維基百科

七二一元朗襲擊

(由元朗站襲擊事件跳轉過嚟)

七二一元朗襲擊，又叫元朗暴力事件、元朗襲擊事件、元朗恐怖襲擊、元朗恐襲、元朗黑夜，係指2019年7月21號晚到第二日凌晨响香港新界元朗發生嘅無差別恐怖襲擊，嗰晚有幾百個白衫人衝入咗西鐵綫元朗站，攞住藤條鐵通喺入邊唔分男女老幼亂咁打人，最少45人受傷，包括香港立法會議員林卓廷、傳媒人柳俊江、時任立場新聞記者何桂藍同另外幾位記者。警方因為特登唔理市民求助，而且涉嫌同發動恐怖襲擊嘅白衫人勾結而備受質疑[20]。

七二一元朗襲擊
一班持械白衣人衝入元朗站月台同西鐵車廂入面無差別襲擊乘客。
[[File:
七二一元朗襲擊響香港嘅位置
七二一元朗襲擊
|250px|]]
襲擊發生喺香港西北部嘅元朗
地點  香港新界元朗區元朗站、元朗市中心同雞地
座標 22°26′46″N 114°2′8″E / 22.44611°N 114.03556°E / 22.44611; 114.03556 (襲擊地點)
日期 2019年7月21號 (2019-07-21) - 22號
時間 20:30 - 04:30[1] （香港標準時間 UTC+8）
襲擊目標 * 參與七二一遊行返緊屋企嘅示威者
  • 途經車站同車站周邊嘅市民[2]
  • 列車乘客[3]
  • 在場記者
  • 救助上述傷者嘅救護員[4]
  • 元朗站附近嘅私家車 [5]
形式 * 聚眾、襲擊同衝突引起嘅暴力[6][7][8]（官方歸類）
受傷數 至少45人（包括1名孕婦[12]，其中1人危殆，5人嚴重）
主腦 * 元朗鄉事派[13][14]
元朗站嘅白衫人
白衣人衝入車廂打人

民主派指出呢次事件元朗鄉事派、和勝和、14K、和安樂同立法會議員何君堯擔當一個好重要角色，將呢次襲擊事件定性做恐怖襲擊、無差別襲擊[21]。至於親共派喺毫無證據下就老屈返受害者林卓廷先至係主謀[22]。

呢次事件，有啲親中派堅持話係回應有人吹雞叫「光復元朗」，啲白衫人先至要保衛家園。但兩年後立場新聞聯同港大新聞及傳媒中心用媒體數據庫搜尋社交平台，發現最早宣傳「光復元朗」行動嘅，係來自親中派嘅社交媒體網絡[23]。

背景

編輯

2019年6月，香港反逃犯條例修訂運動大規模爆發，及後演變成爭取民主同埋要求政治改革嘅長期示威運動。隨住示威一路持續，喺中共嘅授意下，反對示威群眾嘅聲浪開始彈起，親共派同政府嘅支持者表態支持警察同對抗班示威者。

根據《壹週刊》嘅料，話北京政府落柯打要用暴力「懲戒」反修例嘅示威者，仲想製造啲白色恐怖事件出嚟，令到維持咗兩個月嘅反修例抗爭停止，有親共產黨嘅人接咗呢單柯打，夾埋班新界鄉紳同兩個本地嘅黑社會發動呢一次襲擊，仲想借呢次行動能喺土共陣營中提高地位，甚至成為政府高官[24]。加上中聯辦有部長曾落柯打要元朗班鄉紳趕走示威者[25]，俾人懷疑係煽動或動員元朗恐襲。針對住呢單嘢，有媒體嘅評論話呢啲用利用惡棍恐嚇平民嘅行為，係唔少威權政府嘅慣用手段[26]。

