Talk:單曲

討論區內容竟然被當做可靠來源

• @H78c67c、Deryck Chan、Shinjiman、Detective Akai、Z423x5c6、Longway22：：早排（今年年頭）見H78君同Shinjiman都將連登加入過濾器道唔畀用戶當做可靠資料寫入文章到。點解依家竟然有用戶將香港討論區嘅討論內容就當做可靠資料寫入文章道（見Special:diff/1671436）？我諗呢個情況需要審視，睇下將唔將網上討論區嘅內容都當做可靠來源，同埋引入討論區網民嘅留言就可以寫人維基會唔會令文章質素下降。特克斯特 (傾偈) 2021年8月2號 (一) 15:09 (UTC)

  認為就呢個個案睇，質素問題唔係關鍵，因為唔係屬正規嘅學術、學科呢啲範疇，唔係非常必要整個硬規定、除非涉及啲潛在嘅商業利益衝突，可釐定適當提示參考嘅基礎有唔確定因素。而鑑於個案係針對咗粵文圈民間用語，牽涉社群嘅重大利益，同時本地有必要喺建制化強化兼僵化嘅風險時期、以少數社群立場出發可更靈活咁防止編輯規範成為一個埋一統建制化堆嘅審查工具，依據返唔同偏好嘅比例原則，唔贊成針對粵文明社群嘅獨立文化用語進行專登嘅編輯審查，同時反對由呢個方面去追擊粵文嘅質素。喺少數社群嘅層面度討論質素改善，一定要有多啲跳出框框、靈活啲嘅思路，唔可以先埋建制化、係要有自由化嘅睇法先比較易再度橋 Longway22 (傾偈) 2021年8月3號 (二) 01:36 (UTC)

  @Longway22：討論區嘅問題就係註冊戶口係人都得，考證內容真偽有難度。如果討論區貼文內容係有證據嘅話，通常都會有其他更加靠得住嘅來源。H78c67c·傾偈 2021年8月3號 (二) 02:12 (UTC)

  問題係如果針對到粵文嘅口語講法，本身就係大問題，本身（一定要講規例嘅話）就可以用本地嘅收文豁免pass——呢個係經已有關乎粵文明圈利益嘅因素。如果再用所謂來源準則去到挑戰呢個問題，分分鐘可以話係動搖到本地獨立嘅基礎，就唔係個案範疇而係站點整體共識嘅範疇 Longway22 (傾偈) 2021年8月3號 (二) 02:19 (UTC)

  @特克斯特：睇過過濾器嘅紀錄，呢度係從來未設定過『加入懷疑非可靠來源』嘅過濾器，而類似嘅就只有Blog嘅出面網站，只會摘名編輯。 Shinjiman ⇔ ♨ 2021年8月3號 (二) 02:26 (UTC)

  @特克斯特：，閣下所指嘅應該係指網站黑名單，而唔係過濾器掛。 Shinjiman ⇔ ♨ 2021年8月3號 (二) 02:36 (UTC)

@特克斯特、H78c67c、Deryck Chan、Shinjiman、Z423x5c6、Longway22：如果正常一般嘅討論區應該就唔畀加入嚟維基嘅（就好似冇人會將微信、IG等apps當成可靠來源咁），但如果響真係冇其他更好來源嘅情況下，用連登就情有可原。但我都係唔支持用連登做來源。Akai 博士 (傾偈) 2021年8月3號 (二) 05:38 (UTC)

我意見基本上同Akai兄一樣。--Z423x5c6 (傾偈) 2021年8月3號 (二) 11:22 (UTC)

@Longway22：您睇返個網站，純粹係好似H君話嘅「註冊戶口係人都得」，我入去留言話上面個別網民嘅討論撈亂咗單曲同細碟，唔通之後又可以引用個版討論嘅留言寫入嚟維基咩。又唔使將「牽涉社群嘅重大利益」放到咁大，您睇en:Single (music)同en:Extended play都係分咗兩樣嘢咁寫，咁樣寫咗一係文章可以合併，一係編輯者畀未必信得過嘅資料搞到佢寫錯嘢。專注理返User:Ngguls仲好過（仲有幾張相User:SCP-2000話要提刪都未搞掂）。特克斯特 (傾偈) 2021年8月3號 (二) 15:31 (UTC)

改善內文

多謝幾位對我寫個參攷嘅一番評論，中間的確有令人深思嘅地方。而家，我加多一本書嘅參攷，而希望各位可以集中精力去增加呢篇文嘅內容，用「單曲」本人確實係未聽過，假設係其他粵文地區嘅叫法，所以我寫『「單曲」似係中國內地粵語區嘅叫法{{cn}}』，歡迎各位補充參考或重寫。

• 「單曲」按字面睇，就係指單一支歌，唔明點解攞嚟種碟嘅 format 呢？！
• 「單曲」幾時引入／創造出嚟嘅呢？
• 「單曲」係唔係 Single 嘅音譯呢，定唔係呢？？

--WikiCantona (傾偈) 2021年8月3號 (二) 08:01 (UTC)

• 我覺得更加值得討論嘅係，單曲同細碟咩關係，使唔使合併。翹仔 (傾偈) 2021年8月3號 (二) 08:15 (UTC)
  • 細碟係 format，單曲 係 marketing package. 而 1970s-90s 嘅人，見 single 隻碟碟細，就叫做細碟，喺英文維基百科，兩樣係唔同。每當一個 concept 進入另外一種語言環境，好容易同另一啲 concept 混埋一齊，一個名講兩樣唔同嘅嘢，係好常見--WikiCantona (傾偈) 2021年8月3號 (二) 08:40 (UTC)

