哈利·波特 (角色)

(由哈利仔跳轉過嚟)

哈利·波特英文Harry Potter),係英國作家J·K·羅琳嘅同名奇幻小說《哈利波特》系列嘅主角,係一個虛構嘅人物。故事講述哈利喺父母被佛地魔殺死之後成為咗孤兒,11歲嘅時候終於知道父母死亡嘅真相,同埋佢自己嘅身份。整個系列嘅主線集中喺哈利响巫師世界中文哈利波特世界觀與設定嘅冒險,以及佢逐步擊敗佛地魔嘅過程,當中涵蓋咗佢喺霍格華茲七年嚟嘅學習生活。

哈利·詹姆·波特
Harry James Potter
丹尼爾·域卡夫喺《哈利波特》系列入面飾演嘅哈利·波特。
首次出場哈利波特:神秘的魔法石
尾次出場哈利波特:被詛咒的孩子
作者J·K·羅琳
扮演丹尼爾·域卡夫電影
傑米·帕克(舞台劇)
配音香港 張裕里粤語配音
詳細信息
性別男性
家庭
配偶金妮·衛斯理
仔女詹姆·天狼星·波特(大仔)
阿不思·賽佛勒斯·波特(細仔)
莉莉·露娜·波特(細女)
親戚
國籍英國

在2011年,《帝國雜誌中文帝國雜誌》將哈利評為「有史以來最偉大的電影角色」嘅第36位,喺2018年則係第67位[1][2]

創作理念 編輯

根據J·K·羅琳嘅講法,《哈利波特》小說仲有佢嘅同名角色嘅構想係從1990年等緊由英國曼徹斯特開去倫敦延誤咗嘅火車果陣產生嘅。佢表示自己嘅想法是「呢個骨瘦如柴、黑髮、戴眼鏡嘅男仔,佢唔知道自己是一個巫師,呢個對我嚟講變得越來越真實[3]。」在為佢嘅小說制訂構思嘅同時,佢仲決定俾哈利成為喺霍格華兹寄宿學校讀書嘅孤兒。她喺1999年接受《衛報》嘅訪問入面解釋話:「哈利無得唔係一個孤兒—咁樣佢先能夠成為唔洗擔心讓佢父母失望嘅自由身...而霍格華兹一定要係一間寄宿學校—有一半嘅重要事會喺夜晚發生!果樣就係安全感。有咗自己嘅仔女強化咗我嘅信念,細路仔最需要安全感,而呢個正係霍格華兹能夠俾到哈利嘅嘢[4]。」

J·K·羅琳嘅阿媽喺1990年12月30號過身,呢個啟發咗佢將哈利寫成一個渴望同死咗嘅父母見面嘅一個男仔,佢內心所隱藏嘅極度痛苦感比起較早時期嘅草稿變得「更深入同更真實」,因為呢啲事都同佢自己相關[3]。喺2000年接受《衛報》採訪果時,羅琳仲用特倫斯·韓伯瑞·懷特中文特倫斯·韓伯瑞·懷特嘅小說《永恆之王中文永恆之王》中亞瑟王嘅角色嚟確立咗哈利的「精神上的祖先」[5]。最後,她將哈利嘅生日定喺同佢自己相同嘅7月31號,但係佢堅持認為哈利並非直接基於任何現實生活中嘅人而寫:「佢只係啱啱喺我嘅一部分入面行出嚟嘅[6]。」羅琳還堅持認為哈利係一個適合成為細路仔喺現實生活中嘅榜樣,「呢種虛構嘅英雄/女主角嘅優勢在於,你可以比了解一個活生生嘅英雄更了解佢哋,當中好多人你永遠都唔會遇見...... 如果啲人鍾意哈利又清晰咁辨認出係佢,我會因此而覺得好高興,因為我認為佢係好得人鍾意嘅細路[7]。」

身世 編輯

哈利·詹姆·波特喺1980年7月31號出世[8],佢係純血巫師詹姆·波特麻瓜出身中文哈利波特中的世界觀與設定#麻瓜出身女巫莉莉·波特個仔。雖然哈利係波特家族嘅人,但因為佢阿爸係獨子,哈利好細個果陣無咗父母所以成為咗孤兒。後來佢住喺姨媽姨丈嘅屋企—德思禮家,由細到大都受到佢哋刻薄嘅對待。根據《哈利波特:神秘的魔法石》入面所講,哈利最初係住喺樓梯底下嘅一個碗櫥櫃裡面,後來先至搬到德思禮家二樓嘅細房間裡面。雖然哈利可以忍受他們嘅對待,但就唔能夠忍受父母被人污衊。

喺哈利嘅11歲生日當日,他喺霍格華茲鑰匙管理員魯霸·海格手上接到鄧不利多發出嘅入學通知書,佢果陣先至知道入學霍格華茲嘅事,仲喺海格口中得知自己係一個巫師。自此佢就喺霍格華茲魔法與巫術學院讀書,仲喺校長阿不思·鄧不利多同其他老師嘅指導下學習使用魔法,期間更認識咗榮恩·衛斯理妙麗·格蘭傑仲成為咗摯友。哈利仲發現自己喺魔法世界聲名鵲起,佢嘅命運仲同佛地魔息息相關──那個喺巫師世界人人懼怕嘅黑巫師兼殺死哈利父母詹姆·波特及莉莉·波特嘅兇手,而哈利成為咗唯一倖存嘅男仔。

