亞洲電視
「ATV」跳轉到呢度。想搵其他用法，請睇「ATV (搞清楚)」。| Asia Television Limited | |
 | |
| 類型 | 上市公司 |
|---|---|
| 開檔 | 1957年5月29號 |
| 總部地址 |  香港大埔工業邨大盛街25-37號 |
| 緊要人物 | 亞洲電視控股有限公司（投資者）[1] 黃炳均（大股東） 王征（前主要投資者） 葉家寶（前執行董事） 林百欣（永遠榮譽主席，已故） 邱德根（前董事局主席，已故） |
| 產業 | 傳媒 |
| 產品 | 本港台、國際台、亞洲台、歲月留聲等 |
| 母公司 | Antenna投資有限公司 |
| 子公司 | 亞洲電視企業有限公司 亞洲電視國際推廣有限公司 亞洲電視互聯網有限公司 亞洲電視娛樂電影有限公司 亞洲電視音樂有限公司 |
| 網址 | http://www.hkatv.com/ |
因為收視幾乎舖舖都差過無綫，所以亞視亦都經常俾人叫做「二奶台」，無綫就叫「大婆台」[註 1]。
行政長官會同行政會議喺2015年4月1號宣佈唔續牌畀亞洲電視，成為香港歷史上首間唔獲續牌嘅電視台。
除咗本地免費電視牌照之外，亞洲電視亦持有非本地電視節目服務牌照，以人造衞星將本港台嘅節目跨境播送到中國大陸，呢個牌照原定有效期至2016年5月31號[5][6]。亞洲電視亦喺廣東省有落地權，頻道包括本港台同國際台可能喺有線電視網絡播出，不過要配合德勤嘅指示令，因為亞視牌照嘅完結，而決定要提早喺4月2號凌晨0點停播，因此亞視已經成為歷史[7]。
2017年12月18號，亞洲電視數碼媒體宣佈利用OTT平台繼續以「亞洲電視」品牌廣播。2018年1月29號以開始透過手機App同OTT平台復播。有部份內容同直播A1台免費，其它節目要另外畀錢。同年4月20號，協盛協豐易名為亞洲電視控股有限公司。2022年9月7號，亞洲電視數碼媒體嘅頒發清盤，相關業務由亞視公司接回，部分則轉到同喺「亞洲心動娛樂」當中。
歷史
編輯亞洲電視原本叫「麗的映聲」，英文簡稱（RTV），1957年4月，港英政府向麗的呼聲發出執照，准許開辦有線電視[8]。同年5月29號，麗的呼聲（香港）有限公司以400萬元資本創辦嘅麗的電視台正式成立，麗的映聲不但係香港第一間電視台，更係全球華人地區第一間電視台，亦係英國所有海外殖民地中嘅首間電視台，甚至係遠東首間嘅有線電視台[9]。早期以收費有線廣播形式經營。成立之初，「麗的映聲」只有一條黑白嘅英文頻道，每日播四個鐘。1963年9月30號，麗的映聲增設中文台，以廣東話為主要廣播語言。1957年，麗的映聲首次播出香港電視史上第一部直播電視劇《俠盜羅笨漢》[10]。初期節目內容包括新聞同體育消息，首映當日嘅電視節目由香港時間晚上7點正至9點正，有晚上7點正：「開幕儀式」、晚上7點40分：「晚間新聞、天氣預報」、晚上7點50分：「香港教育」、晚上8點正：「香港電影」、晚上8點55分：「最後新聞、天氣預報」[11]。麗的映聲第一代台徽採用放射16道光芒嘅太陽，象徵電視廣播，輻射全港。1973年4月攞到無線廣播牌照，開始免費廣播，改名做「麗的電視」（英文：Rediffusion Television，簡稱麗的或者RTV）。1982年9月24號改名「亞洲電視」。