@Deryck Chan：至於合併呢樣嘢我就覺得唔使咁做，純粹W君嗰次編輯寫以前「單曲」都被叫做「細碟」您先至可能會覺得呢兩篇文講嘅嘢一樣（或者文章篇幅太短您睇唔到文章詳細講嘅分別所以先咁諗 呢點都係粵維長年嘅問題）。

@Deryck Chan、Detective Akai、Z423x5c6、Longway22、SC96、Dr. Greywolf：至於「單曲」呢個講法，喺香港（粵文地區）都一直用緊：

• 資料1：喺文章中間張圖底下都咁寫：Edan近年參演《男排女將》、《膠戰》等多個ViuTV劇集和節目都大受歡迎，加上今年初推出個人單曲〈E先生連環不幸事件〉，更令他人氣急升、
• 資料2：粵語單曲日榜（左邊類型都有「單曲」呢個字用緊）、
• 資料3：娛樂新聞台 Gigi炎明熹 將推出個人單曲 聲夢傳奇（呢個連今年8月3號粵語媒體TVB都用緊呢個字，可以由影片嘅55秒開始睇 除咗字幕連TVB娛樂記者口講都用咗單曲呢隻字）、
• 資料4：香港01：相隔一年多古巨基終於復出﹗他宣佈展開全新唱片計劃，頭炮《Album 1》邀請10個值得被更多樂迷喜歡的新晉歌手、樂隊組合，與他改編及合唱10首粵語單曲。、
• 資料5：楊千嬅上年推出單曲《現在就是最後的意願》、
• 資料6：陳奕迅（Eason）時隔2年推出全新粵語單曲「致明日的舞」、
• 資料7：文章第7段：並將於七月份推出第二首單曲《無可救藥的浪漫》（香港音樂人Manson張進翹）
• 資料8：文章引言：所以我來個10 + 10 ——選出我的香港獨立音樂的10大單曲及10大專輯。（連香港本土音樂人都用緊呢隻字），

呢堆資料全部都係粵語地區、媒體、人物、作品，都用到「單曲」呢隻字，冇理由因為「本人確實係未聽過」，就直指單曲似係「中國內地」用法（憑咩嘢自己少聽 而有見到中國內地用緊就話係北方話叫法？點解又唔講臺灣嘅國語用法？唔係用字字眼一定要唔同先至算係粵文 呢點User:Cangjie6喺站外都講過），間接帶出我有意圖大一統（剩係指中國內地而唔指「臺灣」？就算仇中都冇理由齋講中國內地書面語，而唔講臺灣用緊嘅中華民國國語），而唔揾可靠來源去寫文，咁樣打稻草人都真係得。特克斯特 (傾偈) 2021年8月3號 (二) 16:01 (UTC)

根據 User:特克斯特閣下提出嘅資料，已將「「單曲」似係中國內地粵語區嘅叫法」一句拎走。如果，User:特克斯特閣下開文時加上相關嘅資料（我對音樂、娛樂新聞都唔多理嘅），件事會好啲，下次會亦會小心啲。不過，希望 User:特克斯特閣下收返指我「仇中」嘅講法，仲有，下次記得 ping 埋我，唔好畀人有小家嘅感覺。再返返去，啲資料，冇錯都用咗「單曲」呢兩隻字。我都希望有知道點解咁叫，幾時開始嘅？！或者，考慮搵啲學術性嘅 sources（我都搵緊，未有發現）。--WikiCantona (傾偈) 2021年8月3號 (二) 20:55 (UTC)

• 啱啱搵到 金曲風向球！年度十大專輯暨單曲得獎名單出爐，瘦子E.SO獲雙料肯定 Vogue（台灣）似係指「單一首歌」，𥅈過下，中國內地都似有呢個意思？
• 呢篇 到底買單曲的人都在想什麼？綜觀唱片發展史，專業單曲系網友這樣分析！，睇落都有啲用 --WikiCantona (傾偈) 2021年8月3號 (二) 21:21 (UTC)

@Deryck Chan、WikiCantona、Z423x5c6、Longway22、特克斯特、Dr. Greywolf：單曲同細碟有少少唔同。單曲最大特點係佢入面歌嘅數量少過專輯，一般會收錄兩至三隻歌（大哥們睇下八九十年代啲日本歌手就知啦）；而細碟入面歌嘅數量係介乎單曲同專輯之間，一般會收錄四至七隻歌。Akai 博士 (傾偈) 2021年8月4號 (三) 12:57 (UTC)

「User:特克斯特閣下開文時加上相關嘅資料，件事會好啲」，依家係閣下喺文章入面加入可靠性唔高嘅參考資料，冇理由因為自己喺篇文睇到嘅資料少，而夾硬話返編輯者喺篇文寫嘅資料對您有誤導性，繼續合理化自己嘅編輯理由。

至於，單曲喺依家樂壇的確係指用「單一首歌」去發行嘅意思，而我上面畀嘅資料香港嘅情況都係咁，唔單止「中國內地」。特克斯特 (傾偈) 2021年8月5號 (四) 01:52 (UTC)

@Deryck Chan、WikiCantona、Z423x5c6、Longway22、特克斯特、Dr. Greywolf：我並唔支持將細碟同單曲兩篇文合併，相反我仲覺得兩版都有必要開哂。點解會出現「單曲」，我諗可能係直譯（英文Single直譯就係「單數」嘅意思）；另外亦有可能係畀日本文化影響（每一位日本歌手都係以「單曲」出道，而響日本「單曲」係指一隻專輯入面有兩至三隻歌）；至於WikiCantona理解嘅「單曲」，係韓文嘅叫法（因為響韓國，「單曲」係指一隻歌咁解）。我估係因為香港歌手少推出單曲、多以專輯為主，而WikiCantona身為香港地道宅男，令到佢唔知「單曲」都唔出奇；而中國嘅「單曲」好大機會係受到韓文影響，所以先會出現「單曲」指「單一首歌」嘅情況。Akai 博士 (傾偈) 2021年8月5號 (四) 06:07 (UTC)