當哈利發現自己同佛地魔嘅命運係「兩者必有一人敗在另一人手中」之後,就跟隨鄧不利多嘅教導點樣對抗佛地魔,但就俾佛地魔操控嘅魔法部通緝成為「頭號唔受歡迎人物Undesirable No.1」。最後哈利喺摧毀大部分分靈體之後先至知道黑魔王其中一個分靈體居然喺自己身上。哈利喺第七輯果陣時喺阿波佛·鄧不利多中文阿波佛·鄧不利多嘅幫助同奈威·隆巴頓嘅接應下返到霍格華茲,佢得到眾多師生支持並打敗佛地魔,徹底終結這場跨越兩代的正邪大戰。

大戰落幕咗19年之後,哈利同榮恩阿妹金妮·衛斯理結咗婚組織家庭,生咗大仔詹姆·天狼星·波特、細仔阿不思·賽佛勒斯·波特中文哈利波特角色列表#十九年後的孩子,仲有細女莉莉·露娜·波特中文哈利波特角色列表#十九年後的孩子

外表 編輯

 
哈利·波特

小說形容哈利有好似佢老豆一樣永遠好凌亂嘅黑髮,同埋好似佢阿媽一樣嘅明亮綠色眼睛,佢前額上面有一條閃電形狀嘅疤痕。當羅琳俾人問到閃電疤痕嘅意義果陣,佢話:「我希望佢嘅身體能夠標記住佢自己所經歷過嘅事,呢個係佢內心所經歷嘅外在表現嘅一種表達方式...喺某種意義上嚟講,呢個幾乎就好似『被選中的人』或係『被詛咒的人』。」羅琳仲表示,哈利繼承咗佢父母嘅外表[9]。哈利喺系列嘅後半部分長高咗,雖然佢嘅身高唔比其他人高,但據講喺第七輯小說入面,佢嘅身高同佢老豆「相若」[10]

羅琳解釋話,當佢第一次諗到哈利·波特果陣,哈利嘅形象就浮現喺佢嘅腦海入面,佢認為哈利係個「好似條柴咁瘦、黑髮、戴眼鏡嘅男仔」[3]。佢認為哈利嘅眼鏡係佢容易俾人攻擊嘅線索[11]

性格 編輯

根據羅琳嘅講法,哈利憑住自己嘅良知作強烈引導,同埋對於啱同錯有一種敏銳嘅觸覺。羅琳話,「接觸真正有愛心嘅成年人嘅機會非常有限」,而「對於咁樣一個年輕人,哈利被迫做自己嘅選擇[12]」。佢承認「哈利都會犯錯」,但最終佢都做咗良知話佢知要做嘅嘢。根據羅琳嘅講法,哈利嘅關鍵場景之一出現喺第四輯小說入面,當時佢要保護已經死咗嘅學長—西追·迪哥里嘅遺體唔會再受到佛地魔嘅傷害,仲搏命依照佢嘅遺願帶佢返去,表現出哈利嘅勇敢同無私[13]

羅琳講過哈利嘅性格缺陷包括咗唔守規則、容易嬲同衝動;但佢又承認哈利係個天性正直高尚嘅人[14][15][16],「他唔係一個殘忍嘅男仔。佢係一個好有競爭力嘅鬥士。佢唔會躺平嚟受虐。但係佢確實有天生嘅正直,呢樣嘢令到佢成為咗我心目中嘅英雄。佢係一個普通嘅男仔,但擁有我哋大多數人真正欽佩嘅品格[17]。」喺大多數情況下,哈利都表現出一啲都唔自誇嘅謙虛,仲成日淡化自己嘅成就;就算喺第五輯小說嘅早期用一連串嘅冒險經歷嚟作為佢成熟嘅例子。不過,呢啲同樣嘅成就後來用嚟解釋點解佢應該去領導鄧不利多的軍隊,哈利喺呢一點上只係話佢哋好彩,仲唔覺得自己配得上咁多人所俾佢嘅權威。

喺第七輯小說之後,羅琳評價話,哈利擁有咗佢角色性格上堅強得最極致嘅嘢——甚至連佛地魔都無嘅終極性格力量:接受死亡嘅必然性。

能力 編輯

飛行 編輯

哈利騎住飛天掃把中文哈利波特中的魔法物品#飛天掃把飛行嘅能力好勁。喺《神秘的魔法石》入面,哈利喺一年級就攞到魁地奇中文魁地奇搜捕手嘅資格,成為百年來年紀最細嘅搜捕手。喺後續嘅集數入面,哈利四年級果陣喺掃帚上同龍對決,又喺六年級做咗魁地奇球隊嘅隊長。