預告

編輯

7月11號喺十八鄉鄉事委員會嘅就職典禮入面，香港中聯辦新界工作部部長李薊貽出席鄉議局聚會嗰陣，曾經講明要元朗「鄉事勢力」趕走班示威者，仲講咗啲懷疑係煽動嘅言論：「愛國愛港的村民不要讓暴徒進入元朗搞事」，「進來就一定要趕他們走」[25][27][28]。襲擊發生完之後，李薊貽呢段嘢就比俾外界質疑係中聯辦撥火或叫人嚟元朗進行恐怖襲擊。7月23日，李薊貽喺去完一場公開活動後，比記者追問嗰陣一直笑笑口唔講嘢，對自己係咪同煽動元朗恐襲事件關事嘅問題乜都無講[25]。

7月15號，立法會議員何君堯喺社交媒體直播講到，「前日嘅上水，尋日嘅沙田，而家又話嚟元朗搞事，元朗就歡迎佢哋。嚟到會點呢？會招呼佢哋。佢哋嚟得越多人，你哋（元朗六鄉）手腳就要再快啲，將佢哋殺到片甲不留。」佢喺單嘢就嚟一年後，就搬龍門話自己只係「吹水」，仲話「每個人都有情緒」[29]。

7月16日夜晚，有市民喺鳳攸街休憩公園播住連日嚟警員同班示威者衝突嘅影片，話警方濫用暴力。期間有第二批人唔滿意同埋以圍堵嘅方式阻止，兩邊就嘈起上嚟，仲要衝出馬路，有人仲喺行人路揮用拳頭打人[30]。及後兩邊互相對住對面嚟鬧，搞到好亂。警方喺當晚9點幾接到有人報警，派咗成大班揸盾牌嘅差人落嚟，但嚟到嗰陣現場已經靜曬，有啲人已經走埋[31]。元朗區議員麥業成話黑社會明顯係想搞事，認得有啲人係屏山鄉、「水房」分子，仲話聽講中聯辦已落柯打要元朗班有勢力嘅人士一定要支持警察，仲信係同中聯辦吹雞有關，佢仲話係要向中聯辦邀功[32]。支持警隊嘅專頁「向香港警察致敬」亦有分享有大隻佬追住市民嚟鬧嘅片，仲話行動係「手無寸鐵嘅真元朗人成功趕走要『光復元朗』嗰班搞事份子」[28]。

7月18日，一個叫做「風中微塵」嘅微博帳戶，發帖話7月21日有人會喺元朗舉行集會，圖片形容「得元朗得天下」。而嗰個帳戶嘅真人曾接受新華社訪問，佢自稱係叫「May姐」嘅「香港警嫂」。有關帖文發佈之後唔夠30分鐘，已經在0喺Facebook啲建制派公開群組出現，有建制網民附加「元朗一眾鄉紳恭候你們」嘅圖。大約一個鐘之後，LIHKG討論區（連登）啲帖文澄清有關消息屬謠言，叫大家7月21日去金鐘而唔係去元朗。同日下晝，Telegram頻道亦指元朗集會只係「假消息」。不過後嚟監警會報告偏偏話LIHKG討論區用呢幅圖呼籲人參加元朗集會，顛倒事實[33]。

7月19日，LIHKG討論區網民繼續指「當我地721遊行時，班垃圾元朗佬話睇下721元朗邊個多人」，話啲元朗人用「寸土不失，元朗再聚」嚟吹牛，猛嗌「打狗棒迎接外來賓客」，其實係「懷疑佢哋就係明知721係金鐘，先虛張聲勢話721有人嚟光復元朗，好好招呼佢哋。到時大家出晒金鐘，班牛屎佬（註：指元朗人）就會打晒飛機話佢哋驚×到唔敢入嚟」，仲嘲笑啲元朗人「佢哋個世界得元朗」、「入去執牛屎咩」、「打飛機打到射穿天花板啦」。同時繼續叫人喺金鐘集合參與港島區示威，唔係去元朗。網民亦批評親中Facebook專頁「Truth-HK.com」想屈黃絲整呢張「寸土不失」海報[34]。