都話 User:特克斯特閣下，講嘢好叻㗎啦，「夾硬話返編輯者喺篇文寫嘅資料對您有誤導性」，開文唔寫 references 算啦，我唔識，去網上搵料，寫出嚟，仲話人「合理化自己」；「老師，我畀人蝦呀」（註：自我諷刺）。將來對啲唔合理說話，應該唔出聲。yo，會唔會收返你嘅「仇中」指控唧？

@Detective Akai：「唔制呀，老師，有人話我香港地道宅男呀，我要告佢。」（註：自我諷刺 + 講笑）。正經嘅，User:Detective Akai 閣下所講嘅（日本影响，韓國用法），如果搵啲 reference sources 嚟支持，可以寫入去內文。--WikiCantona (傾偈) 2021年8月5號 (四) 07:49 (UTC)

呢啲範疇係咪涉及啲學術嘅嘢，如果唔介意嘅話可以將呢啲比較以譬如註腳嘅形式，寫返到內文，方便理解編輯唔同嘅意見。起碼等其他朋友多少讀嘅時候，會知道返成個過程同埋多啲再思考下 Longway22 (傾偈) 2021年8月5號 (四) 08:41 (UTC)

@Deryck Chan、Detective Akai、Longway22：同意Longway22講嘅可以用註腳嘅形式寫返喺內文。不過我對文章入面第二個參考網民fedax1010講嘅「Single」喺黑膠時代叫做細碟 有保留，齋憑佢嘅留言，又冇任何參考，我對放討論區留言有疑惑（好似H君咁話討論區留言嗰個註冊賬戶就寫得）。同埋第三個參考用「香港流行音樂專輯101: 第三部．1990-1999」，佢又唔似英維啲書籍嘅參考咁有得即時網上睇埋內文，畀讀者查證得到，我上網揾極其量搵到賣書嘅資料都未搵到相關嘅講法。

就算係有，都應該用註腳嘅形式寫喺文章一開頭介紹，咁樣拆做一段去寫有啲怪、太鬆散，所以掛埋Template:原創研究。如果有足夠同可靠資料有證明，或者刪減咗嗰啲內容，咁就可以移走個模。特克斯特 (傾偈) 2021年8月9號 (一) 03:07 (UTC)

網路唔係唯一驗證嘅地頭、尤其面對著依家嘅資訊生態情況，仲有本身粵文圈相關嘅資源未必充足嘅情況，對於個別嘅專案必須審慎睇係咪一定要引用大站成套嘅規例。本地係要注重返唔同地緣同現實條件，避免返利用極高受到censorship影響嘅資料——如果有查證要求係實在難免呢方面嘅影響、呢陣時宣佈嘅話就會係censorship影響導致查證唔到，

由呢個方面再考慮返建議再本地化WP:VERIFY，指明編輯參照查證嘅時候面對唔同情況、例如粵文本身嘅限制或censor影響等等導致嘅查證問題，可酌情豁免呢個規例嘅硬要求。呢啲都係根據返本地既有傳統、習慣法同新變化等有一定繼續成文需要，提出相應嘅明文化建議。希望有助後續唔同範疇嘅商議 Longway22 (傾偈) 2021年8月9號 (一) 03:32 (UTC)

@Longway22：因為依家好似上面User:Detective Akai講嘅「單曲」同「細碟」係兩回事，同埋我喺討論頁畀個堆資料，加埋70至80年代都有香港歌手出過單曲同細碟（兩者係完全分開），而「censorship」（審查）係基於完全正確嘅資訊都刪除都算得上審查，本身資料來源都唔准、兼且內容錯嘅乘數幾大，仲可以保留喺到？所以要掛模。特克斯特 (傾偈) 2021年8月9號 (一) 03:45 (UTC)

呢度要再強調返一個誤區（包括唔少所謂鹵水鴨都有）：維基本身並唔係定位成一個可靠站點，到維基基石度唔係要話編輯傳遞嘅資訊係完全正確/準確，如果做死要有正確做編輯標準，就會多少衝撞到其他既有而本地未必徹底明文化嘅一啲維基基準：多方觀點嘅展現同平衡、盡力中立唔渲染唯一正確嘅地位同不斷突破（建制）。如果以修訂度再引入所謂必須正確嘅思路觀點、套用返成個嘅架構嘅話，就呢家嘅中文語境無可避免係可能牽涉返大一統化嘅問題，所以本編，目前係唔會贊成任何規例化捆綁埋附加條件、例如強行認定兼剷除所謂錯誤資訊或觀點嘅編輯方向，因為呢啲判斷本身未必徹底排除諸如大一統嘅影響因素。除非修訂度附加返更嚴格嘅針對返本地編輯審查行為嘅約束細則，先有可能再繼續商討具體判斷資訊係有所謂錯誤嘅對應條件，但係唔建議本地明文化有一錘定音嘅強制力，因為仍有必要保證整體編輯實踐嘅持續發展空間。 Longway22 (傾偈) 2021年8月9號 (一) 04:07 (UTC)

@Deryck Chan、WikiCantona、Z423x5c6、Longway22、特克斯特、Dr. Greywolf：睇嚟我又要響細碟一版澄清下細碟同單曲嘅分別啦Akai 博士 (傾偈) 2021年8月9號 (一) 11:43 (UTC)

