Wikipedia:城市論壇 (政策)/歸檔/2023年6月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2023年8月10號 (四) 03:07 (UTC)做嘅。

提議提高超短文字數限制

見到伯格麟屬爾啲文為咗揩邊而加啲無咩用嘅字（一咩撚嘢［個］屬？），覺得廿隻字實在太少，中維五廿字對粵文來講又好似太多，不如就四廿字，睇吓爾串討論

https://zh.wikipedia.org/wiki/Wikipedia_talk:%E5%B0%8F%E5%B0%8F%E4%BD%9C%E5%93%81

我喺嗰邊草擬咗啲條文不過無過，爾今搬過來：

1.正文少過40漢字：引言嘅粗體標題計1字，每隻外文詞同每組數字都計一字；包括表格同列表嘅字，毋包資訊框內容同其他模板本身。標點空格，毋理全形半形，一律毋計字數。

2.必須有起碼有用嘅內容同啱嘅條目，如「某人係中國演員」；塗鴉、測試、無關內容、得連結等適用快速刪除嘅條目，以及侵權、廣告、個人簡介、毋適當條目等由刪除投票處理嘅條目，都毋喺爾條條文嘅處理範圍內。 ——咪用「進行」污染中文，要言簡意賅。　捍匣趕粵以乙者精寫 2023年6月9號 (五) 15:34 (UTC)

建議將粵語標音擺埋一邊（好似模:Infobox_Chinese噉擺條目右邊）毋好擺正路中心，毋好「老母係女人」噉標，同將主要標音法由粵拼改為直音（加反切）

單純標音嘅話我Template:支持有常見同音字就直音，無常見同音字就Template:支持粵語反切、Template:反對粵拼（同其它拉丁（包括IPA）註音系統）： 反切（同直音）比起拉丁（包括IPA）註音系統有爾啲優點：

• 直接：用漢字標漢語族語言字音直觀；拉丁文字毋直觀
• 傳統／文化：任何註音系統都有基本符號（字形／字-{}-符）要學，噉既然都係標自己語言嘅字音點解毋用我哋源遠流長、博大精深嘅漢／粵字（或基於漢／粵字嘅標音子系統）而要用蠻夷創製嘅文字？粵語必須用漢／粵字（或基於漢／粵字嘅標音子系統）標音，同官話爭奪華夏正統之名！用拉丁文字標漢語族語言字音簡直神化拉字、矮化漢字、崇洋媚外、摧毀傳統！（順便要認同台灣保留用漢字整出來嘅注音符號）
• 排版：直音／反切用同樣字數標音，且漢字預設等闊，排版整齊美觀；拉丁字母設計時無考慮幾何／排版問題，闊度如果毋用等闊字體顯示就繚咁繳，用咗都毋一定同漢字有簡單分數比例；且拉丁字母同粵語音系毋相容，用26基本拉丁字母嘅現有註音系統都有二合字母問題，就算IPA可以一音素一字，都要將粵音節拆成聲母、介音、韻腹和韻尾，分得過細，得韻腹係必有，排版不整（比較「衣」同「框」嘅反切、粵拼和IPA嘅顯示闊度：「影衣」和「困坑」、「ji1」和「kwaang1」、「ji˥」和「kʷʰaŋ˥」，得反切闊度一致）

反切嘅其它優點：

• 粵拼／IPA正因為一字一音，毋能多音一標，如果標多音字就要出2組，但反切有時可用多音字標同類字（如驚嘅反切可標成「見青」，粵拼就要「ging1或geng1」）
• 用易字常字做反切字可提供多啲機會俾小朋友熟習爾啲字，早啲學識爾啲字有助學習有同樣部件嘅字。
• 古代韻書同一音類有好多反切字毋代表現代要跟，只要喺各音類揀一代表字就得

不過，註音都應適可而止，我同意中維WP:格式手冊/序言章節#發音所講，只應標僻字音或毋尋常嘅中文讀法（如媽閣廟、樂山大佛），毋應逢條目首句嘅粗體條目名都標

（反切嘅優點應該都列晒，如有更多優點請提出）——咪用「進行」污染中文，要言簡意賅。　捍匣趕粵以乙者精寫 2023年6月15號 (四) 13:51 (UTC) ——咪用「進行」污染中文，要言簡意賅。　捍匣趕粵以乙者精寫 2023年6月15號 (四) 13:51 (UTC)

---

我都唔贊成凡係標題都逐字標音，同意應該係難字或者特別讀音先應該標。

反切嘅唔好處係要恁，而且要恁好耐（可能唔慣，但係我記得細個嗰陣，最初字典全部係反切，後來轉咗IPA，覺得好用好多）。

我覺得長遠解決辦法係恁辦法整個可以隨時轉標音方法嘅模，打文可以用粵拼，但係可以隨時轉IPA/耶魯/反切。 Al12si (傾偈) 2023年6月15號 (四) 14:41 (UTC)

睇來我擺錯地方，我應該擺Wikipedia:城市論壇 (政策)嗰版，有無得搬過去？——咪用「進行」污染中文，要言簡意賅。　捍匣趕粵以乙者精寫 2023年6月15號 (四) 15:27 (UTC)

應該可以就咁搬。兩版其實係同一版（撳 ｢睇嗮｣），然後應該可以好似改普通文咁搬。 Al12si (傾偈) 2023年6月15號 (四) 15:39 (UTC)