公司曾經多次易手，包括1981年3月嘅三大澳洲財團：大衛森、亨利鍾斯、CRA有限公司；1982年6月邱德根旗下遠東集團；1988年林百欣家族嘅麗新集團同埋鄭裕彤家族嘅新世界集團；1998年封小平、劉長樂（「龍維有限公司」、「聯旺有限公司」）；2002年VMH控股有限公司（Vital Media Holding & Limited）。2006年5月12號晚亞視突然宣佈[12]，引入中信集團旗下「中信國安集團公司」購買發行嘅「新股」同埋陳永棋嘅「舊股」，變相入股亞視22.22%權益，並且派兩名代表加入董事局。交易完成後陳永棋同埋劉長樂仍然係大股東，兩人合共持有亞視超過七成權益。陳永棋接受訪問嘅時候話有意將亞視上市但係未有時間表。
2009年，亞視原最大股東查懋聲引入旺中集團入主亞視，蔡衍明成為亞視最大股東，但因為佢唔係香港永久居民，所以法例規定唔可以有控股權，董事會表決權上成為少數。2010年3月，查懋聲引入中國商人王征入股亞視，藉以抗衡蔡衍明。王征嘅改革比蔡衍明更出格，解散製作部，王征堂弟盛品儒成為亞視執行董事，操控亞視，製作比之前偏離香港觀眾口味，惹嚟大量投訴。
亞洲電視現有免費電視牌照喺2015年11月30號屆滿，行政長官會同行政會議於2015年4月1號宣佈唔續牌畀亞洲電視。亞視可以提供免費電視服務多12個月，成為香港歷史上首間唔獲續牌嘅電視台。亞洲電視最多可以繼續提供免費電視服務直至2016年4月1號。而亞洲電視沿用嘅模擬廣播頻譜將會由香港電台繼承沿用[13]，而數碼廣播頻譜將由通訊事務管理局重新指配畀其他免費電視持牌機構，現時其中一部分頻譜已經指配畀已經獲發免費電視牌照嘅香港電視娛樂（ViuTV）。
亞洲電視被宣佈冇得續牌之後，出現過遲出糧嘅情況。2016年2月5號，大部份員工仍然未收到2015年12月同2016年1月嘅人工，當中部份員工決定根據《僱傭條例》嘅自動遣散條款離職，營運總裁馬熙亦喺當晚即時辭職。2016年2月6號開始亞洲電視停止製作直播新聞報道，違反本地免費電視服務牌照嘅規定。2016年2月20號開始，亞視新聞部恢復製作本港台嘅《六點鐘新聞》同《夜間新聞》。
2016年3月3號，亞視臨時清盤人德勤喺夜晚召開記者會，話亞視同新投資者司榮彬未能達成協議，對方到傍晚死線之前重未能夠有現金到手，決定喺第二朝遣散全部員工，令到亞視提早喺3月4號停播，但係具體停播時間要同工程部商議[14]。3月4號，亞視股東11點半喺亞視舉行記者會，指因為驚德勤粗暴處理清盤，冇信心放錢喺德勤指定嘅戶口，現場一直有人保顧住一個喼，喼入面有500萬現金，同埋500萬支票力證有資金可以營運落去，直至4月1號廣播結束為止[15]。之後又傳德勤預計喺3月4號傍晚6點停播，亦有員工形容已經對亞視「心死」，就算亞視請返佢，都唔會繼續做落去，又話若果投資者有錢，點解唔出糧畀員工先[16]。3月4號最終並未停播，如常喺6點繼續播新聞。2016年3月24號，亞洲電視臨時清盤人向亞視餘下嘅160名員工派發解僱信，信入面列明各員工喺4月1號之後，唔再續約，意味亞視將會喺4月2號停止運作[17]。
2016年4月1號朝早，亞視高級節目執行主任程啟光話夜晚11點59分07秒開始到12點正，亞視會播一張卡同觀眾告別後先至停播[18]，不過最終張卡都「走數」冇播到，準時12點正無晒畫面，成為亞視留畀香港觀眾嘅最後一個愚人節整蠱。
| 時間 | 地點 | |
|---|---|---|
| 香港 | 廣東 | |
| 2016年4月2號00:00 | 喺羅霖講完「特別係經濟獨立」後變藍屏，再變雪花（模擬信號）或黑屏（數碼信號）。 | 未到羅霖講到「特別係經濟獨立」時變藍底白字嘅「節目信號中斷」字樣。部分城市嘅市線，區有線屬下重喺度插播緊廣告。 |
