廣州足球會

  提示：呢篇文講嘅唔係廣州城足球會。

 廣州足球會（粵拼：gwong2 zau1 zuk1 kau4 wui2） （英文：Guangzhou Football Club，/ˈɡwŋˈˈ/；簡寫GUA或GZE或GZFC），又叫廣州足球隊gwong2 zau1 zuk1 kau4 deoi2，係中國足協屬下嘅一間足球會，喺1954年10月成立，位置喺中國廣東廣州。佢既係中國第一間地市級嘅足球隊，又係中國第一間政府同埋企業合股嘅足球會。呢隊波係中超史上第一支升班第一年就攞到冠軍嘅球隊，亦試過喺一年之內攞過中國足壇三冠王。喺2013年11月2號，重第一次攞到亞洲冠軍盃嘅冠軍。2015年7月1號向中過嘅中細型企業股份轉讓系統交咗掛牌申請，嗰年11月6號正式變成亞洲足壇第一股。2015年11月21號晚黑攞咗第二次亞冠冠軍後，成為亞冠改革後第一隻有2屆亞洲冠軍嘅東亞足球會。2018年2月26號晚黑攞咗第三次超級盃冠軍後，成為超級盃從1995年開辦有史以嚟，第一隻連續3屆都攞冠軍嘅球會。

廣州

全名	广州足球俱乐部
花名	華南虎 中超曼城
創會	1954年（1993年職業化）
主場	天河體育中心 （容納人數：60,151人 ）
波士	康冰
董事長	許家印
領隊	化比奧簡拿華路
打緊聯賽	中國足球超級聯賽
網	球會網站
主場波衫 作客波衫

2017年11月13號，前身太陽神集團接手呢間球會班舊甲A團隊，喺山東青島攞咗元老甲A盃賽冠軍，亦幫前廣州太陽神團隊成功攞到第一個聯賽最高級別獎杯。

歷史

廣州白雲山時期（1984－1992）

1984年，廣州隊喺第一屆足協盃就攞咗第8名嘅成績就升入咗甲級聯賽。嗰時中國啱啱改革開放無耐，有敢為天下先嘅廣州人就開始試下喺足球入面搞商業化。喺嗰年10月，廣州白雲山製藥廠（今屬廣藥集團）就同廣州市體委簽咗約，以每年贊助200,000蚊嘅條件嚟辦廣州足球隊。

1986年，廣州白雲隊率先引入中國內地戚務生執教。

1989年，廣州白雲隊整大咗，變成足球會，但喺嗰年有國家二隊參加嘅甲A比賽入面凈係攞咗包尾而降級。

1990年，佢喺甲B聯賽入面，陳亦明帶領下嘅白雲隊攞到甲A第2名，第三次升入咗頂級聯賽。

1992年，教練周穗安就開始執教廣州隊，經過咗麥超、吳群立、李勇同彭偉國呢啲後生嘅球員努力，最後攞返亞軍，係嗰時中國足球專業賽入面廣州最好嘅一次成績。

廣州太陽神時期（1993－2000）

1992年，中國足球正式開始改革，1993年10月份決定將1994年嘅甲A聯賽嚟做改革試點。1993年1月8號，廣州太陽神集團同廣州體委簽約，建立中國內地第一間股份制嘅職業足球會。

1994年聯賽初期，雖然波隊賽季初有內訌令成績下滑，但喺賽季中開始發力，連續贏咗6場波（其中一場係上海申花主場1-6大敗畀廣州太陽神），重攞埋職業化之後嘅第一屆頂級聯賽亞軍，嗰時嘅彭偉國同胡志軍成為波星。

1995年，廣州隊就先經歷咗換教練，再出現咗內訌嘅負面新聞先至最後攞咗第5，點知第年就將二隊賣咗畀松日。1996年，廣州就出咗3支甲A球隊喺度，嗰時係中國足球職業化之後嘅最高峰，但太陽神戰績跌到聯賽第7。

1996年嘅甲A賽季結束咗之後就先後有成13位球員話轉會，最後得9個人走咗，成個波隊嘅實力出現咗明顯嘅下降，換過教練之後先至勉強噉保到級。

1998年，由於彭偉國同胡志軍走咗，加上二隊嘅成績好差，甚至有部分壟斷國企嚟搞亂成個足壇，結果球隊最後就包尾降級，而足球會主動嗌差佬嚟查下賭波問題。喺嗰年同廣州松日嘅同城打比入面，球證就發嗮爛渣，向咗兩個隊之間嘅球員出咗5紅10黃，亦係嗰時中國職業足球單場比賽出現紅黃牌最多嘅記錄。

1999年，雖然太陽神集團同廣州市體委續簽咗5年合約，但最後凈得甲B第8。

2000年，足球會投入咗過20,000,000蚊嚟搞返個波隊入甲A，但賽季開頭就輸咗好幾場。一直到甲B最後一輪同北京寬利打嘅保級大戰比賽入面（嗰時廣州隊如估打和就跌落乙級聯賽），打到下半場嘅補時先至入波而艱難保級。比賽打完之後就有成幾千個球迷衝嗮入去球場度，因為佢哋嗰時差啲就降級……最後太陽神退出咗廣州足球行列。

廣州吉利時期（2001）

太陽神喺2001年初退出咗廣州足球行列之後，喺浙江嘅吉利集團就開始贊助廣州足球，嗰時佢將跌咗落去乙級聯賽嘅廣州松日合併咗，變咗廣州隊。而吉利集團就好幾次喺主場比賽嘅中場休息入面搞汽車抽獎嚟刺激球市。結果最後攞咗甲B嘅第4位，雖然話第2位（成都五牛）同第3位（杭州綠城）嘅球隊因為搞出咗假波而取消咗升入甲A資格。好多人話廣州隊可以替補入去甲A嘅，但係得個銡。就係噉，吉利因為未到預期嘅宣傳效果就走咗佬喇。