@Al12si搬咗。——咪用「進行」污染中文，要言簡意賅。　捍匣趕粵以乙者精寫 2023年6月15號 (四) 16:11 (UTC)

PS: 我個人偏向打粵拼出黃鍚凌式 IPA（即係同字典一樣）。目前嘅一般做法唔好處係標音太細隻字，根本睇唔到。日文jlreq 其實而今建議標音（ruby）改大隻啲字，等熒幕度睇到，咁嘅做法日文假名可行，但係粵拼就會太闊，假設clreq 跟咗 jlreq 嘅建議（我冇跟貼，唔知），幾年後標音太闊嘅情況會比而今更加嚴重，我會話係另一個唔應該係咪都逐字標音嘅理由。 Al12si (傾偈) 2023年6月15號 (四) 18:57 (UTC)

@Al12si： 我嘅諗法係，我見到有啲人似乎一見到漢字就會用標準官話嘅音嚟讀，所以我先喺表示 title 隻字（通常會係篇文最頭嗰幾隻字）嗰度標返粵音，等讀者自動噉喺腦海入面用粵語讀篇文。Dr. Greywolf (傾偈) 2023年6月17號 (六) 07:20 (UTC)

一見到漢字就會用標準官話嘅音嚟讀嘅話應該去返睇中維喎，爾邊又毋係多嘢睇過嗰邊… ——咪用「進行」污染中文，要言簡意賅。　捍匣趕粵以乙者精寫 2023年6月17號 (六) 07:25 (UTC)

急須廢除「Wikipedia:粵語本字表」呢張表

呢張表入面嘅內容，穿鑿附會之多，對約定俗成之藐視，令人咋舌。偏偏呢堆破壞粵文約定俗成、搞到粵文又獵奇又鬼五馬六嘅偽本字，卻一直掛住「Wikipedia:」嘅名義，獲得粵維官方背書。而喺Wikipedia:城市論壇_(政策)度，更加講到User:捍粵者係噉將約定俗成嘅字改做呢個表上嘅字，其他編輯指出有問題時，佢仲攞住呢個表嚟幫佢背書。我check一check User:捍粵者嘅編輯，絕對係大型、大肆噉破壞大量條目！將啲約定俗成的正常粵文改晒做呢啲又獵奇又鬼五馬六嘅偽本字！敢問User:捍粵者仲要傷害粵文到幾時？！

好明顯，呢個表禍害不淺，急須廢除。廢除嘅重點包括：一、必須刪走「Wikipedia:」呢一part，表明呢個表內容完全唔係粵維推薦嘅、絕非粵維官方認可嘅，寫粵維嘅人唔應該跟佢嚟寫，甚至更加唔應該攞佢嚟改已有嘅內容。二，將「粵語本字表」改做「有人聲稱是粵語本字表」，噉樣先至如實持平。——咪用實際上係錯別字嘅偽本字嚟扠禍粵文。亦都希望各位編輯幫手，打番晒User:捍粵者啲破壞回頭。Cangjie6 (傾偈) 2023年6月25號 (日) 22:54 (UTC)

到底啲僞本字火星文收埋喺邊，搞到改唔到？

粵維有勁多超級黐線嘅僞本字火星文留低，例如「呢」改做「爾」、「嘅」改做「忌」等等。而且有唔少，唔知收埋咗喺啲模度定邊度，總之改極到改唔到。例如，個「細類」下面嗰句「爾類有下面嘅X細類，總共有X類。」到底去邊度先改得番走隻火星文？真係摷極都摷唔到。——咪用實際上係錯別字嘅偽本字嚟扠禍粵文。Cangjie6 (傾偈) 2023年6月28號 (三) 01:29 (UTC)

仲要有一堆，即使摷到，但佢講到明唔畀我改。例如MediaWiki:Ipb-hardblock。我真係粗口都嚟埋，你班黐線佬扠禍粵文，擾亂（亦係「妖亂）正常嘅粵文書寫，仲要唔畀人改正？乜料呀？！——咪用實際上係錯別字嘅偽本字嚟扠禍粵文。Cangjie6 (傾偈) 2023年6月28號 (三) 01:32 (UTC)

如果唔喺文入面，又唔喺模，又唔喺模組，最有可能係喺設定入面或者軟件嘅字串翻譯，後者即係 translatewiki.net，前者就要管理員改先得。

translatewiki 我可以睇睇，不過如果有本地設定就改唔到，因為本地設定會 override 翻譯版本。 Al12si (傾偈) 2023年6月28號 (三) 01:35 (UTC)

PS: 喺網址後面可以試下加 ?uselang=qqx，變哂括弧英文字嘅全部都係翻譯字串，要去 translatewiki 改。（PPS: 改咗唔會即刻生效，要等幾日（唔知幾日），如果過咗好多日都唔生效就即係有本地設定 override 咗） Al12si (傾偈) 2023年6月28號 (三) 01:49 (UTC)

睇咗一眼，細類嗰個係佢喺嗰便改嘅。 Al12si (傾偈) 2023年6月28號 (三) 02:05 (UTC)

唉，完全唔識搞。可唔可以請閣下幫忙，改番正啲喺嗰便嘅火星字？衷心感謝！——咪用實際上係錯別字嘅偽本字嚟扠禍粵文。Cangjie6 (傾偈) 2023年6月30號 (五) 02:28 (UTC)