黑魔法防禦術與決鬥 編輯

在《哈利波特》系列入面,哈利係少數唔是黑巫師但又精通各種黑魔法黑魔法防禦術中文黑魔法防禦術嘅巫師。哈利對黑魔法防禦術好有天份。佢喺三年級果陣,哈利施展到高階嘅護法咒中文哈利波特世界觀與設定#護法咒;喺《哈利波特:鳳凰會的密令》入面,佢喺鄧不利多的軍隊入面教同學甚至係學長用黑魔法防禦術嚟對抗黑魔法。學期尾,他喺普等試O.W.L.s裡面嘅黑魔法防禦術攞到傑出成績O嘅評級。哈利喺決鬥方面都好擅長。喺《鳳凰會的密令》入面,哈利同鄧不利多的軍隊成員喺魔法部神秘部門同食死人嘅戰鬥入面,佢係唯一無受傷又無喪失行動能力嘅成員;喺《哈利波特:死神的聖物1》開頭,哈利飛去洞穴屋中文哈利波特中的地點#洞穴屋嘅藏身處果陣,擊退咗無數嘅食死人

爬說語 編輯

哈利講得出仲理解到一種有關黑魔法嘅語言—「爬說嘴中文哈利波特中的魔法符咒#爬說語Parseltongue」。呢個係精通黑魔法嘅巫師,尤其係薩拉札·史萊哲林中文薩拉札·史萊哲林本人同埋佢嘅家族後裔中文史萊哲林先至有嘅特殊技能,呢個能力代代相傳去到佛地魔身上。根據《哈利波特:死神的聖物》,喺佛地魔要殺咗哈利果陣,哈利嘅阿媽莉莉用佢身體擋喺哈利前面,咁樣就施展咗極強大嘅保護咒,呢個係一種古老嘅魔法,結果佛地魔因為咒語反彈而解體,佢嘅靈魂碎片就好快咁依附喺現場唯一嘅生命體—即係哈利身上[18],造成咗哈利額頭上嘅閃電型疤痕,仲無意中令到哈利成為咗佛地魔嘅第七個分靈體。呢個就係哈利有「爬說嘴」同埋能夠同蛇講「爬說語(蛇話)」嘅原因。

魔杖 編輯

哈利喺奧利凡德魔杖店中文哈利波特中的地點#奧利凡德魔杖店果度買嘅魔杖係一支11英吋長嘅冬青木同鳳凰尾羽毛魔杖。哈利同佛地魔嘅魔杖杖芯都係喺同一隻鳳凰—亦都係鄧不利多喺校長辦公室裏面所養嘅佛客使中文哈利波特中的生物#佛客使,因為咁所以奧利凡德喺賣出咗哈利支魔杖之後就即刻通報鄧不利多有關佛地魔同哈利魔杖之間嘅連繫。

哈利波特:火盃的考驗》裡面,喺哈利同佛地魔對戰期間,由於佢哋兩個嘅魔杖好似孖生兄弟咁存在,所以喺佢哋對戰期間意外產生咗符咒倒轉效應中文哈利波特中的魔法符咒#符咒倒轉,呢樣令到無幾耐之前死喺佛地魔魔杖下嘅人,好似係西追·迪哥里、瑞斗府嘅老僕人同哈利嘅父母因為咁而出現返,呢個關鍵後來仲解釋咗點解佛地魔嘅紫杉木魔杖無辦法用嚟打敗哈利嘅冬青木魔杖,又唔能夠互相殘殺。隨着佛客使喺《哈利波特:混血王子的背叛》就嚟完果陣跟住鄧不利多過身[19],能夠同佛地魔嘅紫杉木魔杖匹敵嘅,就只有哈利嘅冬青木魔杖。

哈利嘅冬青木魔杖後嚟喺《哈利波特:死神的聖物1》果陣唔小心整斷咗。喺哈利支魔杖斷咗果陣,佢都只能夠暫時用住妙麗的魔杖或係榮恩喺「死拿錢」手上搶返嚟嘅黑刺李魔杖。後來,哈利喺馬份莊園中文哈利波特中的地點#馬份莊園跩哥·馬份支山楂木魔杖嘅忠誠攞走咗,接骨木魔杖中文死神聖物#接骨木魔杖喺果時都效忠於哈利。

哈利喺小說同電影嘅尾聲消滅咗佛地魔,得到咗接骨木魔杖嘅擁有權,但係哈利修復咗自己嘅冬青木魔杖,佢就將果支魔杖歸還返去鄧不利多嘅墓地;《哈利波特:死神的聖物2》電影版入面,哈利就親手將接骨木魔杖摧毀,然後丟落去到霍格華茲廢墟嘅谷底以絕後患。

資產 編輯

哈利喺小說同電影裡面擁有一隻個名叫嘿美中文哈利波特中的生物#嘿美雪鴞,係魯霸·海格送俾佢嘅11歲生日禮物。小說入面大部分章節都有提到嘿美,佢亦都用嚟傳遞或接收信息同包裹。嘿美後來喺在《死神的聖物》入面受到食死人嘅詛咒殺死咗;電影版就係為咗保護哈利而犧牲。