廣州香雪時期（2002－2003）

2002年，廣州市足協託管廣州足球隊。香雪製藥用咗8,000,000蚊嚟贊助。佢就嚟鍛煉新人，結果嗰時搞到甲B嘅賽季後半段都未贏過波，最後就攞咗倒數第二（第11位），但嗰年係取消咗升降級制度，所以2003年重可以喺甲B度踢。

2003年，香雪製藥重繼續攞8,000,000蚊嚟贊助。結果呢次就鹹魚翻生，最後就攞咗甲B嘅第3（嗰時係冇升降級）。

廣州日之泉時期（2004－2005）

2004年，日之泉公司就用咗￥1嚟攞咗廣州足球嘅70%股份，佢係嗰時廣州嘅足球職業聯賽有史以嚟，第三個最大嘅股份。結果廣州中一藥業就用咗6,000,000蚊嚟贊助，本嚟佢想用「廣州日之泉香雪中一藥業隊」嘅名，但係嗰時足協規定話波隊唔畀有超過2個贊助商嘅名，結果佢就用咗「廣州日之泉中一藥業隊」嘅名嚟打嗰年嘅中甲聯賽。

2005年，天河城同廣州市城建集團用咗6,500,000蚊嚟贊助球隊。喺日之泉贊助嗰兩年，球隊重請咗好多位比較勁嘅外援入嚟，雖然球隊喺嗰兩個賽季凈係輸咗4場波，但凈係攞咗第4，冇份入中超。

廣州醫藥時期（2006－2009）

廣州足球隊攞咗2007年嘅中甲聯賽冠軍

由於日之泉同埋香雪喺2006年初都走嗮佬，嗰陣時廣州足球差啲就解散咁滯，結果就交咗畀廣州體育總局託管咗呢隻隊。後嚟廣州醫藥集團攞咗90%股份贊助，成為廣州足球隊歷史以嚟，第四個最大股東，俱樂部名就變咗「廣州醫藥足球會」，教練換成戚務生。但係喺2006年嘅中甲聯賽入面，最後階段出現連續6場和波而攞咗第3而衝超肥佬咗。

喺2007年嘅中甲之前，球隊重請咗前中國國家奧林匹克足球隊同北京國安主教練——沈祥福嚟教，跟住買咗徐亮、李帥、賈文鵬、拉米利斯呢啲有實力嘅球員。球隊喺2007年中甲聯賽入面表現出色。結果徐亮、李帥、盧琳、徐德恩都先後入嗮國家隊同埋國奧隊。當時主場火爆到中國內地出嗮名咁滯，甚至重高過除咗山東魯能之外嘅其它冚唪唥嘅中超聯賽球隊嘅主場平均入場人數，喺聯賽最後一輪，重創埋越秀山記錄添。每場比賽都4個電視台同埋1個電台直播，喺內地好少見。球隊喺廣州球迷、政府、媒體同企業等各界嘅關注同支持同教練員同埋新老球員嘅努力下打破咗好多項球隊同埋聯賽記錄。最後喺2007年嘅中甲聯賽入面，提早咗3輪殺入中超，重攞埋球隊喺職業聯賽史入面，第一個聯賽冠軍。

開打中超

喺2008年，廣州足球隊第一次打中超聯賽。雖然話賽季初擴充咗球隊嘅實力，但球隊喺成個賽季入面表現得麻麻，開季——4勝1和0負排第2，中期——7場凈係攞咗1勝1和5負，奧運間歇期之後嘅4場——3勝1和0負，之後嘅7場——0勝4和3負，其中重包括咗球隊史上最大輸波紀錄——長春亞泰6-0廣州醫藥。最後6輪聯賽——2勝4和0負，而呢個波隊最後係10勝10和10負嘅成績，凈係攞咗第7。

而喺2009年嘅中超聯賽入面，雖然話廣藥高層講咗要攞第8~第6嘅成績，但球隊表現重係麻麻。喺賽季中雖然話連續7場未輸過波，甚至重差唔多去到亞洲冠軍盃入面，但後半段因為球隊猛咁出負面新聞，尤其係徐亮俾人猛咁督背脊。最後9輪入面，廣州隊都冇贏過波而凈係攞咗第9，唯一安慰就係球隊入面，洪都拉斯前鋒拉米利斯入咗17個波而攞咗聯賽金靴獎。

打假波風波

内文：中國足壇反賭掃黑風暴

喺2009年底，廣州隊喺中國足壇反賭掃黑風暴入面俾人舉報喺2006賽季先後踢咗2次假波，結果廣州隊喺2010年2月23號俾中國足協處罰，同埋另一支假波嘅隊——成都錫菲聯一齊降級。之後第二年元旦（2010年1月1號），廣藥集團話唔撈喇，退出咗足球嗰行。而波隊暫時畀返廣州市足協託管。

廣州恆大時期（2010－2014）

2010年7月21號，喺佛山世紀蓮體育場嘅中甲聯賽第12輪比賽入面，廣州恆大10比0橫炒南京有有。呢場係中國足球正式聯賽入面最大嘅比分。

2010年10月30號，廣州恆大隊嘅足球員齊齊慶祝攞咗2010年嘅中甲聯賽冠軍。

到咗2010年3月1號，嗰時嘅恆大集團用咗一億蚊嚟買嗮成個廣州足球會嘅股權，而波隊正式改咗名嗌「廣州恆大足球會」。嗰時廣汽集團用咗2500萬蚊嚟攞咗一年（2010年3月1號——2011年3月1號）嘅冠名權。

喺俱樂部成立咗之後，廣州隊請咗南韓嘅鐵帥——李章洙嘅同時重買咗一大堆比較勁抽嘅波手（好似郜林、鄭智、孫祥等呢啲），尤其喺2010年6月30號嗰日，重出咗350萬美金買低咗穆里奇呢位「巴西獵豹」前鋒返嚟，創咗嗰時中國職業聯賽轉會費嘅新紀錄。唔單止噉，廣州恆大重注重咗同媒體嘅溝通。嗰時中甲聯賽嘅廣州恆大嘅大多數比賽都係嗌咗廣東電視台體育頻道嚟搞現場直播，而且廣州本地平面媒體都跟住波隊一齊行勻成個中國。而嗰年廣州恆大唔單止第二次攞咗中甲冠軍，亦提早3輪重新殺入中超。