| 2016年4月2號00:07 | 模擬信號： 出現「歡迎收看港台電視31A」嘅字樣，隨後第一句聽到嘅係主持蘇敬恆講「各位觀眾，你而家睇緊嘅係港台電視31同31A嘅同步直播，睇緊模擬頻道嘅觀眾朋友，你而家睇緊嘅係港台電視31A。」數碼信號： 部分電視畫面跳轉到翡翠台或出現「本港台不存在，要刪除嗎？」呢堆字樣，隨後嘅數碼頻道一直都冇信號。 |
部分市線（尤其係廣州同深圳）重喺度插播緊當地廣告，之後出現「節目信號中斷」字樣，但有部分廣東居民話「節目信號中斷」字樣嘅畫面整得唔好，可以睇到港台電視31A接通嘅界面同聽到港台電視31A接通嘅聲，但過咗10分鐘後消失嗮。 廣州有線珠江數碼（珠江寬頻、甜果時光）屬下嘅本港台（左）同國際台（右），停播後無耐出現嘅畫面。 |
| 2016年4月2號00:20 | 模擬信號：港台電視31A正常播出數碼信號：一直黑屏幕或冇信號 | 重係保持出現藍底白字嘅「節目信號中斷」界面，部分市線變成測色板或其它電視台嘅節目。亦有好多廣東當地觀眾打電話到廣東省廣播電視廳（廣東電視台總部）話點解本港台或國際台會停播，但客服話好多人都唔知通訊事務管理局喺2015年4月1號宣佈咗「決定亞視唔再續牌」嘅消息。《明報》話有人喺facebook發文話廣東地區播出嘅亞視信號冇嗮，無線電視亦有報道到廣州地區嘅亞視冇嗮信號。 |
| 2016年4月3號 | 出現藍底帶「本港台和國際台由於牌照到期已停播」嘅白字畫面。其中本港台位以仿宋體形式出現，國際台以宋體等字體形式出現。 | |
| 2016年4月15號 | 亞洲電視官網入唔到 港台電視31A保持正常播出 數碼信號重係一直黑屏幕 |
亞洲電視官網入唔到 部分城市或地區已經轉播其它電視台或直接變藍屏或刪台處理 |
| 2016年6月1號 | 重係維持純藍屏 部分城市或地區已經轉播其它電視台或刪台處理 | |
亞視停播後，喺香港地區，模擬電視頻譜由香港電台即刻接手，旗下港台電視31A、港台電視33A響00點05分（UTC+8）已經開始有節目播，同日朝早6點半正式啟播；1.5條數碼電視頻譜嘅其中0.5條由香港電視娛樂即刻接手，旗下ViuTV頻道凌晨已經可以搜到台，4月6號朝早6點正式啟播。但香港以外嘅地區原先收到嘅亞視兩個頻道都出現咗唔同嘅變化：
| 所屬 | 頻譜變成 | |
|---|---|---|
| 本港台位 | 國際台位 | |
| 藝華平台 （網絡電視） |
中天綜合台 | 中天國際台 |
| 羅湖有線 | —— | now香港台 |
| 湛江有線 （部份市縣） |
藍屏[註 2] | 星空衛視 |
| 江海有線 | 珠江電影頻道 | 中國中央電視台綜合頻道 |
| 新會有線 （模擬版） |
澳亞衛視 | 廣州電視台綜合頻道 |
| 汕頭有線 | 旅遊衛視（而家嘅海南衛視） | 新疆衛視 |
| 佛山有線 | 廣東影視頻道 | 浙江衛視 |
| 白雲有線 | 無限循環播白雲新聞[註 3] | 重慶電視台時尚購物頻道 |
| 番禺有線 | 中國氣象頻道 | —— |
| 羅定有線 | 中國氣象頻道 | 無限循環播羅定數字電視宣傳 |
| 乳源廣電 | 廣州電視台綜合頻道 | —— |
| 樂昌有線 | 中央電視台健康頻道 | 雜訊[註 4] |
| 茂名有線 | 茂名電視台購物頻道 | 江西衛視 |
| 陽江銀視 | 單純播劇集，01:00～07:30時段恢復藍屏。 | 單純播劇集，01:00～07:30時段恢復藍屏。 |