@Detective Akai：都好，您睇呢度：Special:diff/1542727都睇到Single同Extended Play係完全兩樣嘢嚟。特克斯特 (傾偈) 2021年8月10號 (二) 19:22 (UTC)

@特克斯特：單曲同細碟根本係兩回事，至不過係香港歌手推出嘅單曲都係數位限定單曲（再唔係就成日出專輯），呢啲單曲係得一隻歌，而粵維好多維基友嚟自香港，先至會以為「單曲」同「細碟」係同一樣野。Akai 博士 (傾偈) 2021年8月11號 (三) 04:41 (UTC)

Single 同 EP 啲確係唔同嘅嘢。問題就係我所講嘅：一樣嘢外國嘢入到粵語地區，本地嘅名未必分好細緻咁將佢分返開。「細碟」同時指 EP 同埋 Single ，你話「錯」，我唔會話你唔啱，不過，維基有責任講出唔同嘅觀點，做到「中立」。而睇返 User:特克斯特閣下列出嘅資料 1-8，全部都係指「單一首歌」，而唔係 Single 同「單曲」嘅對譯。Single 喺台灣同中國大陸譯做「單曲」，有好多資料支持，唔使拗。問題係 Single 膠碟入嚟粵語地區時（1970s - 1990s），主要講粵語嘅香港、澳門人、廣州人嗰時點哎。會唔會就噉叫 Single 或叫「細碟」？即係話，將 Single 叫「單曲」跟本一啲都唔普及（又一個人叫 single 做細碟，睇），哪！我真係唔知，只係提出一個可能性。話我之前，我會提議去搵啲粵語地區嘅「歷史」。--WikiCantona (傾偈) 2021年8月11號 (三) 06:06 (UTC)

@WikiCantona：咁你當日本人死架（去日維睇下）Akai 博士 (傾偈) 2021年8月11號 (三) 06:45 (UTC)

Sorry。日文唔掂，有賴你嘅講解啦 ;-) --WikiCantona (傾偈) 2021年8月11號 (三) 06:47 (UTC)

都要睇返呢方面日文同粵文之間嘅影響關係、尤其係金曲年代啲情況（shortcut不如試下問廟街老餅X），依家啲受資訊國際化影響大嘅話，有啲觀感經驗可能會同舊時有大分別，簡單咁一概而論會唔太嚴謹 Longway22 (傾偈) 2021年8月11號 (三) 07:23 (UTC)

@Longway22、WikiCantona：或者可以先開一段「歷史」講返單曲嘅過去，之後再開一段「各國文化」講返響每一個地方對單曲嘅理解有乜唔同，最後再加多段「單曲響粵語地區嘅情況」，學W前輩咁講返啲單曲響粵語地區嘅「歷史」。Akai 博士 (傾偈) 2021年8月11號 (三) 08:01 (UTC)

咁 User:Detective Akai 閣下，想問下其實有冇空間將文章名叫「Single」好啲呢？因為叫「單曲」已經預先假設左「單曲」係粵語地區叫 Single 嘅常用名呢？如果「改名」將件事嘅焦點改變（i.e.唔係改善內容），咁大家都唔使而家就討論。主要嘅問題係點樣搵證據呢？係咪走入嘅買黑膠碟嘅舖頭。問老細；「我想搵阿邊個邊個 19xx年出嗰隻單曲」定係「我想搵邊個邊個 19xx年出嗰隻 single」定係「我想搵邊個邊個 19xx年出嗰隻細碟」？？--WikiCantona (傾偈) 2021年8月11號 (三) 08:11 (UTC)

@WikiCantona：前輩，你唔可以攞香港嘅標準去睇「單曲」喎。或者可以學下日文維基、韓文維基嘅排版，響文章入面講返單曲響粵文地區嘅發展，咁樣反而仲好過改文章名叫「Single」（意思係響內文提及）。Akai 博士 (傾偈) 2021年8月11號 (三) 08:37 (UTC)

@Detective Akai：閣下，「你唔可以攞香港嘅標準去睇「單曲」喎」100% 同意你嘅講法，所以我之前咪話「講粵語嘅香港、澳門人、廣州人嗰時（舊時）點哎」Single，粵文地區普遍點樣叫，亦明白黑膠碟舖頭同埋廟街嘅做法，只係注重香港，所以你話係「香港嘅標準」係冇錯，而廣州人，廣西人，澳門人，美洲唐人... 都要知。我亦都當然明白 Single 嘅 concept 唔止係歷史，依家都仲有存在（喺文裏頭嘅定義都係用 iTunes 裏面嘅英文定義）。所以我好同意你所講將篇文點樣改嘅方法。

P.S. 至於用舊嘅名，定係用原文嘅名，我哋暫時可以唔講唔理。--WikiCantona (傾偈) 2021年8月11號 (三) 09:34 (UTC)

@Deryck Chan、Detective Akai：我畀資料1-8的確好似W君咁講「全部都係指「單一首歌」」。至於我畀嘅資料入面雖然冇明碼寫明「而唔係 Single 同「單曲」嘅對譯」，而我最近揾嘅粵語圈資料喺香港01呢篇文入面，文章入面都寫到「最近推出個人單曲《流淚的怪獸》」，下面又寫到「對於相隔多年後再「單飛」出single」、「今次出Single不論是我自己或者樂迷都等了好耐」，都證明到喺粵語圈「單曲」等於「Single」。除咗資料外嘅嘢，再睇埋英文字「Single」喺其他維基入面嘅對照：en:G.E.M._discography#Singles，都明顯睇得出「Single」同「EP」都係分開去寫（啲歌名喺粵維都係分開兩者去寫），冇理由因為「資料1-8睇唔到」就直接話冇，寫文理應要有返常識去判斷內容。

