2007年香港立法會港島選區補選泛民主派初選
2007年香港立法會港島選區補選泛民主派初選係指泛民主派就2007年香港立法會港島選區補選中，選出一人代表泛民主派參予呢次補選嘅初選機制。
背景
編輯2007年香港立法會港島選區補選係香港特別行政區成立後第三次進行嘅香港立法會議席補選。補選喺2007年12月2號舉行，以填補8月8號喺廣州病逝嘅馬力喺港島區嘅議席空缺。
2007年夏季馬力嘅癌病開始轉趨惡化，癌細胞不斷擴散至各主要器官，佢要再度北上廣州醫；但馬力喺8月8號下晝兩點因結腸癌醫治無效逝世，終年五十五歲。根據法例，佢遺下嘅席位要進行補選，由於只有一席，所以變成單議席單票制，選區係香港島全島。
由於呢次選舉都集中喺一個席位上，而補選出來嘅任期得大概八個月，因此成為各大政黨嘅爭取目標，主要形成泛民主派同建制派之爭。
同歷屆選舉唔同嘅係，泛民主派為避免出現自己人鬥自己人嘅情況，多個政黨協調出泛民主派初選。呢次補選泛民主派嘅最終候選人會由初選產生[1]。
成員
編輯負責人
編輯呢次泛民主派初選由四位泛民主派立法會議員統籌，包括馮檢基、劉慧卿、湯家驊同埋李國麟[2]。
政黨成員
編輯個人成員
編輯初選
編輯初選會分三部份進行，民意調查、辯論同埋泛民人士投票。
分數機制
編輯香港大學會負責整個計分機制。然後，25位泛民主派立法會議員、28位泛民主派區議員同埋300位泛民主派人士（十個泛民組織各10票）會為初選進行投票。香港大學民意調查計劃喺9月25號至9月28號會向唔少過1,000名港島區合資格選民進行電話調查。民意調查佔50%，300個民主派人士佔30%，最後，立法會同區議會議員各佔10%。
朱耀明教授負責整個泛民主派初選嘅計分機制。
日期
編輯經費
編輯泛民主派初選大概要使港幣14萬。費用由兩名候選人攤分。當選者要申報選舉經費[3]。
候選人
編輯陳方安生2007年9月11日上晝喺香港小童群益會總會舉行記者會宣佈參選[4]。
勞永樂醫生一直冇公開表明參選，但最後代表社民連出選。
民意調查
編輯由港大民意網站調查喺9月25號至9月28號訪問過超過1,000名港島區合資格選民。
| 評分項目 | 支持陳方安生 | 支持勞永樂 |
|---|---|---|
| 港大民意調查（1044人） | 81.1% | 18.9% |
初選辯論
編輯勞永樂同陳方安生9月24號夜晚7時喺堅道明愛禮堂出席論壇，向300個泛民團體代表同100名市民[6]簡介政綱，論壇形式參考3月嘅特首選舉辯論，兩人唔會直接互相質問，但可以回應另一參選人嘅提問，三位大學教授同埋政治學家馬嶽教授，陳健民教授同戴耀廷教授喺初選分別向兩位候選人各提問3條問題，除學者質詢外，亦要回答在場泛民代表同埋市民提問[7][8][9]。
文化界學者梁文道應邀主持呢次辯論，另外五間本港電視台同三間電台現場直播整個辯論過程。
陳方安生政綱撮要
編輯- 民主管治
- 推動2012年雙普選
- 維護高效率及高士氣公務員隊伍
- 透過良好管治加強問責，改善民生
- 教育
- 加強特區政府、教育界及家長間嘅溝通
- 支持小班教學、關注副學士質素、改善幼兒教學質素
- 經濟
- 維持公平競爭環境、保障知識產權及消費者權益
- 創造就業
- 社會公義
- 關注弱勢社群、改善貧富懸殊
- 支持全民退休保障計劃、檢討醫療融資方式
- 可持續發展
- 成立跨部門小組處理空氣污染及全球暖化問題
- 按可持續發展原則釐定城市發展及文化保育政策
勞永樂政綱撮要
編輯- 落實全面普選
- 取消區議會委任制
- 維護法治、反對釋法
- 保障言論自由、開放大氣電波