| 潮陽廣電 | 遼寧衛視 | 東南衛視 |
| 封開銀視 | 鳳凰衛視資訊台[註 5] | 中國中央電視台體育賽事頻道[註 5] |
| 珠江寬頻 | 好享購物頻道[註 6] | 中國教育電視台四套[註 7] |
| 甜果時光 | （已刪台） | （已刪台） |
| 梅州有線 | 遊輪旅遊頻道 | 金鷹卡通頻道 |
以上啲頻道喺廣東有線、韶關有線、東莞有線、甜果時光都出現咗刪台處理。
2016年5月2號，電視台屬下嘅海外台都停播兼官網正式關閉。而衛星牌照亦係同年同月31號到期。
股權變動
編輯亞洲電視冇喺香港上市，先後俾邱德根、鄭裕彤、林百欣同埋陳永棋等人控股營運。
2008年股權分佈
編輯- 47.58% Alnery No.112 Limited: 股東係查懋聲、查懋德、費道宜、荷蘭銀行香港。
- 10.75% Panfair Holding Limited: 汎泰集團，股東係查懋聲、查懋德。
- 26.85% Dragon Viceory Limited: 龍維公司股東係陳永棋同劉長樂等，係以前嘅大股東。
- 14.81% China Ligh Group Limited: 僑光集團嘅母公司係中國中信集團。
2010年9月股權分佈
編輯數碼同埋衛星電視
編輯| 頻道號碼（LCN） | 頻道名稱 | 頻道描述 |
| 免費頻道 | ||
| 11 | 本港台 | 同類比廣播嘅本港台同步播放。 |
| 12 | 亞洲台 | 全日24小時廣播嘅高清頻道，部份節目同本港台同步播放。 |
| 13 | 歲月留聲 | 全日24小時廣播嘅標清頻道。 |
| 15 | 中國中央電視台綜合頻道 （CCTV-1） | 同步播放中國中央電視台綜合頻道。 |
| 16 | 國際台 | 同類比廣播嘅國際台同步播放。 |
| 17 | 深圳衛視 | 同步播放中國深圳衛視嘅國際版。 |
| 國外頻道 | ||
| ─ | 本港台（美洲版） | 本港台（美洲版）係亞洲電視透過Echostar屬下嘅DISHNetwork衞星電視網絡於2002年喺北美洲廣播，為當地華人提供一條24小時廣東話衞星頻道。 |
數碼頻道（2009年4月1號前播放）
編輯合約藝員
編輯註同參考資料
編輯- 註
- ↑ 唔少文章都以二奶台稱呼亞洲電視，而亞洲電視亦廣為香港人所歧視同漠視，所以喺香港甚少會提及嗰個台嘅動向，喺鄰近地區嘅廣播界亦屬罕見[2][3][4]。
- ↑ 從2016年4月1號到2016年12月31號深夜，頻道位試過播華娛衛視。華娛宣佈停播後，畫面變成藍屏。
- ↑ 從2016年4月2號到2016年7月10號期間，頻道試過午間、晚間同夜間時段無限循環播白雲新聞。雖然從7月10號開始，頻道位改成播新疆漢語衛視，但2個月後又打回原形。
- ↑ 從2016年4月底，呢個頻道位曾經播過時代美食頻道，但頻道喺2016年10月1號宣佈停播後，樂昌有線已經調整咗佢嘅電視信號。
- ↑ 5.0 5.1 從2016年7月7號到2017年3月17號為止，封開廣電原先嘅本港台位播廣東影視頻道，國際台位播浙江衛視。
- ↑ 有部分珠江寬頻嘅機頂盒收唔到呢個頻道。
- ↑ 頻道喺停播期間一直都係藍屏直到2016年11月12號變成黑屏，隨後喺2016年11月28號晏晝出現測色板帶「試機」兩個字，當晚18:00出現新嘅頻道（花城頻道）開播現象。花城頻道開播之後一直喺前半夜先至有節目直到2017年8月6號深夜播完《看在花城》之後正式宣佈停播。花城頻道停播後一直都黑屏，直到2020年6月8號因發展網課事業而接入咗中國教育電視台四套嘅節目。