7月20日，親中派搞咗一個叫「守護香港」嘅集會，譴責反修例示威帶嚟嘅連串破壞。當中，《香港經濟日報》副社長石鏡泉仲吹雞叫元朗班鄉親，要佢哋用長藤條同埋膠水喉「打仔（打個仔）」[35]。同一日，元朗原居民鄒瑞常受訪嗰陣仲預告「7.21元朗將有一場好戲」[36]。

出事之前，喺網上流傳消息，元朗鄉事派吹雞叫好多人以着白衫，同隻手綁住紅色繩做識別，追打喺元朗着住黑衣、戴口罩、示威後想返屋企嘅市民[37]。BBC中文報導，60歲左右嘅元朗居民黃太話，喺單嘢發生前一晚，已經收到自己嘅警察親朋好友警告，元朗居民當日唔著得黑色衫喺街度行[38]。而自由亞洲電台喺7月21號嘅報導講到，襲擊前一日起，就有元朗居民收到通知，話禮拜日晚會有500個有社團背景嘅人士聚埋喺度，入黑之後喺元朗西鐵站，輕鐵站同埋雞地一帶「掃蕩」，主要針對着住黑色衫嘅人[39]。

過程

編輯

日間嘅聚集

編輯

網上流傳白衣人朝早喺元朗區西北部嘅廈村鄉錫降圍對出嘅停車場聚埋，部分件衫印左「廈溪會」嘅標誌，標誌同「廈村鄉事委員會」標誌好似。當日晏晝，有成200個白衣人喺南邊圍聚埋一堆。到2020年7月，《鏗鏘集》記者走去問廈溪會主席兼廈村鄉嘅村長鄧錦輝，佢唔認廈溪會同白衣人有關係，仲話自己嘅認得片裏面嘅白衣人。而記者喺區議會上追住廈村鄉鄉事委員會主席鄧勵東嚟問，佢覺得傳媒講咩都唔重要，仲反問返「唔可以係冒認？唔俾人係插贓？」。

親建制Facebook專頁「聲討教協」喺7月21號晏晝放咗段片同張相上網，顯示好多着白色衫嘅人喺元朗一間酒樓開餐，話「元朗六鄉已經準備好」、「備戰中」，仲講到已準備咗好多藤條「教仔」。而喺同一晚，片裏面嘅白衫人士就喺元朗市區聚集，揸住標語、中華人民共和國國旗同埋香港特別行政區區旗，仲不斷嗌出「保衛元朗、保衛家園」呢啲口號。短片仲用到「元朗的風采，鼓掌」嚟形容。

元朗鳳翔區區議員麥業成喺7月21號朝早，就知當晚元朗可能會有暴力襲擊，仲就呢單嘢報定警，警方聲稱已經做咗部署。

入黑之後

編輯

黃昏6點左右，即襲擊事件發生前兩粒鐘左右，網上就有料流出，話元朗鄉事派吹雞，叫咗好多人着住白衫、手綁住紅色繩做識別，部分人仲揸住「保衛元朗」、「保衛家園」呢啲標語，亦有揸住特區區旗嘅人，追住喺元朗着黑衣、戴口罩、同喺示威後想返屋企嘅市民嚟打。喺夜晚6點36分，白衣人就開始喺雞地鳳攸北街一帶聚埋，有車輛車班白衣人嚟現場同埋派口罩。

同一時間，示威者噴黑咗中聯辦門外嘅中華人民共和國國徽。到10點至11點左右，香港警方喺清場行動中向喺上環嘅示威者掟催淚彈同開咗最少36槍，而佢哋亦唔同以往喺當晚或第二日就交代返用咗幾多武器同埋受傷人數呢個做法，反而隔咗兩日後都無講到喺7月21號夜晚喺上環向無揸武器嘅示威者，開咗咩類型嘅彈藥同開咗幾多槍，同埋有幾多人傷呢啲資料。

執法行動

編輯

2019年9月20號，警方拘捕多名有黑社會背景嘅人士[40][41]，指佢哋涉嫌同案件有關，被捕者包括鄧志學、林觀良、胡學霖、張國偉、邱啟昌、王昇浩、張財、何海賢、張伯強、蘇帝雄、羅國英等等。

