺麻瓜世界嘅鋼筆同鉛筆，呢款筆通常一定要點墨水先用到。衛氏巫師法寶店賣嘅分別有智慧應答Smart Answer、自來墨水Self Inking，同埋拼字檢查Spell Checking款式。
可重用吊死鬼Reusable Hangman	呢款係弗雷同喬治開發傳統紙筆遊戲劊子手嘅魔法玩具版本，仲喺佢哋嘅衛氏巫師法寶店有得賣。
擦擦雞Rubby O' Chicken	呢隻係一隻被施咗魔法嘅橡皮雞，佢哋識得跳愛爾蘭踢躂舞。呢樣嘢喺斜角巷嘅衛氏巫師法寶店有得賣。呢款產品嘅包裝顯示係唔食得嘅。
尖叫搖搖Screaming Yo-yo	尖叫搖搖係一種魔法玩具，當啲人玩嘅時候會發出尖叫聲。
自推式蛋奶批Self-Propelling Custard Pie	呢款係衛氏巫師法寶店嘅產品。呢樣嘢大概係一塊被施咗魔法嘅奶油餡餅，佢會自動掟到去惡作劇者嘅預定對象，又或者係不幸嘅目標塊面度。
自己書寫羽毛筆Self-Writing Quill	呢個係一款魔法羽毛筆。呢啲羽毛筆喺衛氏巫師法寶店有得賣，作為舖頭嘅每周經理特選嘅一部分。任何買咗呢個產品嘅人都會收到一個免費版嘅西里爾款式Cyrillic Model。佢哋亦都喺佛日傑出羽毛筆Voges Quills of Distinction有得賣。
閃閃發光嘅銀色鹽滴Shimmering Silver Salt Drops	呢樣嘢係弗雷同喬治開發，仲喺嘅斜角巷嘅衛氏巫師法寶店有得賣。
黏性運動鞋Sticky Trainers	黏性運動鞋係一對鞋底附有吸盤嘅黃色運動鞋，穿著者可以用佢哋嚟爬牆，大概亦都可以穿過天花板。呢樣嘢喺斜角巷嘅衛氏巫師法寶店有得賣。
小臭丸Stink Pellets	用嚟分散級長同教授注意力仲散發出最難聞氣味嘅嘢。
陽光咒Sunny Spells	陽光咒係一種以魔法天氣嚟做主題嘅產品，呢樣係一個黃色嘅圓形樽，裡面大概含有某種能夠產生光線或者驅走散雲彩嘅魔法。
小龍捲風Tiny Twister	小龍捲風係一款以魔法天氣嚟做主題嘅產品，佢係一個裝喺高身玻璃樽入面嘅微型龍捲風，呢款產品喺斜角巷嘅衛氏巫師法寶店有得賣。
詭計魔杖Trick wands	呢個又叫做假魔杖fake wands，係弗雷同喬治開發嘅惡作劇產品，喺斜角巷嘅衛氏巫師法寶店有得賣。呢啲魔杖喺各方面睇起嚟都好正常，但當用嚟施展咒語嗰陣時，佢哋就會變成隨機嘅蠢嘢（例如係橡膠雞、錫鸚鵡或者係橡皮老鼠），揮郁佢嗰陣時會變成各種使用者諗都諗唔到嘅嘢。最平嘅款係揮郁嗰陣時變橡膠雞或者底褲出嚟，而最貴嘅係會出其不意咁拍打無警覺心嘅使用者個頭同頸。 2010年，呢樣嘢喺桑科嘅惡作劇商店都有得賣。