至於喺改名上，而家喺粵維Category:各年單曲，咁多篇文章入面，我肯定冇一篇文章係寫過關於黑膠唱片時代出嘅「Single」文（即係多過一隻歌嘅Single文章），呢到咁多篇的確全部都係指「單一首歌」。如果齋因為黑膠唱片時代嘅叫法，而特登唔用「Single」嘅意譯「單曲」，咁意思都幾偏頗同埋變咗呢到係粵英混合嘅維基百科。而喺文章名道，有「Single」嘅意譯唔用，特登因為少少資料走去改名（先唔理網民討論區留言同carousell賣家用字嘅可靠性 佢都有可能用錯 入面實際都可能係「單一首歌」 W君都未證明到carousell嘅隻Single的確係多過一隻歌 冇理由網民用錯字 實際情況唔係咁 而夾硬寫落文章），同埋粵維全部「Single」文都係「單一首歌」，冇一篇係「多過一隻歌」，咁都會搞到其他文章意思偏頗。我都同意「維基有責任講出唔同嘅觀點，做到「中立」」，不過要避免妹仔大過主人婆同以偏概全嘅情況，呢個黑膠唱片時代用嘅叫法，理應喺文章鋪排入面嚟應寫落備註、或者開多一個標題寫喺文章後半段，而唔係直接寫喺文章開頭道（寫喺開頭就應該用註腳方法標明 前面都講過）。特克斯特 (傾偈) 2021年8月11號 (三) 21:54 (UTC)

呢度唔係邊個大邊個唔大嘅問題，請注意本編上邊經已強大過呢度唔係學術範疇、同時經有係引用明文可豁免嘅因素，同時認為特克君有啲遊花園嘅表現，似對唔係正規記載或正式平台之外嘅觀點、尤其坊間嘅觀點有睇低同pass埋（就仲係行返隔離一樣）——另外香港01屬於係藍底料（建制），如果冇綜合考慮背景同實際嘅話、淨應用香港01去做本地編輯內容嘅證明，係有不可靠因素而採信度唔會高到幾多，保持中立就要有包括返冇建制背景嘅觀點內容、包括特殊情況下可能受建制影響封鎖到嘅觀點內容 Longway22 (傾偈) 2021年8月12號 (四) 00:18 (UTC)

@Longway22、特克斯特、WikiCantona：依家單曲之所以會指「單一首歌」，主要係因為數位限定單曲嘅普及，呢啲網上嘅單曲最大特點係「得一隻歌」，所以先至會延伸出嚟咁嘅意思；而日本佢地就似乎仲停留響唱碟時代，單曲市場依然強大，而黑膠唱片時代嘅單曲多數一個A面、一個B面（去內文睇返！）。至於HK01嘅問題，我就覺得佢比起大公報、文匯報同東方日報呢啲，已經係中立好多。Akai 博士 (傾偈) 2021年8月12號 (四) 08:21 (UTC)

hk01春秋筆法得滯、關鍵時刻都係會露底（高洗腦成分）嘅，專題參考方面係有得再揀嘅時候都唔建議淨係睇呢個，燒烤報系嘅話反為表露啲立場明顯、作為propaganda專題嘅參考時候就真會幾「可靠」（真心說話） Longway22 (傾偈) 2021年8月12號 (四) 09:37 (UTC)

@Longway22：HK01嘅政治立場一向唔太穩定，就連響粵維入面都有提及「高層親中、下屬係民主派」。如果真係要寫啲敏感野，建議唔好揀HKO1（難以保持中立）；而如果寫啲唔重要嘅野個陣，HK01都冇乜所謂嘅。Akai 博士 (傾偈) 2021年8月12號 (四) 10:22 (UTC)

@Longway22、Detective Akai、Deryck Chan：點解我用HK01藍底嘅嘢就有問題？依家W君話要證明「單曲」對譯「Single」嘅資料（雖然可以對照英維嘅意思就知答案），不過我都揾咗出嚟，不過Longway可唔可以連睇都唔睇文章內容，直接睇報章名就否認呢個資料？「Single」呢個講法唔係香港01嘅編輯講嘅，你睇內容「蔡一傑就表示：「今次出Single不論是我自己或者樂迷都等了好耐，」，Single呢隻字好明顯係出作品嘅人（蔡一傑）去講，唔係香港01任何編輯去用嘅字、唔係香港01任何編輯去用嘅字、唔係香港01任何編輯去用嘅字（冇受到任何紅底高層嘅影響、冇受到任何紅底高層嘅影響、冇受到任何紅底高層嘅影響）。點解依家焦點會去咗香港01到？我再揾返蔡一傑話佢出嘅Single《流淚的怪獸》，喺其他網站入面都有寫到 蔡一傑再次推出全新個人單曲 <流淚的怪獸>, 並找來相識多年的袁兩半負責填詞，都係將《流淚的怪獸》呢個音樂作品，將入面嘅「Single」對譯做「單曲」。

至於藍底媒體嘅嘢，娛樂圈暫時睇落問題唔大，照用我都冇意見。雖然政治類文章要小心（亦都係Akai兄講嘅「如果真係要寫啲敏感野」），唔好盲反。依家我冇喺到遊花園，似係你未理解資料內容就真。特克斯特 (傾偈) 2021年8月13號 (五) 16:30 (UTC)