哈利繼承咗佢老豆嘅兩樣珍貴物品:一件係劫盜地圖,它可以顯示到霍格華茲嘅設施、場地同和實時邊個喺度;另一件係鄧不利多交俾佢嘅隱形斗篷中文哈利波特中的魔法物品#隱形斗篷,呢件嘢證明咗哈利同皮福雷家族之間嘅血緣關係。

哈利有兩把靚嘅飛天掃把中文哈利波特中的魔法物品#飛天掃帚,一把係麥教授送嘅光輪2000Nimbus 2000,另一把就係天狼星·布萊克送嘅火閃電Firebolt

族譜 編輯

根據《吟遊詩人皮陀故事集》,皮福雷三兄弟入面嘅大佬安提歐·皮福雷Antioch Peverell,因為得到咗接骨木魔杖之後無幾耐俾人殺咗,所以佢無後代;而皮福雷三兄弟入面嘅二佬卡德馬‧皮福雷Cadmus Peverell,佢嘅後裔就係佛地魔嘅娘家-岡特家族The Gaunts,由於岡特家族繼承咗薩拉札·史萊哲林中文薩拉札·史萊哲林嘅血緣,佛地魔就係因為咁同時都係史萊哲林嘅後代;哈利嘅父系家族-波特家族Potter,係皮福雷三兄弟入面嘅細佬—伊諾特·皮福雷Ignotus Peverell嘅後裔,呢個證據就係由伊諾特傳承俾佢子嗣嘅隱形斗篷中文哈利波特中的魔法物品#隱形斗篷,而哈利嘅果件隱形斗篷係嚟自佢老豆-詹姆·波特,果件隱形斗篷嘅特性係唔會因時間而失效亦唔會撕裂。就係因為咁,哈利·波特同佛地魔都係源自共同嘅祖先—皮福雷三兄弟嘅老豆。

雖然史萊哲林同葛來分多都係嚟自同一時代嘅人物,但係羅琳後來喺訪問入面明確咁證實咗哈利同史萊哲林之間一啲關係都無,但係哈利亦都唔係葛來分多嘅後代。

伊諾特死咗之後葬咗喺哈利嘅出生地-高錐客洞中文哈利波特中的地點#高錐客洞,呢個城鎮都係因為高錐客·葛來分多中文高錐客·葛來分多嘅故鄉而得名。


 
 
 
 
 
 
 
 
 
 
 
 
 
 
 
皮福雷家族
(波特家族嘅巫師遠祖)
 
 
 
 
 
薩拉扎·史萊哲林
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
德思禮夫婦
(威農姨丈嘅麻瓜祖先)
 
 
 
 
 
伊凡家族
(哈利嘅麻瓜外祖)
 
 
皮福雷家族
(波特家族嘅巫師祖先)
 
 
 
 
 
岡特家族
(佛地魔嘅遠祖)
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
德思禮夫婦
(佩妮姨媽嘅夫家)
 
 
 
 
 
伊凡夫婦
(哈利外公外婆)
 
 
波特夫婦
(哈利阿爺阿嫲)
 
 
 
 
 
湯姆·瑞斗嘅父母
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
瑪姬·德思禮中文德思禮一家
(威農姨丈家姐)
 
威農·德思禮中文德思禮一家
(哈利姨丈)
 
佩妮·德思禮中文德思禮一家
(哈利姨媽)
 
莉莉·伊凡
(哈利阿媽)
 
詹姆·波特
(哈利阿爸)
 
 
亞瑟·衛斯理中文亞瑟·衛斯理
(哈利外父)
 
茉莉·衛斯理中文茉莉·衛斯理
(哈利外母)
 
 
湯姆·瑞斗
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
達力·德思禮中文德思禮一家
(哈利表哥)
 
 
 
 
 
哈利·波特
 
金妮·衛斯理
(哈利老婆)
 
 
 
 
 
金妮·衛斯理
其餘嘅五個阿哥
(參見:衛斯理家族中文衛斯理家族
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
詹姆·天狼星·波特
(大仔)
 
阿不思·賽佛勒斯·波特
(細仔)
 
莉莉·露娜·波特
(細女)
 
 
 

在小說入面,哈利·波特係詹姆·波特莉莉·波特嘅獨生仔,佢喺仲係手抱咁大果陣已經係孤兒。羅琳喺第一輯小說嘅早期草稿裡面已經將哈利設定做孤兒,佢認為孤兒呢個設定係最有趣嘅寫作題材[4]。不過喺佢本人嘅阿媽過身之後,羅琳就將自己嘅痛苦融入其中,將哈利形容為一個渴望再次見到佢死咗父母嘅細路。雖然哈利嘅父母都係有魔法技能嘅巫師女巫,但因為詹姆係純血中文哈利波特世界觀與設定#純血巫師,而莉莉係麻瓜出身中文哈利波特世界觀與設定#麻瓜出身嘅女巫,因為咁所以哈利喺果個系列裡面被列為混血巫師。