便祕仁U-No-Poo	呢樣嘢係衛氏巫師法寶店嘅產品，係一種因果關係嘅產品，呢款產品嘅名係戲仿你知道唔講得名嗰個人You-Know-Who。呢個係一種綠色一粒粒好似藥丸咁樣嘅嘢，可以搗碎佢同撈埋啲食物或者嘢飲度。佢會搞到唔知情嘅服用者出現便秘。1996年夏天，呢個產品喺舖頭嘅主櫥窗上面用紫色背景同黃色字體嚟做廣告。衛斯理太太對呢個宣傳口號無乜興趣，佢擔心自己啲仔會因為嘲笑黑魔王而「喺床上被謀殺」；不過，榮恩就發現呢個名「好正」。哈利·波特有一次留意到，佢啲同學喺練習施展非語言咒語嗰陣時似乎服用咗過量嘅便祕仁，佢哋嘅面色發紫，喺嘗試唔講嘢嘅情況下施展魔法嗰陣好緊張。 現實中哈利波特的魔法世界嘅蜂蜜公爵糖果店Honeydukes Sweetshop都有賣呢款「便祕仁」糖果作為一種新奇嘅零食。
單輪車上嘅恩不里居Umbridge on Unicycle	呢樣嘢係弗雷同喬治為咗嘲笑恩不里居而喺衛氏巫師法寶店賣佢嘅機械玩具版本，呢件玩具騎住單輪車穿過威吔，同一桶白色液體保持住平衡，仲會講「我會遵守秩序I will have order」同埋「我真係好憎細路I really hate children」呢啲短語。
不幸點浸盒Unlucky Dip	呢款產品喺斜角巷嘅衛氏巫師法寶店有得賣，佢大概就好似幸運點浸盒咁樣，係一個玩家有機會隨機抽中隱藏喺容器裡面嘅獎品嘅一種遊戲，但淨係包含咗大多數人可能唔想贏得到嘅獎品。
衛斯理真品Weasley Authentic	呢款產品喺斜角巷嘅衛氏巫師法寶店賣緊嘅其中一種商品，根據佢嘅包裝，呢樣嘢可能係爆破嘅嘢，但目前仲未清楚呢樣嘢嘅實際性質。
衛斯理笑話盒子Weasley Joke Box	呢樣嘢係衛氏巫師法寶店嘅弗雷同喬治製作嘅特殊魔法盒子，喺倫敦同霍格華茲城堡等等嘅地方隨處可見。如果有人試吓去打開其中一個盒子嘅話，佢哋有能力去毆打衛斯理家族以外嘅任何人，不過衛斯理家族嘅人可以喺呢啲盒子裡面攞到有用嘅嘢。
衛氏暴風雪Weasley's Snowstorm	呢樣嘢係以天氣嚟做主題嘅產品，喺斜角巷嘅衛氏巫師法寶店有得賣。呢個係一個水晶雪球，裡面有一個尖叫屋嘅模型，頂部有一個金屬噴霧泵，㩒落去嗰陣時可能會噴啲魔法雪出嚟。
衛氏潮濕天Weasley's Wet Weather	呢樣嘢係以天氣嚟做主題嘅產品，喺斜角巷嘅衛氏巫師法寶店有得賣。呢個係一個有繖形蓋嘅高身玻璃樽，可能含有某種能夠產生人造雨嘅魔法。
衛氏奇妙魔杖Weasley's Wonderous Wands	呢樣嘢係弗雷同喬治喺斜角巷嘅衛氏巫師法寶店有得賣嘅其中一款產品，根據包裝盒嘅描述，呢支魔杖被設計成根據施法者嘅心情嚟發光。
衛氏龍烤堅果Weasleys' Dragon Roasted Nuts	呢樣嘢係喺斜角巷嘅衛氏巫師法寶店外面嘅一部投幣式機器。機器上面畫咗啲火焰圖案上去，仲會分發由袖珍龍去烤嘅栗子。
天氣樽Weather in a Bottle	呢樣嘢係1996年衛氏巫師法寶店所賣嘅產品，佢可能容納咗風、水或者某種天氣，當釋放嗰陣會影響個樽周圍小部分嘅區域。