呢度就一啲建議：比照強國大陸地方文娛同粉紅圈啲嘅關聯、影響力呢啲因素，考慮返港澳等地日益受到嘅箝制歸一壓力，係咪確定到呢個方面暫時唔會有大嘅影響？就提點埋係作為本地各位未來都可能要參考嘅因素一個暫時講會係。 Longway22 (傾偈) 2021年8月14號 (六) 00:31 (UTC)

@Longway22、特克斯特：我就覺得如果響呢篇文章，用HK01唔係問題（話哂蘋果都執左笠啦 依家剩底立場 唔用01你叫我地點搵料啊 攞命咩），呢點Longway22前輩有少少過份擔心；但如果響搞原創譯名、寫政治類文章個陣，就真係要小心去用HK01啦，因為HK01高層親中（愛國者arrr），始終都係會露底（01編輯都係打工仔 何必為難佢地呢）。Akai 博士 (傾偈) 2021年8月14號 (六) 05:54 (UTC)

@Detective Akai：你當明報死㗎。:-) --WikiCantona (傾偈) 2021年8月14號 (六) 06:52 (UTC)

@WikiCantona：係喎，提漏左明報添。明報講野冇咁偏，但明報依家都有情況係「高層親中、下屬係民主派」。（仲有瑪嘉烈公主去打炮事件arrr）Akai 博士 (傾偈) 2021年8月14號 (六) 07:21 (UTC)

改善內文（續）

同意 User:特克斯特閣下講，睇一篇文參考文嘅內容至為重要。乜嘢顏色，都要睇下討論嘅題目，凡事都唔應該一刀切。如果係咁嘅話，User:特克斯特閣下相信會同意 User:Longway22 講法，香港討論區都應該有佢嘅參考價值。不過，User:特克斯特閣下對參考嘅要求相當嚴謹，就算「香港流行音樂專輯101: 第三部．1990-1999」雖然可以喺香港圖書館度搵到借到，佢都唔滿意，呢本書點樣係求證唔到？本本書都要上網睇到，呢個講法好有問題。仲有，喺 Carousell 買嘢嘅人更加俾佢指責「可靠性」出咗問題。

好似好嚴謹嘅觀察。唔緊要，我哋又用返佢嘅 Standard，睇下佢嘅單曲就係 Single 嘅參攷。

佢呢佢呢條 link：「喺其他網站入面都有寫到 蔡一傑再次推出全新個人單曲 <流淚的怪獸>, 並找來相識多年的袁兩半負責填詞」，個網站咁寫:「Bridge Radio不會對資訊的內容、順序、準確度、及時性、完整性或任何理由下資訊的可信度做任何擔保、聲明或保證...」，今日個站好似死埋𠻹 (503)，之前去嘅時候，啲 links 就連去 .sg （星加坡），做節目嘅聲音 files 就全部都 click 唔同到。

講返 香港01呢篇嘅作者。出唔出名㗎？𢭃人工嘅寫手？我哋唔使懷疑佢嘅誠信，之不過，對於 《香港流行音樂專輯101》嘅作者 Muzikland，『知名音樂博客，「Muzikland音樂天地」、「流星小夜曲」電台節目主持人。投身音樂工業多年，音樂知識廣闊．．．廣受樂迷歡迎。』比起 HK01篇嘅作者，應該點比呢？？篇文作者喺 introduction（有藍線開場白）度用咗一次「單曲」，之後內文嘅句子都係用 Single 呢個詞（兩次），而唔係 Single 單曲互換咁用。咁係咪，正正反映左 Single 呢個用法嘅普及度比單曲多得多呢？ User:特克斯特閣下推斷 Carousell 買嘢嘅人嘅做法，篇文作者喺 introduction（有藍線開場白）度用咗一次「單曲」嘅做法，可能只係佢老編改返嘅喎（因為 HK01 係藍底），用自己諗法推測人哋動機，再去推結論，係一個邏輯嘅錯誤。

多餘野就唔講咁多啦，請你搵多少少 HK01 以外嘅可以求證嘅參攷。--WikiCantona (傾偈) 2021年8月31號 (二) 01:03 (UTC)

細碟

• 又再搵咗啲料，同「細碟」嘅講法：
  • 邵氏電影《雲泥》方逸華《白雲》細碟版
  • 邵氏電影《寒煙翠》細碟插曲 江宏《苦情花》
  • 想當年(1966年)-甄秀儀AMY YING - 選自紅嘴唇細碟(內文)
  • Lady Gaga最新細碟歌《The Edge of Glory 》MV。
  • Lady Gaga 推出新細碟作品
  • Dare Gaga「她的音樂... 是billboard有史以來第一位歌手得到五首細碟冠軍」
  • Gaga否認挑釁宗教，「一向語不驚人死不休的Lady Gaga，最新細碟歌Judas」，明報。
• 都可以睇下，傾下，評下。--WikiCantona (傾偈) 2021年8月31號 (二) 01:53 (UTC)

@WikiCantona：由於依家香港歌手推出嘅歌都係數位限定單曲，就好似「當紅炸子雞」姜濤算比較出名既作品《蒙着嘴說愛你》、《Master Class》，Edan既《E先生 連環不幸事件》，其實都係響網上發行既單曲，所以我建議保留返單曲會比較好。Akai 博士 (傾偈) 2021年8月31號 (二) 08:29 (UTC)

@Detective Akai：閣下，我唔反對用「Single」，「單曲」可以，想講嘅係，唔係有你冇我，家下係有人話「細碟」嘅講法係「不可求證」，我就 list 啲資料畀大家睇下，「細碟」講法唔只係舊時有，而家都仲用緊。係噉唧。我對依方面嘅資訊係白癡，所以亦希望呢方面有研究嘅人，睇吓上面個 list 嘅問題唧，絕對冇撩交嗌嘅意思。--WikiCantona (傾偈) 2021年8月31號 (二) 11:24 (UTC)