嗰年嘅比賽入面最巴閉嘅係2010年7月21號嗰日嘅中甲聯賽第12輪，廣州恆大主場以10比0嘅戰績橫炒南京有有，創低咗家下中超聯賽最恐怖嘅比分紀錄。嗰年，廣州恆大隊亦創咗中甲全賽季作客不敗紀錄。

升班馬第一年就攞咗聯賽冠軍

内文：2011年中國足球超級聯賽

重返中超後，恆大集團嘅波士——許家印一開始話抌好多錢入嚟繼續發展成隊波。喺2011年嘅中超開波之前先後買入張琳芃、馮瀟霆、楊君、姜寧同楊昊5位有國家隊嘅實力波手、當時喺比爾加遊擊隊踢波嘅呢位巴西前鋒同埋南韓國腳——趙源熙、巴西後衛——保隆、巴西中場里拿多返嚟。其中克萊奧嘅320萬歐羅轉會費創咗新高。喺開季無耐，因為恆大猛咁出好多錢嚟買大牌波手，結果俾好多中國內地媒體笑佢搵笨。2011賽季中葉，球隊繼續用咗1000萬美金買入巴西甲級聯賽嘅MVP——干卡返嚟，係中國聯賽第一次買入國際巨星。嗰時恆大集團喺買內外援嘅轉會費用方面，夾埋用咗超過一個億都有。而呢個賽季，廣州恆大隊用咗自己嘅實力嚟反擊，粉碎咗大多數中國內地嘅媒體質疑。喺2011年9月28號，佢喺陝西省西安市嘅客場入面攞咗佢第一個中超嘅冠軍返嚟。而嗰屆中超唔單止打破咗一個賽季連續23場未輸波嘅恐怖紀錄同時，亦喺中超創咗一季嘅主場不敗紀錄。喺中超倒數第三輪嘅比賽結束咗之後，廣州恆大所在嘅主場（天河體育中心）重搞咗「中超首冠　劍指亞冠」嘅慶典。

第一次攞埋超霸盃同足協盃，甚至第一次打亞冠就入咗8強

睇埋：2012年中國足協盃同2012年中國足球協會超級盃

廣州恆大喺2012年2月25號甚至主場搞掂天津泰達而第一次攞埋超級盃，而呢次重係廣州足球史入面，第一次攞咗中國足協超級盃冠軍。雖然話喺嗰屆亞冠入面分咗落俾好多媒體話嘅「死亡之組」入面，但係始終都可以出線。喺嗰場小組賽恆大作客5-1大炒全北現代，16強賽擊敗東京FC殺入亞冠8強。2012年5月2號恆大出資850萬歐羅嚟買咗世界最佳射手、巴拉圭國腳、多蒙特嘅射手——巴列奧斯返嚟，而呢次重係中國職業聯賽史上，身價最高嘅波手。嗰年5月17號恆大嗌咗世界出名嘅冠軍教練——馬車路列比嚟做一線主帥，佢係第一位喺中國教踢波嘅名教練；7月2號至7月7號先後買入南韓國奧隊嘅主力中場——金英權同全北現代踢波嘅中國國腳——黃博文。

2012年10月27號，廣州恆大喺中超第29輪主場擊敗遼寧宏運而提早一輪攞咗冠軍，變成第一隻衛冕中超聯賽冠軍嘅波隊，呢個冠軍創咗廣州足球甚至中國足球嘅歷史。到咗2012年11月18號嗰日主場搞掂咗貴州人和而攞咗足協盃嘅冠軍返嚟，成為雙冠王。而呢次足協盃冠軍重係中國足球喺職業化之後，第一隻華南地區攞咗足協盃返嚟嘅足球隊。而恆大隊喺2012賽季中超結束後都未停過買大牌波手，佢先後喺2012年11月20號同埋2012年12月24號買咗中國國腳馮仁亮同埋巴西新星艾傑臣返嚟。

廣州恆大喺2012賽季嘅中國足球聯賽入面，以一掃落葉嘅姿態攞齊嗮中國足協屬下嘅三個冠軍獎盃。

第一次攞亞冠，同時第一次殺入世俱盃

内文：2013年亞洲冠軍盃同2013年亞洲冠軍盃決賽

2013年1月1號，足球會官方宣佈咗買中國國腳曾誠、趙鵬同弋騰返嚟，結果足球會有咗11位中國國腳，變成「中國國腳大戶」。喺2013年5月22號嘅亞洲冠軍盃比賽入埋8強，成為亞冠喺2002年改制之後，第一隻連續兩屆入8強嘅中超隊。2013年7月19號，足球會正式買咗國腳鄭龍返嚟。2013年9月18號，廣州恆大以兩輪總比分6-1淘汰咗歷基韋亞（而家係艾杜哈尼足球會）而入咗8強，既打破咗中國足球嘅多哈魔咒同中超波隊喺西亞客場長期未贏過嘅局面，又喺亞冠從2002年改賽制以嚟，繼2005年嘅深圳健力寶（今日嘅深圳佳兆業）隊之後，第二隻入亞冠最後四強嘅中超足球會。2013年10月2號，廣州恆大喺亞冠最後四強最後一輪嘅主場比賽打完，最後總比分8-1淘汰柏太陽神，歷史性噉殺入亞冠決賽，重係亞冠喺2002年改制之後，第一隻殺入決賽嘅中超隊。時隔4日，廣州恆大喺山東濟南嘅奧體中心搞掂山東魯能而提早4輪攞咗中超冠軍，實現中超聯賽三連冠，重係甲A聯賽改名做中超之後，第一隻連續3年攞超級聯賽冠軍嘅波隊。2013年11月9日，廣州恆大喺亞冠決賽第二輪，主場同首爾FC打和，總比分3-3，但由於作客入波比較多（2-1）而攞咗亞冠聯賽冠軍。呢個係亞足聯喺1967年搞冠軍盃歷史以嚟，繼1989～1990賽季嘅遼寧東藥（而家係遼寧開新）之後，第二隻攞咗亞冠嘅中國足球隊；重係亞足協喺2002年將兩個亞洲嘅冠軍盃賽事合併咗之後，第一隻攞咗亞洲冠軍嘅中國足球隊；同時係第一隻殺入世俱盃嘅中超球隊。同年11月26號嘅亞足聯年度頒獎典禮入面，廣州恆大攞咗亞洲最佳足球會，鄭智攞咗亞洲足球先生，穆里奇攞埋亞洲最佳外援。喺嗰年嘅世俱盃賽事凈係攞咗第四，但賽事當中遇到拜仁慕尼黑同明尼路等歐美勁抽波隊。

