香港地產發展史

香港地產發展史係有關香港地產市場香港建築嘅發展歷史

簡史

嚮以前香港係個漁港,當地主要只有香港原居民客家人,做農夫同埋捉魚過活,即係小農社會,間屋一層樓,自己起嘅。到港英政府開始,經濟發展都比澳門慢起步。香港第一次地皮拍賣都嚮澳門搞。呢啲官地拍賣,指定買家要幾年內嚮地皮上面起樓發展,如果唔係就俾政府沒收返塊地。所以經過幾次拍賣,香港北岸維多利亞港處,包括中環灣仔區就咁出現咗好多早期洋樓。又因為維多利亞城計劃,唐人上環西環發展唐樓聚居,而半山區太平山山頂由洋人佔領。

香港地產發展史曾經遇過1949年中國人大量湧入,出現好多木屋板間房嘅年代。本來香港政府係以積極不干預去對付香港呢個自由經濟市場。不過因為鼠疫風災石硤尾大火呢啲事,政府先出手有公屋居屋政策。又因為香港係殖民地英國國會認為港英應該食自己,港英冇錢要自己諗辦法。香港乜地都冇,地少人多,所以就想到多次填海賣地,成為香港公共財政主要來源,因為噉香港高地價政策係必然嘅。1997年之後董建華主張「八萬五政策」,令樓價大幅下跌。

香港主權移交前後,中國共產黨高官仔女同親屬開始大規模投資香港地產,包括栗戰書個女、建銀國際董事長栗潛心在內,中共高層領導入面最少有三個有親喺香港買豪宅,總價值達5100萬美元,佢哋利用香港作為國際避稅天堂嘅優勢積累咗大量財富。1991年,習近平家姐齊橋橋就開始喺香港購買房產,2009年齊橋橋個女張燕南喺淺水灣買入別墅,另外佢仲有最少5個單位。2010年,汪洋個女,德意志銀行前高層汪溪沙用200萬美金價錢購買咗一處住宅。栗潛心通過加入華菁會等香港團體為中共高官仔女(太子黨)、香港富豪同政治家建立咗交流平台。由於中共高層將自身既得利益同香港緊密融合,佢哋無法容忍可能會威脅到香港經濟地位嘅抗議活動,因此要採取更為強硬嘅立場。正係喺栗潛心老竇栗戰書喺推動下,港區國安法之後得以迅速通過。[1]

現況

睇埋

參考材料

  1. 艾莎; 傅才德 (2020-08-12). . . 喺2020-10-28搵到.
  2. . 原著喺2009年6月11號歸檔. 喺2010年3月9號搵到.
  3. . 原著喺2010-02-07歸檔. 喺2010-03-09搵到.