由於哈利嘅姨媽同姨丈一家都係麻瓜,佢哋抗拒喺魔法世界存在嘅關係,搞到佢哋要同哈利隱瞞佢父母嘅死亡真相,淨係向哈利講大話指佢哋兩個死喺車禍入面[3]。詹姆·波特係《吟遊詩人皮陀故事集》裡面《三兄弟故事》中嘅老三—死神的聖物中文哈利波特中的魔法物品#死神的聖物嘅原始擁有人—伊諾特·皮福雷Ignotus Peverell嘅後裔,哈利當然亦都係,佢後來喺最後一輯小說入面實現繼承咗呢件聖物。

喺小說嘅最後,佢哋嘅故事透過哈利同金妮·衛斯理嘅三個仔女繼續傳承落去:詹姆·天狼星·波特(佢個名來自哈利嘅阿爸同契爺)、阿不思·賽佛勒斯·波特(佢個名來自霍格華兹嘅兩位已故校長)、莉莉·露娜·波特(哈利用嚟紀念佢阿媽同路平,路平嘅綽號係月影,而露娜「Luna」喺法語入面都有月亮嘅意思,同時呢個又係哈利同金妮嘅好友露娜·羅古德嘅名)。

2015年9月,羅琳喺《Pottermore中文Pottermore》網站上發表嘅一篇原創文章入面,她更詳細咁講咗有關波特家族嘅歷史:果個係喺12世紀嘅巫師—「斯廷奇庫姆嘅林弗雷德Linfred of Stinchcombe」做開始,佢係「一個深受當地人愛戴嘅古怪男人,佢嘅暱稱係『陶匠嘅人the Potterer』,隨著時間嘅演變而成為咗『波特Potter』呢個姓氏。」林弗雷德係多種療法嘅發明者,呢啲藥物演變成現代仲喺度用緊嘅魔藥,包括生骨藥Skele-Gro同埋提神劑Pepperup。呢啲成功嘅產品令林弗雷德得到嘅收入構成咗佢哋家族財富嘅基礎,呢啲財富隨著幾代人嘅努力而不斷累積同增長。林弗雷德嘅大仔哈德溫Hardwin娶咗伊諾特·皮福雷嘅孫女—來自高錐客洞又靚又後生嘅女巫—伊奧蘭瑟·皮福雷Iolanthe Peverell,波特一家就係咁樣將伊諾特·皮福雷嘅隱形斗篷(死神的聖物)代代相傳。

哈利·波特嘅兩個祖先—拉爾斯頓·波特Ralston Potter亨利·波特Henry Potter曾列席喺巫審加瑪中文魔法部#巫審加碼行政單位,拉爾斯頓係1612年-1652年嘅成員,佢仲係《保密法》嘅熱心支持者;亨利·波特,同佢最親近嘅人都會叫佢做「哈利」,佢係哈德溫同埋伊奧蘭瑟嘅直系後裔,亦都係哈利·波特嘅太爺。亨利喺1913年-1921年喺巫審加瑪入面服務,仲喺公開譴責當時嘅魔法部部長阿切爾·埃弗蒙德Archer Evermonde唔俾魔法界喺第一次世界大戰果陣幫助麻瓜,引起咗一場小爭議。

亨利·波特嘅仔—弗利蒙·波特Fleamont Potter,為咗滿足佢阿嫲(亨利阿媽)繼承佢個姓氏嘅遺願,他用阿嫲嘅姓氏嚟做自己個名,當其他人嘲笑佢個名果陣,佢因為咁就喺霍格華茲嘅決鬥入面贏得咗聲譽。弗利蒙透過創造神奇嘅速順滑髮劑Sleekeazy's Hair Potion令到家族嘅財富翻咗兩番,並以巨額利潤喺佢退休果陣將佢間公司賣咗出去。年紀大嘅弗利蒙同佢老婆尤菲米婭Euphemia喺放棄生仔嘅希望果陣有咗佢哋嘅獨生仔—詹姆·波特,老來得子嘅佢哋後來都能夠喺在生果陣見證到詹姆同麻瓜出身嘅莉莉·伊凡結婚,詹姆同莉莉喺婚後生咗佢哋兩個嘅獨生仔—哈利·波特。弗利蒙與尤菲米婭最後因為高齡而死於龍痘呢個病,佢哋兩個點都無機會同佢哋果個好出名嘅孫仔見面[20][21]

迴響及評價 編輯

 
位於倫敦李斯特廣場嘅哈利·波特騎住光輪2000中文魁地奇嘅雕像。

2002年,哈利·波特被《圖書》雜誌評為「百大最佳虛構人物」中嘅第85位[22],仲喺英國嘅第4頻道中文第四台 (英國)節目《我哋又愛又恨嘅100個最差嘅英國人》當中排名第35位[23]。《娛樂週刊中文娛樂週刊》喺佢嘅2010年《過去20年裡最偉大的100個角色》名單中,哈利·波特排名第二位,仲講到「喺我哋跳去小說嘅最後一頁同埋睇咗最後嘅片尾字幕好耐之後,我哋仍然覺得哈利就好似我哋識得嘅人。呢個就係佢最神奇嘅地方[24]」。《UGO網絡英文UGO Networks》將哈利列做佢哋有史以來最好嘅英雄之一,佢哋指「對於果啲經常受壓抑同被踐踏嘅年輕男女粉絲嚟講,哈利成為咗英雄,佢哋終於擁有了一個受到人哋尊重同崇敬嘅偶像,唔再係鄙視著住長袍同揮舞住魔杖嘅傻仔飼料[25]。」《帝國雜誌中文帝國雜誌》將飾演哈利·波特嘅丹尼爾·域卡夫選做2008年「有史以來最偉大嘅百大電影角色」名單入面排名第36位[26]。《IGN中文IGN》話哈利·波特係佢哋最鍾意嘅《哈利波特》入面嘅角色,並話佢係「富有同情心嘅人物」,並喺回應佢同佛地魔嘅戰鬥果陣講「每個人都鍾意善與惡嘅弱者故仔[27]」。