2014年1月11號，廣州恆大隊喺2013年CCTV年度體壇風雲評選入面，成功攞咗最佳團隊獎。而教練列比攞咗最佳教練員獎。

廣州恆大淘寶時期（2014－2020）

中超第四個冠軍，阿里入股

廣州恆大為咗加深波隊嘅實力結構同补充干卡走咗之後嘅空位，喺休賽期間猛咁積極引援，但遇到好多大頭佛。尤其係引青島中能隊長劉健嗰時搞咗場大龍鳳，因為雙方各執一詞，但劉健後嚟喺2014年7月先至加入咗廣州恆大踢波。而外援方面，2014年2月7號同7月11號分別買咗迪亞文迪同基拿甸奴返嚟。2014年6月5號，足球會官方宣佈嗌阿里巴巴集團入嚟，之後喺嗰年7月4號正式改名做廣州恆大淘寶足球會。2014年11月2號，廣州恆大又喺濟南同山東魯能打和，攞咗中超四連冠。之後喺2014年11月5號嗌咗化比奧簡拿華奴嚟做足球會教練。

中超第五冠，亞足第一股，亞冠第二冠

2015年1月13號，足球會出咗1500萬歐羅賣咗巴西球星高拉特，再次刷新中國職業聯賽嘅轉會費紀錄。時隔三日之後，足球會用咗1110萬歐羅從奧地利薩爾斯堡紅牛買咗巴西球星阿蘭。2015年7月1號，足球會向中過嘅中細型企業股份轉讓系統交咗掛牌申請，將變成亞洲足壇第一股。但到賽季中，恆大高層領導將做咗半年嘅主教練——簡拿華奴炒咗，換咗曾經喺2002年FIFA世界盃期間幫過巴西隊攞過世界盃冠軍同幫烏超豪門賓約哥搞過2011賽季連續23場未輸波紀錄神話嘅教練——史高拉利返嚟教，重買咗羅賓奴返嚟。2015年10月21號，廣州恆大喺冠最後四強最後一輪嘅作客比賽打完，最後總比分2-1淘汰大阪飛腳而殺入亞冠決賽，成為喺亞足聯從1967年開辦亞冠以嚟，繼遼寧東藥同大連萬達之後，第三隻計埋兩次殺入決賽嘅中超隊。亦係亞足協喺2002年將兩個亞洲嘅冠軍盃賽事合併之後，第一隻2次入亞冠決賽嘅中超隊。

中超第五冠

2015年10月31號17:00，廣州恆大淘寶喺北京工人體育場作客以2-0擊敗北京國安，攞咗中超5連冠。呢次赢波既係繼2013年足協盃之後，第二次喺北京工體搞掂國安；又係中國足球從1994年職業化之後21年嚟，第一次有南粵球隊喺中超聯賽嘅北京工體客場入面擊敗對手；重以聯賽連續26場不敗，客場10連勝嘅戰績結束呢屆中超，攞埋2016年亞冠正賽嘅入場券；亦係廣州恆大征戰中超4年以嚟，第一次喺北京工體贏波同打破咗前大連萬達嘅4連冠紀錄。

亞足第一股

2015年11月6號，廣州恆大淘寶正式喺新三板掛牌交易，成為亞洲足壇第一股。

亞冠第二冠

内文：2015年亞洲冠軍盃同2015年亞洲冠軍盃決賽

2015年11月21號，廣州恆大淘寶喺亞冠決賽第二輪，主場贏咗杜拜國民，總比分1-0而第二次攞咗亞冠盃冠軍。既係亞足聯喺1967年搞冠軍盃有史以嚟，第10隻攞咗至少2次亞冠嘅亞洲足球隊；又係亞足協喺2002年將兩個亞洲嘅冠軍盃賽事合併咗之後，第一隻攞咗2次亞洲冠軍嘅東亞足球會，亦係繼吉達團結之後第二隻攞2次亞冠嘅亞洲足球會，超過咗遼寧東藥嘅1冠紀錄。賽後，高拉特攞咗亞洲最佳射手同最有價值球員，足球會亦攞到亞洲公平競爭獎，鄭智攞咗亞足聯最佳球員。

2015年11月29號，亞足聯頒獎典禮喺印度新德里搞，高拉特攞咗亞洲最佳外援，廣州恆大淘寶亦攞到亞洲最佳足球會，但鄭智攞唔到亞洲足球先生。

二次挑戰世俱盃

2015年12月13號晏晝，廣州恆大淘寶喺大阪市長居陸上競技場挑戰美洲體育會，上半場雙方互交白卷，下半場雖然墨西哥美洲隊入咗波，但廣州恆大淘寶喺最後10分鐘內連入2波（計埋黑色1分鐘嗰個）成功逆轉對手。呢場比賽當中，鄭龍成為喺世俱盃賽場歷史以嚟，第一位入波嘅中國大陸本土球員。但跟住嘅4強以0-3嘅戰績輸咗畀巴塞，由於另一區嘅廣島三箭0-1輸咗畀河床，所以第三名決賽提早上演2016年亞冠對決。而2015年12月20號結束嘅第三名決賽，廣州恆大淘寶喺先入一波情況下，下半場俾對手2波逆轉而無緣前三。

