久邇宮邦彥王

久邇宮邦彥王
	久邇宮
私人明細
配偶	島津俔子
仔女	久邇宮朝融王; 久邇宮邦久; 香淳皇后; 三條西信子; 大谷智子; 東伏見慈洽
父	久邇宮朝彥親王
母	泉萬喜子
出世	1873年6月23號; 明治六年; 日本京都
過世	1929年1月27號（56歲）; 昭和四年; 日本東京

久邇宮邦彥王（日文：久邇宮邦彦王，くにのみやくによしおう^{Kuni no miya Kuniyoshi ō}、1873年 6月23號—1929年 6月29號）係久邇宮第二代當主，老豆係久邇宮朝彥親王，同時係一名陸軍軍人，最高階位係大勳位陸軍元帥大將。另外，佢仲係香淳皇后個老豆、上皇明仁嘅外公、今上天皇德仁嘅曾祖父。

經歷

邦彥王響東京出世，係久邇宮朝彥親王二仔，上有大佬邦憲王。早年入讀京都府立中學（即依家京都府立洛北高等學校）同埋東京私立成城學校（即依家嘅成城中學同埋高中）。響1887年，老豆朝彥立佢為久邇宮預定繼承人。響1891年，老豆朝彥過身，佢繼任久邇宮當主一位。

響1897年，佢畢業於陸軍士官學校，同年封為步兵少尉，畀人編去步兵第六連隊。於1899年，佢先升為步兵中尉，同年12月入讀陸軍大學校。1901年，佢升為步兵大尉，第二年陸軍大學校畢業，同年11月畀人調去近衛步兵第三連隊。響1903年，佢調去參謀本部。響1904年日俄戰爭時期，邦彥王升上為步兵少校，之後獲分配去日本第一軍司令，阿頭係黑木為楨。後嚟，因為上頭欣賞邦彥王響日俄戰爭嘅表現，所以封佢為四等金鵄勳章。

後生個陣嘅邦彦王

響1907年，佢到德國進修戰術，期間編入普魯士步兵衛隊第二團，同時升為中佐。1910年，佢返嚟日本，隨即升為大佐，畀人調去做第38步兵師隊隊長。響1913年，佢升為少將，同時升為近衛步兵第一旅團團長。1917年，佢升為陸軍中將，同時升為第十五師團團長。1918年，佢畀人調去做近衛師團團長，同時成為明治神宮主祭司，第二年調去做軍事参議官。響1923年佢晉升為大將，並且進入統帥部。

1928年，佢響度巡視台中期間，畀朝鮮人趙明河試圖暗殺，但係趙明河暗殺失敗。呢件事畀人叫做「台中不敬事件」。

響1929年，邦彦王因為急性內臟病而響東京病死，終年五十五歲，死之前獲追封為陸軍元帥，同埋授予大勳位菊花章。死後，由大仔朝融王繼任久邇宮當主一位。