另一方面,哈利·波特都受到批評。埃德·鮑爾Ed Power喺《愛爾蘭時報中文愛爾蘭時報》入面寫:「相比之下,波特係一個救世主嘅小天使,由一開始就話佢知佢好特別。佢仲無贏得出嘅屬性...他被無休止咁奉承住。因此,哈利係終極『特別嘅一個』—喺佢攞到有任何成就之前就俾人叫做成績超出預期水平嘅人。...對於波特,(羅琳)鼓勵未成年讀者認同一個與眾不同嘅年輕人,呢個僅僅只係因為作者堅持認為係咁樣。無論係點,你都係非凡嘅。呢個就係我想俾我嘅仔女傳遞嘅觀點呀[28]?」作者蘭娜·馬歇爾Lannah Marshall都批評呢個角色,佢話:「我大多數時候聽到關於哈利·波特嘅消息係,佢係一個平淡無奇嘅角色。對呢樣嘢嘅辯護包括佢係個『觀眾代理人』,或者我所講嘅『傀儡主角』。傀儡主角係一個平淡、有限人格嘅主角,俾觀眾能夠走入去角色,發揮想像力嚟填補其餘部分。年輕人入面第一人稱敘述嘅流行只係增加咗傀儡主角嘅潮流;引入幾百條無癮同成日唔記得嘅線索融入到得意同複雜嘅故事入面,俾讀者感受到成為故事嘅一部分。就好似我哋要返到去《自我歷險叢書中文惊险岔路口》入面第二人稱嘅恐怖[29]。」

就算一啲基督教基要主義中文基督教基要主義者反擊批評羅琳喺果個系列入面用巫術同魔法[30],但係其他基督教評論家,當中包括約翰·基林格牧師Rev. John Killinger在內,佢哋都認為波特是果個系列裡面嘅基督人物。基林格喺2002年評論話:「J·K·羅琳寫咗21世紀嘅基督故事,她喺全球內得到咁出色嘅追隨者,咁樣真係太好喇。」佢注意到波特角色喺《神秘的魔法石》同《消失的密室》中有幾個對耶穌嘅典故[31],羅琳本人後來都承認,福音故事啟發了《哈利波特》嘅故事,尤其是佢喺《死神的聖物》入面嘅終極犧牲,以及喺徹底擊敗佛地魔之前嘅明顯死亡[32]

2006年,羅琳喺度寫緊《哈利波特》嘅最後一輯《哈利波特:死神的聖物》果陣,美國作家史蒂芬·金中文史蒂芬·金約翰·艾文中文約翰·艾文都表示關注哈利·波特嘅最終命運,仲請羅琳唔好寫死哈利。史蒂芬·金話唔希望哈利·波特同福爾摩斯一樣經歷「萊辛巴赫瀑布中文萊辛巴赫瀑布」事件(柯南·道爾中文柯南·道爾安排角色福爾摩斯死喺萊辛巴赫瀑布,但就引起一大班讀者不滿,佢唯有俾福爾摩斯重新返嚟)。羅琳就回應話:「史蒂芬·金同艾文喺佢哋嘅作品入面安排角色死嘅次數仲多過我自己嘅作品[33][34]」。

演員 編輯

在2001年-2011年上映嘅八輯《哈利波特系列》電影入面,哈利·波特嘅角色一直都係由英國演員丹尼爾·域卡夫飾演。

2000年,電影製片人大衛·海曼中文大衛·海曼喺正喺倫敦睇一齣叫《在他口袋裡的石頭英文Stones in His Pockets》嘅舞台劇果陣,當時佢要求域卡夫為哈利嘅角色進行試鏡[35][36]丹尼爾·域卡夫喺2007年接受《MTV》嘅採訪果陣講,哈利對佢嚟講係個典型嘅成年禮中文成年禮角色:「呢個就係電影對我嘅意義—無咗純真,從一個對周圍世界充滿敬畏嘅細路開始,去到一個喺世界結束果時變得更加頑強嘅人[37]」。佢仲話,對佢嚟講,影響哈利心理嘅重要因素係關於佢已故父母嘅倖存者內疚中文倖存者內疚感,以及佢果種揮之不去嘅孤獨感。正因為咁樣,域卡夫同一位喪親輔導員英文Grief counseling傾計嚟幫佢為呢個角色做準備[37]。域卡夫被引用話佢想哈利喺小說入面死咗,但他澄清話自己「無辦法想像任何可以得出結論嘅其他方式[37]」。喺睇咗最後一輯小說之後,哈利同佢班朋友確實無死到悻存落嚟仲有埋仔女,域卡夫話佢對結局覺得開心,仲讚羅琳故事嘅結尾[38]。域卡夫話,他俾人問得最多嘅問題是《哈利波特》點樣影響咗佢自己嘅生活,佢成日都答呢個問題係「好好」,佢唔覺得呢個角色被歸類,佢反而會睇飾演哈利為一項好大嘅特權[39]