主場搬去深圳傳聞

自從2013年9月中旬傳出「球會因利益而搬到北京」嘅傳聞，跟住恆大高層發聲話冇呢件事之後，2015年10月底又傳出「球會搬到深圳」嘅傳聞，後嚟廣州足協正式出聲，話廣州恆大唔會離開廣州。但時隔10日，有網友又發出「廣州足球會離開廣州」嘅講法，估球會搬到深圳鵬程一帶，呢條消息同「富力搬去珠海」嘅消息出街之後就一直冇聲氣。2015年亞冠決賽結束之後嘅第四日，廣州市足球協會正式脫離體育局而成立，之後認真用實際行動嚟挽留兩間足球會「因傳聞而搬走」嘅事。足協先將啱啱辦完亞冠決賽無耐嘅天河體育中心足球場搞草皮維護同拒絕商業演出（例如演唱會等綜藝節目），重確定咗從2016年1月1號開始，除政府要承包場地活動或球會喺半佬降咗級之外，其它除廣州恆大淘寶之外嘅組織喺連續廿年內，都唔畀喺天河搞商業演出。2016年1月10號由中國足協批准而實施「唔畀球會搬到第埞」一文，更加肯定咗恆大淘寶同富力唔會離開廣州嘅事。

2016年2月底，廣州市體育局正式宣佈廣州恆大淘寶同廣州富力分別攞咗越秀山、大學城同天河最長達廿年嘅承租資格，啟動咗私人企業承租國有體育場嘅新模式，從而消除咗「廣州足球會搬出廣州」嘅講法。

波衫廣告門風波

2015年11月10號，由於亞冠決賽尾輪喺同年同月21號喺廣州辦，恆大高層諗住喺當日利用波衫廣告嚟推介自己嘅產品，結果喺第二日俾東風日產正式以書面形式駁咗。不過恆大高層有理冇理，喺2015年11月21號19:59（UTC+8，亞冠決賽尾輪開波前一分鐘）未同東風日產達成共識時，夾硬將波衫嘅「東風日產 啟辰 T70」廣告換成「恆大人壽」。結果嗰晚比賽結束之後嘅深夜，東風日產官方發咗份維權聲明而震驚咗成個中國大陸嘅足壇同業壇。雖然恆大官方喺球會打緊世俱盃時改返用「東風日產 啟辰 T70」嘅波衫廣告，但佢單官司匿都冇得匿。同年12月3號，中國中央電視台公佈咗2015年度CCTV體壇風雲人物團隊評選，雖然主教練史高拉利入選咗外籍教練名單，但球會就因為呢件事而冇入選。

雖然亞洲賽場風波不斷，但國內聯賽一次過包攬所有獎盃

賽季初期，球員大幅變動。

球會喺漫長嘅2015賽季結束之後，由於大多數球員同球會簽訂嘅合同馬上期滿，球會得知呢件事之後先馬上同郜林、曾誠、鄭智、黃博文、馮瀟霆、鄭龍同劉健，及于漢超8位球員續約，直到佢哋退嗮役為止，而艾傑臣、李帥同趙旭日相繼轉嗮會，分別去到滬津一帶踢波。雖然聖誕節期間引咗韓鵬飛、徐新、李源一三位海歸球員，但新外援方面一直未有消息，直到2016年2月3號簽咗積臣·馬天尼斯返嚟。而效力咗廣州隊半年嘅羅賓奴亦正式離隊。

亞冠第一次被處罰空場兼無緣16強

亞足收到2015年亞冠決賽後半輪時，廣州恆大淘寶主場因偷拍對手訓練、主場未向亞足聯申報慶典，及波衫廣告夾硬換成恆大人壽而鬧上「失信嘅冠軍」關係，結果喺2016年2月24號嘅亞冠第一輪對浦項制鐵嘅比賽唔畀波迷入場睇波。加上2015賽季開始之後一直到2016年3月為止未休息過而出現疲勞，結果亞冠賽場前4輪未贏過波，雖然第5輪開始有翻生跡象，但為時已晚，最後提早一輪無緣16強。

超級盃第二冠

踢完主場同浦項製鐵嘅比賽之後嘅3日（2016年2月27號）又去咗重慶踢超級盃，結果球會2-0成功擊敗江蘇蘇寧，報咗2013年超級盃賽事輸咗畀對手嘅一箭之仇，呢次亦係繼2012年李章洙執教時期攞咗超級盃之後，第二次攞超級盃冠軍。

後半程逆襲

雖然亞冠好早出咗局，但波隊繼續關注中超聯賽。雖然賽季第一輪遇到開門黑同球隊要鍛煉新人、部分球會開始加大投入嘅關係，但賽季打咗一半，廣州恆大始終重係繼續攞咗半程冠軍。同年7月26號作客2-1逆轉，總比分4-2淘汰北京國安樂視之後，由於另一區嘅廣州富力亦以2-1擊敗，總比分5-1淘汰咗河北華夏幸福，所以最後四強上演廣州打比。佢亦係中國足協盃有史以嚟，繼1995年同廣州松日隊對抗之後，第二次喺足協盃上演廣州打比。

2016年9月10號，中國中央電視台整嘅紀錄片《一帶一路》專程講咗有關廣州恆大隊嗰5年歷程啲事同埋恆大足校嘅創舉。

教練畀咗國家隊

2016年6月，原先教練馬車路列比同球會簽約，話呢個賽季結束後會接班史高拉利而執教。但係到咗同年10月22號，由於中國國家隊要解決高洪波走咗之後冇教練嘅空缺，加上球會話要打好國家隊而畀咗國家隊做教練。

