翻譯

翻譯（粵拼：faan1 jik6）係指將一段語言由一種語言轉換成第種語言來解釋。翻譯有講又有寫，講出來叫做口譯（好多時係講嘢嘅人一路講，側邊企咗個口譯員喺度即場做口譯），寫出來叫做筆譯。翻譯係當人哋唔識聽嗰種語言先要用。

譯咗做漢字文章嘅《金剛經》

羅塞塔石碑

定位

睇埋：語言同通訊

响最抽象化（咩細節都唔諗住）嘅層面，翻譯呢樣工作嘅過程如下：

「

攞 input：來源語言嘅一段字； 畀 output：用目標語言表達（寫或者講出嚟）嘅一段字，依段 output 响意思上要同段 input 一樣；

」

依個過程就噉望落好似好簡單噉，但實際上幾難搞。

語義

睇埋：語義

首先，想像家吓要做英到粵翻譯，要將以下嘅句子譯做粵文：

I am eating the pasta that mom made.

原則上應該譯做：我食緊阿媽煮嘅意式麵。

直譯（direct translation）係最原始嗰隻做法，將 input 入面嘅字或者短語遂隻遂隻變做目標語言入面「對應」嘅字同短語，然後畀 output：

I → 我，am eating → 食緊，the → 嗰，pasta → 意式麵，that → 嗰個，mom → 阿媽，made → 整

Output：我食緊嗰意式麵嗰個阿媽整。

－依段 output 明顯九唔答八。

進一步啲諗可以噉：翻譯員可以考慮到「唔同語言喺文法上有差異」依樣事實。舉個例，唔同語言語序可以好唔同，有啲語言－好似係廣東話同英文－興用 SVO 型嘅句子，而又有啲語言－好似係日本話同尼泊爾話噉－就興用 SOV 型嘅句子；另一方面，英文興將一句關係子句擺喺句嘢褦住嘅名詞後面，而相比之下，廣東話通常會將啲噉嘅子句褦喺隻名詞前面，即係話

... the pasta that mom made.

－mom made（阿媽整）係一句關係子句，描述緊 the pasta（啲意式麵）；

但阿媽整嘅意式麵喺廣東話度聽落會比較似自然嘅名詞短語。

由上述例子睇得出，要將源文段字嘅意思完全噉解讀嗮出嚟，翻譯員實要分析嗮成段字嘅特徵：成個過程會要求翻譯員詳細了解隻語言嘅文法、語義、句法、慣用語，甚至係講嗰隻語言嗰班人嘅文化。同一道理，翻譯員亦都要對佢隻目標語言有咁上下認識。

依個簡體中文餐牌譯到鬼五馬六。事實表明，如果做翻譯嘅人對目標語言完全冇認識，出嘅 output 好多時令人啼笑皆非。 依個簡體中文餐牌譯到鬼五馬六。事實表明，如果做翻譯嘅人對目標語言完全冇認識，出嘅 output 好多時令人啼笑皆非。

概念

睇埋：語言類型學

不可譯

内文：不可譯

不可譯（untranslatable）係做翻譯嗰陣時不時撞到嘅一個問題，指目標語言入面冇字可以對應來源語言嗰隻字。

例如廿一世紀初嘅德文入面有隻噉嘅字

Kummerspeck（德文讀音： [ˈku mɜrˌʃpɛk]），名詞，意思係指一個人因為有排情緒低落喺度勁食嘢而增加咗嘅體重。

用法：「我早排考試衰咗就勁喺度食雪糕，而家啲 Kummerspeck 減唔返。點算好？」

呢隻噉嘅字喺同期嘅廣東話或者英文入面並冇對應，一個廿一世紀初嘅粵人或者英系白人可以理解到個概念，但佢哋語言搵唔到隻字去對應 Kummerspeck，所以如果（例如）有人想將一本用德文寫嘅長篇小說翻譯做粵文或者英文，撞到 Kummerspeck 呢隻字嗰陣就好可能會覺得「唔知點譯好」。

語境

内文：語境

歧義

内文：歧義

選詞

睇埋：詞庫

翻譯員成日都會諗字詞嘅選擇。舉例說明，想像依家要將聖經譯做粵文，以下係《路加福音》第六章其中一截嘅新國際版：

Luke 6:37 "Do not judge, and you will not be judged. Do not condemn, and you will not be condemned. Forgive, and you will be forgiven."

如果要將段嘢翻做粵文，有最少兩個可能譯法：

版本	句子
粵一	切勿評斷人，上帝就唔會評斷你哋；切勿定人罪，上帝就唔會定你哋罪；饒恕人，上帝就會饒恕你哋。
粵二	唔好評斷人，上帝就唔會評斷你哋；唔好定人罪，上帝就唔會定你哋罪；原諒人，上帝就會原諒你哋。

原則上，上面兩段嘢都算係粵文，兩句都合乎粵語嘅文法同用詞，但係粵一版本用咗切勿等比較文言化或者「正經」嘅用法，而粵二版本就用咗一啲比較「平易近人」嘅用法。有關呢種爭議，有翻譯家主張選詞要取決於受眾特性，例如攞嚟畀細路或者一般大眾睇嘅聖經，就可能用「平易近人」嘅翻譯法會比較適合。

AI 技術

内文：機械翻譯

睇埋：自然語言處理

機械翻譯（MT）係指緊「教 AI 自動做翻譯」嘅工作。

睇埋

• 借詞
• 字幕
• Duolingo

拎

• 維基同享中有關翻譯嘅資源類