後續事件

編輯

激進親中派被指煽動同早知事件

編輯

除咗石鏡泉同中聯辦李薊貽之外，後來有網民揭發，激進親中派聲討教協嘅Facebook喺事件之前，21號下晝1至2點左右，已經出過一個Post，寫住「元朗六鄉已準備好。元朗酒樓、茶客全白衫、備戰中。元朗準備大量滕（藤）條教仔」，同後來喺元朗站發生嘅事吻合[42]。

去到事件兩週年，立場新聞聯同港大新聞及傳媒中心用媒體數據庫搜尋庫搜尋包括連登、高登、FB、IG、微博等社交平台，發現最早宣傳「光復元朗」行動嘅，係一名名為「風中微塵」由警嫂（男性警察嘅老婆）經營嘅微博帳號發佈，真人曾經接受新華社訪問。有關帖文發佈後唔夠30分鐘，已經喺Facebook嘅建制派公開群組（包括「保衛香港運動」）出現；反而喺被視為偏民主派嘅連登等平台，就多次澄清話無呢個活動，亦證明有啲人話係黃絲（民主派支持者）叫人入元朗搞事嘅說法，其實係假新聞。而Telegram頻道亦指元朗集會屬「假消息」。不過監警會報告就指連登討論區用呢幅圖呼籲人參加元朗集會[23][43][44]。另外，激進親中組織珍惜群組召集人李璧而，後嚟亦被揭發曾經喺元朗帶頭同白衣人遊行[43]。

無綫新聞被指嘗試誤導觀眾

編輯

有人比較咗ViuTV、香港開電視、香港電台同埋無綫新聞三者報道事件嘅處理手法，提到另外三間媒體都係用順敘式嘅方式報道事件，但係偏偏無線新聞就用倒敘方式呈現事件，加上若干剪接技巧，嘗試傳遞黑衣人（反修例示威人士）先撩者賤自作自受」嘅訊息[45]。

受害者遇襲反被捕

編輯

2020年8月26號，差佬拖咗一年零一個月先至有行動，卻係先以「參與暴動」嘅控罪拉咗七二一事件嘅受害者林卓廷。而喺拘捕當日下晝差人又開記招，出席嘅新界北陳天柱警司話七二一事件係「幫派衝突」，民主派批評警方做法係「指鹿為馬、顛倒是非、本末倒置、黑白不分」，亦有記者批評陳天柱喺回答記者問題嘅時候答非所問[46][47]。

傷者無奈撤回向警方索償

編輯

民主黨前立法會議員林卓廷喺2020年1月聯同元朗721襲擊事件傷者入稟控告鄧炳強，指警方無履行職責保護市民。不過之後因民主派初選而被還柙，到2021年5月，諮詢法律意見同8名原告人之後，決定終止民事索償。到同年7月，背脊畀白衣人打到滿身傷痕，滿布被鞕打嘅血痕廚師蘇先生，以及因關節發炎導致佢行動不便嘅林婆婆[48]，喺721襲擊事件兩周年前夕亦撤回向警方索償。佢哋話代表律師何俊仁已經入獄，所以只好無奈放棄[49]。

一周年抗議活動

編輯

喺事件後一周年，有港人發起上街示威運動，高呼「721周年，警黑勾結、放生凶徒」，追究香港警察縱容黑社會襲擊民眾嘅責任，亦有港人裝扮成白衣暴徒同埋身穿粉紅開襟襯衫、抱著西瓜嘅「西瓜佬」，諷刺香港警察除咗縱容白衣暴徒襲擊市民，更加喺有大量確鑿罪證指證嘅情況下，仍然唔追查嫌犯嘅無所作為[50]。

關於掉頭軍裝警察嘅身份

編輯

喺事件當晚，有兩名軍裝警察被影到明知當時元朗站已經出現極度混亂情況但仍然掉頭走。去到2024年9月，有傳媒揭露，其中一名掉頭軍裝警察，當時係身兼香港公開大學學生嘅輔警黎浩謙，來自警察世家[51]。傳媒追查又揭露，佢喺事件之後，又喺做Project嘅時候「臨尾起飛腳」打擊同學，被公大學生杯葛[51][52][53]，另外亦比一啲針對香港警察嘅網民起底[54]。香港考評局前經理（歷史科）楊穎宇就批評，721係政治上嘅陰謀，派兩輔警係咩理念，可以知道警方當年嘅部署[51]。