聯賽6連冠

2016年10月23號21:30，球會喺主場同延邊隊對陣嘅比賽打嗮，最後打成1-1。但由於重慶力帆喺比賽前一日晚黑同江蘇蘇寧打成2-2和波，最後保送球會提早2輪攞咗冠軍。

足協盃2冠

2016年11月13號，廣州恆大淘寶同埋江蘇蘇寧易購會師足協盃決賽，球會按賽程係先主後客。雖然前半輪喺天河主場同江蘇蘇寧打成1-1，但去到南京奧體踢後半輪時，全場一度被動情況下最後打成2-2，再次借客場入波優惠（2-1）而成功攞咗第二次足協盃冠軍。教練史高拉利亦繼列比後成功攞齊中國足球所有頂級聯賽嘅三個獎盃，亦繼2012年後，第二次創造咗中超球會前所未有嘅一年內一次過攞齊嗮中國足協屬下三個頂級獎盃嘅紀錄。史高拉利亦成為第一位一年內一次過攞齊中國足球所有頂級聯賽嘅三個獎盃嘅教練。

賽季提出四冠王，但凈攞到一半數

初期引援時，有波迷猛咁炒作，話球會會引天價外援——占士·羅德列基斯入嚟，但到咗2016年聖誕節時凈引咗金亨鎰入嚟救駕。踏入2017年時，由於球會要實現全華班，加上中國足協咁啱出台咗份《限外援令》，話唔會再引天價外援。

2017年2月22號晚黑喺天河體育中心主場對陣東方足球隊時，打出咗7-0嘅大比分，創造咗隊史喺亞冠最大比分贏波紀錄。3日後，喺重慶奧體中心踢嘅超級盃，憑藉阿蘭喺第35分鐘嘅入波，以1-0嘅比分贏咗江蘇蘇寧而攞咗冠軍。佢既係中國超級盃從1995年開辦以嚟，第一隻連續2屆都攞冠軍嘅球會，又係中超第一隻上個賽季攞咗聯賽同足協盃冠軍嘅隊喺第二年攞埋超級盃嘅隊。

2017年5月9號晚黑，球會喺天河體育中心主場同水原三星藍翼打和2-2，由於另一邊廂川崎前鋒主場4-0狂炒東方足球隊，令球會以小組第二身份殺入16強。同時亦第一次實現咗中超所有參戰球會全部殺入16強嘅紀錄。同年月23、30號嘅兩場主客制淘汰賽入面，雖然廣州恆大淘寶先主後客，但兩場最後總比分夾埋打成2-2，以1-0嘅作客入波戰績殺入咗八強。8強賽分到同上海上港隊一齊。

2017年6月25號，原先效力緊球會嘅金亨鎰受《限外援令》影響而未出過場，最後因合同期滿而正式離隊。球會原計劃諗住留返保連奴喺隊入面幫球會爭賽季凈低嗰三冠，但同年8月初巴塞隆拿足球會出咗超過4000萬歐羅嘅違約金買走咗保連奴。到咗亞冠八強尾輪，球會喺總比分落後4波情況下差啲上演大逆轉，喺足協盃亦俾上海上港淘汰，主教練史高拉利喺聯賽最後三輪唔畀出場。同年10月22號廣州恆大主場5-1大炒貴州智誠，而同城對手廣州富力喺上海體育場作客終結上港連續22主場不敗紀錄，令球會提早兩輪攞到中超7連冠。喺10月22號晚黑嘅比賽結束之後，由於史高拉利未能夠帶隊完成賽季攞齊四冠嘅目標，令球會大頭正式宣佈史高拉利喺下個賽季轉教第啲波隊。

史高拉利走咗無耐之後，球會大頭考慮到波手年紀太大，加上要鍛煉新人嘅關係，所以揾返簡拿華路返嚟教波隊。

廣州太陽神，25年嚟第一冠

太陽神集團從1992年開始接手廣州足球一直以嚟，凈試過喺聯賽攞過3亞1季嘅戰績，一直未攞過冠軍。直到2017年11月13號，喺山東青島天泰體育場舉辦嘅元老甲A足球賽入面，廣州太陽神隊以2-1贏四川全興攞到冠軍。亦係太陽神集團開始掂到廣州足球25年之後，第一次攞到中國大陸最高級別嘅獎勵。

賽季前目標兩冠，最後係三大皆空

喺賽季初期，受到中國大陸嘅限高價外援令同加多23歲以下啲青年上場訓練影響，球會喺冬季嗌返簡拿華奴返嚟教，轉會窗凈喺引援咗好多中國大陸嘅波手，外援凈喺天津權健隊引咗尼曼尼亞·古德利入嚟。雖然亞冠主場對武里南同作客對大阪櫻花都和波，令教練嘅執教質量同波手嘅踢波質量懷疑受到質疑，但係2018年2月26號喺上海虹口足球場舉辦嘅2018年中國足球協會超級盃嘅比賽順利攞咗冠軍返嚟，實現咗超級盃三連冠。呢次冠軍亦超過咗上海申花（而家嘅上海綠地申花）同大連實德而成為中國足協屬下攞超級盃冠軍次數最多嘅球會。攞咗超級盃冠軍之後，受到世界盃嘅密集賽程影響，令聯賽開局唔好，但喺亞冠保住咗小組不敗戰績而殺入16強。不過同年5月未贏過波，唔單止亞冠16強出局，聯賽名次都跌到落第五。後嚟喺世界盃期間嘅休賽期，球會嗌離開咗賽季一年嘅保連奴返嚟。同時效力咗半個賽季嘅古德利亦離隊。雖然話成績已經上返到三甲範圍，本嚟媒體同波迷以為佢會最後攞冠軍，但隨住俾上海上港隊主客場雙殺之後，同年11月7號嘅比賽都未開波就直接宣告攞咗賽季亞軍，無緣八連冠。教練嘅執教質量亦受到質疑。

