湯

湯（英文：Soup）係主要成分係流質或半流質菜肴嘢食嘅總稱。同其他菜肴嘅區分並唔係好明確。一般習慣上將液體成分佔主導地位嘅叫做湯，唔佔主體成分嘅叫做炖菜，或按製作、食用形式叫做砂鍋、湯麵等。

西湯

中湯

落咗紅蘿蔔嘅蕃茄薯仔湯

作用

大量水分同長時間嘅烹調令湯混合咗好多滋味同香味成分。由調味唔同，湯可以有開胃、正菜、補充水分、解膩等功效。本身味道好淡嘅食品好似豆腐、米粉、魚翅多數配鮮湯一齊食。

一啲唔適合直接食用嘅下腳料通過湯，特別係熬製清湯，被充分利用。例如北京烤鴨最尾經常配有用鴨骨架製嘅湯。

中國菜飲湯可以喺食飯過程嘅任何時間，西餐就喺一開頭，開胃菜之後上湯。日本同朝鮮半島就係一路食飯一邊飲湯。

分類

多數湯調味係鹹味，甜味叫糖水，個別唔調味（例如米湯）。多數係趁熱食，西班牙凍湯、一啲羅宋湯等係雪凍後食。

從用料上分有肉湯（包括獸肉和禽肉）、海鮮湯、素湯。

從口感上有清湯、含固體懸浮物質很多嘅濃湯，乳白色嘅奶湯等。歐洲菜肴中嘅奶湯多使用牛奶或鮮忌廉，中國菜叫做奶湯嘅唔用乳製品，而係喺其他動物性材料中提取出懸浮脂肪顆粒造成乳濁狀。

喺中國廣州，將煮咗好耐嘅湯叫做「老火湯」。老火湯通常被人認為有較高嘅營養成份。

湯嘅濃稠調節

湯嘅粘度通常高過水，口感稠厚。可以令湯更加粘稠嘅成日見成分有：

• 固體懸浮物，例如雞蛋花、打成漿狀嘅蔬菜。
• 懸浮脂肪顆粒，例如奶湯。
• 澱粉，例如薯仔、蕎麥、稻米。
• 蛋白質特別係膠原蛋白，例如高湯成日用一定量嘅骨頭、皮、蹄等炖煮而成。

世界各地嘅湯

亞洲

• 中國大陸：雞湯
  • 上海：老鴨粉絲湯、油豆腐粉絲湯
  • 四川：酸辣湯
  • 廣東：碗仔翅、紫菜湯、老火湯（例如：清補涼、青紅蘿蔔瘦肉湯）、蕃茄薯仔湯
  • 福建：佛跳墻

• 台灣：貢丸湯、四神湯、豬血湯、當歸湯、康寶濃湯（日本味之素公司產品）、 麻油雞
• 日本：麪豉湯、豬肉湯、吸物（吸い物、すまし汁）、卷纖湯（けんちん汁）

• 朝鮮半島：牛肋骨湯、人蔘雞湯、海帶湯、木魚蛋花湯
• 泰國：冬蔭功湯、椰汁雞湯
• 印度：咖喱肉湯

歐洲

忌廉蘑菇湯

• 法國：馬賽魚湯
• 西班牙：西班牙凍湯
• 俄羅斯：羅宋湯

美洲

• 美國：周打蜆湯、金寶湯（罐頭湯品牌）丶忌廉雞湯、忌廉粟米湯、忌廉龍蝦湯、周打蜆湯、周打魚湯、周打海鮮湯、雜菜湯、牛尾湯、蘆筍湯、番茄湯、雞茸蘑菇湯、墨西哥豆湯、忌廉龍蝦湯、酥皮龍蝦湯、酥皮海鮮湯、忌廉西蘭花湯、番茄海鮮湯