煙火產品

呢啲都係衛氏巫師法寶店嘅一系列煙火產品，呢啲煙火產品包括佢哋原創嘅爆炸企業系列Explosive Enterprises line產品，同埋各種新穎嘅創意煙火產品。

煙火產品	備註
嘭嘭幻形怪鞭炮Bang Bang Boggart Banger	呢款係衛氏巫師法寶店嘅爆炸企業系列火箭產品，不過桑科嘅惡作劇商店都有賣佢哋自己版本嘅嘭嘭幻形怪鞭炮。
爆炸性炸彈Bombtastic Bomb	呢款產品又叫爆炸性氣泡爆炸Bombtastic Bubble Blasts，呢樣產品喺斜角巷嘅衛氏巫師法寶店有得賣嘅炸藥，遊戲嘅舖頭裡面嘅一個黑色頭髮男仔特別鍾意呢個產品。呢款產品可能係爆炸企業系列嘅一部分。 2008年，衛氏巫師法寶店有一款爆炸性炸彈嘅盒可以俾客人去買，裡面包括咗炸藥嘅集合。科爾比Colby同費舍爾·弗萊Fischer Frey擁有一個喺霍格華茲城堡裡面，佢哋打算用佢嚟對付阿各·飛鼠。佢哋後嚟俾一個學生捉到，仲呃佢哋嚟將個盒子偷咗去。佢哋後來喺決鬥入面用呢樣嘢嚟對抗衛斯理孖仔。
O盒子火箭Box 'O' Rockets	喺斜角巷嘅衛氏巫師法寶店有得賣嘅爆炸性產品之一。
水晶咒語彗星Crystal Incantation Comet	衛氏巫師法寶店爆炸企業系列嘅火箭產品。
惡魔糞肥彩包爆竹Demon Dung Cracker	衛氏巫師法寶店爆炸企業系列嘅煙火產品，佢哋發射嗰陣會散發出好勁嘅惡臭。
惡魔敢死隊Diabolic Dare Devils	衛氏巫師法寶店嘅煙火產品。
龍之火Dragon Fire	喺斜角巷嘅衛氏巫師法寶店有得賣嘅煙火產品。
霹靂彩紙爆竹Exploding Whizz Poppers	呢個係衛氏巫師法寶店嘅煙火產品。
羽毛狀紅鶴火焰干擾器Feathery Flamingo Flame Fuzzer	呢個係衛氏巫師法寶店嘅火箭，不過桑科嘅惡作劇商店都有賣佢哋自己版本嘅羽毛狀紅鶴火焰干擾器。
弗雷同喬治嘅煙火遊戲拼盒Fred-N-Georges' Pyrotechnics Compendium	呢個大概係衛氏巫師法寶店嘅全套爆炸企業系列嘅煙火。
弗雷·衛斯理嘅基本火焰盒Fred Weasley's Basic Blaze Box	呢款係弗雷·衛斯理意念嘅基本火焰盒，裡面包括咗各種神奇嘅煙火，例如係衛氏野火魔爆彈Weasleys' Wildfire Whiz-bangs同埋猛擊火箭Whammy Rocket。
喬治嘅煙火遊戲拼盒George's Compendium Box of Pyrotechtrix	呢款係一款包括咗衛氏巫師法寶店爆炸企業系列入面唔同嘅煙火產品組合包。
嚨那環迴發光器Loonar Loop Luminators	呢款係衛氏巫師法寶店嘅煙火。
神奇嘅神秘混亂製造者Miraculous Mystic Mayhem Makers
和平擾亂者Peace Disturbers
火箭盒子Rocket Box	呢款產品係一個包含咗10支唔同火箭嘅組合包，包括咗衛氏巫師法寶店賣緊嘅煙火產品。
銀色閃閃蛇Silver Sparkling Snakes	呢款係衛氏巫師法寶店嘅煙火。
撕淌飛濺器Spectrum Splasher
騎士墜鬼馬鶇鷸Thestral Thrasher
雷神索爾嘅雷霆爆竹Thor's Thunder Cracker	呢款係衛氏巫師法寶店嘅煙火。雷神索爾係一個北歐嘅神，同雷聲同埋閃電呢啲嘢有關，所以呢款產品就用咗佢個名。
巫毒噴泉Voodoo Fountain	呢款係衛氏巫師法寶店嘅煙火。
衛氏野火魔爆彈Weasleys' Wildfire Whiz-bangs	呢種係一組擋都擋唔住非常壯觀又顯眼嘅魔法煙火，當喺令人O晒嘴嘅咒語擊中嗰陣時會劇烈咁爆炸，佢哋嘅威力會喺任何試吓消滅佢哋嗰陣時增加10倍。呢啲煙火包括螢光粉紅色嘅輪轉焰火Catherine wheel、仲有曾經用嚟對付恩不理居嘅噴火龍fire-breathing dragons，講粗口嘅煙火sparklers that spell out profanity、仲有銀色星星長尾火箭rockets with long tails of silver stars，同埋標準鞭炮standard firecrackers。當兩種任何類型嘅產品碰撞嗰陣，佢哋就會產生新嘅效果，包括基本熊燒盒子Basic Blaze Box同埋緩燃火豪華版Deflagration Deluxe。 呢啲煙火喺小說裡面被設計成唔會產生任何可能有害嘅熱量、火光或者噪音嘅煙火。魔法煙火分咗基本型同豪華型兩款，仲可以變成五顏六色嘅火龍或火箭等等。如果用消失咒嚟對付佢，佢嘅煙火效果就會增加一倍；如果施展昏擊咒就會搞到大爆炸。 弗雷同喬治喺《鳳凰會的密令》入面，佢哋喺霍格華茲嘅最後一年創造咗呢啲煙火出嚟，佢哋用呢啲煙火幻化成一條巨型嘅火龍嚟追趕住佢哋嘅新任校長兼黑魔法防禦術教授—桃樂絲·恩不理居，為咗抗議佢對校園造成極大嘅混亂，搞到恩不里居狼狽不堪，最後令到佢成身都俾煙灰冚住。
猛擊火箭Whack Trance Whammy Rocket	呢款係衛氏巫師法寶店嘅煙火產品。