金元時代結束，波星逐步離開，變成細本球會

2018賽季結束之後，球會進行大換血處理。其中高拉特最先被換走，買咗塔利斯卡返嚟。而中國大陸球員亦有幾個都走埋，反而入咗一批新嘅1995年之後出世啲球員。賽季開始時提出咗要攞中超同亞冠兩冠嘅目標。賽季結束之後，雖然攞咗中超冠軍返嚟，但係另外三個攞唔到。反而亞冠入咗最後四強，結果俾浦和紅鑽淘汰咗出局。

2020年，由於武漢肺炎喺1月底開始大爆發，加上賽季一度延遲，好多波手冇晒狀態，亞冠小組賽費事半佬感染新冠而揀打完小組賽後返嚟算數。賽季結束後，因武漢肺炎全球持續大流行，往返中國大陸嘅國際航班都減少咗好多，所以好多冇中國大陸國籍身份嘅外援都入唔到境。結果賽季一路變成中游球會，打到賽季尾時雖然有起色，但係最後攞咗亞軍。賽季尾，因中國足協要求唔畀猛咁抌錢繼續搞，加上球會搞中性化名政策，結果賽季尾直接改名做廣州足球會。

廣州隊時期

解散傳聞

内文：恆大集團債務危機同廣州足球會欠薪及瀕臨解散風波

用過嘅名

• 中南白隊（1954—1959）
• 廣州市足球隊（1961—1966）
• 廣州青年隊（1977—1984）
• 廣州白雲隊（1984—1992）
• 廣州太陽神（1993—2001）
• 廣州吉利（2001）
• 廣州香雪（2002—2006）
• 廣州日之泉中一藥業（2004—2006）
• 廣州醫藥（2006—2009）
• 廣州恆大（2010—2014）
• 廣州恆大淘寶（2014—2021）
• FC廣州（而家）

用過嘅隊徽

• 
  廣州白雲山
• 
  廣州太陽神
  （1993～1995）
• 
  廣州太陽神（松日）
  （1996～2000）
• 
  廣州吉利
  （2001）
• 
  廣州香雪
  （2002～2003）
• 
  廣州日之泉^[1]
  （2004～2005）
• 
  廣州醫藥^[2]
  （2006～2009）
• 
  廣州恆大廣汽
  （2010）
• 
  廣州恆大（淘寶）
  （2011～2020）
• 
  廣州
  （2021～）

上面啲字嘅解釋：

• 加粗——嗰個時期有攞過聯賽前三
• 斜咗——嗰個時期降過級
• 綠字——攞過聯賽或足協或超霸或亞冠盃四項賽事其一冠軍

• 註 1: 唔好同廣東日之泉搞亂。因為2004同2005年嘅廣州日之泉時期用過呢個隊徽，而廣東日之泉雖然用過呢種隊徽，但佢喺2007～2014年用過，加上隊徽下面寫嘅係「GUANGDONG FC」。
• 註 2: 2010年嘅中國足壇反賭掃黑事件當中，佢同成都謝菲聯隊一齊涉及打假波而降級。

用過嘅主場

之前廣州隊嘅主場喺越秀山。但1998～2000年，由於越秀山體育場搞大裝修而改用東較場。2005中甲後半段，根據日之泉嘅贊助協議而搬到天河體育中心。1999年甲B（今日嘅中甲聯賽）期間用過英東體育場，2009年中超期間用過廣州大學城中心區體育場做主場。2010年因廣州辦亞運會，越秀山體育場而進行改造，廣州隊大部分嘅主場搬到佛山世紀蓮體育中心同增城體育場，直到亞運開幕前1個月先至返到越秀山。但亞運閉幕之後，由於嗰時越秀山體育場俾亞足聯話唔夠辦亞冠盃標準而搬到天河體育中心。

主場	時期
	廣州日之泉：2005年7月～2006年底 廣州恆大（淘寶）：2011年～而家
	之前廣州白雲山、廣州太陽神同廣州吉利、廣州香雪時期用過成個賽季嘅主場，但2005年夏開始唔用，直到廣州醫藥時期先至返嚟。而廣州恆大喺2010年亞運前後1個月內用過佢。
	2010年（不定期）
	2009年

球員名單

號碼 位置 球員名 1 龍 劉世博 2 後 劉奕鳴 3 後 梅方 4 後 布朗寧 5 後 張琳芃 6 後 馮瀟霆 7 前 韋世豪 8 中 保利尼奧 9 前 塔利斯卡 10 中 鄭智 11 中 張修維 12 中 徐新 13 中 何超 15 中 嚴鼎皓 16 中 黃博文 17 前 楊立瑜

號碼 位置 球員名 19 龍 曾誠 20 前 于漢超 21 後 高准翼 22 前 唐詩 23 後 朴志洙 25 後 鄧涵文 26 後 胡睿寶 29 前 郜林 30 中 布格拉汗 31 後 羅涵博文 32 龍 劉殿座 33 中 鍾義浩 34 後 馮博軒 35 後 李學鵬 37 中 蔡明民

得獎紀錄

賽事 中國足球超級聯賽 7 2 0 中國足球甲級聯賽 2 0 2 中國足協盃 2 2 0 亞洲冠軍盃 2 0 0 亞洲超級球會挑戰盃 0 1 0 總計 11 5 1

• 中國足球甲級聯賽（包括1994~2003年辦嘅甲B）：
  • 1 !（2）：2007、2010
  • 03 !（2）：2003、2006
• 中國足球超級聯賽（包括1994~2003年辦嘅甲A）：
  • 1 !（7）：2011、2012、2013、2014、2015、2016、2017
  • 02 !（2）：1995、2018
• 中國足球超級盃：
  • 1 !（4）：2012、2016、2017、2018
• 中國足協盃
  • 1 !（1）：2012、2016
  • 02 !（2）：1996、2013
• 亞洲冠軍盃：
  • 1 !（2）：2013、2015
• 亞洲超級球會挑戰盃（香港賀歲盃）
  • 02 !（1）：2011