@WikiCantona：細碟可能響以前興用（我好後生架 舊野唔好問我 我都聽人講既姐），到依家因為數位限定單曲既普及，單曲比較偏向指「單一首歌」。另外香港以前啲歌手都係中意出專輯多，單曲真係好少（我去查七十年代既香港單曲 即分別一個A面同B面個隻 係查唔到），唔排除以前香港人以為單曲同細碟係一樣野，所以直接用細碟嚟取代，但純粹係我既諗法。Anyway，時代變，單曲既意思亦變左好多，呢啲野都係內文提及就好。Akai 博士 (傾偈) 2021年8月31號 (二) 12:04 (UTC)

@WikiCantona：而且我想講，歐美歌手好中意出啲收錄左四五首歌既細碟，唔該唔好攞Lady Gaga做來源。Akai 博士 (傾偈) 2021年8月31號 (二) 12:11 (UTC)

@Detective Akai：之前寫漏個字。你話「我去查七十年代既香港單曲 係查唔到」，好正常，嗰時眞係應該冇人叫 Single 做單曲。我同意你講，時代變，不過，我哋有責任寫返啲歷史落去，唔好話，查唔到，未聽過，就話人哋亂噏。家陣嘅「細碟」正確啲講要嗌「細碟 EP」，因為「細碟」係指兩樣嘢 Single 同 EP。點解「唔好攞Lady Gaga做來源」？ --WikiCantona (傾偈) 2021年8月31號 (二) 15:12 (UTC)

同意User:Detective Akai嘅意見，喺Category:各年單曲入面，全部文真係都係「單一首歌」。至於WikiCantona話「家下係有人話「細碟」嘅講法係「不可求證」」，喺呢個問題之前嘅討論連Deryck Chan都話睇下使唔使將「單曲」同「細碟」合併，咁好明顯你咁寫一寫搞到大家都誤會嗮「單曲」同「細碟」係完全兩樣嘢。再講，加埋粵維現存嘅「單曲」同「細碟」（幾乎都係我寫咁濟）文冇出現過你之前講嗰個「喺黑膠時代又叫做細碟」呢個講法，再加埋你提出使唔使講「單曲」搬落「Single」（如果搬咗個話就連Category、infobox song入面嘅參數全部都需要改）（而粵維先存文章用單曲係冇問題），再加埋你拎香港討論區資料嘅其中一位網民留言（嗰位網民仲要冇畀啲咩根據）就即刻當係寶咁款寫落文章（仲要寫喺開頭），搞到篇文係寫黑膠時代嘅情況多過依家嘅情況（而粵維現有嘅單曲文係冇一篇出現過呢個情況），所以文章側重嘅點唔合理，後來你畀嘅參考書資料就咁放上嚟又冇得畀大家參考內容令人信服低咗，所以我先掛cn模，不過唔會刪走個段資料住。

除咗上面Akai講嘅姜濤作品之外，最近2021年張學友同李幸倪一齊出嘅《日出時讓街燈安睡》都係證明到「Single」等於「單曲」：Apple Music直接喺歌名隔離括號用咗single、再喺Apple Music網站入面揾Gin Lee嘅作品 都發現喺 單曲和EP 呢個小標題到都用咗單曲 而入面用咗single嘅歌 都係齋一隻歌 完全符合single嘅定義、再睇埋《日出時讓街燈安睡》呢個作品，喺香港01網頁 第三段第二行都將呢個作品意譯叫做「單曲」：「原來他曾想過親自獨唱這首單曲」。而MIRROR喺社交平台都用過單曲呢個寫法 巴士的報網站，所以「單曲」寫法係依家香港樂壇反而用得比之前更多，以前傾向出大碟（上面Akai都提過）。

至於WikiCantona畀嘅資料，我拎Lady Gaga個兩隻歌做例子，第一個「The Edge of Glory」，冇錯寫文人係用咗「細碟」呢兩字，不過唔畀寫文人用錯咗 之後你都信埋 又要夾硬話呢隻歌係「細碟 (EP)」形式去出，而唔係「單曲 (Single)」形式嚟出？你去睇返：en:The Edge of Glory呢篇文，人哋個infobox上面都寫咗「Single by Lady Gaga」，而唔係「EP by Lady Gaga」。英維篇文嘅引言「The song was released on May 9, 2011, as the album's third single. Initially released as one of two promotional singles for Born This Way, it shortly became a single following its success in digital outlets worldwide.」完全都係用「Single」去講返呢隻歌嘅出版形式，而唔係「EP」。而英維篇文下面嘅en:The_Edge_of_Glory#Track_listing部分，亦都可以清楚睇到齋得「The Edge of Glory」一隻歌，冇出第二隻歌出現過。咁WikiCantona搵到資料係叫佢做「細碟」（EP；即係多過一隻歌 唔止單一隻算數），咁呢個就係佢哋用錯咗。就算你要寫喺文章，你應該都要寫「有部分香港媒體錯叫單曲咗細碟」咁樣，而唔係直接話「單曲」可以叫「細碟」（之前咁樣寫落文章即係同讀者講緊個班出版媒體者係一定用啱嘅寫法 而事實並唔係EP作品嚟）。