文化影響

編輯

以「元朗國」作揶揄

編輯

「元朗國」係一個對香港元朗區嘅揶揄戲稱。部分人認為元朗被鄉事派同黑社會長期把持，加上喺七二一元朗襲擊入面，警方被指放任鄉黑勢力襲擊市民，喺市民報警後39分鐘先到場，所以開始有呢個揶揄嘅說法[55]。甚至有人惡搞設計出元朗國護照，話申請嘅話可以問十八鄉（涉及襲擊事件嘅鄉事派）、何君堯（被指同施襲者關係密切）或警察[56]。呢個說法亦被一啲旅遊Blogger、食評網站或者一啲唔涉及政治議題嘅新聞報道所用[57][58][59][60]。

其他相關人物

編輯

睇埋

編輯

參考

編輯
  1. ↑ 〈元朗無差別襲擊事件重組：警察在白衣人離開一分鐘後到場〉。原著喺2019-09-15歸檔。喺2019-07-23搵到。
  2. ↑ 〈遭打到背脊開花　廚師：白衣人絕非醉酒〉。AM730。2019-07-22。原著喺2020-03-27歸檔。喺2020-01-23搵到。 {{cite news}}: Cite has empty unknown parameter: |1= (help)
  3. ↑ 〈有市民稱目睹白衣人在警員面前跑過但沒有執法〉。《香港電台》。2019-07-22。原著喺2020-03-01歸檔。喺2020-01-23搵到。 {{cite news}}: Cite has empty unknown parameter: |1= (help)
  4. ↑ 〈【元朗黑夜】救護員入港鐵站救人險遇襲 市民舉傘擋棍〉。香港01。2019-07-22。原著喺2019-07-28歸檔。喺2020-10-02搵到。
  5. ↑ 凌逸德 (2019-07-22)。〈【元朗黑夜】義載遭襲擊　親述車身被毀過程　司機：報警都無用〉。香港01。原著喺2019-09-15歸檔。喺2019-07-22搵到。
  6. ↑ 〈政府強烈譴責暴力行為〉。www.info.gov.hk。原著喺2019-07-23歸檔。喺2019-07-24搵到。｢在元朗有人聚眾在港鐵車站月台及車廂內襲擊乘客，引發衝突｣
  7. ↑ 〈警方譴責暴力行為〉。www.info.gov.hk。原著喺2019-09-15歸檔。喺2019-07-24搵到。
  8. ↑ 〈行政長官會見傳媒開場發言和答問內容（附短片）〉。www.info.gov.hk。原著喺2019-07-23歸檔。喺2019-07-24搵到。
  9. ↑ 〈沈旭暉引國際標準 指元朗無差別打人「是一場恐襲」〉。《蘋果日報》。2019-07-22。原著喺2019-07-22歸檔。喺2019-07-22搵到。 {{cite news}}: Cite has empty unknown parameter: |1= (help)
  10. ↑ 〈元朗恐襲 苦主現身 誓必法律追究〉。《MSN新聞》。2019-07-24。原著喺2020-02-10歸檔。喺2020-01-22搵到。 {{cite news}}: Cite has empty unknown parameter: |1= (help)
  11. ↑ 〈元朗黑夜只是「衝突」？〉。《香港01》。2019-07-22。原著喺2019-09-15歸檔。喺2020-01-23搵到。 {{cite news}}: Cite has empty unknown parameter: |1= (help)
  12. ↑ 〈【元朗襲擊】白裙女懷孕不足3個月沒通知醫院　診所求醫證胎平安〉。明報。2019-07-23。原著喺2019-07-24歸檔。喺2019-07-23搵到。 {{cite news}}: Cite has empty unknown parameter: |1= (help)