防禦術類產品

防禦術類產品	備註
詭雷Decoy Detonator	黑色喇叭咁嘅樣嘅古怪嘢。如果想聲東擊西嘅話，只要偷偷哋掉diaau6一個出去，佢就會唔知走咗去邊度，仲會發出好大嘅響聲。呢樣嘢曾經喺《混血王子的背叛》入面出現。
除惡咒Jinx-Off	呢個係衛氏巫師法寶店喺英國製造嘅一套咒術保護套裝，裡面包括咗帽、斗篷同埋手套。包裝上面建議話所有三樣嘢必須要一齊佩戴先至可以得到「最大程度嘅保護」，仲應該注意去確保套裝係處於「完美狀態」，因為「損壞咗嘅部件可能會干擾保護」。呢款產品好明顯停產咗一排，但由於大眾嘅需求而重新推出。呢個套裝成為咗衛氏巫師法寶店每周經理特選。呢款產品嘅發佈依照咗一系列魔法部法律規則嘅指導方針。
秘魯神奇黑暗粉Peru Instant Darkness Powder	祕魯進口嘅魔法粉末，當呢種粉末被灑一執zap1再上去半空中之後就會搞到四周圍陷入一片黑鼆mang1鼆之中，雖然可以用光榮之手嚟穿透佢，但係任何魔杖嘅照明咒Wand-Lighting Charm又或者生火咒Fire-Making Spell都無辦法穿透到佢，不過呢個效果會喺幾分鐘之內消失，所以用嚟快速甩身非常之方便。喺《混血王子的背叛》裡面，跩哥·馬份就係用佢喺萬應室嚟做掩護，嚟到去避開鄧不利多的軍隊嘅成員；哈利喺同一齣電影度喺霍格華茲特快列車上面用，用嚟匿埋喺馬份張枱上面嘅行李空間；馬份後嚟將呢樣嘢用嚟帶領經消失櫥櫃入到去霍格華茲嘅食死人離開萬應室，成功咁避開喺門口守住嘅榮恩、金妮同埋奈威，仲行到上塔頂。
防咒帽、斗篷同埋手套Shield Hats, Cloaks and Gloves	附有鐵甲咒Shield Charm，可以反彈到簡單嘅惡咒，魔法部落咗大量嘅訂單。