到Lady Gaga嘅「Stupid Love」同上面嘅情況又係一樣，睇en:Stupid Love (Lady Gaga song)呢篇文，喺infobox、文章內文、再到收錄曲目en:Stupid_Love_(Lady_Gaga_song)#Track_listing，都可以睇到作品明顯係Single單曲形式發行，至於點解有參考資料係都要用「細碟 (EP)」去話《Stupid Love》作品係用咗呢個形式去推出？係因為班媒體佬用錯咗咯，人哋用錯，你就唔好當佢哋嘅寫法一定啱，同上一段講嘅一樣，如果係都要寫落文章，應該話「有部分香港媒體錯叫單曲咗細碟」咁樣，再用註腳形式顯示出原作品係Single（即係由英維攞料）而香港有人錯誤理解做「細碟 (EP)」。

同User:Z423x5c6喺Talk:唐字最新嘅留言一樣，麻煩做足功課再上嚟。

至於如果你喺文章內文改一改做「有部分香港媒體錯叫單曲咗細碟」咁樣（都好勉強接受），其實我都係想用Wikipedia:唔啱維基百科嘅嘢#維基百科唔係乜嘢料都收一餐選擇唔寫去處理，因為我睇落都係屬於少數網站錯誤理解「單曲」亦都係「細碟」，再用嚟佢哋出版嘅文字作品到。而呢樣嘢前提仲要係錯誤理解，而唔係正確理解單曲同細碟（Lady Gaga個兩隻作品已經證明嗮 相信其他作品情況亦一樣），再加埋得個少數又唔係流通性都有返咁上下嘅網站或媒體用，畀我揀，我倒不如直接唔寫。如果死都要堅持寫，我會寫用註腳形式去寫。而唔係一嚟就寫喺文章第一段搞到篇文質素下降。特克斯特 (傾偈) 2021年8月31號 (二) 23:42 (UTC)

User:特克斯特閣下又示嚟啦，講啲唔講啲，嗱，唔係撩交嗌啊，講清楚件事咋。唔好將啲自己講唔清楚嘅嘢，將個責任推咗畀問嘅對方。維基讀者乜都知嘅話，就唔使入嚟啦，入得黎梗係想搞清楚啲嘢啦。正如我所講我對呢個題目「單曲」之前未聽過（同唐字相似，維基之前我都未聽過），亦都係認咗「白癡」。喺黑膠唱碟年代，Single 碟叫「細碟」，就成日聽，喺呢一篇四五十字嘅文到加返一句，畀埋參攷，何來「文章側重嘅點唔合理」？！跟住閣下就「扯哂旗噉」（學 User:Z423x5c6咁講）踩低啲 forum post。我再俾出參攷《香港流行音樂專輯101》，因為你未睇／睇唔到嗰本書，求其推埋一邊，已經話埋俾你聽呀，功課你有做咩？最吊詭嘅就係，叫你拎啲 Single 就係單曲嘅「證據」出嚟，所有香港01嘅參考，都係講「單一首歌」，要等 User:Detective Akai 閣下不辭勞苦加番啲內容，澄清又澄清，先清楚一啲。唔該你唔好自以為專家，就將責任推去人哋身上。人哋唔清楚，一啲都唔出奇。再學 User:Z423x5c6 話齋，你一早拎而家你啲參考出嚟，就唔使徙咁多時間啦。

仲有，維基唔收嘅嘢，唔包歷史名詞。如果如果只係為咗定義清晰，覺得佢錯，你喺內文度講，唔係將佢拎走。講完。

入返正題，好多謝閣下，畀咗咁多寶貴參攷（學 User:Longway22咁講）。既然閣下都承認係粵語嘅語景裏頭，細碟有兩叢意思，細碟 (Single) 同 細碟 (EP)。閣下亦都提出咗實際嘅問題。如果暫時唔郁「單曲」（或者遲啲可以傾下搬去叫「Single」），最基本要寫返清楚「細碟 (Single)」 同 「單一首歌」嘅單曲，即「單曲 (一首歌)」嘅情況，內文嘅講法係咪足夠清楚、簡單、令人明白呢？而家嘅定義係係「現代音樂產業入面嘅一種作品發行方式」，「最現代」係一首歌 download 或 stream，「次現代」就係 CD，「早現代」就係黑膠唱碟。初頭我以為淨係黑膠碟時代，先將 Single 叫細碟，點知呢個叫法，係近年都係咁用（就算話佢錯都好啦）。內容方面嘅澄清，User:Detective Akai 做咗唔少。想知閣下有咩建議，可以一次過處理晒一炸問題。係咪用搞清楚嘅方法「單曲 (Single)」、「單曲 (一首歌)」、「單曲 (搞清楚)」、「細碟 (Single)」、 「細碟 (EP)」、「細碟 (搞清楚)」?？？將佢哋拆成唔同文；定係先傾掂 Talk:細碟先呢？ --WikiCantona (傾偈) 2021年9月1號 (三) 03:11 (UTC)

呢單嘢我唔熟，亦都唔會畀意見，麻煩大家唔好再ping/mention我啦。另外User:WikiCantona請去Talk:唐字回應一下提問。——Z423x5c6 (傾偈) 2021年9月1號 (三) 03:25 (UTC)

@Z423x5c6：嚟！本來想去好遠嘅圖書館，做咗功課先。:-) --WikiCantona (傾偈) 2021年9月1號 (三) 03:31 (UTC)

@WikiCantona：人地歐美歌手既「細碟」即係四五隻歌既EP，而唔係得兩三隻歌既單曲，唔該真係唔好攞歐美歌手做來源。至於@特克斯特：面對啲老頑童我都冇計，我黎當係睇小丑表演榨，開心下就算架啦。Akai 博士 (傾偈) 2021年9月1號 (三) 05:27 (UTC)