  13. ↑ 梁俊彥 (2019-07-30)。〈梁俊彥：這些年，激進何君堯如何收編元朗鄉事力量〉。端傳媒科。原著喺2019-07-31歸檔。喺2019-08-14搵到。 {{cite news}}: Cite has empty unknown parameter: |1= (help)
  14. ↑ 〈【元朗恐襲】區議員：中聯辦鄉委會就職典禮上鼓動「做野」〉。香港獨立媒體。2019-07-23。原著喺2019-07-23歸檔。喺2019-08-14搵到。 {{cite news}}: Cite has empty unknown parameter: |1= (help)
  15. ↑ 〈【元朗無警黑夜】元朗黑幫施襲內幕 建制人士圖邀功搏上位〉。《壹週刊》。原著喺2019-07-23歸檔。喺2019-07-23搵到。
  16. ↑ 16.0 16.1 蘋果日報 (2019-07-23)。〈【元朗血洗】無差別圍毆婦孺45傷　白衣暴徒身分曝光〉。原著喺2021-10-19歸檔。喺2021-10-19搵到。
  17. ↑ 〈建制派議員疑涉元朗白衣人襲擊 事情恐鬧大〉。法國國際廣播電台。2019-07-22。原著喺2020-08-08歸檔。喺2020-10-02搵到。
  18. ↑ 〈元朗襲擊案主謀呼之欲出 何君堯爆任青關會榮譽會長〉。新頭殼。原著喺2019-07-26歸檔。喺2019-09-21搵到。 {{cite web}}: Cite has empty unknown parameter: |1= (help)
  19. ↑ 〈【無警時分】何君堯上周「獻計」鄉事：密啲手 打到片甲不留〉。蘋果日報。原著喺2019-09-15歸檔。喺2019-09-21搵到。 {{cite web}}: Cite has empty unknown parameter: |1= (help)
  20. ↑ 林祖偉 (2019-07-22)。〈香港元朗白衣人暴襲記者平民引眾怒，警方否認縱容勾結「黑社會」〉。英國廣播公司。喺2021-03-07搵到。
  21. ↑ 〈警方就7.21元朗襲擊拘多6人　林卓廷質疑警方效率〉。《香港電台》。2020-08-20。喺2021-03-07搵到。
  22. ↑ 〈被誣衊為7.21主謀　林卓廷控何君堯誹謗〉。《蘋果日報》。2019-10-29。原著喺2021-03-08歸檔。喺2021-03-07搵到。
  23. ↑ 23.0 23.1 《立場調查報道長片｜7.21 尋源》 (英文)，喺2021-07-20搵到
  24. ↑ 121625551334730。〈【元朗無警黑夜】元朗黑幫施襲內幕 建制人士圖邀功搏上位｜壹週刊〉。《壹週刊》 (香港中文)。原著喺2021-03-24歸檔。喺2021-03-22搵到。{{cite web}}: CS1 maint: numeric names: 作者名單 (link)
  25. ↑ 25.0 25.1 25.2 〈被指"動員"元朗暴力中聯辦部長李薊貽閉嘴拒答記者追問〉。《RFI - 法國國際廣播電台》 (繁體中文)。2019-07-24。喺2021-03-22搵到。
  26. ↑ 〈今日信報-- 元朗「打藤案」醜出國際〉。《今日信報》。喺2021-03-22搵到。
  27. ↑ 〈路透社：元朗襲擊前 中聯辦官員表態要"趕出鬧事者"〉。《美國之音》。喺2021-03-22搵到。
  28. ↑ 28.0 28.1 〈【元朗警黑疑勾結】朱凱廸：一兩周前已有跡象部署 民主黨區議員：中聯辦曾籲村民趕暴徒 | 立場報道 | 立場新聞〉。《立場新聞 Stand News》 (英文)。原著喺2019-07-23歸檔。喺2021-03-22搵到。