喺國際賽場踢過嘅隊

到2021年12月1號為止

亞洲冠軍盃

註明：

球會	年份
未加粗：凈喺亞冠踢過，但未喺世俱盃踢過。 加粗咗：凈喺世俱盃踢過，但未喺亞冠踢過。 加粗咗兼有主隊波衫色：既喺亞冠又喺世俱盃踢過。 字帶灰色：解咗散或被合併或喺所屬國被取消註冊資格。	黑字：嗰年凈喺亞冠踢過，但未喺世俱盃踢過。 橙字：嗰年凈喺世俱盃踢過，但未喺亞冠踢過。 藍字：嗰年既喺亞冠又喺世俱盃踢過。

東亞區

• 日本J1聯賽球隊：9隊
  • 柏太陽神（2012、2013、2015）
  • 東京FC（2012）
  • 浦和紅鑽（2013、2016、2019）
  • 橫濱水手（2014）
  • 大阪櫻花（2014）
  • 鹿島鹿角（2015、2017、2019）
  • 大阪飛腳（2015）
  • 廣島三箭（2015、2019）
  • 川崎前鋒（2017）
  • 神戶勝利船（2020）
• 南韓經典K聯賽球隊：7隊
  • 全北現代汽車（2012、2013、2014）
  • 首爾FC（2013、2015）
  • 城南FC（2015）
  • 浦項製鐵（2016）
  • 水原三星藍翼（2017、2020）
  • 濟州聯（2018）
  • 大邱FC（2019）
• 泰國超級聯賽球隊：2隊
  • 武里南聯（2012、2018）
  • 蒙通聯（2013）
• 澳洲職業足球聯賽球隊：4隊
  • 中岸水手（2013）
  • 墨爾本勝利（2014、2019）
  • 西悉尼流浪者（2014、2015）
  • 悉尼FC（2016）
• 香港甲組足球聯賽球隊：1隊
  • 東方（2017）

西亞區

• 沙地職業聯賽球隊：1隊
  • 吉達團結（2012）
• 卡塔爾星級聯賽球隊：1隊
  • 艾杜哈尼（2013）
• 阿聯酋阿拉伯海灣聯賽球隊：1隊
  • 杜拜國民（2015）

洲際賽事

註：呢度寫嘅係除亞洲足協同東道主以外嘅各大洲屬下球會（包括世俱盃同熱身賽）。

遇到嘅係亞洲球隊，會喺上邊嘅亞冠以加粗字，括弧帶金字或藍字形式出現。詳細請睇上面嘅亞冠說明。 遇到嘅係東道主球隊，會喺指定嗰個洲所屬盃足協位寫出嚟。 凡係撞正亞冠隊，除非球會或足協官方有寫話加入第個洲嘅足協，否則會按本註第1條處理。 帶草綠啲字係話明呢間球會或嗰年雖然未喺世俱盃見過面，但喺友誼賽見過。 帶暗紫啲字係話明呢間球會解咗散或被合併咗，或喺所屬國被取消註冊資格。

• 非洲冠軍盃：1隊
  • 開羅國民（2013）
• 歐洲冠軍盃：5隊
  • 曼聯（2008）、皇家馬德里（2012）、拜仁慕尼黑（2013、2015）、巴塞隆拿（2015）、史浩克04（2015）
• 南美解放者盃：1隊
  • 明尼路（2013、2015）
• 中北美黃金盃：1隊
  • 墨西哥美洲（2015）

戰略合作

皇家馬德里

睇埋：恆大皇馬足球學校

2012年8月2號，廣州恆大足球會同西班牙皇家馬德里足球會签署咗戰略合作協議，重一齊合作搞恆大皇馬足球學校。

AC米蘭

2012年12月12號米蘭當地時間深夜（UTC+1），廣州恆大足球會同意大利AC米蘭足球會签署咗戰略合作協議。

拜仁慕尼黑

2013年12月20號，廣州恆大喺世俱盃同拜仁隊踢嘅4強比賽結束之後，廣州恆大足球會董事長劉永灼俾足球行政人員路明尼加邀請，重喺酒店傾咗大概2個鐘。最後喺青訓、一線球員轉會同商業贊助達成合作協議。而簽字儀式喺2015年7月23號正式舉行。

文化

隊歌

廣州足球隊隊歌係粵語歌，由廣州球迷聯盟組織編寫，就喺2007年中甲聯賽開幕前出咗街。黃毅成負責作詞同埋編曲，肥蛇作曲。東山少爺喺唱片《唱好廣州2》唱過呢首隊歌，個名叫《廣州隊》。

但係喺廣州富力成立（2011年）咗之後，呢首隊歌究竟係歸邊隊就出咗問題。作詞人黃毅成喺2012年嘅其中一次採訪講到呢首歌嘅詞曲版權既唔係廣州恆大，又唔係廣州富力，佢凈係屬於球迷，球迷聯盟可以喺任何非商業用途上用呢首歌，即係話名呢首歌唔係作為任何一支FC廣州嘅隊歌。但由於呢首歌同埋恆大華南虎嘅聯繫已經深入民心，所以廣州波迷重係將《廣州隊》呢首歌當係FC廣州嘅隊歌。

吉祥物

廣州足球會嘅吉祥物係兩隻華南虎，男嘅叫C虎，女嘅叫粵粵。

註同攷

註

攷

外網

• 简介 广州恒大淘宝足球俱乐部
• 广州足球发展简史之广州恒大的前世今生
• 郑州我爱足球 广州网

出面網頁

官方

• （中文）广州恒大足球俱乐部官方网站
• （中文）广州恒大足球俱乐部官方论坛
• （英文）Official Website of Guangzhou Evergrande Football Club
• （中文）廣州足球會嘅新浪微博

其他

• （英文）广州恒大Facebook专页
• （中文）恒大收入
• （中文）广州球迷联盟
• （中文）广州足球网
• （中文）广州足球沉浮录

功績
上一任 蔚山現代	亞洲冠軍盃 2013	下一任 西悉尼流浪者
上一任 西悉尼流浪者	亞洲冠軍盃 2015	下一任 全北現代汽車