- 停止公營事業私有化
- 改善貧富懸殊
- 保障勞工權益
- 性別主流化
- 尊重少數族裔
- 增建公屋、復售居屋
- 維護全面公平嘅醫療環境
- 關注環境保護
- 12年免費教育
- 制訂全面嘅文化、保育及藝術政策[10]
投票代表
編輯300位出席論壇嘅泛民代表會投票推選其中一人作為候選人，結果會連同月底完成民意調查後，進行點票。最終嘅論壇日期要等泛民嘅會員大會決定。
投票團體（各10票）
編輯投票立法會議員
編輯投票區議會議員
編輯結果
編輯喺投票嘅18名泛民立法會議員中，陳太得15票，勞永樂有2票，1票屬廢票；喺區議會大概19名泛民港島議員中19人投票，結果13票投向陳太，2票支持勞永樂，4票屬廢票或問題票；喺團體票方面，陳太得到141票，勞永樂得79票。
另外，港大民意網站調查咗超過1,000名港島區市民，47%支持陳太，10.9%支持勞永樂，29.9%就兩個都唔支持。
| 評分項目 | 佔總分比例 | 支持陳方安生 | 陳方安生得分 | 支持勞永樂 | 勞永樂得分 |
|---|---|---|---|---|---|
| 港大民意調查（1,044人） | 50% | 81.1% | 40.6 | 18.9% | 9.4 |
| 泛民團體票（264票） | 30% | 141票（64%） | 19.2 | 79票（36%） | 10.8 |
| 泛民港島區議員票（19票） | 10% | 13票（87%） | 8.7 | 2票（13%） | 1.3 |
| 泛民立法會議員票（25票） | 30% | 15票（88%） | 8.8 | 2票（12%） | 1.2 |
註：全部百分比已扣除「中立」、「皆不支持」或「廢票」。
按照泛民代表嘅初選計分機制計算，陳方安生得分77.3分，對手勞永樂得22.7分。
由於陳方安生勝出，因此「代表」出選，而勞永樂就宣布退選，畀陳方安生出選。
影響
編輯由於呢次泛民主派初選係香港選舉史上首個初選機制，多位議員都希望可以成為以後進行同類選舉嘅參考。
參考
編輯- ↑ 泛民開會訂出初選機制細節[失咗效嘅鏈]，商業電台，2007年9月12日
- ↑ [1]
- ↑ [2] 互聯網檔案館嘅歸檔，歸檔日期2008年9月12號，. [3] 互聯網檔案館嘅歸檔，歸檔日期2008年9月12號，. [4] Archive.is嘅歸檔，歸檔日期2007年6月24號， [5] 互聯網檔案館嘅歸檔，歸檔日期2008年5月12號，.
- ↑ 〈陳方安生宣布參加立會補選〉。原著喺2012年7月10號歸檔。喺2007年10月15號搵到。
- ↑ 社民連確認勞永樂參選
- ↑ http://www.2012us.com/924register/index.php
- ↑ 泛民初選陳太對勞永樂 互聯網檔案館嘅歸檔，歸檔日期2013年10月29號，.，明報即時新聞，2007年9月16日
- ↑ 泛民24日初選不設互辯 勞永樂指偏幫 將提陳太「政績」[失咗效嘅鏈]，明報，2007年9月17日
- ↑ 陳太料親政府陣營搞事 泛民初選辯論 與會者禁人身攻擊[失咗效嘅鏈]，蘋果日報，要聞港聞，2007年9月17日
- ↑ [6][失咗效嘅鏈]
![[2]](http://www.mingpaovan.com/ftp/News/20070913/HK/13gd401.gif){kind=link}
![[3]](http://www.mingpaovan.com/ftp/News/20070913/HK/13gd402.gif){kind=link}