麻瓜魔術用品

用嚟變麻瓜魔術或者惡作劇，弗雷同喬治諗住賣俾「好似我老豆嗰啲鍾意麻瓜嘢嘅嗰啲怪人」，賺得唔多。呢啲貨品包括咗紙牌同埋繩索戲法。

麻瓜魔術系列	備註
愛德華多打唔碎嘅蛋Eduardo's Unbreakable Eggs	呢個係衛氏巫師法寶店出品嘅麻瓜魔法系列嘅魔術產品。呢個戲法涉及打唔碎嘅雞蛋。
就好似嗰頂帽咁Just Like That Hat	呢款係衛氏巫師法寶店出品嘅麻瓜魔法系列嘅魔術產品，呢個產品嘅名可能參考咗英國著名喜劇演員兼魔術師湯美·庫珀，佢嘅口頭禪係就係咁！Just Like That!。呢個產品用咗黑色方形紙板盒嘅形式出現喺現實中嘅哈利波特魔法世界裡面嘅衛氏巫師法寶店入面。
瑪麗嘅魔法老鼠Mary's Magic Mice	呢款係一種魔術產品，係衛氏巫師法寶店出品嘅麻瓜魔法系列嘅魔術產品。
米拉佛羅斯魔法套裝Miraphorus Magic Set	呢個係衛氏巫師法寶店出品嘅麻瓜魔法系列嘅限量版魔術產品。根據包裝揭示咗某種類型嘅秘密，每套仲配有一對米拉佛羅斯嘅「獨特嘅紅色手套」。呢個產品嘅名大概係向參與咗每一套《哈利波特》電影製作嘅平面藝術家米拉波拉·米娜Miraphora Mina致敬，佢同愛德華多·利馬Eduardo Lima、尼古拉斯·桑德斯Nicholas Saunders，仲有勞倫·韋克菲爾德Lauren Wakefield一齊幫手設計衛氏巫師法寶店嘅所有道具。呢個產品用紅色方形紙板盒嘅形式出現喺現實中嘅哈利波特魔法世界裡面嘅衛氏巫師法寶店入面。
重覆兔Repeating Rabbit	呢個係衛氏巫師法寶店出品嘅麻瓜魔法系列嘅魔術產品。
桑德斯嘅隱形絲綢Saunders' Invisible Silk	呢個係衛氏巫師法寶店裡面賣緊嘅嘅惡作劇物品之一。呢個該產品可能係以尼古拉斯·桑德斯Nicholas Saunders嘅名嚟命名，佢係參與咗《哈利波特：混血王子的背叛》同《哈利波特：死神的聖物1》電影嘅平面藝術家。
史密夫公司滴答時鐘Smith & Co. Tick Tock Clock	呢個係衛氏巫師法寶店裡面麻瓜魔法系列嘅其中一款魔術產品。包裝上面聲稱嗰個時鐘係「魔法世界入面最好嘅麻瓜時鐘，僅次於真實嘅時鐘」。
遊行中嘅士兵Soldiers On Parade	呢個係衛氏巫師法寶店出品嘅麻瓜魔法系列嘅魔術產品。
鬧鬼嘅甲板The Haunted Deck	呢個係衛氏巫師法寶店出品嘅麻瓜魔法系列嘅魔術產品，呢個大概係一副用嚟表演魔術嘅紙牌。鬧鬼嘅甲板係一種係人都知嘅魔術，其中一張揀定嘅牌被放喺牌組入面，仲顯然自己識郁嚟顯示自己。呢個表明咗嗰個產品可能就係為咗執行呢個操作而設計嘅。