流行文化 編輯

  • 巫師搖滾係一項始於2002年嘅音樂運動,由至少200個年輕音樂人組成嘅樂隊組成,演奏有關哈利波特嘅歌曲[40][41]。呢場運動以樂隊哈利與波特氏喺麻省開始,佢哋以Cosplay嘅形式喺現場表演期間扮演哈利[42][43]
  • 2005年,哈利波特套裝係最暢銷萬聖節服裝嘅第五位[44]
  • 美國作家米高·格伯英文Michael Gerber (parodist)嘅《巴里·特羅特英文Parodies of Harry Potter》系列入面惡搞哈利·波特,而巴里·特羅特以同名嘅反英雄角色出現。喺佢嘅主頁上,格伯將特羅特形容為一個令人唔高興嘅角色,「佢飲大咗,食到成隻豬咁,瞓到中午,仲爭大家嘅錢[46]」;作者話「因為我真係好鍾意羅琳嘅小說...我覺得有義務試吓寫一部配得上原著嘅惡搞。」[47]

編輯

  1. "The 100 Greatest Movie Characters" (英文). Empire. 原著喺2020-08-21歸檔. 喺2018-09-12搵到.
  2. "The 100 Greatest Movie Characters of All Time: 67. Harry Potter". Empire. 原先內容歸檔喺2011-08-14. 喺2010-12-04搵到.
  3. 3.0 3.1 3.2 3.3 "J. K. Rowling Official Site – Section Biography". 原著喺2008-12-17歸檔. 喺2007-08-15搵到.
  4. 4.0 4.1 "Carey, Joanna. "Who hasn't met Harry?". The Guardian. 1999-02-16. 原著喺2007-09-30歸檔. 喺2007-08-15搵到.
  5. "JK (JOANNE KATHLEEN) ROWLING (1966–)". The Guardian. 原著喺2007-09-30歸檔. 喺2007-08-15搵到.
  6. "Raincoast Books interview transcript, Raincoast Books (Canada)". March 2001. 原著喺2007-09-30歸檔. 喺2007-08-15搵到.
  7. "Barnes and Noble interview". 1999-03-19. 原著喺2007-02-28歸檔. 喺2007-08-15搵到.
  8. World Potterian Association (2002-06-01). . 台灣東販股份有限公司. pp. 18–19. ISBN 9789574733637.
  9. "Interview of J.K. Rowling, Detroit News, 19 March 2001". 原著喺2008-02-28歸檔. 喺2017-07-09搵到.
  10. Zimmerman, W. Frederick (2005). Unauthorized Harry Potter and the Deathly Hallows News: Harry Potter Book Seven and Half-Blood Prince Analysis. Nimble Books. p. 37. ISBN 0-9765406-0-6.
  11. Boquet, Tim. (December 2000). "J.K. Rowling: The Wizard Behind Harry Potter,". Reader's Digest. 原著喺2008-04-04歸檔. 喺2008-04-09搵到.
  12. "J.K. Rowling interview transcript, The Connection (WBUR Radio), 12 October 1999". 原著喺2011-09-07歸檔. 喺2017-07-10搵到.
  13. Jensen, Jeff (2000-09-07). "'Fire' Storm,". Entertainment Weekly. 原著喺2007-09-30歸檔. 喺2007-08-15搵到.
  14. "'J.K. Rowling Web Chat Transcript". 原著喺2007-12-30歸檔. 喺2007-08-15搵到.
  15. "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". 2007-10-20. 原著喺2016-05-11歸檔.
  16. "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". 原著喺2016-05-11歸檔. 喺2017-07-10搵到.
  17. O'Malley, Judy. (7月 1999). "Talking With . . . J.K. Rowling, Book Links". 原著喺30 9月 2007歸檔. 喺15 8月 2007搵到.
  18. 鄧不利多曾經喺《哈利波特:死神的聖物》入面解釋。
  19. "Wands" 互聯網檔案館歸檔,歸檔日期30 July 2015.. The Harry Potter Lexicon. Retrieved 23 September 2015.
  20. Rowling, J.K. (September 2015). "The Potter Family" 互聯網檔案館歸檔,歸檔日期23 January 2016.. Pottermore. Retrieved 23 September 2015.
  21. Flood, Alison (22 September 2015). "JK Rowling traces Harry Potter's family tree back to the middle ages " 互聯網檔案館歸檔,歸檔日期17 September 2016.. The Guardian.
  22. Book Magazine Harry Potter among best characters in fiction since 1900 互聯網檔案館歸檔,歸檔日期16 September 2017., npr.com.
  23. Channel 4—100 Worst Britons 互聯網檔案館歸檔,歸檔日期25 March 2010. channel4.com.