  29. ↑ 《鏗鏘集：7.21誰主真相》 (英文)，喺2021-03-22搵到
  30. ↑ 〈修例風波：元朗街頭播片指警濫用暴力 兩批市民爆衝突〉。《on.cc東網》 (香港中文)。喺2021-03-22搵到。
  31. ↑ 劉定安鄧海興 (2019-07-17)。〈【逃犯條例】元朗公園播片抗議警暴 一度觸發大批人士衝突〉。《香港01》 (香港中文)。喺2021-03-22搵到。
  32. ↑ 〈【逆權運動】中聯辦吹雞元朗惡漢即搞事 麥業成：認得有啲人係屏山鄉水房 ｜ 蘋果日報〉。《Apple Daily 蘋果日報》 (香港中文)。原著喺2021-03-24歸檔。喺2021-03-22搵到。
  33. ↑ 〈繼續追尋 7.21 —— 大數據回溯可疑文宣　閉路電視定格蛛絲馬跡〉。立場新聞。2021-07-20。原著喺2021-08-02歸檔。喺2021-07-21搵到。
  34. ↑ 〈當我地721遊行時 班垃圾元朗佬話睇下721元朗邊個多人〉。{{cite web}}: CS1 maint: url-status (link)
  35. ↑ 〈經濟日報700人聯署轟 石鏡泉撤藤條教仔論 - 20190723 - 要聞〉。《每日明報》。喺2021-03-22搵到。
  36. ↑ 〈【經緯線】元朗黑夜（一）〉。《Now 新聞》 (香港中文)。喺2021-03-22搵到。
  37. ↑ 〈元朗無警執法 白衣人暴打市民 逞兇近兩小時 最少15人送院 - 20190722 - 要聞〉。《每日明報》。喺2021-03-22搵到。
  38. ↑ 〈香港元朗白衣人暴襲記者平民引眾怒，警方否認縱容勾結「黑社會」〉。《BBC News 中文》 (繁體中文)。喺2021-03-22搵到。
  39. ↑ 〈大批白衣人元朗襲擊黑衣人 西鐵站爆衝突多人傷〉。Radio Free Asia (英文)。喺2021-03-22搵到。
  40. ↑ 〈暴打市民夜元朗鄉黑7人涉暴動黑手呼之欲出〉。《成報》。2019年9月21號。
  41. ↑ 〈成報新聞(元朗鄉黑暴打市民 西鐵燒烤樂園老闆落網 27名白衣人被捕 黑幫佔14人 和勝和居首 )〉。《成報》。喺2023-07-17搵到。
  42. ↑ 〈「藤條教仔」港警早知道？ 臉書洩底「警黑」勾結預謀犯罪 | 中國〉。《新頭殼 Newtalk》 (中文)。2019-07-22。喺2021-04-29搵到。
  43. ↑ 43.0 43.1 〈【7.21兩周年】前港台團隊發新偵查報道 揭「得元朗得天下」謠言來源〉。Radio Free Asia (英文)。喺2021-07-20搵到。
  44. ↑ 〈繼續追尋 7.21 —— 大數據回溯可疑文宣　閉路電視定格蛛絲馬跡〉。立場新聞。2021-07-20。原著喺2021-08-02歸檔。喺2021-07-21搵到。
  45. ↑ 〈先撩者賤、自作自受？ — 對 TVB 報道 7.21 元朗白衣人襲擊事件手法的觀察 | 讀者投稿 | 立場新聞〉。《立場新聞 Stand News》。原著喺2021-06-24歸檔。喺2021-06-23搵到。
  46. ↑ 〈眾新聞 | 【拘捕林卓廷】記者問721為何不抄白衣人身份證 警司答非所問：港島暴徒揸住鐵通點解你唔問？〉。《眾新聞》 (中文)。原著喺2021-06-24歸檔。喺2021-06-24搵到。
  47. ↑ 〈警方指721襲擊事件林卓廷到場後挑釁導致雙方衝突〉。《Now 新聞》 (香港中文)。喺2021-06-24搵到。
  48. ↑ 〈元朗721一周年：公義遲來還是不來？〉。自由亞洲電台。2020-07-21。喺2021-07-21搵到。