神奇女巫系列

呢個系列嘅產品係針對女巫而設，成個系列都係強烈嘅粉紅色，呢個系列叫做神奇女巫美容產品Wonderwitch Beauty Products。雖然呢啲產品同舖頭裡面嘅其他產品一齊好快就成為咗霍格華茲嘅違禁品，但係呢啲產品可以扮成普通香水或者係其他樽裝產品（例如咳藥水）咁樣送去學校，呢個係佢哋貓頭鷹訂單服務嘅一部分。衛斯理孖仔喺1996年夏天向妙麗同佢哋細妹金妮展示咗神奇女巫系列產品背面解釋關於呢項服務嘅資訊；另外，佢哋兩個仲研發咗得佢哋獨有嘅迷你蒲绒绒Pygmy Puff，好受啲女仔客人嘅歡迎。

神奇女巫產品	備註
災難乳液Calamity Lotion	呢款似乎係好似佢個嘅名異極礦calamine乳液咁嘅文字遊戲，呢個係一種止痕藥，通常用嚟治療曬傷、皮疹、毒藤蔓同埋昆蟲叮咬呢啲狀況。呢劑藥水因為咁就可能都有同樣嘅作用。
心動胭脂Crush Blush	目前仲係未清楚呢款產品係咩嘢。顧名思義，呢個可能係一種迷情劑，又或者係女巫專用嘅化妝品（胭脂），令自己對暗戀對象更加有吸引力。
永恆睫毛Everlasting Eyelashes	呢款係神奇女巫系列嘅一種魔法美容工具。
愛是盲目眼部精華Love is Blind Eye Serum	呢款係衛氏巫師法寶店生產嘅神奇女巫系列眼部精華。
迷情劑Love Potions	呢樣嘢又叫愛情魔藥，呢個係一種令飲用者產生痴情感覺，或者係對俾藥水佢嘅人產生一種痴迷感覺嘅魔藥（不過愛情係無辦法被製造出嚟）。每次嘅藥效可以長達24個鐘，具體取決於男仔有幾重同女仔有幾索。所有愛情魔藥都一樣，佢嘅效果會隨住保存嘅時間越長而增大。呢種魔藥嘅藥力非常之強，淨係得非常熟手嘅藥劑師先至可以調製到愛情魔藥出嚟。
	丘比特水晶Cupid Crystals	呢款係神奇女巫系列嘅一種淡粉色嘅愛情魔藥，形狀就好似丘比特嘅心，呢個系列同心碎淚珠Heartbreak Teardrops、暮色月光Twilight Moonbeams，同埋接吻混合物Kissing Concoction嘅幾種愛情魔藥一齊嚟賣。
	初戀誘人泡泡First Love Beguiling Bubbles	呢款係神奇女巫系列嘅一種愛情魔藥。呢款產品喺1996年俾啲霍格華茲嘅學生買咗返去，當中最出名嘅羅咪·凡Romilda Vane，由於佢認為哈利·波特就係「被選中嘅人the Chosen One」，所以就想喺哈利·波特身上用呢款愛情魔藥。呢款產品因為咁就成為咗一種非常理想嘅捕獵物。
	調情幻想Flirting Fancies	呢款產品嘅名可能係對衛氏嘅早期產品—昏幻糖Fainting Fancies嘅模仿。目前仲未清楚呢款產品係愛情魔藥定係食物「幻想」呢個名喺英國係指細細件嘅凍餅，又或者係其他嘢。
專利白日夢咒Patented Daydream Charm	呢款產品淨係需要唸一個咒語就可以發到一場30分鐘高質量、絕頂咁逼真嘅白日夢，而且仲可以輕鬆咁客製化。操作簡單，絕對令人好難去察覺（副作用包括表情呆滯同埋輕微咁流口水）。不過呢樣嘢唔賣俾16歲以下嘅青少年巫師。
迷你蒲绒绒Pygmy Puffs	衛氏巫師法寶店研發嘅迷你版蒲绒绒，佢哋啲絨毛係粉紅色或者紫色，佢哋個名就好似泡芙Puff或者粉撲咁樣，有圓圓粉粉矮矮細細嘅嘢個意思。佢哋對眼同埋耳仔都好細隻，係一種會轆luk1嚟轆去、發出細細尖叫聲嘅超可愛絨毛波波，呢個係舖頭裡面嘅新貨。好受啲女仔客嘅歡迎。
十秒消除膿疱特效靈Ten-Second Pimple Vanisher	呢種產品可以好出色咁對付由黑頭到痘嘅所有粉刺。呢樣嘢曾經喺《混血王子的背叛》裡面出現。

