北白川宮智成親王

北白川宮智成親王(日文:きたしらかわのみや さとなりしんのう,1856年7月22號1872年2月10號),係北白川宮第一代當主,邦家親王第十三個仔。乳名泰宮

經歷

智成親王1856年響京都府出世,係邦家親王第十三個仔,阿媽係妾侍堀內信子。

1860年,佢做咗孝明天皇契仔,之後跟隨二哥、聖護院門跡雄仁法親王(即聖護院宮嘉言親王)。1866年,智成正式親王宣下,同月入聖護院做和尚,改名叫信仁入道親王

1868年正值明治維新,佢畀人命令返嚟皇室,改返原來個名智成,尊稱照高院宮智成親王。同年,二哥嘉言死咗,於是佢就繼承聖護院宮。1869年佢升為三品,1870年以聖護院宮同聖護院個名重疊為由,將聖護院宮改名叫北白川宮。1872年,智成病死,終年十七歲,死後跟據佢嘅遺言,將北白川宮傳咗畀九哥能久親王

屋企

老豆邦家親王 - 阿媽堀內信子

兄弟:大佬晃親王 - 二哥嘉言親王 - 三哥讓仁親王 - 四哥朝彥親王 - 五哥夭折 - 六哥貞教親王 - 七哥夭折 - 八哥彰仁親王 - 九哥能久親王 - 十哥夭折 - 十一哥夭折 - 十二哥博經親王 - 十三智成親王(佢自己) - 長細佬貞愛親王 - 二細佬清棲家教 - 三細佬載仁親王 - 四細佬依仁親王