  49. ↑ 〈繼續追尋 7.21 —— 大數據回溯可疑文宣　閉路電視定格蛛絲馬跡〉。立場新聞。2021-07-20。原著喺2021-08-02歸檔。喺2021-07-21搵到。
  50. ↑ 自由時報電子報 (2020-07-21)。〈元朗事件周年港人cosplay白衣人、西瓜佬 諷港警「放生凶徒」 - 國際〉。《自由時報電子報》 (中文)。喺2022-02-16搵到。
  51. ↑ 51.0 51.1 51.2 《追新聞》記者 (2024-09-02)。〈元朗721五年．追專訪｜「調頭警」身份曝光！ 公開大學舊生證實為輔警同學 楊穎宇：三權合作已將劇本寫出嚟〉。《追新聞》 (臺灣中文)。喺2024-10-02搵到。
  52. ↑ 〈721調頭警同學：累大學組員被杯葛〉。《大紀元時報 香港｜獨立敢言的良心媒體》 (香港中文)。2024-09-02。喺2024-10-02搵到。
  53. ↑ 〈【元朗721五年．追專訪｜「調頭警」身份曝光！ 公開大學舊生證實為輔警同學 楊穎宇：三權合作已將劇本寫出嚟】 - 真。香港人 - 討論組〉。www.realhongkonger.com。喺2024-10-02搵到。
  54. ↑ 〈黎浩謙：香港警察〉。{{cite web}}: CS1 maint: url-status (link)
  55. ↑ 〈【專訪】做一個堅持的榜樣 —— 元朗連儂牆手足八個月的辛酸與收穫 | 獨媒報導〉。《獨立媒體》。2020-03-20。喺2022-02-16搵到。
  56. ↑ 〈以後去元朗國記得帶。申請辦法可以問十八鄉、何君堯或警察。但如果申請唔到, 香港特區護照持有人都暫時可享免簽證入境〉。Facebook (英文)。喺2022-02-16搵到。{{cite web}}: CS1 maint: url-status (link)
  57. ↑ 〈[香港素食] 元朗 | Next Station：入元朗國飲咖啡食意粉 玩味打卡小店 | 《早晨DAILY》〉。《[香港素食] 元朗 | Next Station：入元朗國飲咖啡食意粉 玩味打卡小店 | 《早晨DAILY》》。2021-11-24。喺2022-02-16搵到。
  58. ↑ 〈揀飲．簡食記: 【香港 | 元朗美食】宜蘭過江龍落戶元朗國！正宗台灣肉焿店羅東肉焿番 必食肉焿魯肉飯芋泥吐司 尋回久違的台灣古早味〉。《揀飲．簡食記》。喺2022-02-16搵到。
  59. ↑ 〈元朗美食推介合集！即叫即燒章魚小丸子/日式全白Cafe戶外打卡位/名古屋雞肉拉麵〉。hk.news.yahoo.com (中文)。喺2022-02-16搵到。
  60. ↑ 〈元朗大棠貨櫃屋村放蛇試住 月租$3800衛生惡劣糞渠亂駁 地主︰平租係做善事〉。《壹週刊》。{{cite news}}: CS1 maint: url-status (link)
  61. ↑ 陳淑霞 (2020-11-02)。〈721時任元朗指揮官李偉文退休9個月「轉跑道」 加盟顧問公司〉。《香港01》 (香港中文)。喺2022-08-10搵到。
  62. ↑ 〈蕭奇標：親中派，暴力份子〉。{{cite web}}: CS1 maint: url-status (link)
  63. ↑ 〈蕭奇標〉。《Hongkongcitizen 维基》 (繁體中文)。喺2024-10-28搵到。
 
維基同享有多媒體嘅嘢：
July 2019 Yuen Long attacks
  呢篇七二一元朗襲擊係關於香港嘅楔位文章，重未完成嘅。麻煩你幫手補充佢嘅內容。
由「https://zh-yue.wikipedia.org/w/index.php?title=七二一元朗襲擊&oldid=2201619」收