魔法糖果

糖果產品名	備註
金絲雀奶油Canary Creams	呢種奶油同普通嘅蛋奶奶油Custard cream喺外觀同口味上面都好似，但係食咗落肚之後會令食用者變成一隻大金絲雀，不過喺一分鐘之後，佢哋又可以甩返晒啲羽毛，重新變返正常嘅樣。
罐頭糖果Candy in a Can	呢款產品曾經喺《混血王子的背叛》裡面出現。
可食用黑魔標記Edible Dark Marks	呢款產品嘅標語係：「邊個食就邊個核突！」，呢款糖嘅樣睇落就好似佛地魔所用嘅黑魔標記，食咗呢個產品會令任何人都會病。
頑皮跳跳蛇Nautious Jumping Snakes	呢款糖果係舖頭賣嘅糖入面其中嘅一款，佢睇落就好似麻瓜世界入面好多都都知道嘅「Stick-O 威化棒」。佢包裝上面嘅描述做「有毒嘅垂直海蛇Venomous Vertical Sea Snakes」，頑皮跳跳蛇因為咁可能就係開玩笑嘅糖。海蛇係毒蛇嘅一個亞科，因佢哋喺水裡面生活而有呢個名。頑皮跳跳蛇喺包裝上面被叫做「海蛇」，好可能因為大多數種類嘅海蛇就像糖咁樣，喺佢哋嘅長度上面都有一致嘅條紋圖案。
速效逃課糖Skiving Snackbox	呢個產品係一盒目的係要令到食咗嘅人睇起嚟發病而無辦法繼續留喺課室入面上堂而走堂嘅糖，盒裡面每種零食都會產生唔同嘅效果，使用者可以根據佢哋想出現嘅奇怪症狀而去食唔同嘅零食，例如係嘔、暈或者流鼻血。盒裡面大部分嘅糖都有兩隻色：一半係會令使用者發病，而另外嗰半係可以等佢哋喺離開課室之後恢復返健康。速效逃課糖可以俾食咗嘅人借啲意離開課室去醫院病房，或者周圍去蛇王。速效逃課糖裡面包括：
	噴血泡泡豆Blood Blisterpod；
	昏幻糖Fainting Fancies：食咗嘅人會好似俾一支好大嘅隠形木棍扑中，佢哋會喺幾秒內暈低仲吐出長長嘅脷出嚟；
	發燒糖Fever Fudge：呢款糖會令食咗嘅人發高燒，佢嘅副作用係喺尷尬嘅地方生膿瘡。
	鼻血牛扎糖Nosebleed Nougat：呢款糖會令食咗嘅人狂噴鼻血，值得注意嘅係呢款糖最受歡迎；
	嘔吐糖Puking Pastille：呢款糖有兩邊，食咗橙色嗰邊會嘔，而食紫色嗰邊可以止嘔。
糖魔咒Sugar Hexes	一啲魔咒嘅糖。
吹舌太妃糖Ton-Tongue Toffee	食咗之後會搞到條脷變成紫色仲會不斷被伸長同腫脹得好快，一眨眼就生到驚人咁大。 就好似《哈利波特：火盃的考驗》裡面所講咁樣，衛斯理孖仔曾經喺哈利嘅表哥—達力·德思禮身上做測試，當時弗雷「唔小心」咁喺達力面前漏低咗一粒，而達力就食咗佢哋「唔記得」攞返嘅嗰粒。
𡁻唔到嘅咬物Unchewable Chew Chews（UCC）	未知
韋克菲爾德唔發表嘅黑暗中發光香口膠Wakefields Off the Record Glow in the Dark Gum	喺黑暗中會發光嘅香口膠。