常陸宮正仁親王日文:常陸宮 正仁親王/ひたちのみや まさひとしんのう Hitachinomiya masahitoshinnō1935年11月28號—)係日本天皇第三順位繼承人,上皇明仁細佬,常陸宮當主,乳名義宮,尊稱係「正仁親王殿下」,花名「火星」。

常陸宮正仁親王

經歷[1]

 
細個嘅正仁

佢響東京都皇居產殿出世,細細個曾經有過小兒麻痺症。響第二次世界大戰之後,佢好努力咁改善皇室古老、守舊嘅形像,因而得到「火星」呢個花名。1958年響學習院大學理學部化學科畢業,之後轉到東京大學理學研究科讀動物學

響1964年(昭和三十九年),佢同津輕華子結婚,同埋設立常陸宮。佢同華子妃冇仔女。

佢一直都響到研究緊癌症嘅細胞分裂同埋海洋生物,響1969年加入日本癌症研究會做研究人員。佢分別響1997年攞到美國佐治·華盛頓大學榮譽博士、響2001年攞到明尼蘇達大學榮譽博士、德國癌症研究協會榮譽會員等等。佢重係好多協會嘅榮譽總裁[2]

日本皇位繼承順位

日本天皇繼承順位
繼承順位 現年 攝政就任順位
第一順位 文仁 54 第一
第二順位 悠仁 14 唔適用
第三順位 正仁(佢自己) 84 第二

正仁係第三順位(即最後一位)。而如果今上天皇德仁死咗,當然會依照繼承順位咁傳(即係文仁→悠仁→正仁);但係如果德仁只係病得好緊要,未瓜得住,咁就會先由第一順位繼承人文仁攝政,如果文仁都有事就會畀正仁攝政,但就唔會畀悠仁。

  1. "『常陸宮正仁親王殿下』". やまとは 國のまほろば―ひなぎくのブログ (日文). 喺2020-06-17搵到.
  2. "正仁親王殿下ご略歴 宮内庁".