- 參考資料
- ↑ 〈存档副本〉。原著喺2015年10月4號歸檔。喺2016年1月2號搵到。
- ↑ 〈雅虎香港搜尋〉 (繁體中文)。喺2008-04-05搵到。
{{cite web}}: CS1 maint: url-status (link) - ↑ 郭繾澂 (2007-06-09)。〈亞視能否以劇集勝無綫？〉 (香港中文)。明報。原著喺2007-09-18歸檔。喺2008-04-05搵到。
- ↑ 李重言。〈電視原聲：麗的亞視半世紀的精彩 (電視劇原聲大碟) (3CD + Bonus DVD)〉 (香港中文)。yesasia.com。喺2008-04-05搵到。
{{cite web}}: CS1 maint: url-status (link) - ↑ 〈亞視獲准持有非本地電視節目服務牌照〉 (繁體中文)。香港政府資訊中心。2004年5月25號。原著喺2016年9月27號歸檔。喺2016年3月30號搵到。
- ↑ "Non-domestic Television Programme Service Licence" (PDF). Broadcasting Authority. 2004-05-25. 原著 (PDF)喺2015-12-31歸檔. 喺2016-03-08搵到.
- ↑ 〈德勤派信通知亞視員工 最後工作日為4月1號〉。蘋果日報 (香港)。2016-03-24。原著喺2016-03-27歸檔。喺2016-03-24搵到。
- ↑ 〈廣播穿梭75年 -- 廣播道〉 (繁體中文)。RTHK。原著喺2016-03-04歸檔。喺2008-04-15搵到。
{{cite web}}: Unknown parameter|dead-url=ignored (|url-status=suggested) (help) - ↑ 葉靖斯。〈新聞背景：過不了60大壽的香港亞洲電視〉。BBC。原著喺2021-01-18歸檔。喺2016-04-01搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈廣播穿梭75年 -- 麗的映聲〉。原著喺2016年3月4號歸檔。喺2016年3月31號搵到。
- ↑ 香港《大公報》，第二張；第五版
- ↑ 〈宣佈〉。原著喺2007年3月11號歸檔。喺2006年5月14號搵到。
- ↑ 蘇錦樑：亞視牌照不獲續期可服務至明年4月1日
- ↑ 〈【亞視熄機】德勤：明早遣散所有員工兼停播〉。蘋果日報 (香港)。2016-03-03。原著喺2016-03-04歸檔。喺2016-03-03搵到。
- ↑ 〈【斥德勤粗暴要求「飄雪花」】亞視晒500萬現金及500萬支票 力證有資金〉。蘋果日報 (香港)。2016-03-04。原著喺2016-03-05歸檔。喺2016-03-04搵到。
- ↑ 〈有亞視員工引述消息指德勤會於六時「收台」〉。商業電台。2016-03-04。原著喺2016-09-27歸檔。喺2016-03-04搵到。
- ↑ 〈亞視下月真‧玩完 清盤人派信解僱160員工〉。on.cc。2016-03-24。原著喺2016-03-24歸檔。喺2016-03-24搵到。
- ↑ 亞視在今晚11時59分07秒將有一張咭出現畫面告別
- [1]，頭條日報，2010年9月11號
- 2002年06月13號，亞洲電視股權
- 大公報: 亞視數度易主，2008年查氏家族接手