  24. Geier, Thom; Jensen, Jeff; Jordan, Tina; Lyons, Margaret; Markovitz, Adam; Nashawaty, Chris; Pastorek, Whitney; Rice, Lynette; Rottenberg, Josh; Schwartz, Missy; Slezak, Michael; Snierson, Dan; Stack, Tim; Stroup, Kate; Tucker, Ken; Vary, Adam B.; Vozick-Levinson, Simon; Ward, Kate (11 December 2009), "THE 100 Greatest MOVIES, TV SHOWS, ALBUMS, BOOKS, CHARACTERS, SCENES, EPISODES, SONGS, DRESSES, MUSIC VIDEOS, AND TRENDS THAT ENTERTAINED US OVER THE PAST 10 YEARS". Entertainment Weekly. (1079/1080):74-84
  25. UGO Team (2010-01-21). "Best Heroes of All Time". UGO Networks. 原著喺2011-06-15歸檔. 喺2011-04-03搵到.
  26. "Empire's 100 Greatest Movie Characters of All Time". Empire. 原先內容歸檔喺2010-01-06. 喺2008-11-26搵到.
  27. Brian Linder; Phil Pirrello; Eric Goldman; Matt Fowler (2009-07-14). "Top 25 Harry Potter Characters". IGN. 原著喺2009-07-19歸檔. 喺2011-04-03搵到.
  28. Power, Ed. "Harry Potter: is there a less appealing fictional character?". The Irish Times. 原著喺2022-05-31歸檔. 喺2022-05-19搵到.
  29. Marshall, Lannah (2016-07-28). "Puppet Protagonists". thanetwriters.com. 原著喺2022-06-03歸檔. 喺2022-05-19搵到.
  30. "Why Do Christian Fundamentalists Hate 'Harry Potter'?". International Business Times. 2011-07-17. 原著喺2022-06-01歸檔. 喺2021-12-26搵到.
  31. "Harry Potter, Christ Figure?". www.beliefnet.com (英文). November 2002. 原著喺2022-06-06歸檔. 喺2021-12-26搵到.
  32. Petre, Jonathan (2007-10-20). "J K Rowling: 'Christianity inspired Harry Potter'". Telegraph. 原先內容歸檔喺2022-01-11. 喺2016-02-12搵到.
  33. 張翠蘭 (2006-08-03). . (臺灣中文). 原著喺2019-03-01歸檔. 喺2018-09-12搵到.
  34. Reuters, From (2006-08-02). "Save Harry Potter, authors plead". Los Angeles Times (美國英文). ISSN 0458-3035. 原著喺2015-10-26歸檔. 喺2018-09-12搵到.
  35. McLean, Craig (2007-07-15). "Hobnobs & broomsticks". Sunday Herald. 原著喺2007-07-18歸檔. 喺2007-07-15搵到.
  36. Koltnow, Barry (2007-07-08). "One enchanted night at theatre, Radcliffe became Harry Potter". East Valley Tribune. 原著喺2007-10-11歸檔. 喺2007-07-15搵到.
  37. 37.0 37.1 37.2 Vineyard, Jennifer. "Daniel Radcliffe Talks Harry Potter's First Kiss". MTV. 原先內容歸檔喺2007-09-11. 喺2007-08-15搵到.
  38. "Daniel Radcliffe: My Take on Deathly Hallows". Entertainment Weekly. 原著喺2014-09-26歸檔. 喺2007-08-15搵到.
  39. Lawson, Terry. "Daniel Radcliffe Talks Harry Potter". 原先內容歸檔喺2007-08-16. 喺2007-08-15搵到.
  40. McNally, Victoria. "17 'Harry Potter' Bands That Would Put The Weird Sisters To Shame". MTV News (英文). 原著喺2022-06-03歸檔. 喺2019-12-12搵到.
  41. Humphries, Rachel (2007-07-13). "Harry Potter 'Wrockers' Conjure Musical Magic". ABC News. 原先內容歸檔喺2007-07-18. 喺2007-07-31搵到.
  42. Davies, Shaun (2007-07-20). "The unexpected wizards of rock and roll". MSN. 原著喺2012-05-25歸檔. 喺2007-07-31搵到.
  43. Sweeney, Emily (2004-09-16). "Sibling musicians bring out the 'punk' in Harry Potter". The Boston Globe. 原先內容歸檔喺2015-09-24. 喺2007-01-26搵到.
  44. "Halloween Online Resource Center". 原著喺2012-03-14歸檔. 喺2007-08-15搵到.
  45. Milam, Whitney (2010-07-24). Team StarKid tops Glee and Gaga on iTunes, talks new projects. Hollywood Movie News. 原先內容歸檔喺2011-07-12.
  46. "Barry Trotter – Glossary". 原著喺2007-07-16歸檔. 喺2007-08-15搵到.
  47. "Barry Trotter – Frequently Asked Questions". 原著喺2007-09-27歸檔. 喺2007-08-15搵到.